Tag: Sirajul Haq

لندن: امیرجماعت اسلامی سراج الحق کا کہنا ہے کہ حکومت تمام محازوں پرناکام ہوچکی ہے، حکومت دوقدم آگے جبکہ چارقدم پیچھے چلتی ہے۔

تفصیلات کے مطابق امیر جماعت اسلامی سراج الحق نے لندن میں میڈیا سے گفتگو کرتے ہوئے کہا کہ وزیرقانون پنجاب رانا ثنا اللہ کا اقتدارمیں رہنے کا کوئی جوازنہیں ہے۔

سراج الحق نے کہا کہ سانحہ ماڈل ٹاؤن پرپہلے دن سے ڈاکٹر طاہرالقادری کے ساتھ ہیں۔

امیرجماعت اسلامی نے کہا کہ حکومت تمام محازوں پرناکام ہوچکی ہے، انہوں نے کہا کہ حکومت دوقدم آگے جبکہ چارقدم پیچھے چلتی ہے۔

سراج الحق نے کہا کہ متحدہ مجلس عمل کے نام سے دینی جماعتوں کا اتحاد فعال ہوچکا ہے، کسی مذہبی جماعت کے رہنما کا نام پانامہ یا نیب لسٹ میں نہیں ہے۔

امیر جماعت اسلامی سراج الحق نے آئندہ انتخابات سے متعلق کہا کہ 2018 کے الیکشن میں پاکستان تحریک انصاف کے ساتھ اتحاد نہیں ہوگا۔

خیال رہے کہ 4 روز قبل جماعت اسلامی کے امیر سینیٹر سراج الحق کا کہنا تھا کہ صرف نوازشریف کی نااہلی سےمسئلہ حل نہیں ہوگا، پانامہ اسکینڈل میں دیگر 436 افراد کا بھی احتساب کیا جائے۔

متحدہ مجلس عمل کو مکمل طور پر بحال کرنے کا اعلان

یاد رہے کہ گزشتہ ہفتے مذہبی جماعتوں نے سیاسی اتحاد متحدہ مجلس عمل کو مکمل طور پر بحال کرنے کا اعلان کرتے ہوئےالیکشن میں ایک نشان کتاب پر حصہ لینے کا اعلان کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لالہ موسیٰ: امیرجماعت اسلامی سراج الحق کا کہنا ہے کہ ہمارے معاشرے میں وی آئی پی کلچر فروغ پارہا ہے غریب انسان کی زندگی کی کوئی قیمت نہیں ہے۔

تفصیلات کے مطابق گجرات میں سابق وزیراعظم نوازشریف کی پروٹوکول گاڑی تلے کچل کر جاں بحق ہونے والے بچے حامد کےگھر پرامیرجماعت اسلامی نےمیڈیا سے بات کرتے ہوئےکہا کہ وزیراعظم کے اسکواڈ میں شامل گاڑی نے پہلے بچے کو کچلا اور پھر بچے کو روندتے ہوئے تڑپتا چھوڑکر آگے نکل گئے کیا یہ بے حسی نہیں ہے۔

سراج الحق کا کہنا تھا کہ نوازشریف کے قافلے میں بڑے بڑے چور بھی شامل تھے اور یہ لوگ اب آرٹیکل 62 اور 63 کو ختم کرنے کے درپے ہوگئے ہیں لیکن ہم ایسا نہیں ہونے دیں گے۔

اب پیپلزپارٹی کا بھی احتساب ہونا چاہئیے، سراج الحق

یاد رہے کہ گزشتہ روز امیر جماعت اسلامی سینیٹر سراج الحق کا کہنا تھا کہ پیپلزپارٹی کا بھی احتساب ہونا چاہئیے،ان کا کہنا تھا کہ 40 سال حکومت کی، مسلم لیگ ن اورپیپلزپارٹی نےکرپشن اور دہشت گردی کاتحفہ دیا۔

واضح رہےکہ سراج الحق نے نواز شریف کو تنقید کا نشانہ بناتے ہوئے کہا تھا کہ نواز شریف بتاتے ہی نہیں ان کے خلاف کون سازش کررہاہے، آپ کہتے ہیں کہ فیصلہ سی پیک کے خلاف ہے، آپ کہتے ہیں کہ پانچ ججوں نے میرے خلاف فیصلہ دیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔