کراچی : شہر قائد میں کورونا ہاٹ اسپاٹ کی تفصیلات سامنے آگئیں، جن میں کورنگی ٹاون، شاہ فیصل ٹاون، لانڈھی ٹاون، اورنگی ٹاون، کیماڑی ٹاون سمیت دیگر علاقے شامل ہیں۔
تفصیلات کے مطابق محکمہ صحت سندھ نے کراچی میں کورونا ہاٹ اسپاٹ کی تفصیلات جاری کردیں اور کہا کورنگی ٹاون کی دس یونین کونسل ہاٹ اسپاٹ میں آتی ہیں ، جن میں بلال کالونی ، ناصرکالونی، چکرا گوٹھ ، مصطفی تاج کالونی ، سو کوارٹر، گلزار کالونی، کورنگی اسکیم 33، زمان ٹاون، حسرت موہانی کالونی، شامل ہیں۔
محکمہ صحت کا کہنا ہے کہ بھٹائی کالونی مین کورنگی کی ہاٹ اسپاٹ میں شامل ہے، کورنگی ٹاون میں بارہ سو 22 افراد کورونا سے متاثراور 29 ہلاک ہوئے۔
رپورٹ کے مطابق شاہ فیصل ٹاون میں ناتھا خان، سادات کالونی، ڈرک کالونی ، ریتا پلاٹ، موریا خان، رفاہ عام سوسائٹی ، الفلاح، کینٹ یوسی نو اور یوسی 8 بھی ہاٹ اسپاٹ میں شامل ہیں ، شاہ فیصل ٹاون میں کورونا سے 24 افرادہلاک اور583 افراد متاثر ہوئے۔
محکمہ صحت سندھ کا کہنا ہے کہ کراچی میں لانڈھی ٹاون بھٹونگر، اجمیرکالونی، لانڈھی اٹھ ، عوامی کالونی ، برنی کالونی، شیر آباد، کورنگی الیون بھی لانڈھی ٹآون کے ہاٹ اسپاٹ میں شامل ہیں، لانڈھی ٹاون میں 15 افراد ہلاک اور 339 افراد کورنا سے متاثر ہوئے۔
محکمہ صحت نے کورنگی ڈسٹرکٹ میں شامل ملیر کے علاقوں ماڈل کالونی، کالا بورڈ، سعود آباد اورکھوکھرا پاربھی ملیر کے ہاٹ اسپاٹ میں شامل کیا گیا ہے، ملیر کے ان علاقوں میں چھ افراد ہلاک اور 380افراد کورونا سے متاثر ہوئے۔
کراچی کے ڈسٹرکٹ ویسٹ سائٹ ٹاون میں پاک کالونی، پرانا گولیمار،جہان آباد ، میٹرول ، باوانی چالی، فرنٹ کالونی، بنارس ، قصبہ کالونی اور اسلامیہ کالونی بھی ہاٹ اسپاٹ ایریاز میں شامل ہیں ، ڈسٹرکٹ ویسٹ سائٹ ٹاون میں 19 افراد ہلاک اور299 افراد کورونا سے متاثر ہیں۔
اسی طرح اورنگی ٹاون میں مومن آباد، ہریانہ ،حنیف آباد، محمد نگر، مدینہ کالونی، غازی آباد، چشتی نگر، بلال کالونی، اسلام چوک ، گبول کالونی، داتا نگر اور مجاہد نگر بھی ہاٹ اسپاٹ کی فہرست میں شامل ہیں ، اورنگی ٹاون میں کورونا سے 20افراد ہلاک اور 201 افراد متاثر ہوئے۔
کیماڑی ٹاون میں بھٹہ ولیج ، سلطان آباد،کیماڑی،بابا بھٹ شاہ ، مچھر کالونی، ماڑی پور، شیر شاہ ، کابو پٹ کو بھی ہاٹ اسپاٹ میں شامل کیا گیا ،کیماڑی ٹاون میں گیارہ افراد ہلاک اور 148 افراد کورونا سے متاثر ہوئے۔
بلدیہ ٹاون میں گلشن غازی،اتحاد ٹاون، اسلام نگر، نئی آبادی، سعید آباد ، مسلم مجاہد کالونی، مہاجر کیمپ اور رشیدہ آباد بھی ہاٹ اسپاٹ میں شامل ہیں ، کیانکہ بلدیہ ٹاون میں 14 افراد ہلاک اور 286 افراد کورونا سے متاثر ہوئے۔
گڈاپ ڈسٹرکٹ ویسٹ کے متاثرہ علاقوں میں سونگل، معمار آباد، یوسف گوٹھ اور منگھوپیر شامل ہیں، گڈاپ ڈسٹرکٹ ویسٹ میں سات افراد ہلاک اور 87 افراد متاثر ہوئے جبکہ ڈسٹرکٹ ایسٹ کے یوسی ون دہلی مرکنٹائی سوسائٹی، یوسی ٹو سوک سینٹر ، یوسی تھری کی پیر پی ائی بی کالونی، یوسی فورعیسی نگری، یوسی فائیو گلشن اقبال بھی ہاٹ اسپاٹ میں شامل ہیں۔
یوسی چھ گیلانی ریلوے اسٹیشن، یوسی ویسن ڈالمیا ، یوسی اٹھ جمالی کالونی ، یوسی نو گلشن اقبال، یوسی دس پہلوان گوٹھ ، یوسی گیارہ میٹروول کالونی، یوسی بارہ گلزار ہجری، یوسی تیرہ صفورہ گوٹھ ، اور یوسی چودہ فیصل کینٹ بھی کورونا سے متاثرہ علاقوں میں شامل ہیں، گلشن ٹاون میں 97 افراد ہلاک اور 3101 افراد کورونا سے متاثر ہیں۔
ڈسٹرکٹ ایسٹ میں جمشید ٹاون کے ہاٹ اسپارٹ میں یوسی 1 اختر کالونی،یوسی 2 منظور کالونئ،یوسی 3 عاظم بستی ، یوسی 4 چنیسر گوٹھ اور یوسی 5 محمود آباد ، یوسی 6 پی ای سی ایس ایچ1،یوسی 7 پی ای سی ایس ایچ 2 ، یوسی 8 جٹ لائن ،یوسی 9 جیکب لائن ،یوسی 10 کواٹرز ،یوسی 11 گارڈن ایسٹ اور پاکستان کواٹرز شامل ہیں ، جمشید ٹاون میں کورونا سے 50 ہلاکتیں اور 1196 افراد کورونا سے متاثر ہیں۔
ڈسٹرکٹ ساوتھ کے ہاٹ اسپارٹ میں لیاری ٹاون کے علاقے آگرا تاج،دریا آباد،نیا آباد،کھڈا سوسائٹی، بغدادی ،شاہ بیگ لاین،بہار کالونی ،رنگی وارا،سنگو لین،چاکی واڑا اور علامہ کالونی کے علاقے شامل ہیں ، لیاری ٹاون میں اب تک 36 ہلاکتیں اور 993 افراد کورونا سے متاثر ہوئے۔
ڈسٹرکٹ ملیر بن قاسم ٹاون میں ابراہیم حیدری، ریڑھی گوٹھ، بھنس کالونی، قائد آباد، لانڈھی پانچ، گلشن حدیدچھ نمبر اور گھگھر پھاٹک یوسی سیون بھی ہاٹ اسپاٹ میں شامل ہیں، بن قاسم ٹاون کے ان علاقوں میں نو افراد ہلاک اور 130 افراد کورونا سے متاثر ہوئے۔
ملیر ٹاون میں جعفر طیار، غریب آباد، غازی بروہی گوٹھ، ملیر کینٹ یوسی اٹھ بھی ہاٹ اسپاٹ میں شامل ہیں، ملیر ٹان میں ایک شخص ہلاک، اور 57 افراد کورونا سے متاثر ہیں ، اسی طرح لانڈھی ٹاون میں مظفر اباد یوسی ون، مسلم آباد یوسی ٹو، داود چورنگی ، مومن آباد یوسی چار، شرافی گوٹھ بھی ہاٹ اسپاٹ میں شامل ہیں، لانڈھی ٹاون کے ان علاقوں میں 13 افراد ہلاک اور13افراد کورونا سے متاثر ہیں۔
ضلع ملیر کے علاقے گڈاپ میں کورونا سے متاثر ہاٹ اسپاٹ میں مراد میمن گوٹھ ،درسانواور گڈاپ یوسی تھری شامل ہیں، ان علاقوں میں تین افراد ہلاک اور 31 افراد کورونا سے متاثر ہوئے۔
ضلع وسطی گلبرک ٹاون میں شامل ہاٹ اسپاٹ میں گلبرک ٹاون، عزیز آباد، کریم آباد،عائشہ منزل ، انچولی ، نصیر آبادم یاسین آباد، واٹر پمپ اور شفیق مل کا علاقہ بھی شامل ہیں ، گلبرک ٹاون کے ان علاقوں میں 35افراد ہلاک ہوئے۔
