Tag: sindh govt provide security

کراچی: سندھ کے وزیراطلاعات شرجیل میمن کا کہنا ہے بلاول بھٹو کو ڈاکٹروں نے سفر سے منع کیا ہے وہ ستائیس دسمبر کو لاڑکانہ میں نہیں ہوں گے۔

کراچی میں شہید ہوش محمد شیدی کے نام سے منسوب پارک کے افتتاح کے بعد صحافیوں سے بات کرتے ہوئے سندھ کے وزیر اطلاعات و بلدیات شرجیل انعام میمن نے کہا کہ شہید بینظیر بھٹو کی برسی بھی اس سال عقیدت و احترام سے منائی جائے گی، انہوں نے کہا کہ مخدوم امین فہیم وضاحت کرچکے ہیں کہ وہ پیپلز پارٹی نہیں چھوڑ رہے، صوبائی وزیر بلدیات نے جلد کراچی میں جناح برج سے قائد آباد برج تک ایلی ویٹیڈ برج بنانے کا اعلان کیا ۔

 انہوں نے کہا کہ سانحہ دنیا کی تاریخ کا سب سے زیادہ دردناک سانحہ ہے اس سانحہ کے بعد تمام عوامی قوتوں کو ان دہشتگردوں سے نبردآزما ہونے کے لئے سخت فیصلے لینے تھے اور ملٹری کورٹس کے قیام کے لئے فیصلہ پیپلز پارٹی کے لئے ایک مشکل فیصلہ تھا تاہم ملک کے موجودہ حالات اور دہشتگردی کو دیکھتے ہوئے اور بالخصوص کراچی میں آپریشن کے بعد 5 انسداد دہشتگردی کی عدالتوں کے قیام کے باوجود 12 ہزار سے زائد دہشتگردوں کی گرفتاری کے باوجود ان عدالتوں کی سست روی کے بعد اس کٹھن فیصلے کو کرنا ضروری تھا۔

کراچی: وزیر اطلاعات سندھ شرجیل میمن نے کہا ہے عمران خان پیپلز پارٹی کی قیادت کو احتساب کی دھمکیاں نہ دیں۔

صوبائی وزیر اطلاعات سندھ شرجیل میمن نے کہا ہے چالیس سال سے پیپلز پارٹی کی قیادت کا احتساب ہوتا رہا ہے جن جن لوگوں نے پیپلز پارٹی کا احتساب کیا ان تمام لوگوںکو منہ کی کھانی پڑی، شرجیل میمن کا کہنا تھاعمران خان اور طالبان میں کوئی فرق نہیں عمران خان کی سیاست تشدد اور بدتمیزی پر مبنی ہے ۔

انہوں نے کہا کہ عمران خان اور طالبان میں کوئی فرق نہیں ہے۔ طالبان دھماکے کرکے سمجھتے ہیں کہ وہ جو کررہے ہیں وہ درست ہے جبکہ عمران خان کاروبار بند کرکے اور عوام کو پریشان کرکے یہ سمجھتے ہیں کہ وہ سب کچھ ٹھیک کررہے ہیں۔ انہوں نے کہا کہ کاروبار اور ٹرانسپورٹ بند کرکے اور عوام کو پریشانیوں میں مبتلا کرکے عمران خان طالبان کا کردار اس ملک میں ادا کررہے ہیں۔