Tag: سندھ

کراچی: سندھ کے مختلف اضلاع میں فائبر آپٹیکل کیبل بچھانے کے 2 الگ الگ معاہدوں پر دستخط کر دیے گئے۔

تفصیلات کے مطابق وفاقی وزارت انفارمیشن ٹیکنالوجی و ٹیلی کمیونیکشن کے تحت سندھ کے لیے 3 ارب روپے کے دو منصوبوں پر دستخط کیے گئے ہیں۔

دونوں منصوبوں پر مجموعی لاگت 3 ارب روپے سے زائد آئے گی، جن کی تکمیل پر سکھر، خیرپور، گھوٹکی اور کشمور اضلاع کے مختلف علاقوں کی 140 یونین کونسلوں کے 47 لاکھ سے زائد افراد کو تیز ترین انٹرنیٹ کی سہولیات میسر آ سکیں گی۔

معاہدوں پر دستخط وزارت آئی ٹی کے ادارے یونی ورسل سروس فنڈ کے سی ای او حارث محمود چوہدری اور پی ٹی سی ایل کے قائم مقام سی ای او ندیم خان نے کیے۔

منصوبوں کی تکمیل سے مذکورہ اضلاع میں 5 مربع کلومیٹر کی حدود میں آنے والے 372 تعلیمی ادارے، 170 صحت کے مراکز، 217 سرکاری دفاتر اور 131 بینکوں کو تیز ترین انٹرنیٹ سے منسلک کیا جا سکے گا۔

وفاقی وزیر سید امین الحق کا کہنا تھا کہ سندھ کے دیہی علاقوں تک آئی ٹی خدمات پہنچانے کا عمل جاری ہے، سندھ میں 6 ارب روپے سے زائد رقم سے فائبر آپٹک کو پچھایا جارہا ہے۔

انھوں نے کہا حکومت ای پارلیمنٹ پر بھی کام کر رہی ہے، جون 30 کے بعد پارلیمنٹ میں ہر سیٹ پر ٹیلنٹ آویزاں ہوگا۔

وفاقی وزیر کا کہنا تھا کہ کرونا وبا میں پاکستان کی آئی ٹی ایکسپورٹ میں اضافہ ہوا ہے، سال 2018۔19 میں آئی ٹی ایکسپورٹ 99 کروڑ 50 لاکھ ڈالر تھی، جب کہ سال 2019۔20 میں ایکسپورٹ 1 ارب 23 کروڑ ڈالر ہو گئی، آئی ٹی کی ایکسپورٹ میں 24 فی صد اضافہ ہوا۔

لاڑکانہ: پاکستان پیپلز پارٹی کے چیئرمین بلاول بھٹو زرداری نے کہا ہے کہ 31 جنوری تک عمران خان نے استعفیٰ نہ دیا تو لانگ مارچ ہوگا، ہم اسلام آباد کا رخ کریں گے اور بھرپور تحریک چلائیں گے، عوام موجودہ حکومت کا بوجھ مزید نہیں اٹھا سکتے، مزید وقت دیا گیا تو ملک کا بیڑہ غرق ہو جائے گا۔

بلاول بھٹو گڑھی خدا بخش میں بے نظیر بھٹو کی برسی کے موقع پر جلسے سے خطاب کر رہے تھے، انھوں نے کہا وقت آگیا ہے تیاری کرلو،گڑھی خدا بخش کے میدان میں وعدہ کریں، لانگ مارچ کی کال دوں تو دمادم مست قلندر کا نعرہ لگا کر نکلیں گے۔

انھوں نے کہا تاریکی چھٹنے والی ہے، حکمرانوں کے احتساب کا وقت آ چکا ہے، عوام کو عوامی راج دے کر نکلیں گے۔

بلاول کا کہنا تھا معیشت تباہ ہو چکی، صوبوں کو ان کا حق نہیں دیا جا رہا، وزیر اعظم صوبوں کو حق دینے کی بجائے اس پر بات تک نہیں کرتے، حکومت نے ڈھائی سال میں ریکارڈ قرض لیے، پاکستان کی پوری تاریخ پر ان کے ڈھائی سال کے قرضوں کا وزن زیادہ ہے۔

حکومتوں میں لانا اور لے جانا سیاسی جماعتوں کا نہیں، عوام کا کام ہے، مریم نواز

بلاول بھٹو کا کہنا تھا سندھ اور بلوچستان کے جزیروں پر قبضے کیے جا رہے ہیں، یہ عوام کے ساحل ہیں ہم کسی کو قبضہ کرنے نہیں دیں گے، ملک میں سب سے زیادہ گیس سندھ، بلوچستان پیدا کرتے ہیں، لیکن کراچی سے کشمور، کوئٹہ سےگوادر بلکہ سوئی کے عوام کو بھی گیس نہیں ملتی، آئین کے مطابق جس کا پہلا حق ہے وہی عوام گیس کو ترس رہے ہیں۔

ہم نے ملک کو اپنے بچوں کی طرح سنبھال کر چلایا، آصف زرداری

انھوں نے کہا ہم آج بھی چاہتے ہیں کہ سی پیک کامیاب ہو، لیکن صرف وہ سی پیک کامیاب ہو سکتا ہے جو مقامی لوگوں کو فائدہ دے، ہمیں وہ سی پیک چاہیے جس کی بنیاد آصف زرداری نے رکھی تھی، جس کے لیے نواز شریف نے محنت کی، سی پیک سندھ یا پنجاب کی وجہ سے نہیں بلکہ بلوچستان اور جی بی کی وجہ سے ہے۔

بلاول کا کہنا تھا آج بے نظیر درمیان ہوتیں تو موجودہ حکمران ان کا مقابلہ نہیں کر پاتے، آج ہمیں بے نظیر کی بہادری اور ذہانت کی ضرورت ہے، بے نظیر بھٹو نے جس صبح کے لیے شہادت قبول کی وہ انشاء اللہ آئے گی۔