کراچی:شہرقائد میں بلدیہ اتحاد ٹائون میں ملزمان نے پولیس موبائل پرفائرنگ کردی،پولیس نے مقابلے کے بعد ملزم کو زخمی حالت میں گرفتار کرلیا، نیو کراچی میں بھی مبینہ پولیس مقابلے میں دو ملزمان گرفتار کر لئے گئے۔
کراچی کے علاقے بلدیہ اتحاد ٹائون میں ناکے پرکھڑی پولیس موبائل پر ملزمان نے فائرنگ کردی،جوابی فائرنگ کے بعد ایک ملزم زخمی حالت میں گرفتارکرلیا گیا، ملزم کے قبضہ سے اسلحہ برآمد کر لیا گیا، پولیس نے مقدمہ درج کرکے تفتیش کا آغاز کردیا ہے۔
دوسری جانب نیو کراچی کےعلاقےمیں مبینہ پولیس مقابلے کے بعد دو ملزمان کو اسلحہ سمیت گرفتار کر لیا گیا،پولیس کے مطابق ملزمان اسٹریٹ کرائم سمیت دیگر وارداتوں میں ملوث ہیں۔
