ARYNews.tv | Urdu – Har Lamha Bakhabar

Tag: sindh government

  • سندھ حکومت کا تجاوزات کے خلاف سخت کارروائی کا فیصلہ

    سندھ حکومت کا تجاوزات کے خلاف سخت کارروائی کا فیصلہ

    کراچی : سندھ حکومت نے تجاوزات کے خلاف سخت کارروائی کا فیصلہ کرتے ہوئے کہا تجاوزات کےخلاف اینٹی انکروچمنٹ قانون کے تحت ایف آئی آردرج کی جائے گی۔

    تفصیلات کے مطابق چیف سیکریٹری سندھ کی زیرصدارت تجاوزات کےخلاف کارروائی کاجائزہ اجلاس ہوا ، جس میں تجاوزات کے خلاف سخت کارروائی کا فیصلہ کیا گیا اور کہا گیا تجاوزات کے خلاف اینٹی انکروچمنٹ قانون کے تحت ایف آئی آردرج کی جائے گی۔

    چیف سیکریٹری سندھ  ممتاز علی شاہ نے کہا تجاوزات کےخلاف آپریشن میں سندھ پولیس کااہم کردارہے، کمشنرکراچی کا کہنا تھا کہ  ملیرندی میں باڑےبن گئےاورمضرصحت فصل اگائی جاتی ہے۔

    ممتاز علی شاہ نے مزید کہا ملیرندی پرباڑے،فصل اگانےوالوں کےخلاف کارروائی کی جائے، تجاوزات کےخلاف آپریشن کےبعدٹریفک کےمسائل ہورہےہیں۔

    اجلاس میں کراچی کے10بڑے روڈ پر ٹریفک سائین لگائیں جائیں گے، ممتاز علی شاہ نے بتایا ایس ایچ او،مختارکار،اسسٹنٹ کمشنر،ایس بی سی اے افسران تبدیل کئے گئے، جوافسرکام نہیں کرےگااس کےخلاف کارروائی کی جائےگی۔

    کراچی کے پارکس، نالوں اور فٹ پاتھوں سے تجاوزات کا خاتمہ کیا جائے، چیف سیکریٹری سندھ

    اس سے قبل 9 اکتوبر کو چیف سیکریٹری سندھ ممتازعلی کا کہنا تھا کہ شہر قائد کے تمام پارکس، نالوں اور فٹ پاتھوں سے غیر قانونی تجاوزات فوری ختم کی جائیں۔

    سندھ ہائی کورٹ نے گزشتہ ماہ 22 اکتوبر کو میئر کراچی، کے ایم سی اور دیگر اداروں کو فٹ پاتھوں سے تجاوزات کے فوری خاتمے کا حکم دیا تھا۔ عدالت نے ہدایت کی تھی کہ کے ایم سی اور ڈی ایم سیز حدود کے جھگڑے کے بجائے اپنے اپنے کام کریں۔

    واضح رہے کہ رواں سال فروری میں سپریم کورٹ نے کراچی میں تجاوزات کے خلاف آپریشن جاری رکھنے کا حکم دیا تھا عدالت عظمیٰ نے چیف سیکریٹری سندھ کو آپریشن کی نگرانی کی ہدایت بھی کی تھی۔

  • وزیر اعظم عوامی وزیر اعظم ہیں، کبھی استعفیٰ نہیں دیں گے: گورنر سندھ

    وزیر اعظم عوامی وزیر اعظم ہیں، کبھی استعفیٰ نہیں دیں گے: گورنر سندھ

    حیدر آباد: گورنر سندھ عمران اسماعیل کا کہنا ہے کہ وزیر اعظم عمران خان اور ان کی پارٹی سب سے زیادہ مقبول جماعت ہے۔ وزیر اعظم عوامی وزیر اعظم ہیں، وہ کبھی استعفیٰ نہیں دیں گے۔

    تفصیلات کے مطابق گورنر سندھ عمران اسماعیل کا کہنا ہے کہ حیدر آباد میں کافی ڈیولپمنٹ کی ضرورت ہے، وزیر اعظم پروگرام کے تحت جلد کام شروع کیا جائے گا۔

    گورنر سندھ کا کہنا تھا کہ نیب اپنے حساب سے بلا تفریق کارروائی کرتا ہے، وزیر اعظم اور ان کی پارٹی سب سے زیادہ مقبول جماعت ہے۔ وزیر اعظم عوامی وزیر اعظم ہیں، وہ کبھی استعفیٰ نہیں دیں گے۔

    انہوں نے مزید کہا کہ حکومت سندھ سے اپیل ہے وہ اپنے کاشت کاروں کا خیال کرے۔ وفاقی حکومت ہر وقت سندھ حکومت کی مدد کو تیار ہے۔

    اپوزیشن کے بارے میں گفتگو کرتے ہوئے گورنر سندھ نے کہا کہ نواز شریف کی صحت ٹھیک ہے لہٰذا وہ مقدمات کا سامنا کریں، اسلام آباد میں دھرنا مولانا فضل الرحمٰن کا فلاپ شو تھا۔

    اس سے قبل ایک موقع پر گورنر سندھ نے کہا تھا کہ ملک میں دو نظام نہیں چل سکتے، امیر کے لیے الگ اور غریب کے لیے الگ نظام نہیں ہوسکتا، ہم مر جائیں گے لیکن کسی کے سامنے جھکیں گے نہیں، جو چور ہے وہ امیر ہے یا غریب قانون سب کے لیے ایک ہوگا۔

  • فردوس شمیم نقوی کا سندھ حکومت کےخلاف سپریم کورٹ جانے کا اعلان

    فردوس شمیم نقوی کا سندھ حکومت کےخلاف سپریم کورٹ جانے کا اعلان

    کراچی : پی ٹی آئی نے سندھ میں شہریوں کے حقوق کے لیے سندھ حکومت کے خلاف سپریم کورٹ جانے کا اعلان کردیا، فردوس شمیم نقوی کا کہنا ہے کہ کراچی سندھ کےسرکاتاج ہے،شہر کا کوئی پرسان حال نہیں۔

    تفصیلات کے مطابق شہریوں کے حقوق کے لیے تحریک انصاف سندھ نے صوبائی حکومت کے خلاف سپریم کورٹ جانے کا اعلان کیا ہے۔

    اس سلسلے میں سندھ اسمبلی میں اپوزیشن لیڈر فردوس شمیم نقوی نے کہا ہے کہ کراچی سندھ کےسرکاتاج ہے،شہر کا کوئی پرسان حال نہیں ہے، عدالت سے کہیں گے کہ آرٹیکل ایک سوچوراسی کے تحت سندھ حکومت کے خلاف کارروائی کی جائے۔

    یاد رہے کہ کراچی کے مسائل حل کرنے کے لیے وفاقی حکومت نے بڑا فیصلہ کرتے ہوئے وفاقی وزیر قانون فروغ نسیم نے کہا تھا کہ کراچی میں آرٹیکل 149(4) نافذ کیا جائے گا۔ آرٹیکل 149 کے نفاذ کا یہی درست وقت ہے، مسائل حل کرنے ہیں تو سخت اقدامات کرنا ہوں گے۔

    مزید پڑھیں: کراچی کے مسائل کے حل کیلیے وزیراعظم کی بنائی گئی اسٹرٹیجک کمیٹی نے کام شروع کردیا

    ان کا کہنا تھا کہ یہ وفاقی حکومت کو خصوصی اختیار دیتا ہے، اس سے متعلق شکایت کرنا پی پی کا حق ہے، ساری باتیں ابھی نہیں بتا سکتا، وقت آنے پر چیزیں سامنے آجائیں گی۔

  • 10 ،9 محرم کو موبائل سروس معطل رکھی جائے، سندھ حکومت کی سفارش

    10 ،9 محرم کو موبائل سروس معطل رکھی جائے، سندھ حکومت کی سفارش

    کراچی : سندھ حکومت نے نو اور دس محرم کو موبائل سروس بندرکھنےکی سفارش کردی ، سیکریٹری داخلہ سندھ نے وزارت داخلہ، پی ٹی اے کو سفارش سے آگاہ کردیا اور کمشنرز، ڈپٹی کمشنرز کو سروس معطلی کیلئے علاقوں کی نشاندہی کی ہدایت کردی ہے۔

    تفصیلات کے مطابق سندھ حکومت نے محرم الحرام کے دوران سیکیورٹی صورتحال کے پیش نظر وزارت داخلہ سے نو اور دس محرم کوموبائل سروس بند رکھنے کی سفارش کرتے ہوئے کہا جلوسوں کی گزرگاہوں پر موبائل سروس معطل رکھی جائے۔

    سندھ حکومت نے چند مخصوص علاقوں میں موبائل فون سروس معطل رکھنے کی سفارش ہے اور سیکریٹری داخلہ سندھ نے وزارت داخلہ، پی ٹی اے کو سفارش سے آگاہ کرتے ہوئے کمشنرز، ڈپٹی کمشنرز کو سروس معطلی کیلئے علاقوں کی نشاندہی کی ہدایت کردی ہے۔

    محرم الحرام کی سیکورٹی کے سلسلے میں شہرِ قائد میں تین دن کے لیے موٹر سائیکل کی ڈبل سواری پر پابندی کی جائے گی۔

    دوسری جانب قانون نافذ کرنے والے اداروں نے 8 ،9 اور 10 محرم الحرام کے مرکزی جلوس کے سیکیورٹی اقدامات کو فوول پروف بنانے کی تیاری مکمل کر لی ہے، جلوس کی گزر گاہوں کو کنٹینر لگا کر سیل کیا جائے گا جبکہ سی سی ٹی وی اور فضائی نگرانی کے ذریعے بھی جلوس کی مانٹرینگ کی جائے گی۔

    شہر بھر میں پولیس کے 10 ہزار اہلکار جبکہ رینجرز کے 8 ہزار اہلکار تعینات کیئے جائیں گے، ایس ایس یو،آر آر ایف اور اسپیشل برانچ کی خدمات حاصل کی جائیں گی جبکہ مرکزی جلوس کے اطراف بلند عمارتوں پر ماہر نشانہ باز تعینات ہوں گے۔

    بم ڈسپوزل اسکواڈ سے نشتر پارک اور جلوس کے گزرگاہ کی معائنہ کرایا جائیگا جبکہ فضائی نگرانی اور سی سی ٹی وی کیمروں کی مدد سے جلوس کی مانیٹرینگ بھی ہوگی۔

  • سندھ حکومت کا ہالیجی جھیل کو بحال کرنے کا فیصلہ

    سندھ حکومت کا ہالیجی جھیل کو بحال کرنے کا فیصلہ

    کراچی: سندھ حکومت نے ہالیجی جھیل کو بحال کرنے کا فیصلہ کرلیا، مشیر سندھ حکومت مرتضیٰ وہاب کا کہنا ہے کہ جھیل کی بحالی کے لیے تمام مطلوبہ اقدامات اٹھائے جائیں گے۔

    تفصیلات کے مطابق سندھ کے مشیر اطلاعات مرتضیٰ وہاب کی زیر صدارت تحصیل مکلی ضلع ٹھٹھہ کے افسران کا اجلاس ہوا، اجلاس میں سیکریٹری ماحولیات، محکمہ وائلڈ لائف اور واٹر بورڈ کے افسران نے شرکت کی۔

    اجلاس میں ہالیجی جھیل پر بیرون ملک سے پرندوں کی آمد کے اقدامات دوبارہ شروع کرنے پر غور کیا گیا۔ افسران اور ماہرین نے مرتضیٰ وہاب کو تفصیلی بریفنگ دی۔

    مرتضیٰ وہاب کا کہنا تھا کہ ہالیجی جھیل کا پانی کراچی کے سوا کہیں استعمال نہ کیا جائے، ہالیجی جھیل کو اس کی اصل شکل میں بحال کیا جائے گا۔ جھیل کی بحالی کے لیے تمام مطلوبہ اقدامات اٹھائے جائیں گے۔

    انہوں نے کہا کہ ہالیجی جھیل کراچی کو پانی سپلائی کرنے کا متبادل ذریعہ ہے، جھیل کو بحال کر کے ایک منفرد سیاحتی مقام میں تبدیل کریں گے۔

    خیال رہے کہ ٹھٹھہ سے قریب واقع ہالیجی جھیل کراچی سے 82 کلو میٹر کے فاصلے پر موجود ہے۔ ہالیجی جھیل کو دوسری جنگ عظیم کے دوران برطانوی حکام نے محفوظ ذخیرہ آب کے طور پر تعمیر کیا تھا۔

    یہ ایشیا میں پرندوں کی سب سے بڑی محفوظ پناہ گاہ قرار دی جاتی ہے۔

  • سندھ حکومت نے دودھ کی قیمت میں کوئی اضافہ نہیں کیا، اسماعیل راہو

    سندھ حکومت نے دودھ کی قیمت میں کوئی اضافہ نہیں کیا، اسماعیل راہو

    کراچی : صوبائی وزیر رسد و قیمت محمد اسماعیل راہو نے کہا ہے کہ سندھ حکومت نے دودھ کی قیمت میں کوئی اضافہ نہیں کیا، متعلقہ افسران مہنگا دودھ فروخت کرنے والوں کے خلاف کارروائی کریں۔

    تفصیلات کے مطابق سندھ حکومت نے دودھ کی قیمتوں میں دس روپے اضافہ مسترد کردیا ہے۔ اس حوالے سے صوبائی وزیر رسد و قیمت محمد اسماعیل راہو نے یوتھ پارلیمنٹ کی تقریب کے بعد میڈیا سے بات چیت کرتے ہوئے کہا کہ سندھ حکومت نے دودھ کی قیمت میں کوئی اضافہ نہیں کیا، قیمت میں اضافہ مسترد کرتے ہیں۔

    انہوں نے بتایا کہ صورتحال کا نوٹس لیتے ہوئے کمشنر کراچی اور پرائز مجسٹریٹس کو مہنگا دودھ فروخت کرنے والوں کے خلاف کارروائی کا حکم دے دیا گیا ہے، اس سلسلے میں ڈیری فارمز کے ساتھ بات کی جائے گی، ان کے جو بھی مسائل ہیں بیٹھ کے حل کریں گے۔

    وزیر رسد و قیمت نے مزید کہا کہ ڈیری فارمزایسوسی ایشن نے سندھ حکومت کی منظوری کے بغیر دودھ کی قیمت میں اضافہ کیسے کیا۔

    مزید پڑھیں: ہول سیلرز اور ریٹیلرز نے بھی دودھ کی قیمتوں میں اضافہ مسترد کردیا

    اسماعیل راہو نے ہدایت کی کہ کمشنر کراچی ڈیری فارمز کے عہدیداران کو طلب کریں اور دودھ کی قیمت میں اضافہ واپس کروائیں۔ اسماعیل راہو نے کہا کہ وفاقی حکومت کے بجٹ کے بعد مہنگائی سے عوام کی چیخیں نکل گئی ہیں۔ کمر توڑ مہنگائی میں عوام پر مزید بوجھ نہیں ڈالا جائے گا،۔

  • سندھ میں بیشتر محکمے جاری ہونے والے ترقیاتی فنڈز خرچ نہ کر سکے

    سندھ میں بیشتر محکمے جاری ہونے والے ترقیاتی فنڈز خرچ نہ کر سکے

    کراچی: سندھ حکومت رواں مالی سال ترقیاتی اہداف پورے کرنے میں ناکام رہی، سندھ میں بیشتر محکمے جاری ہونے والے ترقیاتی فنڈز خرچ نہ کر سکے۔

    تفصیلات کے مطابق رواں مالی سال سندھ میں بیشتر محکمے جاری ہونے والے ترقیاتی فنڈز خرچ نہ کر سکے۔ رواں مالی سال میں ترقیاتی پروگرام میں 22 سو 26 اسکیمز شامل ہیں۔

    زیادہ محکموں والے وزیر ناصر شاہ کو تفویض تینوں وزارتوں کو ریکارڈ ترقیاتی فنڈز کا اجرا کیا گیا۔ محکمہ خزانہ کے مطابق جنگلات کے منصوبوں کے لیے 9 ماہ میں 359 ملین جاری ہوئے، محکمہ آبپاشی نے 3 سال کی سہ ماہی میں 1646 ملین روپے خرچ کیے۔

    اسی طرح ورکس اینڈ سروسز ڈپارٹمنٹ کو مختص بجٹ سے خطیر رقم جاری کی گئی، ورکس اینڈ سروسز ڈپارٹمنٹ نے 21692 ملین استعمال کیے۔

    دوسری جانب محکمہ توانائی، لیبر اور امداد باہمی کی ترقیاتی اسکیمز کے لیے فنڈز کا اجرا نہیں ہوا۔ خزانہ، کچی آبادی اور معدنیات کے ترقیاتی بجٹ خرچ نہیں ہوسکے۔

    محکمہ خزانہ کے مطابق کراچی ترقیاتی پیکج کی اسکیمز پر صرف 17 فیصد فنڈز خرچ ہوئے۔ اسکولز کالج اور فنی تعلیم کے محکمے بھی 60 فیصد ترقیاتی بجٹ خرچ نہیں کر سکے۔

  • میں نواز شریف سے کراچی کیلئے25 ارب روپے کا پیکج لایا تھا، وسیم اختر

    میں نواز شریف سے کراچی کیلئے25 ارب روپے کا پیکج لایا تھا، وسیم اختر

    کراچی : میئر کراچی وسیم اختر نے کہا ہے کہ سندھ حکومت نے صرف ٹھیکے بانٹے ہیں، میں نواز شریف سے کراچی کیلئے25 ارب روپے کا پیکج لے کر آیا تھا۔

    ان خیالات کا اظہار انہوں نے کراچی میں پریس کانفرنس سے خطاب کرتے ہوئے کیا۔ میئرکراچی وسیم اختر نے کہا کہ میں نے شہر کے ہر ڈسٹرکٹ میں کام کرایا ہے، محدود اختیارات کے تحت میئر ڈھائی کروڑ سے زیادہ کا پروجیکٹ نہیں دے سکتا، اگر میئر کو بےاختیار ہی ررکھنا ہے تو اگلا الیکشن کرانے کی ضرورت ہی نہیں، صوبائی حکومت بلدیاتی اداروں کو کام کرنے نہیں دیتی۔

    وسیم اختر کا مزید کہنا تھا کہ مشیر اطلاعات سندھ پہلے اپنی حکومت کی ناقص کارکردگی دیکھیں، مرتضیٰ وہاب بتائیں سندھ حکومت نے کراچی میں اب تک کیا کام کیا جبکہ ایم کیو ایم پاکستان وفاق سے کراچی کیلئے پراجیکٹس لے کر آئی، کے ایم سی شہر میں پانی کی فراہمی اور نکاسی آب کے مسائل حل کررہی ہے۔،

    انہوں نے کہا کہ میں نواز شریف سے کراچی کیلئے25ارب روپے کا پیکج لے کر آیا تھا، اس پیکج میں فائیو اسٹار، کے ڈی اے چورنگی اور ناگن چورنگی کے پراجیکٹس تھے جبکہ سندھ حکومت نے دس سال میں صرف ٹھیکے بانٹے ہیں۔

    ایک سوال کے جواب میں وسیم اختر کا کہنا تھا کہ سندھ حکومت ہم سے ریونیو جنریشن مانگ رہی ہے جبکہ خود اس کے اپنے اسپتالوں کا برا حال ہے، صوبائی حکومت ہم سے کے ایم سی کا اسپتال دینے کا کہہ رہی ہے۔

    مزید پڑھیں: میئر کراچی وسیم اختر کا خرم شیرزمان کو 50 کروڑ روپے ہرجانے کا نوٹس

    اس کے نمائندے کس منہ سے کرپشن کی بات کررہے ہیں، جبکہ سندھ حکومت نے تو لاڑکانہ سمیت پورے سندھ کو تباہ کردیا، انہوں نے کہا کہ سندھ حکومت جو پیسہ دیتی ہے وہ صرف ملازمین کی تنخواہوں اور پنشنزمیں جاتا ہے۔

  • سندھ حکومت اور اساتذہ میں مذاکرات کامیاب، مطالبات منظور، نوٹیفکیشن جاری

    سندھ حکومت اور اساتذہ میں مذاکرات کامیاب، مطالبات منظور، نوٹیفکیشن جاری

    کراچی: سندھ حکومت اور  اساتذہ میں مذاکرات کامیاب ہوگئے، صوبائی حکومت نےاساتذہ کے مطالبات تسلیم کرلئے.

    تفصیلات کے مطابق سندھ حکومت نےاساتذہ کے مطالبات تسلیم کرلئے ہیں، محکمہ داخلہ سندھ کی جانب سے نوٹیفکیشن جاری کردیا گیا.

    حکومت نے اساتذہ کا ٹائم اسکیل کا مطالبہ منظور کر لیا، جب کہ دیگرمطالبات پر کمیٹی تشکیل دے دی گئی ہے, کمیٹی میں اساتذہ کے نمائندےبھی شریک ہوں گے.

    اس ضمن میں وزیر تعلیم نے کہا کہ وزیر اعلی سندھ نے اساتذہ پر تشدد پر برہمی کا اظہار کرتے ہوئے تحقیقات کا حکم جاری کیا ہے۔ 

    یاد رہے کہ گذشتہ روز سندھ کے سرکاری اسکولوں کے ٹیچرز کی جانب سے ٹائم اسکیل، مستقلی اور پروموشن کے لئے احتجاج کیا گیا، پریس کلب کے باہر احتجاج کرتے اساتذہ نے جب ریڈ زون میں داخل ہونے کی کوشش کی، تو پولیس نے مظاہرین کو منتشرکرنے کے لیے آنسو گیس کی شیلنگ شروع کردی۔

    مزید پڑھیں: اساتذہ کے احتجاج پر آنسو گیس کا استعمال، بلاول بھٹو کی اپنی ہی حکومت پر کڑی تنقید

    اساتذہ پرکئی پولیس والوں نے ڈنڈے برسائے، کسی کو گریبان سے پکڑکرگھسیٹا، توکوئی لاٹھیوں کی زد میں آیا، علاقہ میدان جنگ بن گیا، واقعے کے چالیس سے زائد اساتذہ کو حراست میں لیا گیا، متعدد زخمی افراد زخمی ہوئے۔

    اس واقعے پر بلاول بھٹو زرداری کی جانب سے سخت ردعمل آیا اور انھوں نے اس کی شدید مذمت کی. بعد ازاں وزیرتعلیم سندھ نے بھی واقعے کی شدید مذمت کرتے ہوئے کہا کہ ایسا بالکل نہیں چاہیے تھا.

  • سندھ حکومت نے کراچی میں پارکنگ کے گمبھیر مسئلے کا حل تلاش کر لیا

    سندھ حکومت نے کراچی میں پارکنگ کے گمبھیر مسئلے کا حل تلاش کر لیا

    کراچی: شہر کراچی کے مصروف ترین علاقے صدر میں  پارکنگ کے مسئلے کا حل تلاش کر لیا ہے.

    تفصیلات کے مطابق سندھ حکومت نے کراچی کے گنجان آباد اور صنعتی سرگرمیوں کے مرکز صدر کے علاقے میں پارکنگ پلازہ کی تعمیر کا فیصلہ کیا ہے.

    آج وزیراعلیٰ سندھ نے نیشنل میوزیم کےسامنے زیر تعمیر پارکنگ پلازہ کا دورہ کیا. اس موقع پر انھیں پراجیکٹ سے متعلق بریفنگ دی گئی.

    یہ پراجیکٹ دومنزلہ عمارت پر مشتمل ہوگا، ہرمنزل پر 200 گاڑیوں کی گنجائش ہوگی.

    مراد علی شاہ کو مطلع کیا گیا کہ جولائی میں پارکنگ ایریا کا کام مکمل ہوجائے گا، پارکنگ زیرزمین ہوگی.

    وزیر اعلیٰ کو پراجیکٹ میں درپیش مسائل اور تاخیر کے اسباب سے متعلق بھی بریفنگ دی گئی. واٹربورڈکی لائنیں منتقل ہونے سے کام میں تاخیر ہوئی تھی، جسے اب جل نمٹا لیا جائے گا.

    مزید پڑھیں: کراچی میں تمام غیر قانونی چارجڈ پارکنگ اور ڈبل پارکنگ ختم کرنے کا فیصلہ

    خیال رہے کہ پاکستان کے صنعتی حب کراچی کا شمار دنیا کے مصروف ترین شہروں‌ میں ہوتا ہے.

    دو کروڑ کی آبادی والے اس شہر میں‌ عوام کو ٹریفک کے شدید مسائل کا سامنا کرنا پڑتا ہے. ماضی میں بھی اس علاقے میں پارکنگ پلازا قائم کیا گیا، مگر اس کے خاطر خواہ نتائج سامنے نہیں آئے.