Tag: shumali wazeeristan

  • ٓآرمی چیف راحیل شریف سےایئر چیف طاہررفیق بٹ کی ملاقات

    ٓآرمی چیف راحیل شریف سےایئر چیف طاہررفیق بٹ کی ملاقات

    میران شاہ:شمالی ویزرستان کی تحصیل دتہ خیل اور شوال میں جیٹ طیاروں کی بمباری سے پینسٹھ دہشت گردمارے گئے،آپریشن سےمتعلق مشاورت کےلئےآرمی چیف جنرل راحیل شریف سے ایئرچیف مارشل طاہر رفیق بٹ نےملاقات کی۔

    شمالی وزیرستان میں دہشتگردوں کے خلاف فیصلہ کن کارروائی،آخری شدت پسند کے خاتمے تک آپریشن ضرب عضب جاری رکھنے کاعزم،فوجی کارروائی کےچھیاسی ویں روز پاک فوج نےمختلف کارروائیوں میں پینسٹھ دہشتگردہلاک کردیئے،دتہ خیل میں جیٹ طیاروں کی بمباری سے پینتیس شدت پسند مارے گئےجبکہ دو ٹھکانےبھی اڑادیئے گئے۔

    شوال میں فضائی کارروائی میں تیس دہشگرد ہلاک اورایک ٹھکانہ صفحہ ہستی سے مٹادیاگیا،پندرہ جون سے جاری آپریشن ضرب عضب کی کمان کرنے والے میجرجنرل ظفرخان کےمطابق بیشترعلاقوں پر پاک فوج نےکنٹرول سنبھال لیاہے،جبکہ آپریشن کے ابتدائی دنوں میں ہی طالبان کا کمانڈاینڈ کنٹرول سسٹم تباہ کرکے نیٹ ورک کی کمر توڑ دی تھی۔

    54102f062d5ea
    آرمی چیف راحیل شریف اور ایئرچیف مارشل طاہر رفیق

    ادھر آرمی چیف جنرل راحیل شریف سے ایئر چیف طاہر رفیق بٹ نےملاقات کی، ملاقات میں دہشتگردی کے خاتمے کو یقینی بنانے پراتفاق کیاگیاہے،عسکری حکام کی ملاقات میں آپریشن ضرب عضب سے متعلق معاملات پر بھی تبادلہ خیال ہوا۔

  • بنوں:عمران خان عید منانے آئی ڈی پیز کے کیمپ پہنچ گئے

    بنوں:عمران خان عید منانے آئی ڈی پیز کے کیمپ پہنچ گئے

    بنوں : پاکستان تحریک انصاف کے سربراہ عمران خان شمالی وزیرستان کے متاثرین کے ساتھ عید منانے کے لیے بنوں میں متاثرین کے کیمپ پر پہنچ گئے,عمران خان متاثرین کےکیمپ پہنچےتوتحریک انصاف کے کارکنوں اور متاثرین نےان کا شاندار استقبال کیا۔

    اس موقع پر متاثرین سے خطاب کرتےہوئےتحریک انصاف  کےسربراہ کاکہناتھاکہ مشکل کی اس گھڑی میں سارا پاکستان آپ کے ساتھ ہے۔ تحریک انصاف کےقائدنےسندھ اورپنجاب حکومت کی جانب سےآئی ڈی پیزکےداخلےپرپابندی کی سخت مذمت کرتےہوئےکہاکہ پابندی آئین پاکستان کے منافی ہے۔

    عمران خان نےمتاثرین شمالی وزیرستان کو یقین دلایاکہ پاکستان تحریک انصاف اور خیبر پختونخواہ حکومت کی متاثرین کی دیکھ بھال میں کوئی کوتاہی نہیں کریگی۔ اس موقع پرعمران خان نے آئی ڈی پیز میں عیدکے تحائف  پیش کئےاور ان کےساتھ کھانابھی کھایا۔

  • پاک فوج کا شمالی وزیرستان میں آپریشن ضربِ عضب جاری

    پاک فوج کا شمالی وزیرستان میں آپریشن ضربِ عضب جاری

    پاک فوج کا شمالی وزیرستان میں آپریشن ضربِ عضب جاری ہے اور پاک فوج دہشتگردوں کے خلاف کامیابی کیساتھ آگے بڑھ رہی ہے۔ پاک فوج کی جانب سے پندرہ جون سے دہشتگردوں کے خاتمے کے لئے جاری آپریشن ضرب عضب میں پاک فوج کو اہم کامیابیاں مل رہی ہیں ۔

    میرانشاہ سے دہشتگردوں کا صفایا کرنے کے بعد سیکیورٹی فورسز نے میر علی میں زمینی کارروائی کے دوران دہشت گردوں کےمزیدپانچ ٹھکانوں کو تباہ کردیا ہے جبکہ آٹھ دہشت گرد بھی مارے گئے ہیں۔

    ذرائع کے مطابق آپریشن ضرب میں اب تک پانچ سو سے زائد دہشتگرد ہلاک ، دہشت گردوں کے سیکڑوں ٹھکانے تباہ اور بارودی سرنگ بنانے والی فیکٹریوں کا خاتمہ کیا جاچکا ہے۔سیکیورٹی فورسز نے دہشت گردوں کو نیست و نابود کرنے کے لیے میر علی میں دریائے ٹوچی کی دوسری جانب خوشحالی اور حسوخیل کی جانب پیش بھی قدمی شروع کردی ہے ۔

  • آئی ڈی پیزکی تعداد دس لاکھ  کے قریب پہنچ گئی

    آئی ڈی پیزکی تعداد دس لاکھ کے قریب پہنچ گئی

    شمالی وزیرستان : نقل مکانی کرنےوالوں کی تعداد لگ بھگ دس لاکھ ہوگئی۔نوے ہزار سے زائد خاندانوں کی رجسٹریشن مکمل کرلی گئی، تفصیلات کے مطابق  ملک و قوم کے محفوظ مستقبل کے لئے اپنا آج قربان کرنے والے متاثرین شمالی وزیرستان کی  عظیم قربانیوں کا سلسلہ جاری ہے۔

    سرکاری حکام کے مطابق نقل مکانی کرنےوالوں کی تعداد نولاکھ بانوےہزار ہوگئی ہے۔جن میں سب سے زیادہ تعدادبچوں کی چارلاکھ باون ہزاردو سو اٹھاسی ہے۔ جبکہ دولاکھ چھپن ہزار تین سو پینتالیس مرد اور دولاکھ چورسی ہزار دسو ستاوں خواتین شامل ہیں۔

    سرکاری حکام کے مطابق اب تک نوے ہزار آٹھ سو نوخاندانوں کی رجسٹریشن مکمل کرلی گئی ہے۔متاثرین امدادی سامان کی ترسیل کے ساتھ رقوم کی ادائیگی کا سلسلہ بھی جاری ہے

  • یوسف رضا گیلانی کی شمالی وزیرستان متاثرین سے ملاقات

    یوسف رضا گیلانی کی شمالی وزیرستان متاثرین سے ملاقات

     سابق وزیر اعظم یوسف رضا گیلانی شمالی وزیرستان آپریشن کے متاثرین سے ملاقات کے لیے بنوں پہنچ گئے۔

    پیپلز پارٹی کے رہنما یوسف رضا گیلانی, خورشید شاہ، قمر زمان کائرہ سمیت دیگر پارٹی رہنما ؤں نے شمالی وزیرستان کے متاثرین سے ملاقات کی ۔پارٹی رہنماؤں نے آئی ڈی پیز کے مسائل دریافت کیےاور متاثرین میں راشن بھی تقسیم کیا۔

    اس موقع ہر یوسف رضا گیلانی کا کہنا تھا کہ انہیں خوشی ہے کہ وفاق اورصوبائی حکومت ملکرکام کررہے ہیں،ان کا مزید کہنا تھا کہ نقل مکانی کرنیوالوں کی جتنی مدد کی جائے کم ہے

  • شمالی وزیرستان:دودہشت گردوں نے خود کودھماکے سے اڑالیا

    شمالی وزیرستان:دودہشت گردوں نے خود کودھماکے سے اڑالیا

    شمالی وزیرستان :پاک فوج کےنرغے میں آنے والےدودہشت گردوں نے شمالی وزیرستان میں خودکودھماکے سے اڑالیا۔ شمالی وزیرستان میں پاک فوج نےضرب عضب آپریشن میں دہشت گردوں کےگرد گھیرا تنگ کردیا۔دہشت گرد پکڑے جانے کے خوف سے خودکودھماکوں سے اڑانے لگے۔

    آئی ایس پی آر کےمطابق دیگان میں مسلح افواج نے خودکش حملہ آوروں کو گھیرے میں لیا تو دو دہشت گردوں نے خودکو دھماکے سے اڑا لیا۔سیکیورٹی فورسز نے میرعلی میں کارروائی کرکے تیرہ دہشت گردوں کوہلاک کردیا جن میں سےاکثریت غیرملکیوں کی ہے،اس دوران دھماکاخیزمواد سے بھری دوگاڑیاں بھی سیکیورٹی فورسز نے تحویل میں لیں اور ایک ازبک سمیت تین دہشت گردوں کوگرفتارکرلیاگیا۔ مسلح افواج کے فضائی حملوں میں شدت پسندوں کی سات کمین گاہیں تباہ کردی گئیں۔