کراچی: سندھ میں مون سون سسٹم کی انٹری کے بعد محکمہ تعلیم سندھ نے چھٹی سے متعلق ڈپٹی کمشنرز کوخط لکھ دیا۔
اے آر وائی نیوز کے مطابق محکمہ تعلیم سندھ کی جانب سے ڈپٹی کمشنرز کو بھیجے خط میں کہا گیا ہے کہ بارشوں کے باعث تعلیمی اداروں میں چھٹی کااختیار ڈپٹی کمشنرز کے پاس ہوگا۔
خط میں مزید کہا گیا ہے کہ بارشوں کے بعد صورتحال پر ڈی سیز تعطیل سے متعلق خود فیصلہ کرسکتے ہیں جبکہ ڈی سیز محکمہ تعلیم سے مشاورت کے بعد اپنے ضلع میں چھٹی دینے کا مجازہو گا۔
واضح رہے کہ بارش برسانے والا سسٹم کراچی سے 320 کلومیٹر کے فاصلے پر ہے، چیف میٹرولوجسٹ سردار سرفراز نے شہر میں سیلابی صورتحال کا خدشہ ظاہر کردیا۔
سندھ میں بارشوں کا دھواں دھار اسپیل جاری ہے، کراچی کے مختلف علاقوں میں بھی بادل وقفے وقفے سے برس رہے ہیں۔
محکمہ موسمیات کا کہنا ہے کہ ڈیپ ڈیپریشن رات سے شہر میں داخل ہوچکاہے، سسٹم کے زیر اثر گرج چمک اورتیز ہواؤں کیساتھ بادل برسیں گے اور 28 سے33 نارٹیکل مائل کی رفتار سے ہوائیں چل سکتی ہیں۔
چیف میٹرولوجسٹ سردار سرفراز نے بتایا کہ بارش برسانے والا سسٹم شہر قائد سے 320 کلومیٹر کے فاصلے پر ہے، جس سے شہر میں اربن فلاڈنگ کا بھی خدشہ ہے، اس لئے شہری احتیاط کریں۔
سردار سرفراز کا کہنا تھا کہ ہوا کا کم دباؤ اس وقت بھارتی گجرات کی جانب ہے، شہر میں آندھی دوبارہ چل سکتی ہے اور 100 سے 200 ملی میٹر تک بارش ہوسکتی ہے۔
ملک گیر ہڑتال پر تاجر تنظیمیں 2 حصوں میں تقسیم
انھوں نے بتایا کہ کل تک سسٹم شہر کے جنوب کی جانب قریب ہوجائے گا، جس سے شہر میں موسلادھار بارش کا امکان زیادہ ہے۔
