ARYNews.tv | Urdu – Har Lamha Bakhabar

Tag: Siraj ul huq

  • کراچی میں بچی سے زیادتی اور قتل، سراج الحق کی مذمت، والدین سے اظہار تعزیت

    کراچی میں بچی سے زیادتی اور قتل، سراج الحق کی مذمت، والدین سے اظہار تعزیت

    کراچی: جماعت اسلامی کے امیر سراج الحق نے کراچی میں زیادتی کے بعد قتل کی جانے والی بچی کے واقعے پر شدید مذمت کا اظہار کرتے ہوئے مقتولہ کے والدین سے گہری ہمدردی اور تعزیت کی۔

    تفصیلات کے مطابق کراچی کے علاقے اورنگی ٹاؤن میں چھ سالہ بچی کو زیادتی کے بعد بے دردی سے قتل کر دیا گیا جس کے بعد علاقہ مکین مشتعل ہوگئے اور بچی کی لاش سڑکوں پر رکھ کر احتجاج کیا اور پولیس کے خلاف خوب نعرے بازی کی، اس دوران پولیس اور مظاہرین کے درمیان جھڑپیں بھی ہوئیں۔

    واقعے سے متعلق اپنے مذمتی بیان میں سراج الحق کا کہنا تھا کہ قتل کو فوری گرفتار کیا جائے، اس قسم کے واقعات حکومت کے کردار پر سوالیہ نشان ہیں، ملزم کو گرفتار کر کے قانون کے مطابق سخت سزا دی جائے۔

    کراچی میں 6سالہ بچی سے زیادتی وقتل کیخلاف احتجاج، ایک شخص جاں بحق،15زخمی

    انہوں نے کہا کہ حکومت کا کام بل جمع کرنا ہوتا ہے، ٹیکس جمع کر کے عوام کا خون چوسنا نہیں ہوتا، حکمران ٹیکسوں سے حاصل رقم عیش وعشرت پرخرچ کر دیتے ہیں، عوام تعلیم، صحت اور روزگارجیسی بنیادی ضرورتوں سے محروم ہیں۔

    ان کا مزید کہنا تھا کہ نئی نسل پاکستان کو اسلامی اور فلاحی ریاست بنانےکے لیے ہمارا ساتھ دے، جماعت اسلامی کی حکومت ہر مظلوم کی وکالت خود کرے گی اور پاکستان کو ایک مثالی ملک بنائیں گے۔

    ہمیں دشمن سے اتنا خطرہ نہیں جتنا آستین کے سانپوں سے ہے، سراج الحق

    یاد رہے کہ چھ سالہ بچی تین روز قبل اورنگی ٹاؤن سے لاپتہ ہوئی تھی جس کی لاش گزشتہ روز منگھوپیر کے کچرا کنڈی سے ملی، رابعہ کی والدہ نے انصاف کی فراہمی کا مطالبہ کرتے ہوئے کہا کہ میری بیٹی پر بدترین تشدد اور زیادتی کی گئی، پولیس نے جنہیں گرفتار کیا ہے وہ اصل ملزم نہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • فاٹا تک عدالتی دائرہ کار کا سینیٹ سے پاس کردہ بل بارش کا پہلا قطرہ ہے: سراج الحق

    فاٹا تک عدالتی دائرہ کار کا سینیٹ سے پاس کردہ بل بارش کا پہلا قطرہ ہے: سراج الحق

    لاہور: جماعت اسلامی کے امیر سراج الحق نے کہا ہے کہ فاٹا تک عدالتی دائرہ کار کا سینیٹ سے پاس کردہ بل بارش کا پہلا قطرہ ہے، بل کی منظوری سے قبائلی عوام کے حقوق کی بحالی کا راستہ کھل گیا۔

    ان خیالات کا اظہار انہوں نے میڈیا سے بات چیت کرتے ہوئے کیا، سراج الحق کا کہنا تھا کہ اس قسم کے اقدامات سے قبائلی عوام کو فائدہ پہنچے گا، ان کی محرمیوں کو ختم کرنے کی ضرورت ہے، میں مطالبہ کرتا ہوں کہ فاٹا کے قبائل کو این ایف سی ایوارڈز سے تین فیصد حصہ دیا جائے۔

    مسلم لیگ (ن) اور پاکستان کی سیاسی صورت حال پر تبصرہ کرتے ہوئے امیر جماعت اسلامی کا کہنا تھا کہ ملک سے کرپشن کا خاتمہ وقت کی ضرورت ہے، صرف نواز شریف کی نااہلی سے کرپشن کا ناسور ختم نہیں ہوگا، پانامہ لیکس کے 436 کرداروں کا بھی احتساب ہونا چاہیے۔

    سینیٹ نے اعلیٰ عدلیہ کا دائرہ کار فاٹا تک بڑھانے کا بل پاس کر لیا: ڈپٹی چیئرمین سینیٹ

    سراج الحق کا مزید کہنا تھا کہ ملک میں الیکشن کا سال ہے، لیکن عام انتخابات سے متعلق شکوک وشبہات کا اظہار کیا جارہا ہے، بروقت الیکشن وقت کا تقاضہ ہے اور ملکی استحکام کے لیے ضروری ہیں۔

    خیال رہے کہ گذشتہ دنوں سینیٹ نے سپریم کورٹ اور ہائی کورٹ کا دائرہ اختیار وفاق کے زیر انتظام قبائلی علاقہ جات تک بڑھانے کے بل کی اتفاق رائے سے منظوری دے دی ہے اور چیئرمین سینیٹ کی جانب سے بل پر دست خط بھی کیا جاچکا ہے۔

    فاٹا میں امن بحال ہوا تو کچھ لوگوں نے نئی تحریک شروع کردی، آرمی چیف

    بعد ازاں میڈیا سے گفتگو کرتے ہوئے ڈپٹی چیئرمین سینیٹ سلیم مانڈوی والا کا بل سے متعلق کہنا تھا کہ اعلیٰ عدلیہ کا دائرہ کار فاٹا تک بڑھانے کا اہم بل پاس کر لیا گیا ہے، فاٹا کے عوام کئی دہائیوں سے اپنے حقوق کی جنگ لڑ رہے تھے اور سینیٹ سے اس بل کا پاس ہونا ان کا حق تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کرنل جوزف نے پاکستانی شہری کو قتل کیا مگر مقدمہ درج نہ ہوسکا: سراج الحق

    کرنل جوزف نے پاکستانی شہری کو قتل کیا مگر مقدمہ درج نہ ہوسکا: سراج الحق

    کراچی: جماعت اسلامی کے امیر اور سینیٹر سراج الحق نے کہا ہے کہ امریکی سفارت خانے میں تعینات کرنل جوزف نے پاکستانی شہری کو شہید کی لیکن افسوس کے مقدمہ تک درج نہ ہوسکا۔

    کراچی میں خطاب کرتے ہوئے سراج الحق کا کہنا تھا کہ ملکی نظام میں چالاکی اور ملاوٹ شامل ہے شاید اس لیے انصاف کا حصول ناممکن ہے، کرنل جوزف نے پاکستانی شہری کو شہید کیا لیکن ایف آئی آر تک درج نہیں ہوسکی۔

    اُن کا کہنا تھا کہ مقدمہ درج ہونے کی وجہ دریافت کی تو کہا گیا کہ سفیر اور عملے کو استثنیٰ حاصل ہے۔

    خیال رہے کہ 8 اپریل کو اسلام آباد کے رہائشی نوجوان عتیق کی ہلاکت اس وقت ہوئی جب امریکی سفارت کار کرنل جوزف مبینہ طور پر نشے کی حالت میں تیز رفتاری سے گاڑی چلا رہا تھا۔

    امریکی سفارت کار کی گاڑی سے شہری کی ہلاکت، والد کی عدالت میں درخواست

    امریکی شہری کو نشے کی حالت میں ٹریفک اشارہ نہ دکھا اور اُس نے گاڑی بھگا دی جس کے نتیجے میں موٹرسائیکل سوار اسلام آباد کے شہری کو زور دار ٹکر لگی اور وہ موقع پر ہی جاں بحق ہوگیا۔

    واقعے کے تھوڑی دیر بعد ایک اور گاڑی سفارتکار کو لینے پہنچی جبکہ جائے وقوعہ پر موجود پولیس اہلکاروں نے امریکی سفارت کار کا میڈیکل چیک اپ کروانے کی کوشش کی تو سفارتی عملے نے اپنی شناخت ظاہر کی جس کے بعد پولیس اہلکار مجبوراً کوئی ایکشن نہ لے سکے۔

    امریکی سفارت کار کا نام ای سی ایل میں ڈالنے سے متعلق فیصلہ محفوظ

    بعد ازاں دفتر خارجہ نے امریکی سفیر ڈیوڈ ہیل کو طلب کر کے واضح کیا کہ شہری کی ہلاکت کے معاملے پر پاکستان کے قانون اور ویانا کنونشن کے مطابق عمل کیا جائے گا، امریکی سفیر نے ملکی قوانین کی خلاف ورزی کی جسے کسی صورت نظر انداز نہیں کیا جاسکتا۔

    وفاقی حکومت نے عدالتی حکم پر کرنل جوزف کا نام واچ لسٹ میں ڈالنے کے بعد اس کا ڈرائیونگ لائسنس بھی منسوخ کردیا جبکہ بے گناہ پاکستانی نوجوان کا قاتل نے تاحال اسلام آباد میں موجود امریکی سفارتخانے میں پناہ لے رکھی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ہمارا دشمن ایٹم بم سے نہیں بلکہ ہمارے نوجوانوں سے ڈرتا ہے: سراج الحق

    ہمارا دشمن ایٹم بم سے نہیں بلکہ ہمارے نوجوانوں سے ڈرتا ہے: سراج الحق

    لاہور: جماعت اسلامی کے امیر سراج الحق نے کہا ہے کہ قائد اعظم کے بعد ایک خاص ٹولے نے پاکستان پر قبضہ کر رکھا ہے، ہمارا دشمن ایٹم بم سے نہیں بلکہ ہمارے نوجوانوں سے ڈرتا ہے۔

    ان خیالات کا اظہار انہوں نے یوتھ کنونشن سے خطاب کرتے ہوئے کیا، سراج الحق کا کہنا تھا کہ پاکستان سے ٹکرانے والا تباہ ہو جائے گا، ملک کو اسلامی بنائیں گے، موجودہ نظام سے غربیوں کا حق چھینا جاتا ہے۔

    انہوں نے کہا کہ نوجوان غربت کی وجہ سے اپنے گھروں کو چھوڑ دیتے ہیں، ملک میں عوام کے ساتھ دھوکا ہورہا ہے، مزدور مزدوری کر کے بھی بھوکا سوتا ہے اور نوجوان ڈگریاں لے کر بھی بے روزگار گھوم رہے ہیں۔

    مدرسے پر حملہ دہشت گردی ہے، نیٹو نے پاکستان اور افغانستان کا امن تباہ کیا: سراج الحق

    سربراہ جی آئی کا مزید کہنا تھا کہ پاکستان شہدا کی قربانیوں سے حاصل ہوا ہے ملک کو عظیم سے عظیم تر بنائیں گے، لاہور کا مینا پاکستان ہماری جدوجہد کی علامت ہے، ہم اپنے خطے کو اسلامی اور خوشحال بنائیں گے۔

    خیال رہے کہ گذشتہ دنوں میڈیا سے گفتگو کرتے ہوئے سراج الحق نے کہا تھا کہ موجودہ تعلیمی اداروں سے قیادت نہیں بلکہ نوکر تیار ہو رہے ہیں، المیہ یہ ہے کہ جس کی جیب میں پیسہ نہ ہو وہ انصاف حاصل نہیں کر سکتا۔

    ملک میں جس کے پاس پیسہ نہ ہو وہ انصاف حاصل نہیں کر سکتا: سراج الحق

    انہوں نے یہ بھی کہا تھا کہ پاکستان کا سب سے بڑا مسئلہ کرپشن ہے، بد عنوانیوں کی وجہ سے ملک کا یہ حال ہے، پاناما میں شریف خاندان کا نام آیا کسی ایک علما کا نام پاناما میں نہیں آیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ملک میں جس کے پاس پیسہ نہ ہو وہ انصاف حاصل نہیں کر سکتا: سراج الحق

    ملک میں جس کے پاس پیسہ نہ ہو وہ انصاف حاصل نہیں کر سکتا: سراج الحق

    گوجرانوالہ: جماعت اسلامی کے امیر سراج الحق نے کہا ہے کہ موجودہ تعلیمی اداروں سے قیادت نہیں بلکہ نوکر تیار ہو رہے ہیں، المیہ یہ ہے کہ جس کی جیب میں پیسہ نہ ہو وہ انصاف حاصل نہیں کر سکتا۔

    ان خیالات کا اظہار انہوں نے میڈیا سے گفتگو کرتے ہوئے کیا، سراج الحق کا کہنا تھا کہ پاکستان کا سب سے بڑا مسئلہ کرپشن ہے، بد عنوانیوں کی وجہ سے ملک کا یہ حال ہے، پاناما میں شریف خاندان کا نام آیا کسی ایک علما کا نام پاناما میں نہیں آیا۔

    انہوں نے کہا کہ موجودہ حکومتی نظام نے ہمیں غربت کے تحفے دیے، یاد رکھنا چاہیے کہ حکومت کا کام ٹیکس لگانا جبکہ بل جمع کرنا ایجنسی کا کام ہے، ملک سے کرپشن کے خاتمے کے لیے دیانت دار قیادت کی ضرورت ہے لیکن المیہ یہ ہے کہ تعلیمی نظام قیادت تیار کرنے کے بجائے نوکر تیار کر رہا ہے۔

    مدرسے پر حملہ دہشت گردی ہے، نیٹو نے پاکستان اور افغانستان کا امن تباہ کیا: سراج الحق

    سربراہ جی آئی کا کہنا تھا کہ پاکستان کے لیے کلمے کی خاطر لوگوں نے شہادتیں دیں جبکہ دوسری جانب مقبوضہ کشمیر میں ہمارے نوجوانوں کو مارا جارہا ہے، کشمیریوں کی نگاہیں پاکستان کی طرف ہیں، حکومت کو چاہیے کہ سو قدم آگے بڑھ کر کشمیریوں کا ساتھ دیں۔

    ادارے ناکام ہورہے ہیں، نئی نسل کے چہروں پر مایوسی ہے، سراج الحق

    سراج الحق کا مزید کہنا تھا کہ کشمیر میں جاری ظلم و بربریت کے خاتمے کے لیے عالمی برادری کو اپنا کردار ادا کرنا ہوگا، قابض بھارتی فوج نوجوان کشمیریوں کو شہید کر رہی ہے، وزیر اعظم کو جلد مسئلہ کشمیر پر اے پی سی بلانا ہوگی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • چیئرمین سینیٹ کے لیے رضا ربانی پر اتفاق موجودہ تناؤ ختم کر سکتا ہے: سراج الحق

    چیئرمین سینیٹ کے لیے رضا ربانی پر اتفاق موجودہ تناؤ ختم کر سکتا ہے: سراج الحق

    کراچی: جماعت اسلامی کے امیر سراج الحق نے کہا ہے کہ ایوان میں کرپشن کے خاتمے کی بات کرنے والوں کے چہرے عوام نے دیکھ لیے، چیئرمین سینیٹ سے متعلق رضا ربانی پر اتفاق ہوا تو موجودہ تناؤ ختم ہوسکتا ہے۔

    ان خیالات کا اظہار انہوں نے میڈیا سے گفتگو کرتے ہوئے کیا، سراج الحق کا کہنا تھا کہ کیا سیاسی جماعتیں اور قائدین اپنی پارٹی میں موجود کرپٹ عناصر کے خلاف ایکشن لینے کے لیے تیار ہیں؟ سینیٹ الیکشن کو بھی کئی روز گزر گئے لیکن کسی جماعت نے کوئی ایکشن نہیں لیا۔

    سراج الحق نے چیئرمین سینیٹ کے لیے رضا ربانی کی حمایت کردی

    انہوں نے کہا کہ بڑے بڑے قرضے معاف کرانے والوں کو عدالت عام انتخابات میں حصہ نہ لینے دیں، یہ لوگ کرپٹ پیسوں کے ذریعے دوبارہ منتخب ہوگئے تو پھر سے کرپشن کا بازار گرم ہوجائے گا، میں سپریم کورٹ سے اپیل کرتا ہوں کہ وہ پاناما میں ملوث دیگر 536 افراد کے خلاف بھی احتساب شروع کریں۔

    سربراہ جے آئی نے کہا کہ دس سال کی بد امنی میں سب سے زیادہ نقصان خیبر پختونخواہ کے عوام کو ہوا، 65 ہزار سے زائد عوام نے قربانی دی، معیشت، اسکول اور مدارس تباہ ہوگئے، ہم کے پی کے لوگوں کو سلام پیش کرتے ہیں، انہوں نے دہشت گردی کے خلاف جنگ میں مرکزی کردار ادا کیا۔

    سینیٹ الیکشن نے ثابت کر دیا انتخابات دولت کا کھیل بن چکے ہیں، سراج الحق

    سراج الحق نے کہا کہ ہم صوبے میں فقیر نہیں بلکہ اپنا حق مانگتے ہیں، خیبر پختونخواہ کی عوام کو بجلی کی مد میں خالص منافع آج تک نہیں دیا گیا، ورلڈ بینک سروے کے مطابق صوبے میں غربت پنپ رہی ہے۔

    ان کا مزید کہنا تھا کہ ملک سے کرپٹ عناصر کا خاتمہ ہونا چاہیے، سیاسی جماعتوں کے چاہیئے کہ اپنے کرپٹ پارٹی ممبران کے خلاف سخت ایکشن لے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سینیٹ الیکشن نے ثابت کر دیا انتخابات دولت کا کھیل بن چکے ہیں، سراج الحق

    سینیٹ الیکشن نے ثابت کر دیا انتخابات دولت کا کھیل بن چکے ہیں، سراج الحق

    کراچی: جماعت اسلامی کے امیر سراج الحق نے کہا ہے کہ سینیٹ الیکشن نے ثابت کردیا کہ انتخابات دولت کا کھیل بن چکے ہیں، اگر الیکشن کمیشن تماشائی بنا رہا تو عوام کا بیلٹ سے اعتماد اٹھ جائے گا۔

    ان خیالات کا اظہار انہوں نے میڈیا سے بات چیت کرتے ہوئے کیا، سینیٹ انتخابات میں ہونی ہارس ٹریڈنگ سے متعلق سراج الحق کا کہنا تھا کہ الیکشن کمیشن کامیاب سینیٹ امیدواروں سے بیان حلفی لے کہ انہوں نے ووٹ کس طرح حاصل کیے۔

    سینیٹ کے لئے خریدوفروخت نہ روکی، توایوان منڈیاں بن جائیں گے: سراج الحق

    انہوں نے کہا کہ ملک میں بادشاہت کو تحفظ دینے کے بجائے اداروں کا استحکام ضروری ہے، پاکستان میں سیاست ذات سے شروع ہوکر ذات پر ختم ہوجاتی ہے، عوام کو مخاطب کرتے ہوئے سربراہ جے آئی کا کہنا تھا کہ عوام عام انتخابات میں دیانتدار اور باکردار قیادت کا انتخاب کریں۔

    خیال رہے گذشتہ دنوں میڈیا سے گفتگو کرتے ہوئے سراج الحق نے مطالبہ کیا تھا کہ نومنتخب سینیٹرز سے حلف لیا جائے کہ انہوں نے ووٹ خریدا ہے یا نہیں، سچ تو یہ ہے کہ سینیٹ الیکشن میں دولت جیت گئی سیاست ہار گئی، سینیٹرز اب اپنا خسارہ پورا کریں گے یا عوام کی خدمت کریں گے؟

    سینیٹ الیکشن میں دولت جیت گئی، سیاست ہار گئی: سراج الحق

    واضح رہے کہ سینیٹ انتخابات میں کوئی بھی سیاسی جماعت واضح اکثریت حاصل نہیں کرسکی اسی لیے اج کل سینیٹ چیئرمین اور ڈپٹی چیئرمین کے لیے سیاسی جوڑ توڑ کا سلسلہ جاری ہے جہاں مختلف جماعتیں سینیٹ چیئرمین کی تعیناتی کے لیے آپس میں رابطے کر رہے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سینیٹ الیکشن میں دولت جیت گئی، سیاست ہار گئی: سراج الحق

    سینیٹ الیکشن میں دولت جیت گئی، سیاست ہار گئی: سراج الحق

    کراچی: جماعت اسلامی کے امیر سینیٹر سراج الحق نے کہا ہے کہ کامیاب سینیٹرز سے حلف لیا جائے کہ آپ نے ووٹ خریدا ہے یا نہیں، سچ تو یہ ہے کہ سینیٹ الیکشن میں دولت جیت گئی، سیاست ہار گئی۔

    ان خیالات کا اظہار انہوں نے میڈیا سے گفتگو کرتے ہوئے کیا، سراج الحق کا کہنا تھا کہ سینیٹ کے الیکشن میں بھر پور کرپشن دیکھنے میں آئی، سینیٹرز اب اپنا خسارہ پورا کریں گے یا عوام کی خدمت کریں گے؟ ایسے اقدامات سے لوگوں کا بیلٹ باکس سے اعتماد ختم ہوجائے گا۔

    کراچی کے نمائندے کہلانے والے سینیٹ انتخابات میں بِک گئے، سراج الحق

    انہوں نے کہا کہ پارٹیوں کے اندر بھی الیکشن کمیشن کی نگرانی الیکشن ہونے چاہیے، ملک کو کرپشن سے پاک کرنے کے لیے سیاست سے کرپشن کا خاتمہ کرنا ہوگا، سچ تو یہ ہے کہ سینیٹ الیکشن میں دولت جیت گئی۔

    حکمران جماعت پر تنقدید کرتے ہوئے سراج الحق کا کہنا تھا کہ ایوانوں میں موجود معاشی دہشت گردوں نے ملک کا بیڑا غرق کردیا، قوم کا پیسہ کسی ادارے کو معاف کرنے کا حق نہیں، پوری قوم سپریم کورٹ کے ساتھ کھڑی ہے، لوٹ مار کرنا حکومت ہے تو ہم ایسی حکومت برداشت نہیں کریں گے۔

    حکمرانوں سے 70 سال کا حساب لیں گے، سراج الحق

    انہوں نے کہا کہ ملک میں 6 مہینے میں پیٹرول کی قیمت میں 20 بار اضافہ ہوا، پی آئی اے کسی دور میں پاکستان کی عزت کی نشانی تھی لیکں چوروں کے باعث قومی ادارہ ناکامی سے دوچار ہے، ملک کو بچانا ہے تو کرپشن کا خاتمہ کرنا ہوگا۔

    کراچی کے سیاست پر تبصرہ کرتے ہوئے ان کا کہنا تھا کہ شہر قائد کھنڈرات کا منظر پیش کر رہا ہے، کراچی کی سیاست کو کس کے ہاتھوں فروخت کیا گیا؟

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔