کراچی : سائٹ سپر ہائی پر واقع فقیرہ گوٹھ میں ہوٹل پر فائرنگ کے نتیجے میں 3 افراد جاں بحق ہوگئے اور ایک زخمی ہوگیا۔
اے آر وائی نیوز کی رپورٹ کے مطابق پولیس کا کہنا ہے کہ فائرنگ سےعثمان عرف دارو،اس کا بھتیجا سلطان اور مزید 3 شدید زخمی ہوئے۔
دونوں شدید زخمی پرائیویٹ لوگ تھے جو مبینہ طور پر معلومات اکٹھا کرتے تھے، علاقہ پولیس کے مطابق عثمان عرف دارو مجرمانہ سرگرمیوں میں ملوث رہا ہے، عثمان عرف دارو کی مجرمانہ سرگرمیوں کی تصدیق اور ریکارڈ حاصل کیا جارہا ہے۔
فائرنگ کی زد میں آکر 2 راہ گیر بھی مبینہ طور پر معمولی زخمی ہوئے، واقعے میں ملوث ملزمان کی ابتدائی معلومات ملی ہیں جس کی شناخت و تصدیق جاری ہے، واقعہ ابتدائی طور پر پرانی رنجش کا شاخسانہ ہے جس کی تصدیق کی جارہی ہے۔
پولیس کے مطابق 4موٹر سائیکلوں پر سوار نامعلوم افراد نے سائٹ سپر ہائی وے ہوٹل پر فائرنگ کی، فائرنگ ایس ایم جی، 9 ایم ایم اور 12 بور سےکی گئی، جائے وقوعہ سے 15سے زائد خول تحویل میں لے لیے گئے۔
پولیس حکام کا کہنا ہے کہ سی سی ٹی وی فوٹیج حاصل کررہے ہیں، فائرنگ سے 3 افراد جاں بحق اور ایک زخمی ہوا۔
مقتول کے رشتہ دارجمیل خان نے بتایا کہ عثمان پولیس کے ساتھ کام کرتا اور ٹریکٹر بھی چلاتا تھا۔ عثمان میرا رشتے دار ہے، کسی سے دشمنی نہیں تھی، مجھے کسی نے فون کرکے بتایا کہ عثمان پرفائرنگ ہو ئی ہے۔