ARYNews.tv | Urdu – Har Lamha Bakhabar

Tag: Siraj ul Haq

  • آنکھیں بند کر کے اسلام اور مسلمانوں پر الزام تراشی نہیں ہونی چاہیئے، سراج‌الحق

    آنکھیں بند کر کے اسلام اور مسلمانوں پر الزام تراشی نہیں ہونی چاہیئے، سراج‌الحق

    لاہور: امیر جماعت اسلامی سنیٹر سراج الحق نے پیرس حملوں کی شدید مذمت کی اور کہا کہ آنکھیں بند کر کے اسلام اور مسلمانوں پر الزام تراشی نہیں ہونی چاہیئے، پہلے ہی عراق کی جنگ میں ٹونی بلیئر دنیا سے غلط اطلاعات پر معافی مانگ چکے ہیں۔

    لاہور میں میڈیا سے گفتگو کرتے ہوئے امیر جماعت اسلامی سنیٹر سراج الحق نے کہا ہے کہ آئی ایس پی آر کی پریس ریلیز کو زیادہ سنجیدہ لینے کی ضرورت نہیں تھی، پریس ریلیز کا جواب کسی ملاقات میں دیا جا سکتا تھا، دو شریفوں اور شریکوں کے درمیان فاصلے نہیں بڑھنے چاہیئیں اور قومی اداروں کو اپنے اپنے دائرہ کار میں رہ کر کام کرنا چاہیئے۔

    سراج الحق نے پیرس حملوں کی شدید مذمت کی اور کہا کہ آنکھیں بند کر کے اسلام اور مسلمانوں پر الزام تراشی نہیں ہونی چاہیئے.

    سراج الحق نے براہمداغ بگٹی کی پالیسی میں تبدیلی کی حمایت کرتے ہوئے کہا کہ اگر پہاڑوں پر بیٹھے بلوچ ایک قدم آگے بڑھیں تو حکومت کو 100 قدم آگے بڑھنا چاہیئے۔ انہوں نے کہا کہ پاک چائنا اقتصادی راہداری کی آخری منزل گوادر ہے، افغانستان میں خانہ جنگی ہوئی تو اس کا نقصان پاکستان کو ہو گا۔

    امیر جماعت اسلامی نے غیرملکی قرضوں میں اضافے کو معاشی ماہرین کی ناکامی قرار دیا اور کہا کہ ورلڈ بنک اور آئی ایم ایف کی ہدایات پر چلنے سے قوم کا بچہ بچہ مقروض ہو گیا ہے، موجودہ اور سابق حکمرانوں میں کوئی فرق نہیں ہے.

  • پاکستان کو اقبالؒ کے افکار کے مطابق اسلامی ریاست بنایا جائے، سراج الحق

    پاکستان کو اقبالؒ کے افکار کے مطابق اسلامی ریاست بنایا جائے، سراج الحق

    لاہور : امیر جماعت اسلامی سنیٹر سراج الحق نے کہا ہے کہ پاکستان چار صوبوں اور چند قومیتوں کے مجموعے کا نام نہیں، اسے اقبال کے افکار کے مطابق اسلامی ریاست بنایا جائے۔

    لاہور میں مزار اقبال پر حاضری کے بعد میڈیا سے گفتگو کرتے ہوئے سنیٹر سراج الحق کا کہنا تھا کہ اقبال ایک نظریے، اسلامی فلسفے اور جہد مسلسل کا نام ہے، جنہوں نے مسلمانوں کو فرقوں میں تقسیم ہونے کی بجائے اتحاد امت کا درس دیا۔

    انہوں نے کہا کہ علامہ اقبال ایسی اسلامی ریاست کے حامی تھے جہاں کوئی انسان دوسرے کا غلام نہ ہو اور طبقاتی بنیادوں پر تعلیم نہ دی جاتی ہو۔

    امیر جماعت اسلامی نے کہا کہ پنجاب حکومت نے یوم اقبال پر چھٹی منسوخ کر کے نئی نسل کو کوئی اچھا پیغام نہیں دیا، یوم دفاع، یوم مزدور اور یوم پاکستان پر چھٹی ہو سکتی ہے تو یوم اقبال پر کیوں نہیں۔

    ان کا کہنا تھا کہ جماعت اسلامی نے سردار ایاز صادق کی اپیل پر ووٹ دیا ہے، تحریک انصاف کے کسی رہنماء نے ووٹ کیلئے ان سے رابطہ نہیں کیا۔

    انہوں نے کہا کہ بلدیاتی انتخابات میں جماعت اسلامی کے یونٹس کو حالات کے مطابق دوسری جماعتوں سے سیٹ ایڈجسٹمنٹ کا اختیار دیا گیا ہے، یہ کوئی قومی انتخابات نہیں ، مقامی گروہوں کا الیکشن ہے۔

  • جماعت اسلامی کے سربراہ سراج الحق برطانیہ کے اہم دورے پر

    جماعت اسلامی کے سربراہ سراج الحق برطانیہ کے اہم دورے پر

    لندن : جماعت اسلامی کے سربراہ سراج الحق نے ان دنوں برطانیہ کے دورے پر ہیں جہاں وہ پاکستانی کمیونٹی اوران کی جماعت کے کارکنان سے ملاقات کررہے ہیں۔

    لارڈ نذیر احمد نے جماعت اسلامی کے سربراہ کے اعزاز میں دعوت دی جبکہ والتھم فاریسٹ کاؤنٹی کی میئر صائمہ محمود نےانہیں یادگاری سند دی۔

    سراج الحق نے برطانیہ کے دورے کے دوران پاکستانی ہائی کمشنر سے بھی ملاقات کی۔

    جماعت اسلامی کے سربراہ نے اے آروائی نیوز کے لندن آفس کا بھی دورہ کیا۔

    سراج الحق نے برطانیہ میں مقیم پاکستانی کمیونٹی سے بھی خطاب کیا

  • اگر بھارت نے غلطی کی تو اسے بدترین خمیازہ بھگتنا پڑے گا، سراج الحق

    اگر بھارت نے غلطی کی تو اسے بدترین خمیازہ بھگتنا پڑے گا، سراج الحق

    لندن: امیرجماعت اسلامی سراج الحق کا کہنا ہے کہ مودی پر جنگی جنون سوار ہے، حکومت معذرت خواہانہ رویہ چھوڑ کر جرأت مندانہ پالیسی اختیار کرے۔

    لندن میں احباب کنونشن سے خطاب کرتے ہوئے سراج الحق نے کہا کہ نریندر مودی گجرات اور دیگر شورش زدہ علاقوں سے دنیا کی توجہ ہٹانے کیلئے پاکستان پر جنگ مسلط کرنا چاہتے ہیں، امن کی خواہش کو کمزوری نہ سمجھا جائے۔

    ان کا کہنا تھا کہ پاکستان کا بچہ بچہ پاک افواج کے شانہ بشانہ دشمن سے لڑنےکیلئےتیار ہے، اگر اس نے ایسی غلطی کی تو اسے بدترین خمیازہ بھگتنا پڑے گا۔

    سراج الحق نے کہا کہ پاکستان اب اکہتر والا پاکستان نہیں رہا، بھارتی جارحیت خود اس کیلئے تباہی کا پیغام لے کر آئے گی۔

  • ایم کیو ایم کے استعفوں پر مختلف سیاسی رہنماؤں کا رد عمل

    ایم کیو ایم کے استعفوں پر مختلف سیاسی رہنماؤں کا رد عمل

    اسلام آباد/ کراچی / پشاور :متحدہ قومی موومنٹ کی جانب سے قومی ،صوبائی اور سینیٹ کی نشستوں سے مستعفی ہونے کے بعد ملکی سیاست میں بھونچال سا پیدا ہوگیا ہے، اور مختلف سیاسی اور مذہبی جماعتوں کے رہنماؤں کی جانب سے رد عمل کا سلسلہ جاری ہے۔

    واضح رہے کہ اس سے قبل بھی سال 1992 میں نواز شریف کے ہی دور حکومت میں ایم کیو ایم اسمبلیوں سے مستعفی ہوئی تھی۔ جس کے باعث ملک میں سیاسی طور پرہلچل پیدا ہوگئی تھی۔

    ………………………………………………………………………………………………………………………….

    پی ٹی آئی اور ایم کیوایم کے استعفوں کا معاملہ مختلف ہے،عمران خان

    …………………………………………………………………………………………………………………………..

    اس حوالے سے اپنے رد عمل میں پاکستان تحریک انصاف کے سربراہ عمران خان کا کہنا ہے کہ پی ٹی آئی اورایم کیوایم کےاستعفوں کامعاملہ مختلف ہے۔

    عمران خان نے اپنے ایک ٹوئٹ میں ایم کیوایم کے اسمبلیوں سے استعفوں پر ردعمل کا اظہار کرتے ہوئے کہا کہ پی ٹی آئی اور ایم کیوایم کے استعفوں کا معاملہ مختلف ہے۔

    عمران خان کا کہنا ہے پی ٹی آئی نےالیکشن میں دھاندلی کی تحقیقات کے لیے استعفے دیئے تھے، جبکہ ایم کیوایم ٹارگٹ کلرزکوبچانےکیلئےاستعفےدے رہی ہے۔

    جبکہ پی ٹی آئی رہنما فیصل واوڈا نے کہا ہے کہ اب ایم کیو ایم سے بندوق کے بغیر سیاست نہیں ہورہی۔ گردن بچانے کے لئے استعفے دیئے۔

    ………………………………………………………………………………………………………………………….

    ایم کیو ایم کا فیصلہ میرے لئے حیران کن ہے، سراج الحق

    …………………………………………………………………………………………………………………………..

    امیر جماعت اسلامی  سراج الحق نے ایم کیو ایم کے استعفوں کو حیران کن فیصلہ قرار دے دیا ،ان کا کہنا تھا کہ استعفے کے فیصلے کو جمہوریت کے لئے نیک شگون نہیں سمجھتے۔

    ………………………………………………………………………………………………………………………….

    ایم  کیو ایم اپنے فیصلے پر نظثانی کرے، مولانا فضل الرحمٰن

    …………………………………………………………………………………………………………………………..

    دوسری جانب جمیعت علمائے اسلام کے رہنما مولانا فضل الرحمان نے ایم کیو ایم کو استعفوں کے معاملے پر نظر ثانی کا مشورہ دیا ہے ۔

    اُن کا کہناہےکہ ملک پہلے ہی بحرانوں کا شکارہے،اس میں اضافے کے بجائےکمی کی کوشش کرنی چاہیئے۔ انہوں نے کہا کہ متحدہ استعفوں کے بجائے مسائل پارلیمنٹ میں لائے۔

    علاوہ ازیں جے یو آئی ف کے سربراہ مولانا فضل الرحمان نے اسپیکر قومی اسمبلی سردار ایاز صادق سے فون پر رابطہ کیا ہے۔

    مولانا فضل الرحمان نے اسپیکر سے مطالبہ کیا کہ متحدہ قومی موومنٹ کے اراکین پارلیمنٹ کے استعفے منظور نہ کیے جائیں اور اس معاملے میں یکساں معیار اختیار کیا جائے۔

    انہوں نے اسپیکر سے کہا کہ اس معاملے میں وزیراعظم کی و طن واپسی کا انتظار کیا جائے تاکہ اس بحران سے نکلنے کا کوئی حل نکالا جائے

    ………………………………………………………………………………………………………………………….

    ہماری کوشش ہو گی کہ ایم کیو ایم استعفےواپس لے، آغا سراج درانی

    …………………………………………………………………………………………………………………………..

    ایم کیو ایم کے استعفوں پر اپنے خیالات کا اظہار کرتے ہوئے اسپیکر سندھ اسمبلی آغا سراج درانی نے کہا ہے کہ ایم کیو ایم کے استعفوں کامعاملہ قانون کے مطابق طےکریں گے، ایم کیو ایم کے اراکین سندھ اسمبلی نے بھی استعفے جمع کرادیئے۔

    ایم کیو ایم کے51 استعفے موصول ہو ئے ہیں،آغا سراج درانی نے کہا کہ  ہماری کوشش ہو گی کہ ایم کیو ایم استعفےواپس لے، پہلے بھی ہم مل جل کر کام کرتے رہے ہیں۔

    ان کا کہنا تھا کہ استعفوں کی پہلےاسکروٹنی، پھرقانون کے مطابق فیصلہ کر یں گے، میں نے ہمیشہ ایوان میں اپوزیشن اور حکومت کو برابری کا موقع دیا۔

  • جنسی تشدد کے واقعےکا مقدمہ فوجی عدالتوں میں چلایا جائے، سراج الحق

    جنسی تشدد کے واقعےکا مقدمہ فوجی عدالتوں میں چلایا جائے، سراج الحق

    قصور: امیر جماعت اسلامی سینیٹر سراج الحق نے کہا ہے کہ قصور میں جنسی تشدد کے واقعےکا مقدمہ فوجی عدالتوں میں چلایا جانا چاہیے اور ملزمان کو فوری کیفرکردار تک پہنچایا جائے۔

    گاؤں حسین خان والا میں جنسی تشدد کا نشانہ بننے والے بچوں کے اہلخانہ سے ملاقات کے بعد میڈیا سے گفتگو میں سراج الحق نے کہا کہ جنسی تشدد کے واقعے کے بعد پنجاب حکومت کو جاگ جانا چاہیے تھا۔

    مگر ملزمان کے خلاف کارروائی نہ ہونے سے یہ ثابت ہوگیا ہے کہ پنجاب پولیس ظالمان کے ساتھ ہے۔۔ انھوں نے چیف جسٹس آف پاکستان سے مطالبہ کیا کہ وہ واقعے کا سو موتو ایکشن لیں۔۔

    انہوں نے کہا کہ وزیر اعلی پنجاب کو چاہیے تھا کہ وہ متاثرہ خاندانوں کی داد رسی کے لیے ان کے ساتھ آکر بیٹھتے ۔۔متاثرہ خاندان لاہور سے مایوس ہوکر احتجاج پر مجبور ہوئے۔

  • کراچی کیلئے 300 ارب روپے کے پیکج کا اعلان کیا جائے، سراج الحق

    کراچی کیلئے 300 ارب روپے کے پیکج کا اعلان کیا جائے، سراج الحق

    لاہور : جماعت اسلامی کے امیر سراج الحق نے کہا ہے کہ وزیر اعظم اپنی کابینہ کے ہمراہ کراچی کا دورہ کریں اور شہر کے مسائل حل کریں۔

    فوری طور پر 300 ارب روپے کا پیکیج اعلان کیا جائے۔ لاہور میں پریس کانفرنس کرتے ہوئے جماعت اسلامی کے امیر کا کہنا تھا کہ کراچی کرپٹ اور بھتہ خور مافیا میں پھنس گیا ہے۔

    کراچی پر قیامت صغراں گزر گئی لیکن کراچی لاوارث بنا رہا، لوڈ شیڈنگ کراچی کی معیشت کو تباہ کررہی ہے لوگ پیسہ باہر لے جارہے ہیں۔

    سراج الحق نے کہا کہ کراچی کے برباد ہونے کا مطلب ہے کہ پاکستان بھی برباد ہوگیا، یہ شہر پاکستان کی زندگی ہے ، انہوں نے کہا کہ ایم کیوایم نے کراچی والوں سے ووٹ لئے اور اسے سیاسی مقاصد کے لئے استعمال کیا۔وفاقی حکومت کراچی کو فوری طور پر تین سو ارب کا خصوصی پیکج دے۔

    امیر جماعت اسلامی کا کہنا تھا کہ ایم کیو ایم پر پہلے بھی اس طرح کے الزامات لگے ہیں، وہ دشمن ایجنسیوں سے پیسے لے رہی تھی تو 20 سے زائد ادارے کیا کررہے تھے، لندن کے صحافی کو ساری معلومات مل سکتی ہے لیکن ہماری ایجنسیوں کو نہیں۔

  • پیپلزپارٹی اسٹیبلشمنٹ کے خلاف نہیں جاسکتی، سراج الحق

    پیپلزپارٹی اسٹیبلشمنٹ کے خلاف نہیں جاسکتی، سراج الحق

    سرگودھا : امیر جماعت اسلامی سراج الحق نے کہا ہے کہ پیپلزپارٹی نے اسٹیبلشمنٹ کی بڑی خدمت کی ہے وہ آج ان کے خلاف کیسے جاسکتی ہے۔

    تفصیلات کے مطابق سرگودھا میں میڈیا سے گفتگو کرتے ہوئے امیر جماعت اسلامی نے پیپلزپارٹی اور اور اس کی قیادت کو آڑے ہاتھوں لیا۔

    ان کا کہنا تھا کہ پیپلز پارٹی نے اسٹیبلشمنٹ کی بڑی خدمت کی ہے آج وہ ان کے خلاف کیسے جاسکتی ہے۔ امیرجماعت اسلامی کا کہنا تھا کہ عام پاکستانیوں کی طرح لیڈربھی دباؤ کاشکار ہیں ۔

    قانون کی بالادستی کیلئے احتساب کاعمل بڑوں سےشروع ہونا چاہئیے۔ سراج الحق کا کہنا تھا کہ رمضان میں لوڈ شیڈنگ نہ کرنے کے وعدے کے باوجود لوڈشیڈنگ کی جارہی ہے، آج کا سب سے بڑا مسئلہ لوڈ شیڈنگ ہے۔

    انہوں نے کہاکہ حکومت نان ایشوز میں پھنس کر عوامی مسائل کو فراموش کر چکی ہے اور چند اشرافیہ نے پورے ملک کے پر قبضہ کر رکھا ہے۔

  • دھاندلی کا ماسٹرمائنڈ کے پی کے کا صوبائی وزیر تھا، سراج الحق

    دھاندلی کا ماسٹرمائنڈ کے پی کے کا صوبائی وزیر تھا، سراج الحق

    پشاور : جماعت اسلامی کےامیرسراج الحق نےالزام لگایا ہے کہ بلدیاتی الیکشن میں دھاندلی کاماسٹرمائنڈ خیبرپختونخوا کاایک وزیرتھا۔

    پشاور میں صحافیوں سے چیت بات کرتے ہوئےسراج الحق نے کہا کہ جن حلقوں میں انتخابی دھاندلی کے ٹھو س شکایت موجود ہیں،

    الیکشن کمیشن اس کا از الہ کر ے ،انہوں نےکہا کہ بعض حلقوں میں دھاندلی کی شکایت پر پورا الیکشن کالعدم نہیں کرناچاہئیے۔

    جماعت اسلامی کےامیرنےالزام لگایا کہ پشاور میں دھاندلی کے ماسٹر مائنڈ پی ٹی آئی کے صوبائی وزیر ضیا اللہ اور ڈی آر او ریا ض محسود ہیں۔

    انہوں نے کہا کہ پی ٹی آئی کےوزیرضیااللہ نےپشاورمیں دھاندلی کی پلاننگ کی۔

  • سراج الحق نے نریندر مودی کے سر کی قیمت ایک ارب روپے رکھ دی

    سراج الحق نے نریندر مودی کے سر کی قیمت ایک ارب روپے رکھ دی

    راولہ کوٹ: امیر جماعت اسلامی سراج الحق نے بھارتی وزیرِاعظم نریندر مودی کے سر کی قیمت ایک ارب روپے رکھ دی، سراج الحق کا کہنا ہے کہ بس ڈوپلومیسی اور فنکار ڈپلومیسی سے مسئلہ کشمیر حل نہیں ہوگا۔

    راولہ کوٹ میں خطاب کرتے ہوئے امیر جماعت اسلامی کا کہنا تھا کہ بھارتی حکومت کے علاوہ پاکستانی حکمرانوں کی پالیسیاں بھی کشمیر کی آزادی کی راہ میں رکاوٹ ہیں۔

    سراج الحق نے مطالبہ کیا کہ حکومت کشمیر کے معاملے پر واضح پالیسی اختیار کرے۔

    انہوں نے کہا کہ جماعت اسلامی اُس جماعت سے دوستی کرے گی، جس کی کشمیر پر پالیسی واضح ہوگی۔

    سراج الحق کا کہنا تھا کہ ہندوستان کبھی بھی ہمارا دوست نہیں ہوسکتا، بھارت سے دوستی کرنے والے ممبئی چلے جائیں ۔

    حکومت پر تنقید کرتے ہوئے انھوں نے کہا کہ ہمارے حکمران اندھے،  بہرے اور گونگے ہیں، جس کے باعث ہم کشمیر کی آزادی کی منزل سے کوسوں دور ہیں۔