Tag: Siraj ul Haq

  • فریقین معاملات میں لچک کا مظاہرہ کریں، سراج الحق

    فریقین معاملات میں لچک کا مظاہرہ کریں، سراج الحق

     لاہور: جماعت اسلامی پاکستان کے امیر سراج الحق نے کہا ہے کہ سیاسی کشیدگی کے خاتمے کیلئے مذاکرات کا سلسلہ جاری  رہنا چاہئے، ہماری اوّل روز سے کوشش ہے کہ فریقین مذاکرات کی میز پر آجائیں،ان خیالات کا اظہار انہوں نے صحافیوں سے گفتگو کرتے ہوئے کیا ۔

    انہوں نے کہا کہ گزشتہ بارہ روز سے دھرنے کے شرکاء پر امن طریقے سے بیٹھے ہیں، اور حکومت نے بھی کسی قسم کی ہٹ دھرمی کا مظاہرہ نہیں کیا جو بہت خوش آئند بات ہے۔

    سراج الحق نے کہا کہ فریقین کے پاس وقت بہت کم ہے، لہذا ضرورت اس امر کی ہے کہ فریقین معاملات میں لچک کا مظاہرہ کرتے ہوئے مسئلہ جلد ازجلد حل کریں،تاکہ ملک کو اس بحرانی کیفیت سے نکالا جا سکے۔

  • سراج الحق کی اسپیکر قومی اسمبلی سےاستعفے منظور نہ کرنےاپیل

    سراج الحق کی اسپیکر قومی اسمبلی سےاستعفے منظور نہ کرنےاپیل

    لاہور: امیرجماعت اسلامی سراج الحق نےکہاہےکہ عمران اورقادری کی جانب سے آئین کی پاسداری سے سہارا ملا ہے،قوم کو موجودہ سیاسی بحران سے نکالنے کے لیے وقت چاہیے۔

    قومی اسمبلی کےاسپیکرسردارایازصادق سے ملاقات میں امیر جماعت اسلامی سراج الحق کا کہنا تھا کہ دونوں رہنماؤں نے آئین و دستور کی پاسداری کا یقین دلایاہے، امیر جماعت اسلامی کا کہنا تھا کہ بیرون ملک مقیم پاکستانی، اٹھارہ کروڑعوام اوردوست ممالک بالخصوص چین بھی اس صورتحال پرفکرمند ہیں اور انہوں نے مذاکرات کے ذریعے بحران کے جلد خاتمے کی خواہش ظاہر کی ہے، انہوں نےچودہ اگست سےابتک اپنےکارکنان کو پرامن رکھنے پر عمران خان اورطاہر القادری کوخراج تحسین پیش کیا۔

    اس موقع پراسپیکر قومی اسمبلی ایاز صادق نےامید ظاہر کی کہ استعفے کا معاملہ موخر ہو جائیگا، امیر جماعت اسلامی کی کاوشوں کو سراہتے ہوئےاسپیکر قومی اسمبلی نےکہاکہ کسی جماعت کی طرفداری نہیں کی۔آئین و جمہوری نظام کی بالادستی کیلیےکام کرونگا۔

  • آصف زرداری کی سراج الحق سےمنصورہ میں ملاقات

    آصف زرداری کی سراج الحق سےمنصورہ میں ملاقات

    لاہور: امیر جماعت اسلامی سراج الحق نےکہاہےکہ پاکستان کی تمام سیاسی جماعتیں ذاتی سیاسی و جماعتی وابستگی سے بالاتر ہو کر آئین و جمہوریت کے لیے ایک ہیں۔

    منصورہ میں سابق صدراورچیئرمین پیپلزپارٹی آصف زرداری سے ملاقات کے بعد میڈیا سے گفتگو کرتےہوئے امیر جماعت اسلامی کا کہنا تھا کہ ایک پرامن و باعزت طریقے سے قوم کو اس بحران سے نکالا جائے اور فریقین کو ایک عزت کا راستہ طے کرنے میں معاونت فراہم کی جائے۔

    انہوں نے کہا کہ آصف زرداری نے پیپلز پارٹی کی موجودہ سیاسی بحران سے نمٹنے کے لیے چار رکنی کمیٹی بنائی ہے جو موجودہ سیاسی بحران کے حل میں ہم سے معاونت کریگی، امیر جماعت اسلامی سراج الحق نے قومی اسمبلی کے اسپیکر سے اپیل کی کہ وہ تحریک انصاف کے اراکین کی جانب سے دیئے گئے استعفے کو منظور کرنے میں عجلت سے کام نہ لیں۔

    امیر جماعت اسلامی نے فریقین کی جانب سے مذاکرات کی میز پر بیٹھنے پر راضی ہونے پر اطمینان کا اظہار کرتے ہوئے اسے ایک بہت بڑی کامیابی قرار دیا۔

  • اسٹیبلشمنٹ اورعدلیہ کا سیاسی بحران سے دور رہنا خوش آئند ہے، سراج الحق

    اسٹیبلشمنٹ اورعدلیہ کا سیاسی بحران سے دور رہنا خوش آئند ہے، سراج الحق

    لاہور: جماعت اسلامی کے امیر سراج الحق نے سابق صدر آصف علی زرداری سے ملاقات کے بعد میڈیا سے گفتگو کرتے ہوئے کہا کہ قابلِ اطمینان بات یہ ہے کہ اسٹیبلشمنٹ اور سپریم کورٹ نے خود کو موجودہ سیاسی بحران سے دور رکھا ہے۔

    جماعت اسلامی کے صدر دفتر المنصورہ میں ہونے والی ایک گھنٹہ طویل ملاقات میں ملک کی موجودہ سیاسی صورتحال پرتبادلہ خیال کیا گیا۔

    ملاقات میں سابق صدر کے ساتھ سابق وزیرِ داخلہ رحمان ملک اور قائد حزبِ اختلاف خورشید شاہ بھی موجود تھے جبکہ جماعت اسلامی کی جانب سے فرید پراچہ اور لیاقت بلوچ بھی موجود تھے۔

    سراج الحق کا کہنا تھا کہ ملک کا دارالخلافہ اسلام آباد اس وقت دھرنوں کی زد میں ہے اور ہر وقت وہاں نعرے بازی ہوتی ہے جس کے باعث دن میں ایوان کی کاروائی کرنا بھی مشکل ہے اور رات میں ارکانِ اسمبلی سو بھی نہیں پاتے۔ ملک کے اٹھارہ کروڑعوام بھی ملک کے سیاسی مستقبل کے بارے میں فکرمند ہیں۔

    انہوں نے کہا کہ ہم چاہتے ہیں کہ فریقین کو اس انتہا پر کہ جہاں وہ آچکے ہیں وہاں سے واپسی کا باعزت راستہ دیا جائے، اس سلسلے میں سابق صدر نے چار رکنی وفد بھی تشکیل دیا ہے جو بحران کے خاتمے تک جماعت اسلامی سے رابطے میں رہے گا۔ وفد میں خورشید شاہ، رحمان ملک، رضا ربانی اور اعتزاز احسن شامل ہیں۔

    انہوں نے بتایا کہ یہ بات خوش آئند ہے کہ دونوں فریق مذاکرات کی میز پر آگئے ہیں اور دونوں ہی جانب سے تلخی میں کمی آرہی ہے۔
    انہوں نے کہا کہ تحریک ِ انصاف اپنے استعفے سیکریٹری اسمبلی کے پاس جمع کراچکی ہے لیکن ہم نے اسپیکر سے اپیل کی ہے کہ وہ پی ٹی آئی کے ارکان ِ اسمبلی کے استعفے منظور نہ کرے اور ساتھ ہی ساتھ ہم نے عمران خان کوبھی مشورہ دیا ہے کہ فیصلے کرنے میں جلدی نہ کریں۔

    سراج الحق نے اس امر پر اطمینان کا اظہارکیا کہ اسٹیبلشمنٹ اور سپریم کورٹ نے اس بحران خود کو دور رکھا ہے۔

    ان کا کہنا تھا کہ سیاسی قوتوں کے جتنے بھی خیرخواہ ہیں وہ سب ہی دونوں فریقین کو مذاکرات کے ذریعے معاملے کا پرامن حل نکالنا چاہئے ، اس وقت جو بھی قومی مفاد کے لئے اپنے مؤقف سے پیچھے ہٹے گا قوم اسے عزت کی نگاہ سے دیکھے گی۔

  • سیاسی معاملات افہام وتفہیم سے حل ہونے چاہئیں،سراج الحق

    سیاسی معاملات افہام وتفہیم سے حل ہونے چاہئیں،سراج الحق

    لاہور: امیرِ جماعت اسلامی سراج الحق نے کہا ہے کہ موجودہ سیاسی معاملات کوایسےڈیل کررہا ہوں،جیسےاپنےگھرمیں آگ لگی ہے، ان کا کہنا ہے کہ ملک میں آئین اور قانون کی حکمرانی ضروری ہے۔

    ایک بیان میں سراج الحق کا کہنا تھا کہ سیاسی معاملات افہام وتفہیم سے حل ہونے چاہئیں، کسی بھی جماعت کی فتح یا شکست سے ان کا کوئی تعلق نہیں ہے۔ امیر جماعت اسلامی نے موجودہ سیاسی گرما گرمی میں تصفیے کی کوششوں سے متعلق کہا کہ وہ معاملے کو ایسے ڈیل کررہے ہیں،جیسے اپنے گھر میں آگ لگی ہو۔

    دوسری جانب جماعت اسلامی کے رہنماء لیاقت بلوچ کا کہنا ہے کہ ملک میں سیاسی بحران آریا پار کے مرحلے پر پہنچ گیاہے۔

    انہوں نےمطالبہ کیا کہ سپریم کورٹ کا تحقیقاتی کمیشن مئی 2013 کے انتخابات کا جائزہ لے اگر نوازشریف دھاندلی میں ملوث پائے گئے تو وزیراعظم، حکومت اوراسمبلیاں سب ختم کی جائیں اور نئے انتخابات ہوں ۔

  • پی ٹی آئی کے وفد کی امیر جماعت اسلامی سراج الحق سے ملاقات

    پی ٹی آئی کے وفد کی امیر جماعت اسلامی سراج الحق سے ملاقات

    اسلام آباد: پاکستان تحریک انصاف کے وفد نے امیر جماعت اسلامی سراج الحق سے اسلام آباد میں ملاقات کی، جس میں سراج الحق نے اسمبلی سے استعفے نہ دینے اورمذاکرات جاری رکھنے پر زور دیا۔

    اسلام آباد میں امیر جماعت اسلامی سراج الحق سے شاہ محمود قریشی ،پرویز خٹک،اور جاوید ہاشمی پر مشتمل پاکستان تحریک انصاف کے وفد سے ملاقات کی۔

    ملاقات میں موجود سیاسی صورتحال کی حکمت عملی پر غور اور خیبرپختونخواہ میں دونوں جماعتوں نے اتحاد برقرار رکھنے پر اتفاق کیا، سراج الحق نے پاکستان تحریک انصاف کے اراکین قومی اسمبلی کو استعفے واپس لینے کی تجویز دی۔

    سراج الحق کا کہنا تھا کہ مطالبات کی منظوری کیلئے مذاکرات جاری رکھنے چاہیے، تحریک انصاف کے وفد نے حکومتی کمیٹی کے ساتھ مذاکرات کے حوالے سے سراج الحق کو آگاہ کیا۔

  • دھرنا قوم کا مسئلہ ہے، معاملہ جلد ہونا چاہیے, سراج الحق

    دھرنا قوم کا مسئلہ ہے، معاملہ جلد ہونا چاہیے, سراج الحق

    امیر جماعت اسلامی سراج الحق کا کہنا ہے کہ اسلام آباد کا دھرنا پوری قوم کا مسئلہ ہے۔

    اے آر وائی نیوز سے خصوصی گفتگو میں امیر جماعت اسلامی سراج الحق کا کہنا ہے کہ اسلام آباد میں پاکستان تحریک انصاف اور پاکستان عوامی تحریک کے دھرنوں کے باعث زندگی مفلوج ہو کر رہ گئی ہے، سب کی نظریں اس وقت اسلام آباد پر لگی ہوئی ہیں۔

    امیر جماعت اسلامی کا کہنا ہے کہ دھرنا چند ہزار لوگوں کا نہیں پوری قوم کا مسئلہ ہے، امیر جماعت اسلامی سراج الحق نے کہا کہ چاہتے ہیں کہ مسئلہ جلد ازجلد حل ہو جائے ۔

  • فریقین انا کےخول سے باہر آکر مذاکرات کریں،سراج الحق

    فریقین انا کےخول سے باہر آکر مذاکرات کریں،سراج الحق

    اسلام آباد: امیر جماعت اسلامی سراج الحق نے فریقین سے ایک بار پھر اپیل کی کہ انا کے خول سے باہر آکر مذاکرات کرٰیں، سراج الحق کا کہنا ہے کہ عمران خان اور ڈاکٹر طاہر القادری ملکی وقار کو داؤ پر نہ لگائیں ، کہیں ایسا نہ ہو کہ ریڈ زون خون سے بھی سرخ ہوجائے۔

    امیر جماعت اسلامی کا کہنا تھا کہ اگست کا مہینہ پاکستان میں آزادی کا مہینہ ہے اور وہ چاہتے ہیں یہ مہینہ آزادی کا مہینہ ہی رہے، ملک میں آئین اور جمہوریت کو استحکام ملے۔

    میڈیا سے بات کرتے ہوئے امیر جماعت اسلامی سراج الحق نے کہا کہ اسلام آباد دھرنوں کے محاصرے میں ہیں ، ملک کی سیاست بند گلی میں پہنچ گئی  ہے، ہر طرف دمادم مست کے نعرے لگائے جارہےہیں۔

    انھوں نے کہا کہ ہم پاکستان کو پرامن،خوشحال دیکھنا اور ترقی کی طرف لےجانا چاہتے ہیں، فریقین انا سے باہر آکر مذاکرات کریں، اللہ نہ کریں ریڈ زون ہمارے ہی خون سے سرخ ہوجائے۔

      فریقین سے ایک بار پھر اپیل کی کہ پاکستان کو پرامن اور خوشحالی اور ترقی کے لیے فریقین انا کو چھوڑ کر مذاکرات کا راستہ اپنائیں،   جماعت اسلامی کے امیر سراج الحق نے مارچ کرنے والوں سے بھی صبر سے کام لینے کی اپیل کی ہے۔

    سراج الحق  نے کہا کہ مسلسل کوشش میں ہے کہ سب مل کر بحران ختم کریں،  اب بھی وقت ہے معاملے کو مذاکرات کے ذریعے حل کیا جائے ، ہم نے 5 نکاتی فارمولا پیش کیا تھا،  جس میں یہ تجویز دی گئی تھی کہ حکومت اور اپوزیشن اتفاق رائے کے ساتھ دھاندلی والے حلقوں میں ووٹوں کی دوبارہ گنتی کروائے اور جس حلقے میں دھاندلی کے حوالے سے شکایت ملی ہیں۔ وہاں دوبارہ الیکشن کروائے  یا  ووٹوں کی دوبارہ گنتی کروائی جائے۔

    یہ تجویز بھی پیش کی گئی کہ  وزیراعظم نے معاملے کی تحقیقات کے لئے جس عدالتی کمیشن کی تشکیل کا  اعلان کیا ہے وہ کمیشن 30 روز کے اندر  اپنا فیصلہ عوام کے سامنے رکھے اور  بتایا جائے کہ انتخابات میں کہاں خرابی ہوئی اور کس نے کی پھر اس کا جو  بھی ذمہ دار  ہو اسے قانون کے مطابق سزا دی جائے۔

    لگتا ہے الیکشن تجارت کا شعبہ اختیار کرگیا ہے، مارچ کرنے والے صبرسے کام لیں، ورنہ یہ روایت بن جائیگی۔

  • جماعت اسلامی کے تحت غزہ ملین مارچ آج ہوگا

    جماعت اسلامی کے تحت غزہ ملین مارچ آج ہوگا

    جماعت اسلامی کی جانب سے آج کراچی میں فلسطین کے مسلمانوں سے اظہار یکجہتی کےلئےغزہ ملین مارچ نکا لاجائے گا، امیرجماعت اسلامی سراج الحق نے اہل کراچی سے بڑی تعدامیں شریک ہونے کی اپیل کی ہے۔ غزہ میں اسرائیلی بربریت وسفاکیت کے خلاف جماعت اسلامی کی جانب سے آج کراچی کی شاہراہ فیصل پر غزہ ملین مارچ نکالا جائے گا۔

    امیر جماعت اسلامی سراج الحق نے کراچی آمد پر میڈیا سے گفتگومیں کہا کہ کل کراچی کی تاریخ کا سب سے بڑا ملین مارچ ہوگا۔ سراج الحق امیر جماعت اسلامی نے کہا ہے کہ پاکستان کا بچہ بچہ بیت المقدس کی آزادی کےلئے اپنا خون بہانے کےلئے تیار ہے۔ سراج الحق نے کہا کہ حکومت پاکستان غزہ کے مظلوم مسلمانوں کےخلاف جاری اسرائیلی سفاکیت و بربریت روکنےکے لئے اپنا کردار ادا کرے۔

  • گورنرپنجاب چوہدری سرورکی امیرجماعت اسلامی سراج الحق سےملاقات

    گورنرپنجاب چوہدری سرورکی امیرجماعت اسلامی سراج الحق سےملاقات

    لاہور: گورنرپنجاب چوہدری محمد سرور اور امیر جماعت اسلامی سراج الحق نے موجودہ سیاسی بحران کے خاتمے کے لیے فریقین کے درمیان باہمی افہام و تفہیم کی ضرورت پر اتفاق کیا ہے،منصورہ میں امیر جماعت اسلامی سراج الحق سے ملاقات کے بعد میڈیا سے بات چیت کرتے ہوئے گورنر پنجاب چوہدری محمد سرور کا کہنا تھا کہ تمام مسائل آئین اور قانون کے دائرے میں رہ کر حل کرنے چاہیئں۔

    ان کا کہنا تھا کہ موجودہ سیاسی بحران میں امیر جماعت اسلامی نے بہت مثبت کردار ادا کیا ۔اس موقع پر امیر جماعت اسلامی سراج الحق نے کہا کہ ایک ایسا انتخابی نظام تشکیل دیا جائے جس پر قوم کا اعتماد ہو ۔ انہوں نے فریقین سے موجودہ سیاسی بحران میں تحمل کے ساتھ معاملات حل کرنے کی اپیل کی ۔

    سراج الحق امیر جماعت اسلامی نے کہا کہ عمران خان کے انتخابی نطام کی تبدیلی اور علامہ طاہر القادری کے دس نکاتی مطالبے کی حمایت کرتا ہوں جس میں کوئی ایسی بات نہیں جو آئین اور قانون سے متصادم ہو۔