Tag: singapoor

واشنگٹن: امریکی صدر ڈونلڈ ٹرمپ نے کہا ہے کہ وہ شمالی کوریا کے سربراہ کم جونگ ان سے 12 جون کو سنگاپور میں ملاقات کریں گے۔

تفصیلات کے مطابق شمالی کوریا کے سرکاری وفد نے آج امریکی صدر ڈونلڈ ٹرمپ سے ملاقات کی جس کے بعد ٹرمپ نے شمالی کوریا کے رہنما کم جونگ ان سے 12 جون کو سنگاپور میں باقاعدہ ملاقات کا اعلان کیا ہے۔

امریکی میڈیا کا کہنا ہے کہ شمالی کوریا کے سرکاری وفد نے امریکی صدر سے وائٹ ہاؤس میں دو گھنٹے ملاقات کی اس دوران وفد نے کم جونگ ان کا پیغام ٹرمپ تک پہنچایا اور ایٹمی پروگرام سے متعلق تبادلہ خیال کیا۔

وائٹ ہاؤس میں صحافیوں سے گفتگو کرتے ہوئے امریکی صدر ڈنلڈ ٹرمپ کا کہنا تھا کہ وفد کے ہمراہ ملاقات کامیاب رہی امید ہے شمالی کوریا کے سربراہ سے بھی ملاقات کامیاب رہے گی۔

امریکی صدر ٹرمپ شمالی کوریا کے رہنما سے ملاقات پر رضامند

ٹرمپ کا کہنا تھا کہ کم جونگ ان سے مطالبہ کیا جائے گا کہ وہ ایمٹی پروگرام سے دست بردار ہوں اور جوہری ہتھیار ختم کریں، ہم یہ جانتے ہیں کہ ایک ملاقات میں یہ ممکن نہیں ہے لیکن دونوں ملکوں کے درمیان تعلقات کو مضبوط کرنا ضروری ہے۔

خیال رہے کہ گذشتہ دنوں امریکی صدر ڈونلڈ ٹرمپ نے سماجی رابطے کی ویب سائٹ ٹوئٹر پر جاری کردہ اپنے بیان میں شمالی کوریا کے رہنما کم جونگ ان سے ملاقات پر آمادگی کا اظہار کیا تھا۔

برف پگھل نہ سکی، ٹرمپ نے کم جونگ سے ملاقات ملتوی کردی

جاری کردہ بیان میں ٹرمپ کا کہنا تھا کہ شمالی کوریا کے رہنما سے ملاقات کے حوالے سے مثبت رابطے اور بات چیت ہوئی ہے، اگر یہ ملاقات ہوئی تو 12 جن کو سنگاپور میں ہی ہوگی اور اگر ضرورت محسوس ہوئی تو ملاقات 12 جون کے بعد بھی ہوسکتی ہے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔