Tag: sindh and punjab

لاہور : پنجاب کےاکیس اور سندھ کے پندرہ اضلاع کے متعدد پولنگ اسٹیشنز پر بلدیاتی انتخابات کے دوران ملتوی ہونے والی پولنگ آج ہوئی جبکہ بدین اور سانگھڑ میں الیکشن ملتوی کردیئے گئے ہیں.

سندھ اور پنجاب کے بلدیاتی الیکشن کے دوران ملتوی ہونے والی نشستوں پر پولنگ اختتام پذیر ہوگئی اور اب ووٹوں کی گنتی جاری ہے۔

انتخابات میں پنجاب کےاکیس اضلاع کی ستاون یوسیز اورسندھ کے پندرہ اضلاع کی چوالیس یوسیز شامل ہیں۔

پنجاب کے اکیس اضلاع میں لاہور، قصور، ننکانہ صاحب، اوکاڑہ، شیخوپورہ، ساہیوال، اٹک، بھکر،سرگودھا، فیصل آباد، گجرات، وہاڑی، بہاول نگر، چنیوٹ، گوجرانوالہ، خانیوال، سیالکوٹ، ملتان، ڈیرہ غازی خان، رحیم یار خان اور نارووال کی متعدد یوسیز میں پولنگ ہورہی ہے جبکہ سندھ کے سولہ اضلاع کی چوالیس یونین کونسلز اور چار ٹاؤن کمیٹیزکے لیے پولنگ ہوئی ہے.

سندھ میں خیرپور، گھوٹکی، جیکب آباد، کشمور، شکارپور،قمبر شہداد کوٹ،حیدرآباد، نوشہروفیروز، ٹنڈوالہٰ یار، تھرپارکر، ٹھٹھہ، سجاول، میرپورخاص، کراچی شرقی اور کراچی غربی شامل ہیں۔

ان تمام اضلاع کی چند یوسیز میں پولنگ کے دوران بیلٹ پیپر کی کمی، نام اور انتخابی نشان کی غلط چھپائی، بیلٹ پیپر چھیننے، ہنگامہ آرائی اور بدامنی کے واقعات اور امیدواروں کی جانب سے تحفظات کے اظہار کے پیشِ نظر ملتوی کئے گئے تھے۔

لاہور :‌ سندھ اور پنجاب میں بلدیاتی انتخابات کے دوسرے مرحلےمیں دو روز باقی رہ گئے، سیاسی جماعتوں اور آزاد امیداروں کی سیاسی مہم میں تیزی آگئی۔

سندھ ا ورپنجاب میں بلدیاتی انتخابات کا دوسرا مرحلہ قریب سیاسی میدان میں گہما گہمی عروج پر ہے، بلدیاتی انتخابات کے دوسرے مرحلے میں پنجاب کے بارہ اور سندھ کے چودہ اضلاع شامل ہیں۔

سندھ میں پیپلز پارٹی اور فنکشنل لیگ کے امیدواران کے ساتھ آزاد امیدوار بھی انتخابی میدان میں سر گرم عمل ہیں جبکہ اندورن سندھ میں پاکستان تحریک انصاف بھی کامیابی کے لئے ہاتھ پیر مار رہی ہے تاہم سندھ میں اب تک پی ٹی آئی کی کامیابی کے امکانات واضح نہیں ہیں۔

سندھ میں الیکشن کمیشن نے سیکیورٹی وجوہات کی بناء پر سانگھڑ میں بلدیاتی انتخابات ملتوی کرنے کا اعلان کرتے ہوئے سندھ کے دوسرے کشیدہ ضلع بدین کی سیکیورٹی کو دوگنا کرنے کی ہدایت کردی ہے، یہ فیصلہ بلدیاتی انتخابات کے پہلے مرحلے میں خیرپور میں گیارہ افراد کی ہلاکت اور ممکنہ کشیدگی کے پیش نظر کیا گیا۔

سندھ کے شہری علاقوں خاص طور پر کراچی میں تحریک انصاف اور جماعت اسلامی کا اتحاد ایم کیو ایم کی سیاسی ساکھ میں دراڑ ڈالنے کی کوششوں کو موثر کرنے میں ریلیاں اور انتخابی اجتماعات کر رہا ہے۔

پنجاب میں مسلم لیگ ن اور پی ٹی آئی کے درمیان پہلے مرحلے کی نسبت دوسرے مرحلے میں سیاسی گرما گرمی میں کمی واقع ہوئی ہے، امکانات ظاہر کئے جا رہے ہیں کہ دوسرے مرحلے میں بلدیاتی انتخابات کے نتائج کوئی بھی ممکنہ تبدیلی لا سکتے ہیں ۔

لاہور :‌ سندھ اور پنجاب میں بلدیاتی انتخابات کےدوسرے مرحلے کا دنگل انیس نومبر کو ہوگا۔

بلدیاتی الیکشن کے دوسرے مرحلے میں سندھ اور پنجاب کے ستائیس اضلاع میں سیاسی گہما گہمی عروج پر ہیں، پنجاب میں امیدواروں نے کمر کس لی ہے، اٹک،گجرانوالہ، خانیوال سمیت پنجاب کے بارہ اضلاع میں گلی محلے امیدواروں کے پوسٹر سے سج گئے، امیدواروں نے اپنے حلقوں میں ووٹروں سے وعدے کرنا شروع کردیئے ہیں.

پنجاب کے بارہ اضلاع میں ایک کروڑچھیالیس لاکھ پچاسی ہزارسےزائد ووٹر رجسٹرڈ ہیں.

سندھ میں بھی بلدیاتی انتخابات کے دوسرے مرحلے میں امیدواروں کا چناؤ ہوگا، حیدرآباد،ٹھٹہ،بدین اورسانگڑھ سمیت سندھ کےپندرہ اضلاع میں انتخابی گہماگہمی تیز ہوگئی ہے ، گلی کوچے انتخابی پوسٹرز اور بینرز سے بھر گئے ہیں اور امیدوار کارنر میٹنگز میں مصروف ہیں، سندھ کے پندرہ اضلاع میں اسّی لاکھ پانچ ہزاردوسو ووٹرز رجسٹرڈ ہیں۔

بلدیاتی انتخابات کے دوسرے مرحلے کیلئے سخت سیکیورٹی انتظامات کئے گئے ہیں، دونوں صوبوں میں فوج کوئیک رسپانس فورس کے طور پر تیار رہے گی ۔ سندھ میں سولہ اورپنجاب میں آرمی کی چالیس کمپنیاں تعینات کی جائیں گی.

اسلام آباد: بلدیاتی انتخابات کے دوسرے مرحلے کی پولنگ انیس نومبر کو ہوگی، پنجاب حکومت نے رینجرز اور فوج کی تعیناتی کیلئےالیکشن کمیشن کو خط لکھ دیا، سندھ حکومت نے بھی الیکشن کمیشن سے رابطہ کرلیا ہے.

سندھ اور پنجاب میں بلدیاتی انتخابات کے دوسرے مرحلے کا دنگل 19 نومبر کو سجے گا اور رفتہ رفتہ انتخابی مہم کی گہما گہمی میں تیزی آرہی ہے، بلدیاتی الیکشن کے پہلے مرحلے میں انتخابی مخالفین میں تصادم اور بدنظمی کے پیش نظر دوسرے مرحلے کیلئے پنجاب حکومت نے فوج تعینات کرنے کا مطا لبہ کردیا اور الیکشن کمیشن کو خط ارسال کردیا۔

پنجاب حکومت کے خط میں کہا گیا ہے پنجاب کے 12 اضلاع میں 19 نومبر کو فوج اور رینجرز کے جوان تعینات کئے جائیں، الیکشن کمیشن بھی فوری حرکت میں آگیا اور وزارت دفاع اور وزارت داخلہ کو خط بھیج دیا۔

فوج ،رینجرز اور سیکیورٹی اہلکار فراہم کرنے کی ہدایت کردی، سندھ حکومت نے بھی بلدیاتی الیکشن کے دوسرے مرحلے کیلئے الیکشن کمیشن سے رابطہ کرلیا، سیکریٹری الیکشن کمیشن کہتے ہیں انتخابی عمل میں کو ئی کمزوری برداشت نہیں کی جائے گی.