ARYNews.tv | Urdu – Har Lamha Bakhabar

Tag: sialkot

  • سیالکوٹ میں پی ٹی آئی کے ڈپٹی سیکریٹری کے گھر پر چھاپہ، لاہور میں 11گرفتار

    سیالکوٹ میں پی ٹی آئی کے ڈپٹی سیکریٹری کے گھر پر چھاپہ، لاہور میں 11گرفتار

    سیالکوٹ: سیالکوٹ میں پولیس کی جانب سے پاکستان تحریک انصاف کے مرکزی ڈپٹی سیکریٹری عمر ڈار کے گھر پر چھاپہ مارا گیا ہے جبکہ لاہور میں عمران خان کی سالگرہ کا کیک کاٹنے کی تقریب میں پولیس نے چھاپہ مار کر گیارہ کارکنوں کو گرفتا کرلیا ہے۔

    تفصیلات کے مطابق سیالکوٹ میں رات گئے پولیس نے پاکستان تحریک انصاف کے مرکزی ڈپٹی سیکریٹری عمر ڈار کے گھر کا محاصرہ کر لیا تھا۔ زرائع کے مطابق عمر ڈار کے گھر پر چھاپہ پی ٹی وی حملے میں ملوث ہونے کے شبہے میں مارا گیا تھا۔

    پولیس کے چھاپے کے حوالے سے عمر ڈار کا کہنا ہے کہ پولیس چھاپے کا مقصد تیس نومبر کے جلسے کو روکنا ہے تاہم حکومت کارکنوں کے گھروں میں چھاپے مارکر تیس نومبر کے سونامی کو نہیں روک سکتی۔

    دوسری جانب پارٹی کارکنوں کے مطابق لاہور کے علاقے ڈھولنوال میں پی ٹی آئی کے کارکن اپنے قائد کی سالگرہ کا کیک کاٹ رہے تھے کہ تقریب میں پولیس نے چھاپہ مار کر گیارہ کارکنوں کو گرفتار کر کے لڑائی جھگڑے کا مقدمہ بھی درج کرلیا ہے۔

    پارٹی کارکنوں کا کہنا ہے کہ وہ اپنے قائد کی سالگرہ کا جشن منا رہے تھے کہ ن لیگ کے کارکنون نے ان پر دھاوا بول دیا تھا اور پولیس نے موقع پر پہنچ کر ن لیگ کے کارکنوں کو گرفتار کرنے کے بجائے پی ٹی آئی کے ہی گیارہ کارکنوں کو گرفتار کر کے مقدمہ درج کر لیا ہے۔

  • سیالکوٹ:چارواہ سیکٹر میں بھارتی فوج کی گولہ باری

    سیالکوٹ:چارواہ سیکٹر میں بھارتی فوج کی گولہ باری

    سیالکورٹ: بھارتی فوج کی ہٹ دھرمی جاری ہے، آج بھی بھارت کی جانب سے سیالکورٹ کے چار واہ سیکٹر میں ورکنگ بانڈری پر ایک مرتبہ پھر بالا اشتعال گولہ باری کی گئی ہے۔

    بھارتی سیکیورٹی فورسز کی جانب سےچارواہ سیکٹر میں پاکستانی وارث پوسٹ کی جانب چار مار گوٹر گولے داغے گئے۔ بھارت کی جانب سے ایک مرتبہ پھر سیز فائر کی خلاف ورزی کی گئی ہے، جس سے قریبی آبادیوں میں شدید خوف و ہرا س پھیل گیا تاہم کسی بھی جانی ومالی نقسان کی اطلاع نہیں۔

    اس سے قبل بھی بھارت کی جانب سے بِلا اشتعال فائرنگ اور گولہ باری سے عورتوں ، بچوں اور بزرگوں سمیت بارہ بے گناہ شہری شہید اور ساٹھ سے زائد شہری زخمی ہوئے تھے۔ بھارتی فورسز کی جانب سے ہمیشہ پاکستانی آبادیوں کو نشانہ بنایا جاتا رہا ہے جس سے درجنوں مکانات تباہ ہو ئے۔

  • سیالکوٹ :بھارتی فورسز کی بلااشتعال فائرنگ نہ رک سکی

    سیالکوٹ :بھارتی فورسز کی بلااشتعال فائرنگ نہ رک سکی

    چارواہ : بھارتی سیکیورٹی فورسز کی جانب سے ورکنگ باؤنڈری پر جارحیت نہ رک سکی،پاکستانی حدود میں بلااشتعال فائرنگ کا سلسلہ ایک بار پھر شروع کردیا  بھارتی فورسز نے چارواہ سیکٹر پر فائرنگ کی اور ورکنگ باؤنڈری کے قریب آبادیوں کو نشانہ بنایا۔

    بھارتی فوج کی جانب سے چارواہ سیکٹر کے دھمالہ، چارواہ، عمران والی، گھنڈیال کے علاقے میں بلا اشتعال فائرنگ اور گولا باری کی، بھارتی فورسز نے آج  اس وقت دوبارہ چارواہ سیکٹر میں فائرنگ اور گولہ باری شروع  کی جب کسان اپنی چاول کی تیار فصل کو کاٹنے لگے۔ بھارتی فورسز نے باجڑہ گڑھی ، چارواہ ، دومالہ ، تلسی پور ، گوڑ ، بھگیاڑی اور دیگر دیہات پر فائرنگ کی اور مارٹر گولے برسائے ۔

    بھارتی جارحیت کے باعث لوگ اپنی فصل کی کٹائی شروع نہ کر سکے، چناب رینجرزکی جانب سے بھی بھرپور جوابی کارروائی کی گئی جس کے بعد دشمن کی بندوقین خاموش ہوگئیں۔

    عیدالاضحی سے بھارتی فوج کی جانب سے ورکنگ باؤنڈری اور لائن آف کنٹرول پرجارحیت کا سلسلہ جاری ہے، گولہ باری سے اب تک 12افراد شہید اور 50 سے زائد زخمی ہوچکے ہیں جبکہ درجنوں مویشی بھی ہلاک ہو چکے ہیں ، متعدد مکانوں کو بھی بھارتی گولہ باری سے نقصان پہنچا ہے۔

  • اقوام متحدہ کے فوجی مبصرین کاسیالکوٹ ورکنگ باؤنڈری کا دورہ

    اقوام متحدہ کے فوجی مبصرین کاسیالکوٹ ورکنگ باؤنڈری کا دورہ

    سیالکوٹ :اقوام متحدہ کے فوجی مبصرین کے وفدنے سیالکوٹ ورکنگ باؤنڈری کا دورہ کیا اور بھارتی گولہ باری کےنقصانات کا جائزہ لیا،آئی ایس پی آر کے مطابق اقوام متحدہ کے فوجی مبصرین کی ٹیم نے ورکنگ باؤنڈری کا دورہ کیا ،اوربھارتی فائرنگ وگولہ باری سےہونے والے نقصانات کا جائزہ لیا.

    مبصرین نے متاثرین سے ملاقات کی  مبصرین کی ٹیم نے فوجی اسپتال سیالکوٹ کا بھی دورہ کیا اور وہاں زخمیوں کی عیادت کی۔ دواکتوبر سے جاری بھارتی جارحیت کے نیتجے میں اب تک سولہ افراد شہید اور متعدد زخمی ہوگئے ہیں۔

    مشیر خارجہ سرتاج عزیز نے اقوام متحدہ کے سیکرٹری جنرل بان کی مون خط کے ذریعے ایل او سی ورکنگ باؤنڈری پر بھارتی فوج کی اشتعال انگیزی سے آگاہ کیا تھا۔

    دو اکتوبر سے ایل او سی اور ورکنگ باؤنڈری پر بھارتی فوج کی جارحیت سے کئی مکانات تباہ اور درجنو ں مویشی مارے گئے۔متاثرہ علاقوں سے لوگو ں کی بڑی تعداد نے نقل مکانی کی۔

  • بھارتی فورسزکی ورکنگ باؤنڈری پرفائرنگ،گولہ باری جاری

    بھارتی فورسزکی ورکنگ باؤنڈری پرفائرنگ،گولہ باری جاری

    سیالکوٹ: بھارتی فوج کی سیالکوٹ ورکنگ باؤنڈری پربلااشتعال فائرنگ اور گولہ باری کا سلسلہ نہ رک سکا،چناب رینجرز نے بھی بھرپور کارروائی کرتے ہوئے بھارت کو منہ توڑ جواب دیا۔

    بھارتی افواج بازنہیں آئی ۔سیالکوٹ کے چارواہ اور ہڑپال سیکٹر پر بھارتی فورسز کی بلااشتعال فائرنگ اور گولہ باری بدستور جاری ہے ،بھارتی فورسز کی رات سے جاری فائرنگ کا چناب رینجرز نے کرارا جواب دیا اوربھرپورکارروائی کی ۔

    چناب رینجرز کے بھارت کو منہ توڑ جواب میں بھارتی توپوں کو خاموش کردیا۔ ورکنگ باؤنڈری لائن پربھارتی فورسز کی فائرنگ اور گولہ باری سے چناب رینجرز کی چیک پوسٹوں کو نشانہ بنانے کی کوشش کی گئی۔

    رہائشی سرحدی علاقوں سمیت مقامی آبادی پر بھی مارٹر گولے برسائے گئے،جس سے لوگوں میں خوف و ہراس پھیل گیا۔بھارتی جارحیت سے اب تک درجنوں افراد شہید ہوچکے ہیں۔

  • بھارتی بلااشتعال فائرنگ سےدس افرادشہید،درجنوں زخمی

    بھارتی بلااشتعال فائرنگ سےدس افرادشہید،درجنوں زخمی

    سیالکوٹ :عید پر بھی بھارتی فوج کی ایل اوسی اور ورکنگ باؤنڈری سے متصل آبادیوں پر فائرنگ اور گولہ باری کا سلسلہ جاری ہے، بھارتی جارحیت سےاب تک شہید افراد کی تعداد دس ہوگئی۔

    بھارتی فورسز نے سیالکوٹ کے چارواہ اور ہڑپال سمیت سرحدی علاقوں میں شہریوں پر گولے برسائے، جس کے نتیجےمیں کئی شہری جان سے گئےاور متعدد زخمی ہوئے۔

    پاکستان نے بھارت کی جانب سے جنگ بندی کی خلاف ورزی پرشدید تشویش کا اظہار کرتے ہوئے اقوام متحدہ کے فوجی مبصر کے سامنےاحتجاج کیا، مشیرخارجہ سرتاج عزیز کا کہنا تھا کہ بھارت سات روز سے ایل اوسی اور سرحد سے متصل آبادیوں پر فائرنگ کررہا ہے۔

    ایل او سی پر تعینات سیکٹرکمانڈر نے کہا کہ کوئی بھی خوشی کا تہوار ہو بھارت جارحیت سے باز نہیں آتا، بھارت نے رواں برس سیز فائر کی اکتیس مرتبہ خلاف ورزی کی اور کئی آبادیوں کونشانہ بنایا۔

    اقوام متحدہ میں پاکستان کےمستقل مندوب مسعود خان نے مطالبہ کیا کہ بھارت کوبلااشتعال فائرنگ سے روکا جائے، انہوں نے یہ بھی بتایا کہ پاکستان فائرنگ سے متاثرہ افراد کی اقوام متحدہ کے مبصرین سے ملاقات بھی کرائے گا۔

  • بھارت کی ورکنگ باؤنڈری پرفائرنگ، چارافراد شہید تین زخمی

    بھارت کی ورکنگ باؤنڈری پرفائرنگ، چارافراد شہید تین زخمی

    سیالکوٹ: بھارتی فوج کی ورکنگ باؤنڈری پربلا اشتعال فائرنگ کے نتیجے میں خاتون اوردو بچوں سمیت چارافراد شہیداورتین زخمی ہوگئےہیں اوربھارت کی جانب سے وقفےوقفے سے فائرنگ کا سلسلہ جاری ہے۔

    جنگی جنون میں مبتلا بھارتی فوج نے ایک بارپھرلائن آف کنٹرول پرجنگ بندی کے معاہدے کی خلاف ورزی کرتے ہوئے سیالکوٹ ورکنگ باؤنڈری پربلا اشتعال فائرنگ اورگولہ باری کی۔

    آئی ایس پی آرکے مطابق بھارت کی نارائن پوسٹ سے پاکستانی اعوان پوسٹ کو نشانہ بنایا گیا، بھارتی فوج کی جانب سے مارٹرگولوں سمیت بھاری ہتھیاروں کا استعمال کیا گیا۔

    بھارتی فورسز کی جانب سے نکھال، کیریلا، کہٹ کنٹیرہ، حاٹ سپریگز، اند جندروت کے مقام پربھی فائرنگ کی گئی۔

  • بھارتی فوج کی ایل او سی پر فائرنگ،پاک فوج کا بھرپورجواب

    بھارتی فوج کی ایل او سی پر فائرنگ،پاک فوج کا بھرپورجواب

    سیالکوٹ :لائن آف کنٹرول پرکوٹلی سیکٹرکےقریب بھارتی فوج کی بلااشتعال فائرنگ کی، پاک فوج نے بھرپور جوابی کارروائی کر کے بھارتی بندوقیں خاموش کرادیں۔

    آئی ایس پی آر کے مطابق بھارتی فوج کی بلااشتعال فائرنگ کاسلسلہ چار روزسےجاری ہے۔ بھارتی فوج نے آج لائن آف کنٹرول پرکوٹلی سیکٹر کےقریب بھارتی فوج کی بلااشتعال فائرنگ کی۔

    پاک فوج نے بھرپور جوابی کارروائی کرتے ہوئے بھارتی بندوقیں خاموش کرادیں۔ دوروز قبل بھارتی فوج نے باغ کے قریب بیدوری سیکٹر میں فائرنگ کی تھی۔

    پاک فوج نے بھارتی فائرنگ کا موثر طور پر جواب دیا اوربھارتی گنیں خاموش ہوگئیں۔ واقعے میں کوئی جانی نقصان نہیں ہواتھا۔

  • دھرنے والے متاثرینِ سیلاب کی امداد کیلئےحکومت کاساتھ دیں،وزیراعظم

    دھرنے والے متاثرینِ سیلاب کی امداد کیلئےحکومت کاساتھ دیں،وزیراعظم

    سیالکوٹ :وزیراعظم نوازشریف نے کہا ہے کہ دھرنا دینے والے متاثرینِ سیلاب کی امداد کیلئےحکومت کاساتھ دیں،وزیراعظم نے سیالکوٹ میں سیلابی صورتحال کا جائزہ لیااورامدادی سرگرمیوں کامعائنہ کیا۔،

    بھارت کی آبی جارحیت اور شدیدبارشوں سے پیدا ہونے والی سیلابی صورتحال  کا جائزہ لینے کے لئےوزیراعظم میاں محمد نواز شریف متاثرہ علاقوں میں پہنچ گئے۔ وزیراعظم سیالکوٹ پہنچے تو وزیردفاع خواجہ آصف بھی ان کے ہمراہ تھے۔وزیراعظم کے متاثرہ علاقوں کے دورہ کے دوران خواجہ آصف گاڑی ڈرائیو کرررہے تھے۔

    وزیراعظم متاثرہ علاقوں میں شہریوں سے ملے اور ان کی مشکلات دریافت کیں اس موقع پر وزیراعظم نے دھرنا دینے والوں سے اپیل کی کہ وہ مشکل کی اس گھڑی میں متاثرین سیلاب کا ساتھ دیں۔ وزیراعظم نے سیالکوٹ اور نارووال سمیت متاثرہ علاقوں کا فضائی جائزہ بھی لیا۔وزیراعظم کے دورے کے موقع پر سیکیورٹی ہائی الرٹ تھی۔

  • سیالکوٹ:بھارتی فوج کی فائرنگ،خاتون سمیت دو افراد شہید

    سیالکوٹ:بھارتی فوج کی فائرنگ،خاتون سمیت دو افراد شہید

     سیالکوٹ:  سرحدپار سے بھارتی فوج کی بلااشتعال  فائرنگ سےخاتون سمیت دو افراد جاں بحق  اور بارہ زخمی ہوگئے تفصیلات کے مطابق بھارت نے دو ماہ کے دوران بیس مرتبہ سے زائد ورکنگ باؤنڈری کی خلاف ورزی کرکے امن کی آشا کو سپرد خاک کردیا۔ بھارت کاجنگی جنون کسی طورکم ہونےکانام نہیں لےرہا۔

    بھارتی فوج نے سیالکوٹ ورکنگ باؤنڈری پرایک بارپھربلااشتعال فائرنگ اورگولہ باری کرکےسیزفائر کی دھجیاں اڑاکرامن کوسپردخاک کردیا۔سیزفائرکی خلاف ورزی چپراڑ،سچیت گڑھ،چارواسیکٹرمیں کی گئی جہاں فائرنگ کے نتیجےمیں خاتون سمیت دوافرادشہیدجبکہ بارہ شہری زخمی ہوگئے ۔

    بھارتی فوج کی فائرنگ سےجامِ شہادت نوش کرنے والےشہریوں کےورثاء نے شدیداحتجاج کیا ۔ بلا اشتعال فائرنگ سے کئی مکانات بھی تباہ ہوگئے اورشہری شدید خوف وہراس میں مبتلا اور نقل مکانی پر مجبور ہوگئے ہیں ۔

    دو ماہ کے دوران بھارت نے تئیس باربلااشتعال فائرنگ کی اور اس دوران تین افراد شہید ہوچکے ہیں۔ بھارتی بلاشتعال فائرنگ اور گولہ باری کے جواب میں بار بار پاک فوج نے اسے دھول چٹائی ہے۔