Tag: Siraj ul Haq meet PTI leaders

کوئٹہ: جماعت اسلام کے امیر سراج الحق نے نومبر میں مینار پاکستان سے تحریک پاکستان ریلی شروع کرنے کا عندیہ دیتے ہوئے کہا کہ آئین نہ رہا تو فیڈریشن کو یکجا کرنا ناممکن ہوجائے گا حکومت اور دھرنے دینے والی جماعتوں نے مذاکرات کے ایجنڈے پر عمل نہ کیا تو تینوں فریق ذلت کا شکار ہونگے۔

کوئٹہ میں غزہ ریلی سے خطاب کرتے ہوئے انہوں نے کہا کہ فلسطین کی صورتحال مسلمانوں کے عدم اتفاق کا نتیجہ ہے مسلم ممالک یکجا ہوجائیں تو غزہ جیسی صورتحال کسی مسلمان ملک میں نظر نہیں آئے گی انہوں نے کہا کہ حکومت اور دھرنے دینے والی جماعتوں نے اپوزیشن جرگے کی تجاویز کو نظر انداز کیا تو تینوں فریقین کو ذلت کا سامنا کرنا پڑے گا۔

انہوں نے کہا کہ ہم نہیں چاہتے کہ دھرنوں کے کارکن ناکام چلے جائیں اس طرح ہوا تو ہمارے کارکن بھی احتجاجی ریلیوں اور دھرنوں سے مایوس ہوجائیں گے انہوں نے کہا کہ پاکستان کو اسلام آباد کی بیوروکریسی سے خطرہ ہے انہوں کا کہنا تھا کہ جماعت اسلامی نومبر میں مینار پاکستان سے تحریک پاکستان کا آغاز کیا جائے گا جو لاہور ، خیبر پختونخواء ، کراچی اور خاران ، گوادر تک جائیگی اور پہاڑوں پر بیٹھے لوگوں کو سینے سے لگا کر واپس لائینگے اُن کو پہاڑوں پر نہیں اسمبلیوں میں ہونا چاہیے جیلوں میں یہ لوگ نہیں بلکہ پاکستان کو لوٹنے والوں کو جانا چاہیے۔