Tag: Sialkot tragedy:

لاہور : سانحہ سیالکوٹ واقعے کی فوٹیج اور تصویر سامنے آگئیں، جس میں دیکھا جاسکتا ہے کہ سری لنکن منیجر پریانتھا کو کس طرح قتل کیا گیا۔

تفصیلات کے مطابق سانحہ سیالکوٹ میں فیکٹری کے اندرکی فوٹیج اور تصویر سامنے آگئیں ، تصویر میں دیکھا جاسکتا ہے کہ منیجرپریانتھا مشین کے اوپر دیوار سے اسٹیکر اتار رہے ہیں جبکہ فیکٹری کے اندر پریانتھا کےقریب موجود 2 نوجوان ورکز دیکھ رہے ہیں۔

فوٹیج میں پریانتھا کو جان بچانے کے لیے چھت پرجاتےدیکھےجاسکتاہے ، چھت پر پریانتھا کے ساتھ ایک فیکٹری ورکر بھی اس کے ساتھ چھپ رہا ہے۔

تیسری فوٹیج میں مشتعل ورکرزچھت پر جاکرپریانتھاپر حملہ کردیتےہیں جب کہ چوتھی فوٹیج میں مینجمنٹ کا فرد ملوث ملزمان کو منع کرتے نظر آرہا ہے اور  اسی فوٹیج میں لڑکے مینجمنٹ کے حکم کو نظرانداز کرکے مارنے کابول رہے ہیں۔

فوٹیج میں ان میں ایک لڑکا آگے بڑھ کر کہتا ہے کہ وہ اور مارے گا ، حیران کن طور پر 3 مقامات کی فیکٹری کی اہم فوٹیج غائب ہے۔

پولیس کا کہنا ہے کہ لگتا ہے کیمرے کنٹرول کرنے والا بھی ملزمان سے ملا ہواتھا، فوٹیج کو ضائع کرنے یا چھپائے جانے کا بھی امکان ہے، اسٹیکر اتارتے دوسری سائیڈ اور اس کے بعد کی تکرار اور مارپیٹ کی فوٹیج غائب ہے۔

پولیس کے مطابق لگتا ہے جہاں مقتول پریانتھا جاتا رہا،کیمرے بند یا ہٹائے جاتے رہے تاہم ،ذرائع کا کہنا ہے کہ پولیس کی جانب سے مزید فوٹیجز حاصل کرنے کی کوشش جاری ہے۔