اسلام آباد: الیکشن کمیشن نے سندھ اور پنجاب میں ہونے والے بلدیاتی انتخابات کے تیسرے مرحلے کے شیڈول میں ردوبدل کردیا.
الیکشن کمیشن کے مطابق تیسرے مرحلے میں انتخابات تین کے بجائے پانچ دسمبر کو ہوں گے، تیسرے مرحلے میں پنجاب کے بارہ اور کراچی کے چھ اضلاع میں پولنگ ہوگی، الیکشن کمیشن کا کہنا ہے کہ کاغذات نامزدگی جمع کرانے سمیت دیگر شیڈول برقرار رہے گا۔
نئے شیڈول کے مطابق کراچی، راولپنڈی، ملتان، بہاولپور، رحیم یارخان میں پولنگ پانچ دسمبر کو ہوگی، لیہ، راجن پور،ڈی جی خان ،مظفرگڑھ میں بھی پولنگ پانچ دسمبر کو ہوگی جبکہ جھنگ ،خوشاب ،سیالکوٹ ،نارروال میں بھی پولنگ پانچ دسمبر کو ہوگی.
شیڈول میں ردوبدل چہلم حضرت امام حسین رضی اللہ تعالی کے باعث کیا گیا ہے۔
