Tag: Siraj ul Haq

  • پاک بھارت کشیدگی، امیر جماعت اسلامی نے پارلیمنٹ کا مشترکہ اجلاس بلانے کا مطالبہ کر دیا

    پاک بھارت کشیدگی، امیر جماعت اسلامی نے پارلیمنٹ کا مشترکہ اجلاس بلانے کا مطالبہ کر دیا

    لاہور: امیر  جماعت اسلامی سراج الحق نے کہا ہے کہ نریندر مودی صبح شام دھمکیاں دے رہا ہے اور جنگ کی تیاری کر رہا ہے.

    ان خیالات کا اظہار انھوں نے لاہور میں‌ تقریب سے خطاب کرتے ہوئے کیا. سینیٹر سراج الحق کا کہنا تھا کہ حکومت کو چاہیے کہ پارلیمنٹ کا مشترکہ اجلاس اور  اے پی سی بلائے.

    [bs-quote quote=” او  آئی سی اجلاس میں پہلی باربھارت کو بطور مہمان خصوصی مدعو کیا گیا ہے، اب بھارتی وزیر خارجہ عالم اسلام کے نمائندوں سے خطاب کریں گی، یہ افسوس ناک ہے” style=”style-8″ align=”left” author_name=”سینیٹر سراج الحق”][/bs-quote]

    ان کا کہنا تھا کہ او  آئی سی اجلاس میں پہلی باربھارت کو بطور مہمان خصوصی مدعو کیا گیا ہے، اب بھارتی وزیر خارجہ عالم اسلام کے نمائندوں سے خطاب کریں گی، یہ افسوس ناک ہے.

    انھوں نے مطالبہ کیا کہ موجودہ حالات میں پاکستان کواحتجاجاً اس اجلاس کا بائیکاٹ کرنا چاہیے تھا.

    امیر جماعت اسلامی سراج الحق نے آغا سراج درانی کی گرفتاری پر تبصرہ کرتے ہوئے کہا کہ نیب قانون اور ضابطے میں رہ کرملزمان کے خلاف کارروائی کرے.

    انھوں نے مزید کہا کہ بغیرثبوت کسی کوگرفتار کرنا عزت پامال کرنےکے مترادف ہے، ہر پاکستانی احتساب چاہتا ہے، مگر حکومت اسے سیاست کی نذرکر رہی ہے.

    انھوں نے مطالبہ کیا کہ بھارتی جارحیت کا جواب دیتے ہوئے حکومت دو ٹوک موقف اپنائے.

  • مودی سن لو اب پاکستان 65 اور 71 والا نہیں ، سینیٹرسراج الحق

    مودی سن لو اب پاکستان 65 اور 71 والا نہیں ، سینیٹرسراج الحق

    کراچی : جماعت اسلامی کے امیر اور سینیٹر سراج الحق کا کہنا ہے کہ مودی سن لو اب پاکستان 65 اور 71 والا نہیں ، موقع دیا تو پاکستان کاہر بچہ حرمت وطن پر کٹ مرےگا، بھارت عزت کا راستہ لے اور اپنی فوجیں کشمیر سے نکال لے۔

    تفصیلات کے مطابق جماعت اسلامی کے امیر اور سینیٹر سراج الحق نے جامعہ کراچی میں منعقدہ تین روزہ کتب میلے سے خطاب کرتے ہوئے کہا اسلامی جمہوریہ طلبا نئی نسل کا ترجمان ہے، موجودہ یاماضی کی حکومتوں نے نئی نسل کے لئے کوئی کام نہیں کیا، نئی نسل کے کام پر ریاستیں توجہ نہیں دیتیں، نوجوان لاکھوں کی تعداد میں ڈگریاں لینے کے باوجود بیروزگار ہیں ، مائیں بچوں کو اپنے زیورات بیچ کر پڑھاتی ہیں۔

    سینیٹرسراج الحق کا کہنا تھا کہ ملک میں غیر منصفانہ نظام ہے ، پاکستان کواس وقت ایک نصاب تعلیم کی ضرورت ہے ،ہم آج تک یہ طےنہ کرسکےتعلیم کس زبان میں دی جائے ، اب توچینی زبان سیکھنے کا بھی لوڈ ڈال دیاگیاہے ، ہمیں موقع دیاگیاتو اردو کوسرکاری، دفتری، تعلیمی زبان قرار دیں گے۔

    امیر جماعت اسلامی نے کہا ہمیں کیوں غلام ابن غلام بنایا جارہاہے، سپریم کورٹ کا اردو زبان کو رائج کرنے کا حکم ہے حکومت توجہ نہیں دیتی، اپنے دور حکومت میں کے پی میں اردو زبان کو دفتری زبان بنایا تھا۔

    بھارت جان لے کہ روس اورامریکا کی طرح رسوا ہوگا

    سراج الحق کا کہنا تھا کہ بھارت عزت کاراستہ لے اور اپنی فوجیں کشمیر سے نکال لے ، بھارت جان لے کہ روس اورامریکا کی طرح رسوا ہوگا ، وزیراعظم عمران خان نے معاملے پر اچھی بات کی ہے ، تمام اختلافات ایک طرف رکھ کر وزیراعظم کے ساتھ ہوں گا۔

    انھوں نے کہا پوری قوم وزیراعظم آپ کے اور فوج کے ساتھ ہے، وطن کی جانب میلی آنکھ نہیں اٹھنے دیں گے، ہمارے حکمران نہ قوم کے ساتھ انصاف کرسکے نہ وسائل کے ساتھ، یہاں غیر منصفانہ تقسیم کی وجہ سے غربت ہے۔

    امیر جماعت اسلامی کا کہنا تھا کہ زرعی ملک میں 60 فیصد زمین بنجر پڑی ہے ، بھارت دھمکیاں دے رہاہے، مودی سن لو اب پاکستان 65 اور 71 والا نہیں ، موقع دیا تو پاکستان کا ہر بچہ حرمت وطن پر کٹ مرے گا۔

    پلواماکا واقعہ بھارت کی نائن 11 کی طرح کی حرکت ہے

    پلوامہ حملے پر سراج الحق نے کہا پلواماکا واقعہ ایک دھوکا اور فراڈ ہے اور انٍڈیا کا رچایا ہوا ڈرامہ ہے ، یہ ڈرامہ ناکام ہوگا، یہ بھارت نے نائن 11 کی طرح حرکت کی، اقوام متحدہ سن لے ہمارامسئلہ صرف اورصرف کشمیر کاہے، جو بھی مذاکرات ہوں اس میں کشمیریوں کو شامل کیاجائے۔

  • فاٹا کے لئے 100 ارب روپے کے بحالی پیکیج کی جلد فراہمی یقینی بنائی جائے: سراج الحق

    فاٹا کے لئے 100 ارب روپے کے بحالی پیکیج کی جلد فراہمی یقینی بنائی جائے: سراج الحق

    لاہور: امیر جماعت اسلامی سراج الحق نے کہا ہے کہ فاٹا کے لئے 100 ارب روپے کے بحالی پیکیج کی جلد فراہمی یقینی بنائی جائے.

    ان خیالات کا اظہار انھوں نے لاہور میں ایک تقریب سے خطاب کرتے ہوئے کیا. امیر جماعت اسلامی کا کہنا تھا کہ حکومت کو فاٹا کی محرومیوں کے ازالے کے لئے جلد عملی اقدام اٹھانے ہوں گے، تاکہ وہ مرکزی دھارے میں شامل ہوں.

    سینیٹر سراج الحق کا کہنا تھا کہ وسائل کی تقسیم میں مرکز صوبوں کوزیادہ حصہ دے، اس سے صوبے مضبوط ہوں گے، صوبوں سے کٹوتی کے بجائے وفاق فاٹا کوترقیاتی فنڈز، بحالی پیکیج دے.

    انھوں نے حکومتی پالیسیوں پر تنقید کرتے ہوئے کہا کہ معاشی پالیسیوں کے باعث عام آدمی مشکلات کا شکار ہے، مہنگائی بڑھ رہی ہے، عوام کا خون نچوڑنے والوں کے خلاف کارروائی کی جائے.

    مزید پڑھیں: مسئلہ کشمیر کے حل سے قبل بھارت کو کوئی سفری رعایت نہ دی جائے، سراج الحق

    یاد رہے کہ گذشتہ دور میں‌ جماعت اسلامی کے پی کے میں پاکستان تحریک انصاف کی اتحادی تھی، البتہ الیکشن سے قبل اس نے عمران خان کی جماعت سے اتحاد ختم کرکے مذہبی جماعتوں کے اتحاد متحدہ مجلس عمل میں شمولیت اختیار کر لی.

    سن 2018 کے الیکشن میں متحدہ مجلس عمل متوقع کامیابی حاصل نہیں کرسکی اور پی ٹی آئی سب سے بڑی جماعت بن کر ابھری.

  • مسئلہ کشمیر کے حل سے قبل بھارت کو کوئی سفری رعایت نہ دی جائے، سراج الحق

    مسئلہ کشمیر کے حل سے قبل بھارت کو کوئی سفری رعایت نہ دی جائے، سراج الحق

    لاہور : امیر جماعت اسلامی سینٹر سراج الحق نے پاکستان میں بھارتی شہریوں کو سفری سہولیات دینے کی پالیسی کو مسترد کرتے ہوئے کہا ہے کہ مسلئہ کشمیر کے حل سے پہلے ہندوستان کو رعایت نہیں دی جاسکتی۔

    ان خیالات کا اظہار انہوں نے الحمرا کلچرل کمپلیکس میں کشمیری حریت پسندوں کی جدوجہد کے حوالے سے تصویری نمائش کا جائزہ لینے کے بعد میڈیا سے گفتگو کرتے ہوئے کیا۔

    انہوں نے کہا کہ کشمیر پالیسی ماضی کی حکومتوں کا تسلسل ہے حکومت فوری طور پر او آئی سی کا اجلاس مظفرآباد میں طلب کرے۔

    سینٹر سراج الحق نے کہا کہ حکومت واضح کرے کہ سینکڑوں ممالک کو پاکستان کے حوالے سے دی جانے والی سفری سہولیات یک طرفہ ہیں یا دو طرفہ؟ مسلئہ کشمیر کے حل تک بھارتی شہریوں کو پاکستان میں سہولیات نہیں دی جاسکتی۔

    امیر جماعت اسلامی سراج الحق نے مزیدکہا کہ مسلئہ کشمیر پر حکومت کی غیر سنجیدگی کا عالم یہ کہ اب تک کشمیر کمیٹی کا چیرمین مقرر نہیں کیا گیا۔

    انہوں نے مطالبہ کیا کہ حکومت فوری طور پر کشمیر کی آزادی کیلئے ریاستی پالیسی کا اعلان اور اس مسلئے کے پائیدار حل کیلئے صرف اس معاملے پر نائب وزیر خارجہ مقرر کرے۔

  • ملک کا بنیادی مسئلہ انصاف کی فراہمی ہے آبادی میں اضافہ نہیں، سراج الحق

    ملک کا بنیادی مسئلہ انصاف کی فراہمی ہے آبادی میں اضافہ نہیں، سراج الحق

    لاہور : امیر جماعت اسلامی سینیٹر سراج الحق نے کہا ہے کہ میرے ملک کا بنیادی مسئلہ انصاف کی فراہمی ہے آبادی میں اضافہ نہیں، سانحہ ساہیوال پر ہر پاکستانی کا دل سوگوار ہے۔

    ان خیالات کا اظہار انہوں نے لاہور میں میڈیا سے گفتگو کرتے ہوئے کیا، امیر جماعت اسلامی کا کہنا تھا کہ پاکستان کا بنیادی مسئلہ وسائل کی غیر منصفانہ تقسیم ہے۔

    ملک میں بے انصافی ہے، غربت ہے، جس کے خاتمے کیلئے حکمرانوں کو مؤثر اقدامات کرنا ہوں گے، پاکستان کا ملک کا بنیادی مسئلہ عوام کو سستے اور آسان انصاف کی فوری فراہمی ہے آبادی میں اضافہ نہیں۔

    سانحہ ساہیوال سے متعلق ایک سوال پر سراج الحق نے کہا کہ سانحہ ساہیوال پر ہر پاکستانی کا دل زخمی ہے، بچ جانے والے عمیر نے مجھے خود بتایا ہے کہ انہوں نے پہلے ہمیں گاڑی سے نکالا پھر والدین کو مارا۔

    مزید پڑھیں: عالمی برادری مقبوضہ کشمیر میں بھارتی فوج کے مظالم کا نوٹس لے، سینیٹر سراج الحق

    حکومت نے واقعے سے متعلق جو جے آئی ٹی بنائی لیکن وہاں کے لوگوں کو اس سے شکایات ہیں،متاثرہ خاندان اور وکلا کو جان سے مارنے کی دھمکیاں مل رہی ہیں۔ حکومت انہیں انصاف فراہم کرے۔

  • گیس کا بحران شدت اختیار کر گیا، حکومت فوری اقدامات کرے، سینیٹر سراج الحق

    گیس کا بحران شدت اختیار کر گیا، حکومت فوری اقدامات کرے، سینیٹر سراج الحق

    لاہور : امیرجماعت اسلامی سینیٹر سراج الحق نے کہا ہے کہ گیس کا بحران شدت اختیار کر گیا، موسم سرد ہے اور گھروں کے چولہے بھی ٹھنڈے پڑے ہیں۔

    یہ بات انہوں نے لاہور میں میڈیا سے گفتگو کرتے ہوئے کہی، سینیٹر سراج الحق کا کہنا تھا کہ ایل پی جی قیمتوں میں اضافہ اور گیس کی عدم فراہمی سے عوام پریشان ہیں، ملک میں تبدیلی صرف ٹیکسوں اور مہنگائی میں اضافے کی صورت میں آئی ہے۔

    انہوں نے کہا کہ ملک بھر میں گیس کا بحران شدت اختیار کر گیا ہے، سردی کا موسم بھی آگیا ہے اس کے ساتھ ساتھ لوگوں کے گھروں کے چولہے بھی ٹھنڈے پڑگئے ہیں، گیس بحران سے نمٹنے کیلئے حکومت ہنگامی اقدامات کرے۔

    ایک سوال کے جواب میں ان کا کہنا تھا کہ ای سی ایل میں نام ڈالنے ہیں تو پھر ان سب کے بھی ڈالے جائیں، ہم کسی ایک فرد یا جماعت کانہیں ،سب کا احتساب چاہتے ہیں جب سب کا احتساب ہو گا تو اس پر کوئی اعتراض نہیں کرسکے گا۔

    اگر قوم کے لوٹے گئے375ارب ڈالر واپس آجائیں تو ہمیں عالمی اداروں سے خیرات لینے کی ضرورت نہیں رہے گی، موجودہ حکومت میں بھی ایسے لوگ ہیں جو ماضی میں لوٹ مار کا حصہ رہے۔

  • وسائل کی منصفانہ تقسیم سے ملک کے مسائل حل ہوسکتے ہیں، سراج الحق

    وسائل کی منصفانہ تقسیم سے ملک کے مسائل حل ہوسکتے ہیں، سراج الحق


    لاہور  : امیر جماعت اسلامی سینیٹر سراج الحق نے کہا ہے کہ ہمیں کسی وڈیرے کی غلامی کے لئے پیدا نہیں کیا گیا، وسائل کی منصفانہ تقسیم سے ملک کے مسائل حل ہوسکتے ہیں۔

    یہ بات انہوں نے لاہور میں جے آئی کسان کی افتتاحی تقریب سے خطاب کرتے ہوئے کہی، انہوں نے کہا کہ ایسا پاکستان چاہتے ہیں جس میں انصاف سب کیلئے ہو، ملک میں غریب کے لیے علاج ناممکن ہے، ملک کا ہر بچہ ورلڈ بینک کا مقروض اور معیشت تباہ ہورہی ہے۔

    رزق حلال بند، کرپشن اور سود کے دروازے کھلے ہیں، سراج الحق کا کہنا تھا کہ ہمیں کسی وڈیرے کی غلامی کے لئے پیدا نہیں کیا گیا، آج ملک کی سیاست پر بھی شوگر مافیا کا قبضہ ہے، وسائل کی منصفانہ تقسیم سے مسائل حل ہوسکتے ہیں، اس معاشرے میں انسان آزاد نہیں سب غلام ہیں۔

    ایک سوال کے جواب میں امیرجماعت اسلامی نے کہا کہ زرمبادلہ میں کسانوں کا بڑا حصہ ہے لیکن ان کے لئے کوئی بڑا معاشی پروگرام نہیں، کسانوں کی خون پسینے کی کمائی حکومت میں بیٹھے جاگیردار اور وڈیرے ہڑپ کر جاتے ہیں، انہیں سستے بیج، کھاد، اور دوا کی ضرورت ہے قوم کا مطالبہ انڈا یا مرغی نہیں۔

    انہوں نے کہا کہ ایوانوں میں موجود لوگ کسانوں کے نہیں ایلیٹ کلاس کے نمائندے ہیں جو خود کو کسی کے سامنے جوابدہ نہیں سمجھتے،کسانوں کو گنے کی قیمت اس لیے نہیں ملتی کہ سیاست پر بھی شوگر مافیا کا قبضہ ہے۔

    حکومت کہتی ہے کہ کسان ماتھے کا جھومر ہے لیکن اسے عزت نہیں دی جاتی، ہم اپنے ملک کی ترقی چاہتے ہیں تو کسان اور مزدور کے بچے کو تعلیم لازمی دلانا ہوگی، غربت نے بچوں کو مختلف طبقوں کے اسکولوں میں تقسیم کردیا۔

  • تبدیلی صرف اشیا کی قیمتوں میں آئی ہے، امیر جماعت اسلامی سراج الحق

    تبدیلی صرف اشیا کی قیمتوں میں آئی ہے، امیر جماعت اسلامی سراج الحق

    پشاور: امیر جماعت اسلامی پاکستان سراج الحق نے کہا ہے کہ حکمرانوں نے کبھی قوم کے ساتھ وفا نہیں کی، موجودہ حکومت میں بھی تبدیلی صرف اشیا کی قیمتوں میں آئی ہے۔

    تفصیلات کے مطابق امیرِ جماعت اسلامی نے حکومت پر تنقید کرتے ہوئے کہا کہ تبدیلی کے نعرے کے ساتھ آنے والی حکومت میں تبدیلی صرف اشیا کی قیمتوں میں آئی ہے۔

    [bs-quote quote=”مدینے کی ریاست کی بات تو کی گئی مگر قدم نہیں اٹھایا گیا: امیر جماعت اسلامی” style=”style-7″ align=”left” color=”#dd3333″][/bs-quote]

    سراج الحق کا کہنا تھا کہ ملک پر مسلط سودی نظام اور قرضوں کے انبار نے حکمرانوں کو بھی پریشان کر دیا ہے۔ خیال رہے کہ پی ٹی آئی حکومت نے آئی ایم ایف سے کم سے کم قرضہ لینے کے لیے سعودی عرب سے بڑی امداد کے حصول میں کام یابی حاصل کر لی ہے۔

    امیرِ جماعت اسلامی کا کہنا تھا کہ مدینے کی ریاست کی بات تو کی گئی مگر قدم نہیں اٹھایا گیا۔ وزیرِ اعظم عمران خان نے قوم سے خطاب میں کہا تھا کہ وہ پاکستان میں مدینے کی ریاست کی تعمیر کریں گے۔


    یہ بھی پڑھیں:  ملک میں جمہوریت کے لیے جمہوری اداروں کا استحکام ضروری ہے، سراج الحق


    انھوں نے کہا کہ جماعت اسلامی واحد پارٹی ہے جس میں کوئی گروپ بندی نہیں، سیاسی پارٹیاں خود بھی جمہوریت پر یقین نہیں رکھتیں، اس لیے ان میں مطلق العنانیت قائم ہے۔

    خیال رہے کہ گزشتہ روز بھی سراج الحق نے لاہور میں سیاسی جماعتوں کو تنقید کا نشانہ بناتے ہوئے کہا تھا کہ جمہوریت کی راہ میں اصل رکاوٹ سیاسی جماعتوں کے نام پر خاندانوں، لسانیت اور شخصیت کے گرد گھومنے والی جماعتیں ہیں۔

  • جب تک کشمیر آزاد نہیں ہوجاتا، جماعت اسلامی آرام سے نہیں بیٹھے گی: سراج الحق

    جب تک کشمیر آزاد نہیں ہوجاتا، جماعت اسلامی آرام سے نہیں بیٹھے گی: سراج الحق

    اسلام آباد: امیر جماعت اسلامی سراج الحق نے کہا ہے کہ کشمیرکے مسلمانوں نے قربانیوں کی لازوال داستانیں رقم کی ہیں.

    ان خیالات کا اظہار انھوں نے کشمیر مارچ سے خطاب کرتے ہوئے کیا. ان کا کہنا تھا کہ آج کشمیرمارچ سے بھارت کو  واضح پیغام دے دیا گیا ہے.

    امیرجماعت اسلامی سراج الحق نے کہا کہ بھارت پر واضح ہوگیا کہ پاکستانی قوم کشمیریوں کی پشت پرکھڑی ہے. کشمیرکی آزادی تک ہم جدوجہدجاری رکھیں گے.

    سراج الحق کا کہنا تھا کہ جب تک کشمیرآزادنہیں ہوجاتاجماعت اسلامی آرام سے نہیں بیٹھے گی، خون بہنے کے باوجود کشمیری جدوجہد کے لیے ڈٹے ہیں، پاکستانی عوام کشمیریوں کے ساتھ ہیں.

    واضح رہے کہ مقبوضہ کشمیر پر بھارتی قبضے کے 71 سال مکمل ہوچکے ہیں.


    مزید پڑھیں: آج کے دن بھارت نے کشمیریوں کے بنیادی حقوق سلب کیے‘ وزیراعظم


    یوم سیاہ کشمیر پر اپنے پیغام میں وزیر اعظم نے کہا کہ 27 اکتوبر مغربی ایشیا کی تاریخ کا المناک ترین دن تھا، بھارت اقوام متحدہ کی قرار دادوں کے برعکس 7 دہائیوں سے کشمیر پر قابض ہے۔

     صدر پاکستان ڈاکٹرعارف علوی نے اپنے پیغام میں کہا  ہے کہ کشمیریوں کی جدوجہد آزادی کو طاقت کے ذریعے نہیں دبا سکتا، پاکستان کشمیریوں کی اخلاقی، سفارتی اورسیاسی حمایت جاری رکھے گا۔

  • موجودہ نظام سے بلوچستان کے عوام کی مایوسی میں اضافہ ہورہا ہے،  سراج الحق

    موجودہ نظام سے بلوچستان کے عوام کی مایوسی میں اضافہ ہورہا ہے، سراج الحق

    لاہور : امیر جماعت اسلامی سراج الحق نے کہا ہے کہ موجودہ نظام سے عوام کی مایوسی میں دن بدن اضافہ ہورہا ہے، بلوچستان کی محرومیوں کا ازالہ نہیں کیا گیا۔

    یہ بات انہوں نے لاہور میں میدیا سے گفتگو کرتے ہوئے کہی، امیر جماعت اسلامی کا کہنا تھا کہ موجودہ حکومت کی جانب سے بلوچستان کی محرومیوں کے خاتمے کیلئے کوئی انقلابی پلان نہیں دیا گیا۔

    اب تک نہ ہی بلوچستان کی ترقی کے لئے کوئی طویل المیعاد منصوبہ نہیں بنایا گیا، یہ صوبہ پورے ملک کو گیس دے رہا ہے، بجلی لوڈشیڈنگ بھی ملک بھر کی نسبت بلوچستان میں سب سے زیادہ ہے۔

    سرا ج الحق کا مزید کہنا تھا کہ بدعنوان اور کرپٹ عناصر ملک کے اربوں روپے لوٹ کر مزے کررہے ہیں جبکہ غریب آدمی دو وقت کے کھانے کے لیے ترس رہا ہے کیونکہ موجودہ نظام سے عوام کی مایوسی میں دن بدن اضافہ ہورہا ہے۔