ابوظبی : اماراتی حکام نے دبئی کا سفر کرنے والے سیاحوں کو ’خوشی منصوبے‘ تحت ایک ماہ کے لیے فری سم دینے کا اعلان کردیا۔
تفصیلات کے مطابق متحدہ عرب امارات کی ریاست دبئی کی حکومت کی جانب سے سیاحوں کےلیے ایک اور اہم اقدام اٹھایا گیا ہے، انتظامیہ کی جانب سے دبئی آنے والے تمام سیاحوں کو ایئرپورٹ پہنچتے ہی سم کارڈ فری میں فراہم کیا جائے گا جس کا مقصد سیاحوں کی مشکل آسان کرنا ہے تاکہ وہ اپنے اہل خانہ سے باآسانی رابطہ کرسکیں۔
مقامی خبر رساں ادارے کا کہنا تھا کہ دبئ پہنچنے والے سیاحوں کو دبئی کی جنرل ڈائکریٹوریٹ برائے رہائش اور خارجہ امور، اسمارٹ دبئی اور ڈی یو ٹیلی کمیونیکیشن کے تعاون سے مفت سم کارڈز فراہم کیے جارہے ہیں۔
میجر جنرل محمد المرّی کا کہنا تھا کہ مفت سم کارڈ کا پیکٹ صرف 18 سال سے زائد عمر کے سیاحوں کو ضروری دستاویزات کی جانچ پڑتال (جیسے پاسپورٹ، وزٹ ویزہ وغیرہ) کے بعد فراہم کیا جائے گا۔
In the presence of H.E Dr. @Aisha_BinBishr & in collaboration with @GDRFADUBAI & @dutweets, we are launching the “Connect with Happiness” initiative – providing all Dubai visitors first-ever complimentary DU tourist SIM cards once they arrive at the Dubai International Airport! pic.twitter.com/2YK4oGLx5X
— Smart Dubai (@SmartDubai) June 16, 2019
مقامی خبر رساں ادارے کا کہنا تھا کہ اگر سیاحت کی غرض سے دبئی آنے والے شخص نے ریاست میں مستقل سکونت اختیار کی تو مذکورہ سم کارڈ مستقل نمبر میں تبدیل نہیں ہوگا اور ایک ماہ بعد سم کارڈ خودکار طریقے سے بلاک ہوجائے گی۔
مزید پڑھیں : دبئی‘سیّاحوں کے لیے ایک روزہ فری ٹرانسپورٹ کا اعلان
واضح رہے کہ گزشتہ برس دبئی حکومت نے 20 مارچ کو منائے جانے والے’خوشی کے دن‘ کے موقع پر دبئی کے عالمی ہوائی اڈے پر قدم رکھنے والے پہلے100 خوش نصیب سیّاحوں کو ایئرپورٹ سے منزل مقصود تک مفت میں ٹیکسی سروس فراہم کی تھی۔
یاد رہے کہ حکومتِ دبئی کی جانب سے سیّاحوں کو ’خوشی بس‘ میں سوار ہوکر دبئی کو دنیا میں ممتاز بنانے والے مقامات پر جانے کی سہولت بھی فراہم کی گئی تھی۔
