Tag: Siraj ul Haq

لاہور: امیر جماعت اسلامی سراج الحق نے کہا ہے کہ ماضی میں حکومتوں نے مسئلہ کشمیرکے بجائے تجارت کو فروغ دیا.

ان خیالات کا اظہار انھوں نے میڈیا سے گفتگو کرتے ہوئے کیا، ان کا کہنا تھا کہ بھارتی وزیر اعظم مودی نے خود بھارت کو تباہی کے راستے پر ڈال دیا ہے.

امیر جماعت اسلامی سینیٹر سراج الحق نے کہا کہ جوائنٹ سیشن میں تمام جماعتوں نے مل کرحکومت کو پیغام دیا تھا، یہ موثر اقدام تھا.

انھوں نے کہا کہ حکومت کے بعض اقدامات کی وجہ سے اتحاد قائم نہیں ہوپا رہا ہے، یہ وقت کی ضرورت ہے.

خیال رہے کہ بھارت نے غیر قانونی اقدام کرتے ہوئے کشمیر کی خصوصی اہمیت ختم کر دی ہے، آرٹیکل 370 کے خاتمے کو مقبوضہ کشمیر کے عوام نے رد کر دیا. ہزاروں افراد سڑکوں‌ پر نکل آئے.

مزید پڑھیں: بھارت نے سرحدوں کی خلاف ورزی کی تو بھرپور سرپرائز دیں گے: ڈی جی آئی ایس پی آر

گزشتہ تیرہ روز سے مقبوضہ کشمیر میں کرفیو نافذ ہے، جس کی وجہ سے روز مرہ سرگرمیاں معطل ہوگئی ہیں.

اس موضوع پر گزشتہ روز پچاس سال کے طویل انتظار کے بعد سلامتی کونسل کا اجلاس ہوا، جس میں ارکان کو اس مسئلے پر بریفنگ دی گئی.

تجزیہ کار اسے پاکستان کی بڑی کامیابی ٹھہرا رہے ہیں، سلامتی کونسل کے اجلاس سے ثابت ہوتا ہے کہ اب کشمیر بھارت کا اندرونی معاملہ نہیں رہا.

لاہور: امیر جماعت اسلامی سراج الحق نے کہا ہے کہ کشمیر پاکستان کی شہ رگ ہے، بھارتی عمل قابل مذمت ہے۔

ان خیالات کا اظہار امیر جماعت اسلامی نے احتجاجی مظاہرے سے خطاب کرتے ہوئے کیا. ان کا کہنا تھا کہ آج پاکستان کی شہ رگ پر بھارت قابض ہے.

سینیٹر سراج الحق نے کہا کہ کشمیری آج اپنی بقا کی جنگ لڑ رہے ہیں، کشمیر پر بھارت کا قبضہ ناقابل قبول ہے.

ان کا مزید کہنا تھا کہ حکومت پاکستان مقبوضہ کشمیر سے متعلق باقاعدہ اعلان کرے اور بھارت سے سفارتخانہ تعلقات فوری مطلع کرے.

سینیٹر سراج الحق کا کہنا تھا کہ حکومت مقبوضہ کشمیرکی قیادت کے مطالبے کی حمایت کرے، یہ وقت کا تقاضا ہے.

مزید پڑھیں: مقبوضہ کشمیر میں بھارتی اقدام کے خلاف سینیٹ میں مذمتی قرار داد منظور

خیال رہے کہ آج سینیٹ کمیٹی اجلاس میں مقبوضہ کشمیر میں بھارتی غیر قانونی اقدامات کے خلاف مذمتی قرارداد منظور کری گئی ہے.

قرار داد میں‌ مطالبہ کیا گیا ہے کہ بھارت خصوصی اہمیت ختم کرنے کا فیصلہ فوری واپس لے، اس سے خطے کی سلامتی اور امن کو شدید خطرہ ہے.

قرار داد میں مزید کہا گیا کہ یہ ایوان بھارتی جموں کشمیر کی خصوصی حیثیت ختم کرنے کی مذمت کرتا ہے، جموں کشمیر اقوام متحدہ میں متازعہ معاملہ ہے.