Tag: shumali wazeeristan

  • شمالی وزیرستان : دو گروہوں میں تصادم، ہلاکتوں کی تعداد47ہوگئی

    شمالی وزیرستان : دو گروہوں میں تصادم، ہلاکتوں کی تعداد47ہوگئی

    شمالی وزیرستان : شمالی وزیرستان کی تحصیل دتہ خیل لوڑہ منڈی میں دو قبائل گروپوں کے درمیان اراضی کے تنازعہ پر خونریز تصادم دوسرے روز بھی جاری 45افرادجاں بحق 25زخمی دونوں اطراف سے چھوٹے بڑے ہتھیاروں کا استعمال علاقے میں کشیدگی بر قرارہے جبکہ پولٹیکل انتظامیہ کی جانب سے خاموشی ہے۔

    تفصیلات کے مطابق شمالی وزیرستان کی تحصیل دتہ خیل لوڑہ منڈی کے علاقہ میں اراضی کے تنازعہ پر دو قبائل پیپلی کابل خیل اور مدا خیل کے درمیان جمعہ کے روز سے خونریز تصادم ہُوئی جو دوسرے روز بھی جاری رہی دونوں اطراف سے بھاری ہتھیاروں کا استعمال کیا جا رہا ہے۔

    ابھی تک اطلاعات کے مطابق 45افراد جاں بحق جبکہ 25زخمی ہو چکے ہیں ذرائع کے مطابق دونوں قبائل کے درمیان اراضی پر ایک سال سے تنازعہ چلا آرہا ہے جس میں متعدد بار فائر بندی بھی کی جا چکی ہے جوکہ ایک مرتبہ پھر آمنے سامنے مورچہ زن ہو کر ایک دوسرے کے خلاف بھاری ہتھیاروں کا استعمال کیا جا رہا ہے۔

    تاہم دو روز تک جاری جنگ میں فائر بندی یا مصالحتی کردار ادا کرنے کیلئے کوئی بھی سرکاری یا علاقائی شخصیت سامنے نہیں آسکا ہے ۔

    اطلاعات کے مطابق زخمی ہونے والے افراد کو جنوبی وزیرستان کے راستے پشاور میں علاج کیلئے منتقل کرنے کی کوششیں کی جا رہی تھی جو بار اور ثابت نہ ہُوئے اور اجازت نہ ملنے کی وجہ پر زخمیوں کو علاج کیلئے افغانستان منتقل کیا جا رہا ہے۔

    یہ بھی اطلاعات ہیں کہ اگر اس جنگ بندی میں انتظامیہ نے کردار ادا نہ کیا تو مزید ہلاکتیں ہو جائے گی جس سے علاقہ میں بڑے پیمانے پر تباہی و بربادی پھیل جائے گی جہاں ایک طرف شدت پسندوں کے خلاف آپریشن ضرب عضب جاری ہے اور دوسری طرف ان دو قبائل کے درمیان دو روز سے خونریز جنگ کا سلسلہ جاری ہے اور دونوں قبائل ایک دوسرے کیلئے بدستور مورچہ زن ہیں اور کشیدگی میں اضافہ ہو رہا ہے۔

    پولٹیکل ذرائع کے مطابق یہ علاقہ پاک افغان سرحد کے قریب واقع ہے اور اس کے قریبی روابط افغانستان کیساتھ جا ملتے ہیں جبکہ علاقائی لوگوں کے مطابق کہ ہمارا علاقہ پاکستان کیساتھ ہے اور شمالی وزیرستان کیساتھ پاک افغان بارڈر پر واقع ہے ۔

  • آئی ڈی پیز کی واپسی : سترہ ہزار سے زائد خاندان گھروں کو روانہ

    آئی ڈی پیز کی واپسی : سترہ ہزار سے زائد خاندان گھروں کو روانہ

    شمالی وزیرستان : آپریشن ضرب عضب کے متاثرین کی واپسی کے عمل میں تیزی آگئی۔ تین مختلف قبائل کے سترہ ہزار دو سو تریپن خاندان واپس اپنے علاقوں کو روانہ ہو گئے۔

    خیبر ایجنسی اور شمالی وزیرستان کے آپریشن متاثر آئی ڈی پیز کی واپسی کا دوسرامرحلہ جاری ہے۔ اس سلسلےمیں تین مختلف قبائل کےسترہ ہزاردو سوتریپن خاندان واپس اپنےگھروں کو روانہ کردیئےگئے۔

    اےآر وائی نیوز سے بات کرتے ہوئےسرکاری حکام کاکہناتھا کہ بارہ ہزار تین سو چودہ خاندان باڑہ خیبرایجنسی روانہ ہوئےجنہیں نوہزارآٹھ سو تہتر اے ٹی ایم کارڈز جاری کئے گئے۔

    چار ہزار سات سو نواسی خاندان جنوبی وزیرستان روانہ ہوئے، جنہیں دو ہزارچارسوانہترسم کارڈز اوردو ہزار نو سو اےٹی ایم کارڈز جاری کئےگئےجبکہ شمالی وزیرستان جانیوالے ایک سو پچاس خاندان کو ایک سو سینتیس اے ٹی ایم کارڈزجاری کیےگئے۔

    پہلے مرحلے میں چالیس ہزار پانچ سو خاندان جنوبی وزیرستان، خیبرایجنسی اور شمالی وزیرستان اپنے گھروں کو پہنچ چکے ہیں۔

    حکومت کیجانب سےاس پروگرام کےتحت واپس جانیوالےہرخاندان کو پچیس ہزار روپے نقد اور دس ہزار روپے ٹرانسپورٹ کےاخرجات کی مد میں ادا کیےجا رہےہیں۔

    نادرا کیجانب سےفاٹاسےتین لاکھ دس ہزارسات سو انتیس خاندانوں کی تصدیق کی گئی ہے۔

  • وانا میں ڈرون حملہ ، 5مبینہ شدت پسند ہلاک

    وانا میں ڈرون حملہ ، 5مبینہ شدت پسند ہلاک

    پشاور: جنوبی وزیرستان کی تحصیل وانا میں ڈرون حملے کے نتیجے میں پانچ شدت پسند ہلاک اور تین زخمی ہوگئے۔

    سیکیورٹی ذرائع کے مطابق جنوبی وزیرستان کے علاقے واچادرہ میں ڈرون حملہ کیا گیا، ڈرون طیارے نے ایک گھر پر دو میزائل داغے گئے، ڈرون حملے میں متعدد شدت پسند ہلاک اور زخمی ہوئے۔

    ڈرون حملوں میں اب تک ہلاک اور زخمی ہونے والوں کی شناخت نہیں ہو سکی، سال دوہزار پندرہ کے آغاز کے بعد پاکستان کے قبائلی علاقوں میں ہونے والا دوسرا ڈرون حملہ ہے۔

    واضح رہے کہ رواں سال 4 جنوری کو شمالی وزیرستان کی تحصیل دتہ خیل کے ملحقہ علاقے میں سال کا پہلہ ڈرون حملہ ہوا تھا جس کے نتیجے میں 6افراد موقع پر ہلاک اور 2 زخمی ہوگئے تھے۔

  • سال کا پہلا ڈرون حملہ، آٹھ افراد ہلاک

    سال کا پہلا ڈرون حملہ، آٹھ افراد ہلاک

    میران شاہ : شمالی وزیرستان کے علاقے دتہ خیل میں اتوار کی صبح ہونے والے ڈرون حملے میں آٹھ افراد ہلاک ہوگئے ہیں۔

    تفصیلات کے مطابق شمالی وزیرستان کی تحصیل دتہ خیل کے ملحقہ علاقوں امریکی ڈرون طیاروں نے ایک مکان اور ایک گاڑی پردو میزائل داغے جس کے نتیجے میں 6افراد موقع پر ہلاک اور 2 زخمی ہوئے، بعد ازاں زخمی ہونے والے افراد زخموں کی تاب نہ لاتے ہوئے اپنی جان کی بازی ہارگئے۔

    سال 2015 میں امریکہ کی جانب سے پاکستان کے سرحدی علاقوں میں یہ پہلا حملہ ہے۔2004 میں امریکہ نے پاکستان میں پہلا ڈرون حملہ کیا تھا اوراب تک 350 سے زائد حملے کرچکا ہے۔

    واضح رہے کہ ڈرون حملوں کے نتیجے میں 3000 سے زائد افراد مارے جاچکے ہیں 2014 تک ان حملوں میں نشانہ بننے والے دہشتگردوں کی تعداد ڈھائی ہزار کے لگ بھگ ہے۔

  • شمالی وزیرستان: جیٹ طیاروں کی بمباری30شدت پسندہلاک

    شمالی وزیرستان: جیٹ طیاروں کی بمباری30شدت پسندہلاک

    بنوں: شمالی وزیرستان میں سکیورٹی فورسز نےآپریشن عضب کے دوران تیس دہشتگردوں کوہلاک کردیا۔

    آئی ایس پی آر کے مطابق پاک فضائیہ کے طیاروں کی جانب سے شمالی وزیرستان کے علاقے دتہ خیل میں حملہ کیاگیاجس کے دوران تیس دہشتگردمارے گئے ان دہشتگردوں میں غیرملکی بھی شامل ہیں، جبکہ فضائی کارروائی میں دہشت گردوں کے کئی ٹھکانے بھی تباہ ہوئے۔

  • شمالی وزیرستان میں ڈرون حملے میں چار افراد جاں بحق، دو زخمی

    شمالی وزیرستان میں ڈرون حملے میں چار افراد جاں بحق، دو زخمی

    میرانشاہ: شمالی وزیرستان میں امریکی جاسوس طیارے کے ڈرون حملے میں چار افراد جاں بحق اور دو زخمی ہوگئے۔

    شمالی وزیر ستان ایجنسی کی تحصیل شوال پاک افغان سرحد کے قریب ایک گاڑی پر امریکی جاسوس طیارے کے ڈرون حملہ کے نتیجے میں چار افراد جاں بحق اور دو زخمی ہوگئے،حملے میں مزید ہلاکتوں کا خدشہ ہے ڈرون حملے کے بعد گاڑی میں فورا آگ لگ گئی، دھماکے کی آواز سن کے مقامی لوگوں نے اپنی مدد آپ کے تحت ہنگامی کارروائیاں شرور کردیں۔

    واضح رہے کہ شمالی وزیرستان کے مختلف علاقوں پر اب بھی امریکی جاسوس طیاروں کی نچلی سطح پر پروازیں جاری ہے جس سے لوگوں میں سخت خوف و ہراس پایا جاتا ہے۔

  • شمالی وزیرستان : امریکی ڈرون حملہ 4 افراد ہلاک ،آٹھ زخمی

    شمالی وزیرستان : امریکی ڈرون حملہ 4 افراد ہلاک ،آٹھ زخمی

    شمالی وزیرستان :ڈرون طیارے کی پروازیں بدستور جاری ہیں، شمالی وزیرستان میں شوال کے علاقے منگورتی میں ڈرون حملہ کیا گیا۔ حملے میں کم از کم چار افراد ہلاک اور آٹھ زخمی ہوگئے،افغانستان سے آپریٹ ہونے والے امریکی ڈرون طیارے نے طالبان کمانڈر کے گھر پر حملہ کیا۔

    ذرائع کے مطابق جس گھر کو نشانہ بنایا گیا ہے وہ مقامی کمانڈر حبیب اللہ کا گھر ہے۔ ذرائع کے مطابق جاسوس طیارے نے طالبان کے کمانڈر کے گھر پر دومیزائل فائر کیے۔

    حملے میں ہلاک ہونے والے افراد کے حوالے سے فوری طور پر تصدیق نہ ہو سکی ۔ ڈرون طیاروں نے کافی دیر تک علاقے میں پروازیں کیں جس سے مقامی افراد میں خوف و ہراس پھیل گیا۔

    گزشتہ روز بھی شمالی وزیرستان کی تحصیل شوال کے علاقے کند گھڑ میں امریکی ڈرون حملے میں 5 افراد ہلاک ہو گئے تھے۔

  • فاٹا کے چودہ ہزارنوجوان پاک فوج میں بھرتی کئے جائیںگے،آرمی چیف

    فاٹا کے چودہ ہزارنوجوان پاک فوج میں بھرتی کئے جائیںگے،آرمی چیف

    شمالی وزیرستان : چیف آف آرمی اسٹاف جنرل راحیل شریف نے کہا ہے کہ آئندہ پانچ سال میں فاٹا سے چودہ ہزارنوجوانوں کوپاک فوج میں بھرتی کیا جائے گا۔ چیف آف آرمی اسٹاف جنرل راحیل شریف نے ان خیالات کااظہارعید کے روزشمالی وزیرستان کے دورے کے موقع پرکیا۔

    آرمی چیف نے عیدکادن آپریشن ضرب عضب میں مصروف فوجی جوانوں کے ساتھ اگلے مورچوں پرگزارا۔ انھوں نے نمازعید فوجیوں کے ہمراہ وانا میں اداکی، بعدازاں وہ شمالی وزیرستان پہنچے جہاں انھوں نے آپریشن میں مصروف فوجی جوانوں سے ملاقات کی۔

    انھوں نے جاری آپریشن پراپنے بھرپوراطمینان کااظہارکیا۔ اس موقع پرآرمی چیف نے کامیابی سے ہمکنارہونےوالے آپریشن ضرب عضب میں مصروف جوانوں کے حوصلے اور عزم کوسراہا اورکہا کہ عوام اوعر جوانوں کے اس عزم اورولولے کے تحت ملک کو ہمیشہ کیلئے دہشتگردی کے ناسورسے نجات دلاکرہی دم لیں گے۔

    انھوں نے آپریشن کے شہدا کوخراج عقیدت اورزخمیوں کوخراج تحسین پیش کرتے ہوئے کہا کہ انھوں نے ملک کے دفاع کیلئے قیمتی جانوں کی بے مثال قربانیاں دیں۔

    اس موقع پرآرمی چیف نے فاٹا کے نوجوانوں کے لئے پیکیج کااعلان کیا اورکہا کہ آئندہ پانچ سال کے دوران فاٹا سے چودہ ہزارنوجوانوں کوآرمی میں نوکریاں دی جائیں گی۔ پہلے مرحلے میں آئندہ چھ ماہ کے دوران فوری طورپرایک ہزارقبائلی نوجوانوں کوآرمی میں بھرتی کایا جارہا ہے۔

    پاک فوج کی چھائونیوں میں واقع سکولز اورکالجز میں پندرہ سو قبائلی بچوں کوفری تعلیم مہیا کی جائے گی۔ ہرسال ملٹری کیڈٹس کالجز میں بھی قبائلی بچوں کیلئے سیٹیں مختص کردی گئی ہیں آرمی چیف نے کہا کہ قبائیلی نوجوانوں کوتیکنیکی مہارتوں میں ماہربنانے کیلئے انھیں آرمی کے تحت باقاعدہ تعلیم دینے کااہتمام بھی کرلیاگیا ہے۔

  • آپریشن ضربِ عضب پراب تک دو ارب ڈالرز خرچ ہوئے،اسحاق ڈار

    آپریشن ضربِ عضب پراب تک دو ارب ڈالرز خرچ ہوئے،اسحاق ڈار

    اسلام آباد: وفاقی وزیر خزانہ اسحاق ڈار نے کہا ہے کہ شمالی وزیرستان میں دہشت گردوں کے کیخلاف ملٹری آپریشن ضربِ عضب میں دو ارب ڈالرز کے اخراجات آئے ہیں۔

    وزیر خزانہ اسحاق ڈار نے وزیراعظم سیکریٹریٹ میں بین الاقوامی ڈونرز کانفرنس میں غیرملکی سفیروں، بین الاقوامی مالیاتی اداروں اور فلاحی تنظیموں کے نمائندوں کو بتایا کہ شمالی وزیرستان کے آئی ڈی پیز کی بحالی میں مدد بین الاقوامی براداری کا فرض ہے ۔

    انہیں سیلاب زدگان کی بحالی میں بھی مدد کرنی چاہئے۔ انہوں نے کہاکہ سیلاب سے ہونے والے نقصان کی ابتدائی رپورٹ تیار کرلی گئی ہے جبکہ ان کی بحالی کے لیے رقم کا تخمینہ اکتوبر تک لگا لیا جائے گا۔

    کانفرنس میں پنجاب حکومت کے حکام نے بتایا کہ سیلاب سے تین ہزار چار سو پچاس دیہات اور پانچ لاکھ افراد متاثر ہوئے، انہوں نے کہا کہ پیتیس ہزار متاثرین کو پچیس ہزار روپے فی کس دیئے گئے ہیں اور جاں بحق افراد کے لواحقین کو سولہ لاکھ روپے دیئے گئے ہیں۔

    چیئرمین این ڈی ایم اے سعید علیم نے اس موقع پر بتایا کہ سیلاب سے پنجاب کے تئیس گللگت کے پانچ اور آزاد کشمیر کے دس اضلاع متاثر ہوئے ہیں۔

  • شمالی وزیرستان:ایف سی قلعہ پرراکٹ حملے،تین اہلکارشہید دوزخمی

    شمالی وزیرستان:ایف سی قلعہ پرراکٹ حملے،تین اہلکارشہید دوزخمی

     اسپن وام : شمالی وزیرستان میں دہشت گردوں کے حملوں میں تیزی آگئی، ایف سی قلعہ پر راکٹ حملوں میں تین اہلکار شہید اور دو زخمی ہوگئے۔تفصیلات کے مطابق سیکیورٹی فورسز ایک بار پھر دہشتگردوں کے نشانے پرآگئے ہیں ۔

    عسکریت پسندوں نے شمالی وزیرستان کی تحصیل اسپن وام میں ایف سی قلعہ پر حملہ کردیا ،ذرائع کے مطابق دہشت گردوں نے قلعہ پر بیس راکٹ فائر کئے۔ حملے میں تین سیکیورٹی اہلکار جان سے گئے جبکہ دو اہلکار زخمی ہوگئے ۔

    حملے کے زخمیوں کو قریبی اسپتال منتقل کردیا جہاں انہیں طبی امداد فراہم کی جارہی ہے ۔ دہشت گردوں کے حملے کے بعد علاقے کو گھیرے میں لے کر سیکیورٹی سخت کردی گئی ۔

    سرچ آپریشن کا آغاز کرکے حملہ آوروں کی تلاش شروع کردی گئی ہے ،گزشتہ روز ہی طالبان کے ایک فعال گروہ کے سربراہ عصمت اللہ معاویہ نے عسکری جدوجہد سے دستبرداری کا اعلان کیا ہے۔