کراچی: سعودی عرب میں پھنسے ہوئے پاکستانی باشندوں کو واپس لانے کے لیے پی آئی اے کے طیارے تیار ہوگئے لیکن دفتر خارجہ نے چپ سادھ لی جس کے باعث پاکستانیوں کی مشکلات برقرار ہیں اور ان کی وطن واپسی کا معاملہ مزید تاخیر کا شکار ہوتا نظر آرہا ہے۔
سعودی عرب کے حراستی مرکز میں ہزاروں پاکستانی محصور
اے آر وائی نیوز کے نمائندے صلاح الدین کے مطابق پاکستانی باشندوں کو واپس لانے کے معاملے پر پی آئی اے نے انہیں واپس لانے کے لیے اپنے طیارے تیار کرلیے ہیں تاہم پی آئی اے انتظامیہ وزارت خارجہ کے حکم کے بغیر وہاں طیارے نہیں بھیج سکتی۔
قبل ازیں دفتر خارجہ نے یقین دہانی کرائی تھی کہ سعودی عرب میں موجود پاکستانی باشندوں کے مسائل حل کریں گے تاہم یہ صرف بیان ہی رہا اور اب تک کوئی عملی کارروائی نظر نہیں آرہی۔
سعودی عرب کی جیلوں میں قید ہزاروں پاکستانیوں کو واپس لایا جائے گا، دفتر خارجہ
نمائندے کے مطابق چیئرمین پی آئی اے نے طیاروں کی فراہمی کی یقین دہانی کرادی ہے اور کہا ہے کہ پی آئی اے نے ہمیشہ اپنی خدمات پیش کی ہیں چاہے کوئی بھی معاملہ ہو اس بار بھی ہم تیار ہیں تاہم سعودی عرب سے پاکستانیوں کوواپس لانے کے معاملے پر دفتر خارجہ اجازت دے تو طیارے روانہ کردیں گے اب تک ان کی جانب سے احکامات کے منتظر ہیں۔
سی ای اواے آروائی سلمان اقبال کا سعودی عرب میں پھنسے پاکستانیوں کے لیےاہم اعلان
