Tag: سندھ

لاڑکانہ : چانڈ کا میڈیکل کالج اوراسپتال میں ڈائی لیسس کے لیے آنے والے 150 مریضوں میں سے 49 میں ایچ آئی وی وائرس کی موجودگی کا نکشاف ہوا ہے۔

تفصیلات کے مطابق لاڑکانہ میں قائم چانڈکا میڈیکل کالج اوراسپتال کے گردوں کے وارڈ میں ڈائی لیسیس کے لیے آنے والے مریضوں میں ایڈز کا وائرس ایچ آئی وی کی موجودگی نے پورے اسپتال میں تشویش کی لہر دوڑا دی ہے۔

اسپتال کے میڈیکل سپرنٹینڈینٹ کا کہنا ہے کہ مریضوں میں ایچ آئی وی وائرس کی موجودگی کا جان کرحیرانگی ہوئی ہے،تحقیقات کر رہے ہیں کہ کس طرح بناء ٹیست کیے ایڈز کے مریضوں کا ڈائی لیسس کیا گیا۔

اسپتال کے ایم ایس کے مطابق ڈائی لیسس کرنے سے پہلے مریضوں کے ہیپاٹائیٹس اور ایڈز کے ٹیسٹ لیے جاتے ہیں اور رپورٹ مثبت آنے پر کسی ایک مخصوص ڈائی لیسیس مشین پر ہی ایسے مریضوں کا ڈائی لیسیس کرایا جاتا ہے تا کہ یہ واےرس کسی دوسرے مریض میں منتقل نہ ہو۔

ایڈزکنٹرول پروگرام کے منیجرڈاکٹریونس چاچڑکراچی سے چانڈ کا اسپتال پہنچے جہاں انہوں نےمریضوں کے بلڈ نمونے لیکرکراچی روانہ کردیے ڈاکٹر یونس کا کہنا ہے جب تک کراچی کی رپورٹ نہیں آتی مریضوں میں ایچ آئی وی کی تصدیق نہیں کی جا سکتی۔

اسپتال میں موجود مریضوں کا کہنا ہے کہ 20 سے زائد ڈائی لیسس مشینوں میں سے 4 مشینیں خراب ہیں جب کہ ہیپاٹائیٹس اورایڈز کےمریضوں کے لیےعلیحدہ مشینوں کا انتظام نہ ہونے کے باعث دیگرمریضوں میں بھی ہیپاٹئیٹس اور ایچ آئی وی کے وائرس تیزی سے پھیل رہے ہیں۔

کراچی : حکومت سندھ نے سیکیورٹی کو پیش نظررکھتے ہوئے وفاقی حکومت کو 8 سے 10 محرم تک موبائل فون اور موٹر سائیکل کی ڈبل سواری پر پابندی عائد کرنے کی تجویزدے دی ہے۔

تفصیلات کے مطابق حکومت سندھ نے محرم الحرام میں سیکورٹی کو ممکن بنانے کے غرض سے وفاقی حکومت سے 8 سے 10 محرم تک صبح 8 سے شام 8 بجے تک موبائل سروس معطل رکھنے کی استدعا کی ہے

جب کہ سندھ حکومت محرم الحرام کے پہلے عشرے کے آخری تین دن 8 محرم سے 10 محرم تک صوبے کے اہم اورفرقہ واریت کے حوالے سے کشیدہ شہروں میں ڈبل سواری پر بھی پابندی عائد کرنے پرغور کررہی ہے۔

واضح رہے محرم الحرام میں فرقہ ورانہ دہشت گردی سے نمٹنے کے لیے ہنگامی بنیادوں پر اقدام کیے جاتے ہیں تا کہ کسی بھی ممکنہ دہشت گردی کے واقعے سے محفوظ رہا جا سکے اس حوالے سے موبائل سروس میں بندش اور ڈبل سواری پر پابندی جیسے سخت اقدام بھی کرنا پڑتے ہیں۔

دوسری جانب ڈی جی رینجرز اور وزیر اعلیٰ سندھ کے درمیان امن عامہ کے حوالے سے ہونے والی ایک اہم میٹنگ میں بھی سندھ حکومت کی جانب سے موبائل سروس اور موٹر سائیکل کی ڈبل سواری پر پابندی کی تجاویزات بھی زیر بحث لائی جائیں گی جب کہ ڈی جی رینجرز محرم الحرام میں سیکیورٹی کے حوالے سے طے کیے گئے پلان سے وزیر اعلیٰ سندھ کو آگاہ کریں گے۔