Tag: Sidhu Moosewala

نئی دہلی: بھارت کے مقتول پنجابی گلوکار سدھو موسے والا کے والد نے انکشاف کیا ہے کہ ان کے بیٹے کے قتل میں بھارتی سیاست دان بھی ملوث ہیں۔

اے آروائی نیوز براہِ راست دیکھیں live.arynews.tv پر

بھارتی اخبار انڈیا ٹائمز کے مطابق سدھو موسے والا کے والد بلکار سنگھ نے دعویٰ کیا ہے کہ ان کے بیٹے کے قتل میں قریبی دوست اور کچھ سیاست دان ملوث ہیں۔

بلکار سنگھ نے کہا ہے کہ بہت جلد اپنے بیٹے کے قتل میں ملوث اس کے قریبی دوستوں اور سیاست دانوں کے نام منظر عام پر لاؤں گا۔

انھوں نے کہا کچھ لوگ چاہتے تھے کہ سدھو اپنے کیریئر میں تمام معاہدے ان کے ذریعے کرے، لیکن میرا بیٹا آزاد انسان تھا اور اس کی یہی بات لوگوں کو پسند نہیں تھی۔

سدھو موسے والا کے لیے مہلک ثابت ہونے والی گولیاں کس قاتل نے چلائیں؟ دہلی پولیس کا سنسنی خیز انکشاف

بلکار سنگھ نے انکشاف کیا کہ مجھے بھی قتل کی دھمکیاں دی جا رہی ہیں لیکن مجھے دھمکیوں کا کوئی خوف نہیں ہے اور میں اپنے بیٹے کے لیے انصاف حاصل کر کے رہوں گا۔

لاہور: مشہور پنجابی گلوکار سدھو موسے والا پاکستان میں بھی مقبولیت رکھتے ہیں، ان کی موت کے بعد پاکستان میں ان کے مداحوں نے کاروں اور ٹرکوں پر اسٹیکر اور پینٹ کروانا شروع کر دیا ہے۔

تفصیلات کے مطابق مقتول انڈین پنجابی گلوکار سدھو موسے والا پاکستان میں بھی کار اسٹکرز کا مقبول موضوع بن گئے ہیں، بھارتی مداحوں کی طرح پاکستانی مداح بھی مختلف طور سے انھیں یاد کر رہے ہیں۔

پنجاب کے شہر فیصل آباد سے تعلق رکھنے والے ایک آٹو ڈیکوریٹر نے متعدد گاڑیوں پر سِدھو موسے والا کے اسٹکر لگا کر ویڈیو شیئرنگ ایپلی کیشن ٹک ٹاک پر شئیر کی ہیں۔

مختلف سوشل میڈیا پلیٹ فارمز پر ایسی تصاویر سامنے آئی ہیں جن میں سدھو موسے والا کو لیجنڈ قرار دیا جا رہا ہے، رانا حسن نامی شہری نے اپنے پسندیدہ سنگر کی یاد منانے کے لیے کار پر ان کی تصاویر کے اسٹکر چسپاں کیے۔

پاکستانی ٹویٹر صارفین کی جانب سے مختلف تصاویر اور ویڈیوز شیئر کیے جا رہی ہیں، جن میں فنکار کو خراج تحسین پیش کیا جا رہا ہے، ٹویٹر پر افی کے ہینڈل سے ایک ویڈیو شئیر کی گئی جس میں ٹرک کے پیچھے سدھو موسے والا کی تصویر بنی ہوئی ہے۔

#Sidhumoosewala may be the first Indian Punjabi singer to make a place on a Pakistani truck.

In Pakistan Your picture on a Pakistani truck means you are in the hearts of the people. pic.twitter.com/8ka8MvM0na

— 5911 (@iffiViews) June 13, 2022

اس ٹویٹ پر فریحہ نے لکھا کہ سدھو تو فوت ہوگیا ہے لیکن پنجابیوں کو ایک کر گیا ہے، پہلی بار لگا کہ بارڈر ہیں ہی نہیں، کسی بارڈر سے کوئی فرق نہیں پڑتا، کومل ڈھلوں نے موسے والا کو ’لیجنڈ‘ قرار دیا، اس سے قبل پاکستان کے شہر اوکاڑہ میں سدھو موسے والا کے مداحوں نے ان کے قتل پر مذمتی پوسٹر لگایا تھا۔

خیال رہے کہ انڈین پنجاب کی فلم اور میوزک انڈسٹری کے لیے پاکستان بڑی مارکیٹ مانا جاتا ہے، جہاں پنجابی فلمیں اور گانوں کے شائقین کی خاصی بڑی تعداد ہے، ایک کنسرٹ میں موسے والا نے خود سے پاکستانی فینز کے تعلق کا ذکر کرتے ہوئے کہا کہ وہ جلد پاکستان آئیں گے اور پہلے لاہور پھر اسلام آباد جائیں گے، لیکن ان کا یہ خواب پورا نہ ہو سکا۔

امرتسر: گینگسٹر کے ہاتھوں قتل ہونے والے مشہور پنجابی گلوکار سدھو موسے والا کی آخری رسومات کے موقع پر ان کے غم زدہ والد پھوٹ پھوٹ کر رو دیے۔

میڈیا نیوز کے مطابق گزشتہ روز بھارتی گلوکار سدھو موسے والا کی آخری رسومات ادا کر دی گئیں، بدھ کو غلہ منڈی مانسہ میں منعقدہ تقریب میں سینکڑوں افراد نے شرکت کی، اس موقع پر ان کے دکھی باپ نے روتے ہوئے دہائی دی کہ میرے بیٹے کا کیا قصور تھا، میں ‘تباہ ہو گیا ہوں’۔

موسے والا کے والد بلکور سنگھ سدھو نے روتے ہوئے کہا ‘بیٹے کی موت کے بعد ٹوٹ پھوٹ اور دل شکستگی کا شکار ہو گیا ہوں، میرے بیٹے کا کیا قصور تھا، میرا بیٹا میرے گلے لگ کر رویا کرتا اور پوچھتا کہ ہر چیز کا الزام اس پر کیوں لگتا ہے؟’

انھوں نے کہا ‘میں اس سے پوچھتا کہ کیا اس نے کوئی غلط کام کیا؟ اس کی وجہ یہ ہے کہ بعض اوقات والدین کو اپنے بچوں کے بارے میں علم نہیں ہوتا لیکن مجھے اپنے بیٹے کا پتا تھا، کبھی کوئی اس کے خلاف شکایت لے کر نہیں آیا، لہٰذا میں اسے کہتا تھا کہ اسے کسی بات سے ڈرنے کی ضرورت نہیں ہے۔’

تقریب میں شریک سیاست دانوں کو مخاطب کرتے ہوئے انھوں نے کہا برائے مہربانی پنجاب کو اس آگ سے نکالیں، آج میں برباد ہو گیا ہوں، نہیں چاہتا کسی اور کی زندگی اس طرح برباد ہو۔’

موسے والا کے والد نے گینگ وار کی جانب اشارہ کرتے ہوئے کہا کہ اگر میرا بیٹا غلط تھا، تو وہ گاڑی میں کبھی تنہا سفر نہ کرتا، اس نے پرائیویٹ گن مینوں کی خدمات حاصل کی ہوتی، لیکن ہم نے کبھی خطرے کا احساس نہیں کیا۔

واضح رہے کہ سدھو موسے والا کو 29 مئی کو کار میں سفر کے دوران گولیاں مار کر قتل کیا گیا تھا۔