کراچی: شہر قائد میں لاک ڈاؤن کی خلاف ورزی کرنے والے شہریوں کو سزائیں دینے کا فیصلہ کرلیا گیا۔
اے آر وائی نیوز کی رپورٹ کے مطابق کراچی میں کرونا وائرس کے پیش نظر کیے جانے والے لاک ڈاؤن کی خلاف ورزی کرنے والوں شہریوں کو سزاؤں کا سامنا کرنا پڑے گا۔
لاک ڈاؤن کے دوران پولیس، رینجرز، اور پاک فوج کے دستے شاہراہوں پر تعینات ہیں، کراچی میں سرینہ موبائل مارکیٹ کے قریب لاک ڈاؤن کی خلاف ورزی پر اٹھک بیٹھک کروائی گئی۔
انتظامیہ نے شہریوں کو ایک مرتبہ پھر ہدایت کی ہے کہ بلا ضرورت گھروں سے نہ نکلیں، ضرورت کے تحت موٹر سائیکل سوار ہیلمٹ اور ماسک لگا کر نکلیں۔
مزید پڑھیں: کورونا لاک ڈاؤن ، کراچی والے ہوشیار ہوجائیں ، ایپ متعارف
انتظامیہ کا کہنا ہے کہ خواتین اور بچوں کو گھروں سے بلاوجہ نہ نکلنے دیں، گاڑی میں 2 افراد سوار ہیں تو ماسک لگائیں بصورت دیگر سفر کی اجازت نہیں دی جائے گی۔
واضح رہے کہ کراچی میں کرونا وائرس کے 17 نئے کیسز سامنے آئے ہیں جس کے بعد شہر میں کرونا کے مریضوں کی تعداد 181 ہوگئی ہے۔
خیال رہے کہ کراچی میں لاک ڈاؤن کے دوران شہریوں کی نقل و حرکت محدود رکھنے کیلئے سٹیزن مانیٹرنگ ایپ متعارف کرادی ، جس کے بعد شہری دن میں2سےزائد مرتبہ نقل و حرکت نہیں کرسکیں گے۔
ڈی آئی جی آپریشنز مقصود میمن کا کہنا تھا کہ ثابت ہونے پرقانونی کارروائی عمل میں لائے جائے گی، ایپ میں کسی بھی شہری کےکوائف درج کئےجا سکیں گے، ایپ لاک ڈاؤن پرعملدارآمدمؤثربنانےمیں مددگار ثابت ہو گی۔ شہری گھروں میں محدود رہیں، کروناسے محفوظ رہیں۔
