پھالیہ: پاہڑیانوالی کے قریب کوٹ پھولیشاہ میں آتش بازی کے سامان کی تیاری کے دوران گھر میں زوردار دھماکہ ہوا، جس کے نتیجے میں 6 افراد جاں بحق، 7 زخمی ہوگئے۔
اے آر وائی نیوز کے مطابق پھالیہ پولیس کا کہنا ہے کہ گھرمیں آتش بازی کا سامان تیار ہوتا تھا، دھماکے سے برابر والے گھرکی چھت بھی گرگئی، جاں بحق ہونے والوں میں بچے اور خواتین سمیت 6 افراد شامل،7 زخمی ہیں۔
پولیس کے مطابق دھماکا گھر کی بالائی منزل میں شارٹ سرکٹ کے باعث ہوا، ریسکیو 1122 سمیت دیگر انتظامی اداروں کے اہلکار موقع پر پہنچ گئے، زخمیوں کو پھالیہ، منڈی بہاالدین، گجرات کے اسپتالوں میں منتقل کردیا گیا ہے۔
اس سے قبل کراچی میں گیس کھینچنے والی مشین پھٹنے سے گھر میں خوفناک دھماکا ہوا تھا، جس کے نتیجے میں خاتون زخمی ہوگئی تھی۔
تفصیلات کے مطابق کراچی کے علاقے کورنگی کراسنگ بھٹائی کالونی گھر میں گیس لیکج سے دھماکا ہوا، جس کے نتیجے میں خاتون زخمی ہوگئی۔
ریسکیو حکام نے بتایا کہ حادثہ گیس کھینچنے والی مشین پھٹنے سے پیش آیا تاہم زخمی خاتون اسپتال منتقل کردیا گیا ہے۔
خیال رہے ملک میں گیس بحران کے باعث سب سے زیادہ گھریلو صارفین متاثر ہوتے ہیں، گیس دباؤ میں کمی کے باعث کھانا پکانے میں خواتین کو مشکلات کا سامنا رہتا ہے، اس صورت حال سے بچنے کے لیے بہت سے صارفین پائپ لائن سے گیس کا زیادہ پریشر حاصل کرنے کے لیے کمپریسر لگا لیتے ہیں۔
کراچی : شوہر کے ہاتھوں بیوی کا بہیمانہ قتل
یہ کمپریسر انتہائی خطرناک ہیں اور بہت سے واقعات میں ان کے پھٹ جانے سے گھر والے شدید زخمی ہوچکے ہیں اور بعض اوقات جان سے بھی جاتے ہیں۔
