بالی ووڈ کی مقبول ترین جوڑی کیارا ایڈوانی اور اداکار سدھارتھ ملہوترا کے ہاں بیٹی کی پیدائش ہوئی ہے۔
بالی ووڈ کی معروف اداکارہ عالیہ بھٹ اور دپیکا پڈوکون کے بعد اب کیارا ایڈوانی بھی بیٹی کی ماں بننے والی اداکاراؤں کے کلب میں شامل ہو گئی ہیں، انہوں نے سوشل میڈیا پر اس خوشخبری کا اعلان کیا ہے۔
فوٹو اینڈ شیئرنگ ایپ انسٹاگرام پر دونوں نے مشترکہ پوسٹ میں لکھا کہ ہمارے دل خوشی سے لبریز ہیں اور ہماری دنیا ہمیشہ کے لیے بدل گئی ہے، ہمیں ایک بیٹی کی نعمت ملی ہے۔
View this post on Instagram
واضح رہے کہ کیارا ایڈوانی اور سدھارتھ ملہوترا نے فروری میں ہی اپنے انسٹا گرام ہینڈل پر اعلان کیا تھا کہ وہ جلد والدین بننے والے ہیں، معروف جوڑے نے یہ خوش خبری مداحوں کو بتاتے ہوئے کیپشن میں لکھا تھا کہ ہماری زندگی کا سب سے بڑا تحفہ جلد آ رہا ہے۔
کیارا اور سدھارتھ نے کئی سال تعلقات میں رہنے کے بعد فروری 2023 میں شادی کی تھی، ان کے درمیان 2020 سے تعلقات کی خبریں زیر گردش تھیں اور دونوں کو متعدد بار ایک ساتھ دیکھا بھی گیا تھا۔