ARYNews.tv | Urdu – Har Lamha Bakhabar

Tag: Singapore

  • کم جونگ اُن سے ملاقات سنگاپور میں ہوگی، امریکی صدر کا ٹوئٹ

    کم جونگ اُن سے ملاقات سنگاپور میں ہوگی، امریکی صدر کا ٹوئٹ

    واشنگٹن: امریکی صدر ڈونلڈ ٹرمپ نے اپنے ٹوئٹ میں سربراہ شمالی کوریا سے ملاقات کی تاریخ و مقام کا اعلان کردیا، انھوں نے کہا ہے کہ ہم سنگاپور میں ملیں گے۔

    تفصیلات کے مطابق ڈونلڈ ٹرمپ نے کہا ہے کہ کم جونگ اُن سے ملاقات 12 جون کو ہوگی۔ ہم دونوں کوشش کریں گے کہ اس ملاقات کو عالمی امن کے لیے ایک خصوصی لمحہ بنادیں۔

    خیال رہے کہ پانچ مئی کو امریکی صدر نے وائٹ ہاؤس میں صحافیوں سے گفتگو کرتے ہوئے کہا تھا کہ شمالی کوریا کے رہنما کے ساتھ ملاقات کی تاریخ طے ہوگئی ہے، یہ خیال کیا جارہا تھا کہ ملاقات سنگاپور میں ہوگی۔

    امریکی صدر ڈونلڈ ٹرمپ ملاقات میں شمالی کوریا پر ایٹمی ہتھیار ختم کرنے کے لیے دباؤ ڈالیں گے، دوسری طرف آج ہی انھوں نے ٹوئٹ کے ذریعے شمالی کوریا میں قید تین امریکیوں کی رہائی کی خبر بھی دی ہے جس سے دونوں ممالک کے درمیان مزید برف پگھلنے کا اشارہ ملتا ہے۔

    واضح رہے امریکی وزیر دفاع مائک پومپیو پہلے سے طے شدہ مذکرات کے سلسلے میں شمالی کوریا میں موجود ہیں جو دونوں ممالک کے درمیان جوہری ہتھیاروں کے حوالے سے ممکنہ معاہدے میں اپنا کردار ادا کر رہے ہیں۔

    یہ بھی پڑھیں:  شمالی کوریا کے سربراہ کا دورہ چین، شی جن پنگ سے ملاقات

    دوسری طرف شمالی کوریا کے سربراہ کم جونگ اُن نے چین کا دورہ کرتے ہوئے چینی صدر شی جن پنگ سے ملاقات کی، جس میں دونوں رہنماؤں نے دوطرفہ تعلقات کو مزید مضبوط بنانے پر روز دیا، امریکی صدر سے ملاقات سے قبل اس دورے کو اہم قرار دیا جا رہا ہے۔

    یہ بھی پڑھیں:  امریکی صدر ٹرمپ کا ایران سے جوہری معاہدہ ختم کرنے کا اعلان

    دریں اثنا امریکی صدر نے ایران کے ساتھ جوہری معاہدہ یک طرفہ قرار دیتے ہوئے ایک روز قبل ختم کردیا ہے، ان کا کہنا تھا کہ ایران نے معاہدے کے باوجود جوہری پروگرام جاری رکھا، ایران اور اس کے ساتھ جوہری تعاون کرنے والی ریاست پر پابندیاں لگائی جائیں گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سب سے زیادہ درختوں والے شہر

    سب سے زیادہ درختوں والے شہر

    دنیا بھر میں کچھ شہر اپنی بلند و بالا عمارتوں، جھلملاتی روشنیوں، اور مصنوعی آرائش کی وجہ سے مشہور ہوتے ہیں جہاں دنیا بھر کے لوگ آنا اور سیاحت کرنا پسند کرتے ہیں۔

    تاہم آج ہم کو ایسے شہروں کے بارے میں بتانے جارہے ہیں جو نہایت سرسبز ہیں اور ان کا زیادہ تر حصہ درختوں پر مشتمل ہے۔

    ایمسٹر ڈیم

    یورپی ملک نیدر لینڈز کے دارالحکومت ایمسٹر ڈیم کا 20.6 فیصد حصہ جنگلات اور درختوں پر مشتمل ہے۔ یہاں کی حکومت نے اس سبزے میں اضافے کے لیے صرف سنہ 2015 میں 34 لاکھ ڈالرز خرچ کیے۔

    جنیوا

    سوئٹزر لینڈ کا شہر جنیوا سرسبز پارکس کا شہر کہلایا جاتا ہے جس کا 21.4 فیصد رقبہ سبزے پر مشتمل ہے۔

    فرینکفرٹ

    جرمنی کے شہر فرینکفرٹ کا 21.5 فیصد حصہ درختوں اور جنگلات پر مشتمل ہے۔

    سیکریمنٹو

    امریکی ریاست کیلی فورنیا کے شہر سیکریمنٹو میں دا ٹری فاؤنڈیشن نامی تنظیم اسے شہری جنگل بنانے کا ارادہ رکھتی ہے اور اب تک شہر کے 23.6 فیصد حصے پر درخت اگائے جاچکے ہیں۔

    مزید پڑھیں: شہری زراعت ۔ مستقبل کی اہم ضرورت

    یہاں کے خشک موسم کی وجہ سے اکثر و بیشتر جنگلات میں آگ بھی لگ جاتی ہے جو جانی و مالی نقصان کا سبب بنتی ہے۔

    جوہانسبرگ

    جنوبی افریقہ کے شہر جوہانسبرگ کا بھی 23.6 فیصد سبزے پر مشتمل ہے۔ پورا شہر 60 لاکھ درختوں سے ہرا بھرا ہے۔

    ڈربن

    جنوبی افریقہ کا ایک اور شہر ڈربن بھی اپنے رقبے کا 23.7 فیصد حصہ سبزے کے لیے مختص کر چکا ہے۔

    یہاں کی آبادی بھی مختصر سی ہے لہٰذا ایک تحقیق کے مطابق اگر اس شہر کے سبز رقبے کو لوگوں کی ملکیت میں دیا جائے تو ہر شخص کے حصے میں 187 اسکوائر میٹر سبز رقبہ آئے گا۔

    کیمبرج

    امریکی ریاست میساچوسٹس کا شہر کیمبرج 25.3 فیصد جنگلات پر مشتمل ہے۔ یہاں موجود ایک آئی ٹری کمپنی گوگل میپس کے ذریعے درختوں کی دیکھ بھال کرتی ہے۔

    وین کور

    کینیڈا کے شہر وین کور کا 25.9 فیصد حصہ سبزے پر محیط ہے۔ یہاں کی مقامی حکومت چاہتی ہے سنہ 2020 تک جب یہاں کے لوگ چہل قدمی کے لیے نکلیں تو ہر 5 منٹ کے فاصلے پر انہیں سبزہ نظر آئے۔

    سڈنی

    آسٹریلیا کے شہر سڈنی میں 400 پارکس کے علاوہ مختلف مقامات پر 188 ایکڑ کے سبزے کے ساتھ 25.9 فیصد حصہ رقبہ سبزے پر مشتمل ہے۔

    سنگاپور

    پہلے نمبر پر سنگاپور ہے جہاں کا 29.3 فیصد رقبہ سر سبز اور جنگلات پر مشتمل ہے۔ سنہ 2030 تک یہاں کی 85 فیصد آبادی سرسبز و شاداب مقامات پر رہنے لگے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سنگاپور کا پاسپورٹ ‘ دنیا بھرمیں سب سے طاقتور

    سنگاپور کا پاسپورٹ ‘ دنیا بھرمیں سب سے طاقتور

    ٹورنٹو:سنگاپور کا پاسپورٹ عالمی رینکنگ میں پہلے نمبر پر بلا شرکت غیرے براجمان ہوگیا‘ پاکستان اس فہرست میں 93 ویں نمبر پر ہے۔

    تفصیلات کےمطابق نئی جاری کردہ پاسپورٹ انڈیکس میں سنگاپور تنہا پہلے نمبر پر ہے‘ اس سے قبل سنگاپور اور جرمنی پہلی پوزیشن پر براجمان تھے ‘ پیراگوئے کی جانب سے سنگاپور کے شہریوں کو ویزہ فری انٹری دینے کے بعد جرمنی دوسرے نمبر پر آگیا ہے۔

    سنگاپور کے شہری 159 ممالک میں بغیر ویزہ کے داخل ہوسکتے ہیں ‘ جبکہ جرمنی کے شہریوں کو 158 ممالک میں ویزہ فری انٹری حاصل ہے‘ جبکہ سویڈن اور جنوبی کوریا تیسری نمبر پر ہیں۔

    اسی فہرست میں امریکی پاسپورٹ چھٹی پوزیشن ہے ‘ جبکہ ملیشیا‘ آئر لینڈ اور کینیڈا بھی اسی پوزیشن پر براجمان ہیں ۔ یاد رہے کہ امریکا کی پوزیشن ڈونلڈ ٹرمپ کی حکومت کے فیصلوں کے خلاف ‘ ترکی اور وسط افریقی جمہوریہ کی جانب سے ویزہ فری انٹری کا اسٹیٹس واپس لینے کے سبب گری ہے۔

    ایسے ممالک جہاں پاکستانیوں کو بغیرویزہ داخلے کی اجازت ہے

    افغانستان اس فہرست میں سب سے نچلے درجے پر یعنی 94 ویں نمبر پر ہے ‘ جس کے شہریوں کو محض 22 ممالک میں ویزہ انٹری حاصل ہے۔

    پاکستان اس فہرست میں 93 ویں نمبر پر ہے‘ یعنی افغانستان سے محض ایک درجہ اوپر۔  پاکستان اور جنگ سے متاثرہ ملک عراق مشترکہ پوزیشن پر ہیں۔ دوسری جانب بھارت نے انڈیکس میں اپنی پوزیشن کو مستحکم کرتے ہوئے 78 ویں نمبر سے اٹھ کر 75 ویں پوزیشن حاصل کرلی ہے۔

    یہ انڈیکس کینیڈا کی ایک کنسلٹی فرم آرٹن کیپیٹل کی جانب سے جاری کی جاتی ہے اور اس کے مینجنگ ڈائریکٹر کا فلپ مے کا کہنا ہے کہ پہلی بار کوئی ایشیائی ملک اس فہرست میں پہلے نمبر پر بلا شرکت غیرے براجمان ہوا ہے‘ جو کہ سنگاپور کی ڈپلومیٹک کاوشوں اور بہترین خارجہ پالیسی کا نتیجہ ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • امریکی جنگی بحری جہاز تیل بردار تجارتی جہاز سے ٹکرا گیا، 10 اہلکار لا پتہ

    امریکی جنگی بحری جہاز تیل بردار تجارتی جہاز سے ٹکرا گیا، 10 اہلکار لا پتہ

    سنگاپور: امریکی جنگی بحری جہاز ، تیل بردار تجارتی جہاز سے ٹکرا گیا، جس کے نتیجے میں امریکن نیوی کے 10 اہلکار لا پتہ ہیں۔

    امریکی بحریہ کی جانب سے جاری بیان کے مطابق یو ایس ایس جوہن ایس مکین سنگاپور کی بندرگاہ کی طرف جا رہا تھا کہ راستے میں تیل بردار تجارتی جہاز سے ٹکرا گیا، جس کے نتیجے میں امریکن نیوی کے پانچ اہلکارزخمی جبکہ 10 اہلکار لا پتہ ہیں۔

    لاپتہ اہلکاروں کی تلاش کیلئے ریسکیو آپریشن شروع کردیا گیا ہے، جس میں امریکہ، سنگاپور اور ملائیشین بحریہ کی ٹیمیں حصہ لے رہی ہیں۔

    حادثہ سنگاپورکی ساحلی پٹی پر پیش آیا۔

    یو ایس ایس جوہن ایس مکین میزائل ڈیفنس سسٹم کا حامل بحری جہاز ہے، جو شمالی کوریا کے کسی بھی ممکنہ ایٹمی حملے سے نمٹنے کیلئے جاپان کے پانیوں میں موجود ہے۔

    امریکی بحریہ کے سابق آپریشنز ڈائریکٹر کارل چسٹر کا کہنا ہے کہ تیل بردار تجارتی جہاز امریکی بحری جہاز سے تین گنا وزنی تھا۔

    مزید پڑھیں : امریکی بحری جنگی جہاز تجارتی جہاز سے ٹکرا گیا،7 اہلکار لاپتہ

    یاد رہے کہ دو ماہ قبل بھی امریکی بحریہ کا جنگی جہاز ایک مال بردار جہاز سے ٹکرا گیا تھا، حادثے میں جہاز کے کمانڈنگ افسر سمیت تین افراد زخمی ہوئے جبکہ عملے کے سات اہلکار لاپتہ ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مکسڈ مارشل آرٹ : پاکستان کے ایم ایم اے فائٹراحمد مجتبیٰ ناقابل شکست

    مکسڈ مارشل آرٹ : پاکستان کے ایم ایم اے فائٹراحمد مجتبیٰ ناقابل شکست

    سنگاپور : پاکستان کے مکسڈ مارشل آرٹ فائٹر احمد مجتبیٰ نے سنگاپور میں ہونے والا مقابلہ جیت لیا، وہ فیدر ویٹ کیٹیگری کے مقابلوں میں اب تک ناقابل شکست ہیں۔

    تفصیلات کے مطابق سنگاپور میں ہونے والی ون چیمپیئن شپ کی فیدر ویٹ باؤٹ کیٹیگری میں احمد مجتبیٰ کا مقابلہ سنگاپورکے بینڈکٹ اینگ سے ہوا۔

    ahmed-post-1

    تین راؤنڈز تک جاری مقابلے میں دونوں حریفوں نے ایک دوسرے پر مکسڈ مارشل آرٹ کے بھرپورحربے استعمال کیے۔ کانٹے دار مقابلے کے بعد ججز نے متفقہ فیصلے کے بعد احمد مجتبیٰ کومقابلے کا فاتح کھلاڑی ٹھہرا دیا۔

    ahmed-post-2

    واضح رہے کہ ورلڈ سیریز آف فائٹنگ گلوبل میں ولفورین کے نام سے پہچان بنانے والے احمد مجتبیٰ کی یہ مسلسل ساتویں کامیابی ہے۔ وہ فیدرویٹ ٹائٹل جیتنے کا بھی اعزاز رکھتے ہیں۔

    ahmed-post-3

  • شیرل کس دن پیدا ہوئی؟

    شیرل کس دن پیدا ہوئی؟

    سنگاپور میں ایک ٹی وی پروگرام کے میزبان نے ریاضی کا ایک سوال اپنی فیس بک پر پوسٹ کیا جس کا جواب تلاش کرنے میں جہاں ہزاروں افراد ناکام رہے وہیں بہت سے لوگ یہ سوچتے رہ گئے کہ کیا سنگاپور میں طلبہ سے ایسے ہی سوال کیے جاتے ہیں؟

    اس سوال میں قارئین سے ایک لڑکی شیرل کے یوم پیدائش کے بارے میں سوال کیا گیا ہے اور اس کی بنیاد وہ چند اشارے ہیں جو شیرل اپنے دوست البرٹ اور برنارڈ کو دیتی ہے۔

    مئی 15، 16 اور 19

    جون 17 اور 18

    جولائی 14 اور 16

    اگست 14، 15 اور 17

    سنگاپور میں طلبہ سخت امتحانات کی وجہ سے دباؤ کا شکار رہتے ہیں اور یہ یہاں کا ایک مستقل مسئلہ ہے۔

    شیرل کے یوم پیدائش کے سوال نے ایک بار پھر اس تشویش کو ہوا دی ہے کہ یہاں کا نظام تعلیم بہت پیچیدہ ہے۔

    ابتدا میں یہ بات سامنے آئی تھی کہ یہ سوال 11 سال کے بچوں کے امتحان کا تھا لیکن بعد میں پتہ چلا کہ یہ گذشتہ ہفتے سنگاپور اینڈ ایشین سکول میتھ اولمپیاڈ (سیسمو) میں حصہ لینے والے 15 سال کے بچوں سے پوچھا گیا تھا۔

    منتظمین نے کہا کہ یہ سوال ٹاپ 40 فی صد کے لیے تھا تاکہ ’بہتر طلبہ کا اندازہ لگایا جا سکے۔‘

  • سنگاپور: وزیراعظم لی کوان کی آخری رسومات آج اداکی جائیں گی

    سنگاپور: وزیراعظم لی کوان کی آخری رسومات آج اداکی جائیں گی

    سنگار پور کے سابق وزیر اعظم لی کوان کی آخری رسومات سے قبل سیکیرٹی انتظات سخت کردیے گئے۔

    سنگاپور کے سابق وزیر اعظم انجہانی لی کوان کی آخری رسومات آج پارلیمنٹ میں ادا کی جائینگی اس موقع پر سیکیورٹی کے سخت انتظامات کیے گئے ہیں۔

    انجہانی لی کوان کی آخری رسومات میں بھارتی وزیر اعظم نریندر مودی،جاپانی وزیر اعظم شنزو ایبے سمیت کئی عالمی سربراہان شرکت کریں گے۔

    سنگاپور کے سابق وزیر اعظم لی کوان تئیس مارچ کو طویل علالت کے بعد انتقال کرگئے تھے۔لی کوان نے سنگارپور کی ترقی میں اہم کردار ادا کیا۔

  • امیزنگ اسپائیڈرمین2 کا گلوبل پروموشن، سنگاپورمیں رنگارنگ پریمیئر

    امیزنگ اسپائیڈرمین2 کا گلوبل پروموشن، سنگاپورمیں رنگارنگ پریمیئر

    spider