ARYNews.tv | Urdu – Har Lamha Bakhabar

Tag: Sindh Health Dept

  • محکمہ صحت : ڈیلی ویجز ملازمین کے کروڑوں روپے کہاں گئے؟

    محکمہ صحت : ڈیلی ویجز ملازمین کے کروڑوں روپے کہاں گئے؟

    کراچی : کورونا وائرس کے ایام میں ڈیوٹیاں دینے والے ڈی ایچ او کورنگی کے ملازمین کو تاحال بقایاجات نہیں مل سکے، تقریباً 6کروڑ روپے کی رقم کہاں چلی گئی؟

    تفصیلات کے مطابق کوویڈ 19 دنوں میں فرائض انجام دینے والے ڈسٹرکٹ ہیلتھ آفس میں ڈیلی ویجز ملازمین کے 5 کروڑ 96لاکھ 16ہزار روپے کہاں گئے، اس حوالے سے ملازمین پریشان ہیں۔

    ذرائع کا کہنا ہے کہ سندھ کے 25 اضلاع کے تمام ملازمین کو بقایاجات ادا کردیے گئے لیکن ضلع کورنگی کے 360 ملازمین بقایا جات کے حصول سے تاحال محروم ہیں۔

    اس سلسلے میں متاثرہ ملازمین کا کہنا ہے کہ ضلع کورنگی محکمہ صحت کا عملہ فنڈ نہ ملنے کا بہانہ بناتا ہے۔

    محکمہ مالیات سندھ نے کوویڈ 19کے ڈیلی ویجز ملازمین کے بقاجات جاری کر دیے ہیں لیکن ڈی ایچ او کورنگی آفس کے 360 ملازمین تنخواہوں کے حصول سے محروم ہیں۔

    کراچی: سندھ 26اضلاع کے ڈیلی ویجز ملازمین کا فنڈ محکمہ مالیات نے جاری کیا، مجموعی طور پر 74 کروڑ 55 لاکھ 30 ہزار روپے جاری کیے گئے ہیں۔

  • کورنا ویکسینیشن کرانے والوں کیلئے اہم خبر

    کورنا ویکسینیشن کرانے والوں کیلئے اہم خبر

    کراچی : شہر قائد میں ویکسی نیشن سینٹرز کے اوقات کار کم کردیے گئے ، تمام میگا سینٹرز صبح 8 سے رات 8 بجے تک سروس فراہم کی جائے گی۔

    تفصیلات کے مطابق محکمہ صحت سندھ نے ویکسی نیشن سینٹرز کے اوقات کار کم کردیے گئے، ذرائع کا کہنا ہے کہ تمام میگا سینٹرز صبح 8 سے رات 8 بجے تک سروس فراہم کررہے ہیں۔

    ذرائع محکمہ صحت کا کہنا تھا کہ بہت ہی کم تعداد میں لوگ بوسٹر ڈوز لگوانے آرہے ہیں، گزشتہ 24گھنٹےمیں 28ہزار ڈوز لوگوں کو لگائے گئے۔

    ذرائع کے مطابق کراچی میں اب تک 52 فیصد آباد نے ویکسی نیشن لگائی ہے ، 66 لاکھ94 ہزار سے زائدافراد نے صرف پہلی خوراک لگائی جبکہ 43 لاکھ 9 ہزار سے زائد لوگوں نے اپنا دوسرا ڈوز لگا کر کورس مکمل کیا۔

    ذرائع نے بتایا 3 کروڑ کی آبادی میں صرف 42لاکھ افراد نے مکمل ویکسی نیشن کی ہے۔

    یاد رہے سندھ حکومت کی جانب سے ویکسی نیشن کےآغاز پر میگا سینٹرزکو 24 گھنٹے کھلے رکھنے کا فیصلہ کیا گیا تھا۔

    تفصیلات کے مطابق محکمہ صحت سندھ نے ویکسی نیشن سینٹرز کے اوقات کار کم کردیے گئے، ذرائع کا کہنا ہے کہ تمام میگا سینٹرز صبح 8 سے رات 8 بجے تک سروس فراہم کررہے ہیں۔

    ذرائع محکمہ صحت کا کہنا تھا کہ بہت ہی کم تعداد میں لوگ بوسٹر ڈوز لگوانے آرہے ہیں، گزشتہ 24گھنٹےمیں 28ہزار ڈوز لوگوں کو لگائے گئے۔

    ذرائع کے مطابق کراچی میں اب تک 52 فیصد آباد نے ویکسی نیشن لگائی ہے ، 66 لاکھ94 ہزار سے زائدافراد نے صرف پہلی خوراک لگائی جبکہ 43 لاکھ 9 ہزار سے زائد لوگوں نے اپنا دوسرا ڈوز لگا کر کورس مکمل کیا۔

    ذرائع نے بتایا 3 کروڑ کی آبادی میں صرف 42لاکھ افراد نے مکمل ویکسی نیشن کی ہے۔

    یاد رہے سندھ حکومت کی جانب سے ویکسی نیشن کےآغاز پر میگا سینٹرزکو 24 گھنٹے کھلے رکھنے کا فیصلہ کیا گیا تھا۔

  • سندھ میں کورونا کیسز میں اضافے کا الرٹ جاری، اسکولز کھولنے سے متعلق اہم خبر آگئی

    سندھ میں کورونا کیسز میں اضافے کا الرٹ جاری، اسکولز کھولنے سے متعلق اہم خبر آگئی

    کراچی : محکمہ صحت سندھ نے کورونا کیسز میں اضافے کے پیش نظر اسکولز نہ کھولنے کی تجویز دے دی، جس کے بعد محکمہ تعلیم نے پرائمری اور سکینڈری کلاسز کےدوبارہ آغاز کا فیصلہ واپس لینے پر غور شروع کردیا ہے۔

    تفصیلات کے مطابق سندھ میں 23 اگست سے تمام کلاسز کا تدریسی عمل بحال نہ ہونے کا امکان ہے، محکمہ صحت سندھ نے کورونا کیسز میں اضافےکا الرٹ جاری کردیا، جس میں کہا ہے کہ حالیہ دنوں میں ایس اوپیزپر عمل نہ ہونے سے کورونا پھیلاؤ کا خدشہ ہے۔

    محکمہ صحت سندھ کی جانب سے اسکولز نہ کھولنے کی تجویز دی گئی ہے ، جس کے بعد محکمہ تعلیم نے پرائمری اور سکینڈری کلاسز کے دوبارہ آغاز کا فیصلہ واپس لینے پر شروع کردیا ہے۔

    اس حوالے سے محکمہ تعلیم سندھ نے ورکنگ کمیٹی کا اجلاس 22اگست کو طلب کرلیا ہے ، کمیٹی محکمہ صحت کی ایڈوائزری پر تعلیمی اداروں سے متعلق فیصلہ کرے گی ،محکمہ صحت کا کہنا ہے کہ اساتذہ اوروالدین کی ویکسینیشن مکمل نہیں کی جاسکی ہے، والدین اور اساتذہ کی مکمل ویکسینیشن تک خطرات منڈلاتے رہیں گے۔

    خیال رہے سندھ حکومت کی جانب سے م پرائمری تا یونیورسٹی کلاسز 23اگست سےکھولنے کا اعلان کیاگیا تھا۔

  • پاکستان میں کورونا وائرس کی تیسری لہر : سندھ حکومت کا بڑا فیصلہ

    پاکستان میں کورونا وائرس کی تیسری لہر : سندھ حکومت کا بڑا فیصلہ

    کراچی : محکمہ صحت سندھ نے کوروناوائرس کی تیسری لہر کے پیش نظر ایکسپو سینٹر میں قائم فیلڈ آئسولیشن سینٹربند کرنے کے فیصلے پر نظر ثانی کیلئے کمیٹی بنا دی۔

    تفصیلات کے مطابق ملک میں کوروناوائرس کی تیسری لہر کے پیش نظر محکمہ صحت سندھ نے ایکسپو سینٹر میں قائم فیلڈ آئسولیشن سینٹر کو بند کرنے کے فیصلے پر نظرثانی کا فیصلہ کرلیا۔

    محکمہ صحت سندھ نےڈائریکٹر ہیلتھ کراچی کی سربراہی میں نظرثانی کیلئے کمیٹی بنا دی، 6رکنی کمیٹی میں ڈی ایچ اوشرقی،فوکل پرسن ایکسپوسینٹرسمیت دیگر افسران شامل ہیں۔

    ذرائع کا کہنا ہے کہ ایکسپوسینٹرمیں 2300کورونامریض لائے گئے تھے،جس میں سے 1170مریضوں کوانتہائی نگہداشت یونٹ میں رکھاگیاتھا۔

    آئسولیشن سینٹر150ایچ ڈی یواور 1200آئسولیشن بیڈزپرمختص تھا جبکہ فیلڈآئسولیشن سینٹر میں 300افراد4 شفٹس میں خدمات انجام دے رہے تھے۔

    یاد رہے دو روز قبل ہی کراچی کے ایکسپو سینٹر میں قائم فیلڈ اسپتال کو بند کردیا گیا تھا۔

    خیال رہے مارچ 2020 میں کورونا کی پہلی لہر کے دوران محکمہ صحت سندھ نے ہنگامی بنیادوں پر این سی او سی اور آرمی کے ساتھ مل کر ایکسپو سینٹر میں فیلڈ آئسولیشن اسپتال قائم کیا تھا۔