Tag: Siraj ul Haq

لاہور: امیر جماعت اسلامی سراج الحق نے کہا ہے کہ ایک دو سیاسی جماعتوں کےعلاوہ سب کوالیکشن پر تحفظات ہیں.

ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ تحفظات کے باوجود ہم چاہتے ہیں پارلیمنٹ اپنا کام کرے.

امیر جماعت اسلامی نے کہا کہ قوم کی آواز اسمبلیوں میں اٹھانی چاہیے، وہی اصل پلیٹ فورم ہے.

انھوں نے پی ٹی آئی کے وعدوں کا حوالہ دیتے ہوئے کہا کہ قوم سے ایک کروڑ نوکریاں،50لاکھ گھروں کا وعدہ کیا گیا ہے، قوم سے یہ وعدہ بھی کیا گیا تھا کہ آئی ایم ایف کے پا س نہیں جائیں گے، ہم امید کرتے ہیں کہ یہ وعدے پورے ہوں.

مزید پڑھیں: عوام کی نظریں حکومت کی سو روزہ منصوبہ بندی پر ہیں، سراج الحق

امیرجماعت اسلامی نے کہا کہ اقوام متحدہ اور اوآئی سی اجلاس میں گستاخانہ خاکوں کامعاملہ اٹھایا جائے.

سراج الحق نے کہا کہ اس قسم کی دہشت گردی سےمسلمانوں کےجذبات مجروح ہوتےہیں، اس کا سدباب ضروری ہے.

یاد رہے کہ جماعت اسلامی نے مذہمی جماعت کے تحت ایم ایم اے کے پلیٹ فورم سے کتاب کے نشان پر الیکشن لڑا تھا، مگر وہ نمایاں کامیابی حاصل کرنے میں‌ ناکام رہی.

کوئٹہ : امیر جماعت اسلامی سراج الحق نے کہا ہے کہ ملک میں بنائے جانے والی نئی حکومت کی عوامی مفادات میں اقدامات کی حمایت کریں گے، غیر آئینی اور غیرجمہوری اقدامات کی مخالفت ہوگی۔

تفصیلات کے مطابق کوئٹہ میں پریس کانفرنس کرتے ہوئے امیر جماعت اسلامی سراج الحق نے کہا کہ جماعت اسلامی ایک اسلامی اور جمہوری جماعت ہے اور ملک ترقی اور افرادی ترقی پریقین رکھتی ہے، پاکستان کوعوام نے بنایا ہے اور وہی اس کے حقیقی مالک ہیں۔

سراج الحق کا کہنا تھا کہ بنیادی حقوق کی بحالی تک پاکستان ترقی نہیں کرسکتا، تمام مسائل کاحل اسلامی نظام میں ہے، اسلام نظام کے قیام کے لیے ہم اپنی جدوجہد جاری رکھیں گے۔

امیر جماعت اسلامی نے کہا کہ غلط کام جو کرےگااس کے راستے میں کھڑ ے رہیں گے، تخر یبی سیاست کا حصہ نہیں بنیں گے،پر امن جدو جہد کریں گے، کرپشن فری پاکستان مہم ہم عرصے سے چلا رہے ہیں، کرپشن اور پاکستان ساتھ ساتھ نہیں چل سکتے۔

ان کا کہنا تھا کہ انتخابات سے پہلے پشاور، بنوں، کوئٹہ میں سیاسی ورکر شہیدہوئے ، یہ طے نہیں کون اپوزیشن میں بیٹھے گا، کون حکومت میں جائے گا، ہم حقیقی اور آزاد جمہوریت چاہتے ہیں، الیکشن کمیشن کے باہر 8 اگست کو پرامن احتجاج کریں گے۔

سراج الحق نے کہا کہ انتخابات کرانے میں الیکشن کمیشن کا کردار جانبدار نہ رہا ملک میں انتخابات ایک ایکسرسائز اور مشغلے کے علاوہ کچھ نہیں تھا، عوامی میڈنٹ کو کچلا گیا۔

امیر جماعت اسلامی کا کہنا تھا کہ ہم چاہتے ہیں ملک میں اسلامی نظام ہور اورلوگوں کو انصاف مل سکے، موجودہ نظام میں غریب آدمی کا کوئی حصہ نہیں ہے، نئی بننے والی حکومت نے اگر عوامی مفادات میں اقدامات کئے تو اس کی حمایت کریں گے۔

ان کا کہنا تھا کہ بلوچستان میں بے روزگاری ، غربت میں اضافہ ہورہا ہے پانی قلت کے باعث لوگ پریشانی سے دوچار ہیں، وفاقی حکومت نے کبھی بھی بلوچستان کو نہ ہی کوئی حق دیا اور نہ ہی اہمیت ، جس کی وجہ سے صوبہ احساس محرومی کا شکار ہے۔

لاہور : امیر جماعت اسلامی سراج الحق کا کہنا ہے کہ حکومتی قبلہ مکہ کے بجائے کسی اور طرف ہوا تو درست کردیں گے، کوئی مائی کا لعل پاکستان کو سیکولر اورلبرل ریاست نہیں بناسکتا۔

تفصیلات کے مطابق امیر جماعت اسلامی سراج الحق نے بات چیت کرتے ہوئے کہا کہ کچھ لوگ پاکستان میں دینی جماعتوں کی شکست پر بغلیں بجا رہے ہیں، وہ سمجھتے ہیں یہاں لبرل وسیکولر لابی کو کھل کر کھیلنے کا موقع ملے گا۔

سراج الحق کا کہنا تھا کہ پاکستان کوکوئی مائی کا لعل سیکولر اورلبرل ریاست نہیں بناسکتا، عمران خان پاکستان کو مدینہ کی طرز پر بنانے کا عہد پورا کریں، ہم حکومت کے ہر اچھے کام کی تعریف اور تائید کریں گے۔

یاد رہے چند روز قبل امیر جماعت اسلامی کا کہنا تھا کہ جمہوریت کے تسلسل کیلئے نئی حکومت کو کام کا موقع دینا چاہتے ہیں، ہر قسم کی کرپشن کے خاتمے کے لیے اقدامات کے منتظر ہیں۔

انھوں نے مزید کہا تھا کہ نئی حکومت کے اچھے کاموں کی تعریف کریں گے، عمران خان کے اچھے کاموں کی حمایت کریں گے، جماعت اسلامی نے ہمیشہ جمہوریت کیلئے جدوجہد کی ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔