Tag: Siraj ul Haq

سراج الحق نے اسحق ڈار کی پریس کانفرنس کو خوش آئند قرار دے دیا

کراچی: امیر جماعت اسلامی سراج الحق نے حکومت کی طرف سے عمران خان کے ساتھ غیر مشروط اور قانون کے دائرے میں رہتے ہوئے مذاکرات کرنے کے اعلان کا خیر مقدم کیا ہے۔

سراج الحق کا کہنا تھا کہ حکومت اورپاکستان تحریک انصاف کوفوری طور پر اپنی مذاکراتی ٹیموں کا اعلان کر کے جگہ اور وقت کا بھی تعین کر لینا چاہئے تاکہ مذاکرات بغیر کسی تاخیر کے شروع ہوسکیں ،سراج الحق نے وفاقی وزیر خزانہ اسحق ڈار کی پریس کانفرنس کو خوش آئند قرار دیتے ہوئے کہا ہے کہ ملک میں امن و امان کی سب سے بڑی ذمہ داری حکومت پر عائد ہوتی ہے ،موجودہ حالات سے نکلنے کیلئے حکومت کے پاس مذاکرات ہی بہترین راستہ ہے ،جسے اختیار کرنے میں مزید وقت ضائع نہیں کرنا چاہئے ۔سراج الحق نے عمران خان کی طرف سے مذاکرات کے لیے آمادگی کے بیان کو بھی سراہا اور امید ظاہر کی کہ اب فریقین میں جلد مذاکرات کا آغاز ہو جائے گا۔

دسمبر 11, 2014
لوگوں نے جمہوریت سے مایوس ہو کر ڈنڈے اور بندوقیں اٹھالی ہیں، سراج الحق

لاہور: جماعت اسلامی پاکستان کے امیر سراج الحق نے کہا ہے کہ سیاسی بحران کے حل کی کوششیں جاری ہیں، عمران خان کو وزیراعظم کے استعفے سے پیچھے ہٹنے پر راضی کر لیا لیکن افسوس حکومت نے مذاکرات کی دعوت پر مثبت انداز میں جواب نہیں دیا۔

منصورہ لاہور میں اجتماع کے انتظامات کرنے والی کمیٹیوں کے اعزاز میں استقبالیے کے بعد میڈیا سے گفتگو کرتے ہوئے امیر جماعت اسلامی سراج الحق کا کہنا تھا کہ لوگوں نے جمہوریت سے مایوس ہو کر ڈنڈے اور بندوقیں اٹھا لی ہیں، موجودہ حالات میں کچھ لوگ مسلسل پانی میں زہر ملا رہے ہیں، فساد پسند لوگوں کو پرامن ماحول کے بجائے لاشوں کا انتظار ہے۔

انہوں نے کہا کہ سیاستدانوں نے ماضی سے سبق نہیں سیکھا تو انجام بھی ماضی جیسا ہو گا، جماعت اسلامی ملک میں مارشل لاء نہیں چاہتی۔ سراج الحق کا کہنا تھا کہ وقت کافی بیت گیا لیکن اب بھی حکومت اور پی ٹی آئی کے پاس کچھ لمحات باقی ہیں۔ انہوں نے کہا کہ انتخابات میں ووٹ کا تقدس پامال ہوا اور ریاستی مشینری نے بیلٹ باکسوں کا تحفظ نہیں کیا، سراج الحق نے کہا کہ جماعت اسلامی خوشحال پاکستان کے روڈ میپ کا اعلان 25 دسمبر کو مزار قائد پر کرے گی۔

دسمبر 8, 2014
حکومت پی ٹی آئی کے ساتھ مذاکرات میں پہل کریں، سراج الحق

پشاور: جماعت اسلامی پاکستان کے امیرسراج الحق کاکہناہے کہ حکومت پاکستان تحریک انصاف کے ساتھ مذاکرات میں پہل کریں حکومت کے پاس کوئی اختیارنہیں کہ وہ کسی سیاسی جماعت کواحتجاج سے روکیں۔

شیخ آبادپارک پشاورمیں دستاربندی تقریب سے خطاب میں انہوں نے کہاکہ موجودہ سیاسی بحران سے نکلنے کاواحدذریعہ مذاکرات ہیں اگرمذاکرات کامیاب نہ ہوئے توسارے سیاست دان گھرجائینگےسراج الحق نے بتایاکہ ڈاکٹرطاہرالقادری کے ملک سے باہرجانے کے بعداب بحران بدستورموجودہے جلسے وجلوس کرناتمام سیاسی جماعتوں کاحق ہے جماعت اسلامی کے امیرنے بتایاکہ حکمرانوں کے اربوں روپے کے اثاثے ہیں ایسے حکمرانوں کوغریب آدمی کوریلیف فراہم کرنے کے لیے فہرست نہیں ملتی انہوں نے یہ بھی اعلان کیاکہ پچیس دسمبرکوکراچی میں جماعت اسلامی اپنے نئے ایجنڈے کااعلان کرےگی۔

دسمبر 7, 2014
جےیو آئی کا بینظیر بھٹوکی برسی پرلاڑکانہ بندکرنےکااعلان

کراچی: جے یو آئی نے ڈاکٹر خالد محمود سومرو کے قاتلوں کی عدم گرفتاری پر بینظیر بھٹو کی برسی کے موقع پر ستائیس دسمبر کو گڑھی خدا بخش جانے والے راستے سیل کر نے کا اعلان کر دیا۔

،جے یو آئی کی کال پر ملک بھر کی طرح لاڑکانہ میں بھی شہید ڈاکٹر خالد محمود سو مرو کے قاتلوں کی عدم گرفتاری پر احتجاجی مظاہرہ کیا گیا مظاہرین سے خطاب کرتے ہوئے ڈاکٹر خالد محمود سومرو کے بیٹے ناصر محمود سو مرو کا کہنا تھا خالد محمود سو مرو کی شہادت کے بعد سندھ حکومت کاکوئی نمائندہ تعزیت کے لیے نہیں آیا اور نہ ہی کسی نے رابطہ کیا، ان کا کہنا تھا سندھ حکومت مکمل طور پر ناکام ہوچکی ہے ۔

جمعیت علما ئے اسلا م( ف ) کی جانب سے ملک کے بیشتر شہروں میں مولانا فضل الرحمان پر حملے اور خالد سومرو کے قتل کے خلاف مظا ہرے کئے گئے اسلام آباد مظا ہرے کی قیا دت عبدالغفور حیدری نے کی مو لانا عند الغفور حیدری نے مطا لبہ کیا کہ دونوں واقعات میں ملو ث ملزمان کو بے نقاب کیاجائے، لا ہور میں سینیٹر خالد محمود سومرو کے قتل کے خلاف مال روڈ پر مسجد شہدا کے باہر مظا ہرہ کیا گیا۔

احتجاج کے باعث مال روڈ پر ٹریفک جام ہو گیا ،عمرکوٹ، جعفر آباد ،مٹھی، پشاور ،میر پور خاص ،سکھر ،شکار پور، سانگھڑ ، نوابشاہ ، سکھر ، نو شہرو فیروز اور لاڑکانہ میں بھی کا رکنوں نے مظا ہرے کئے جے یو آئی ف سندھ کے رہنما وں نے اعلان کیا کہ وہ ستائیس دسمبر بے نظیر شہید کی برسی کے موقع پر سندھ سمیت لاڑکانہ کے تمام داخلی اور خارجی راستوں پر دھرنا دیکر شاہراہوں کو بند کیا جائیگا۔

دوسری جانب جے یو آئی کے رہنما ڈاکٹر خالد سومرو کے قتل کی تفتیش میں اہم پیش رفت ہوئی ہے، پولیس نے دو اہم ملزمان کو گرفتار کر لیا ہے، لاڑکانہ میں جے یو آئی کے رہنما ڈاکٹر خالد سومرو کے قتل کی تفتیش کے دوران پولیس نے دو اہم ملزمان سمیت بارہ افراد کو ریر حراست لے لیا۔ملزمان کا تعلق لاڑکانہ کے علاقے وارہا سے ہے۔ مولانا فضل الرحمان پر قاتلانہ حملے اور ڈاکٹر خالد سومرو کے قتل کے خلاف کئی شہروں میں احتجاجی مظاہر ے کئے گئے۔

دسمبر 5, 2014
سیاسی بحران کو حل نہ کیا تو ملک میں کوئی بڑا سانحہ ہو سکتا ہے، سراج الحق

لاہور: امیر جماعت اسلامی سراج الحق نے کہا ہے کہ اگر سیاسی بحران کو مذاکرات کے ذریعے حل نہ کیا گیا تو ملک میں کوئی بڑا سانحہ ہوسکتا ہے۔

لاہور میں دینی ادارہ سنابل الخیر کے آفس کے افتتاح کے موقع پر میڈیا سے گفتگو کرتے ہوئے سراج الحق نے کہا کہ خوشی ہے کہ تحریک انصاف کے بعد حکومت بھی مذاکرات کی میز پر آنے کی خواہش کررہی ہے۔ انھوں نے کہا کہ حکومت کو انا کی لکیر عبور کرکے مذاکرات کرنا چاہئیں۔

سراج الحق نے کہا کہ قوم کو پتہ چلنا چاہیے کہ دھاندلی کس نے کی اوراس میں کون ملوث تھا۔ انھوں نے کہا کہ اصلاحات کے بغیر آئندہ انتخابات کرائے گئے تو کوئی اسے تسلیم نہیں کرے گا۔

انہوں نے کہا کہ قبائلی علاقوں میں ایسے کیمیکل اور ہتھیار استعمال کیے گئے جسکے نتائج ہیروشیما اور ناگاساکی جیسے نکلیں گے۔ امیر جماعت اسلامی کا کہنا تھا کہ طاہرالقادری نے پچیس دسمبر کا کراچی کا جلسہ ملتوی کرکے جماعت اسلامی کو جلسہ کرنے کی اجازت دی ہے۔

دسمبر 2, 2014
16 دسمبر سے مسائل حل ہوں گے، سراج الحق

لاہور: جماعت اسلامی کے امیر سراج الحق نے کہا ہے کہ 16 دسمبر سے مسائل حل ہوں گے۔

انہوں نے اس امید کا اظہار کیا کہ حکومت اور تحریکِ انصاف کے درمیان مذاکرات شروع ہوجائیں گے اور سلسلہ وہیں سے شروع ہوگا جہاں سے منقطع ہوا تھا۔

ان کا کہنا تھا کہ دونوں جماعتوں کے لئے مذاکرات ہی بہترین راستہ ہے اور جب دونوں جماعتیں مذاکرات کی میز پر آئیں گی یہ سیاسی بحران حل ہوجائے گا۔

سراج الحق نے کہا کہ اگر دونوں جماعتیں سپریم کورٹ پر اعتماد کریں تو مسائل آسانی سے حل ہوجائیں گے۔

واضح رہے کہ حکومت اور تحریک ِ انصاف کے درمیان الیکشن دوہزار تیرہ میں دھاندلی پراختلاف ہے اور ڈیڈلاک کو دور کرنے کے جماعت اسلامی اپنا کردار ادا کرنے کی کوشش کرتی ہے۔

نومبر 30, 2014
ڈاکٹرخالد سومروکا قتل حکومت کی ناکامی ہے،سراج الحق

کوٹ مومن:مولانا ڈاکٹرخالد محمود سومروکا قتل حکومت کی ناکامی ہے جس کی پرزور مذمت کرتے ہیں، یہ بات امیر جماعت اسلامی سراج الحق نے کوٹ مومن میں مقامی سیاسی رہنماء لیاقت علی وڑائچ کی جماعت اسلامی میں شمولیت اور حلف برداری کے بعد سیال موڑ سروس ایریا میں میڈیا سے گفتگو کرتے ہوئے کہی۔

انہوں نے کہا کہ دھرنے اور جلسے تحریک انصاف کا جمہوری حق ہیں،اگر آج کے جلسے میں حکومت کی جانب سے پرتشدد کارروائی کی گئی تو ملکی حالات خراب ہونے کا اندیشہ ہے ۔

ان کا کہنا تھا کہ ہم حکومت اور تحریک انصاف میں مصالحت کی کوشش میں مصروف ہیں امید ہے جلد اچھی پیش رفت ہوگی ۔سراج الحق نے کہا کہ خیبر پختونخواہ میں تعلیم ،صحت اور پٹواری تھانہ کلچر میں تبدیلیاں لائی جارہی ہیں۔

نومبر 30, 2014
سراج الحق کا 25دسمبر سے احتجاجی تحریک شروع کرنے کااعلان

پشاور: جماعت اسلامی کے رہنما سراج الحق کا کہنا ہے کہ اسٹیٹس کو کے خلاف نئی تحریک کا آغاز پچیس دسمبرکومزارقائد کراچی سے کیا جائے گا۔

پشاورمیں میڈیا سے گفتگوکرتے ہوئے سراج الحق نے کہا کہ موجودہ پاکستان وڈیروں اور جاگیرداروں کا ہے۔ موجودہ حکمرانوں کی مثال دیوار کی طرح ہے جو نہ سنتے ہیں اور نہ کچھ کرتے ہیں۔

سراج الحق نے کہا کہ حکومت بتائے علما کے قاتلوں کو کون پکڑے گا۔ انہوں نے کہا کہ کراچی میں چوبیس ہزار سے زائد شہری قتل ہوئے اور قاتل کھلے عام پھررہے ہیں۔

ان کا کہنا تھا کہ اندھے حکمرانوں کوحکومت کرنے کا حق نہیں ہے۔ سراج الحق کا کہنا تھا اسٹیل ملز اور پی آئی اے جیسے اداروں کوفروخت نہیں کرنے دیں گے۔

نومبر 29, 2014
جماعت اسلامی کے امیر سراج الحق کی شہباز شریف سے ملاقات

لاہور: جماعت اسلامی کے امیر سراج الحق اور وزیراعلی پنجاب محمد شہباز شریف کے درمیان ملاقات میں اتفاق پایا گیا کہ ملک میں اتحاد کی ضرورت ہے،دھرنے اور احتجاجوں سے قومی مفادات پر ضرب نہیں لگنی چاہیئے۔

مسلم لیگ ن کے سیکرٹریٹ میں جماعت اسلامی کے سہ روزہ اجتماع میں شرکت میں آنے والے غیر ملکی مندوبین اور مسلم لیگ ن کی قیادت کے درمیان ملاقات ہوئی، ملاقات کے بعد میڈیا سے گفتگو کرتے سراج الحق کا کہنا تھا کہ اتحاد اور اتفاق کی جتنی ضرورت اب ہے پہلے کبھی نہ تھی دشمن ہمیں تقسیم کرنا چاہتا ہے۔

سراج الحق امیر جماعت اسلامی وزیراعلی پنجاب محمد شہباز شریف نے کہا کہ پاکستان اس وقت متعدد چیلنجز کا سامنا کررہا ہے دھرنے اور احتجاج اپوزیشن کا حق ہے مگر قومی مفادات پر ضرب نہیں لگنی چاہئیے۔

اجتماع میں آنے والے اسلامی تحریکوں کے قائدین نے بھی وزیراعلی پنجاب سے فردا فردا ملاقات کی، اس موقع پر سراج الحق نے جماعت اسلامی کے سہ روزہ اجتماع کیلئے تعاون فراہم کرنے پر پنجاب حکومت کا شکریہ ادا کیا۔

نومبر 23, 2014
بیوروکریٹس نے ظالموں سےمل کر ملک کو تباہ کیا، سراج الحق

لاہور: امیر جماعت اسلامی سراج الحق نےکہا ہے کہ پاکستان کو ایک فلاحی اسلامی ریاست بناناچاہتے ہیں ۔افسوس بیوروکریٹس نے ظالموں کے ساتھ مل کر پاکستان کو تباہ کیا۔

جماعت اسلامی کےتین روزہ اجتماع عام کےاختتامی سیشن سے خطاب میں امیر جماعت اسلامی سراج الحق کا کہنا تھا کہ استحصالی طبقے نےبنگلےبنالئےلیکن غریب کی جھونپڑیاں آج بھی اندھیری ہیں۔

اسلامی حکومت قائم ہوئی توتعلیم کا نظام یکساں ہوگا۔۔آٹا،دال چاول،چینی ،چائےپرسبسڈی دیں گے۔۔خواتین کو بلاسود بینکوں سے قرضے فراہم کریں گے ۔ان کا کہنا تھا ایسی حکومت چاہتے ہیں جوبھارت کی آنکھوں میں آنکھیں ڈال کربات کرسکے۔

ناراض بلوچوں کو راضی کرکےدوبارہ پاکستان لائیں گے۔ ساٹھ سال سے عوام اور اداروں کو غلام بنا کر رکھا گیا۔عوام کرپٹ لوگوں کوووٹ دیں گےتوکرپشن کاخاتمہ کیسےہوگا۔سراج الحق کا کہنا تھا کہ وہ لوڈشیڈنگ،مہنگائی ،بیروزگاری کیخلاف جہاد کریں گے۔

نومبر 23, 2014