ARYNews.tv | Urdu – Har Lamha Bakhabar

Tag: Slap

  • سینیگال پارلیمنٹ میں اپوزیشن رکن نے خاتون کو تھپڑ مار دیا، ویڈیو وائرل

    سینیگال پارلیمنٹ میں اپوزیشن رکن نے خاتون کو تھپڑ مار دیا، ویڈیو وائرل

    ڈاکر: سینیگال پارلیمنٹ میں ایک اپوزیشن رکن نے خاتون رکن کو تھپڑ مار دیا، اس واقعے کی ویڈیو وائرل ہو گئی ہے۔

    تفصیلات کے مطابق سوشل میڈیا پر ایک ویڈیو وائرل ہوئی ہے، جس میں سینیگال کی پارلیمنٹ کو ایک حکمراں جماعت سے تعلق رکھنے والی خاتون رکن کو تھپڑ پڑنے کے بعد اکھاڑہ بنتے دیکھا جا سکتا ہے۔

    جمعرات کو سینیگال کی پارلیمنٹ میں اس وقت جھگڑا ہوا جب حزب اختلاف کے رکن پارلیمنٹ مساتا سامب نے بجٹ پیش کرنے کے دوران حکمراں جماعت کی ایمی ندائے گنیبی کو تھپڑ مار دیا۔

    تھپڑ کے بعد خاتون رکن شدید طور پر مشتعل ہو گئیں اور انھوں نے کرسی اٹھا کر مرد رکن پر جوابی حملہ کر دیا، تاہم ایک اور رکن نے انھیں کک مار کر گرایا اور حملہ ناکام بنا دیا، دیگر اراکین نے جمع ہو کر خاتون کو روک لیا۔

    جھگڑے کے بعد حکومتی خاتون رکن کو اٹھا کر باہر لے جایا گیا، اپوزیشن رکن پارلیمنٹ کا کہنا تھا کہ خاتون رکن اسمبلی نے مذہبی رہنما کو تنقید کا نشانہ بنایا، جس پر وہ مشتعل ہو گئے اور تھپڑ مار دیا۔

    واضح رہے کہ سینیگال میں جولائی میں ہونے والے قانون سازی کے انتخابات کے بعد سے جہاں حکمران جماعت اپنی سادہ اکثریت سے محروم ہو گئی تھی، حکمران اور حزب اختلاف کے سیاست دانوں کے درمیان کشیدگی پائی جاتی ہے۔

  • سجل علی نے سید جبران کو تھپڑ کیوں مارا؟

    سجل علی نے سید جبران کو تھپڑ کیوں مارا؟

    معروف اداکار سید جبران نے اس وقت کے بارے میں بتایا جب انہوں نے سجل علی کے ہاتھ سے تھپڑ کھایا تھا، جبران کا کہنا تھا کہ سجل کا تھپڑ کھا کر وہ ہل گئے تھے۔

    تفصیلات کے مطابق اداکار سید جبران نے ایک ویب شو میں ایک ڈرامے کا دلچسپ قصہ سنایا جس میں ان کے ہمراہ سجل علی نے مرکزی کردار نبھایا تھا۔

    اداکار نے بتایا کہ ایک سین تھا جس میں سجل کو انہیں تھپڑ مارنا تھا، ہدایت کار یاسر نواز نے کہا کہ چلو اب شاٹ کے لیے تیار ہوجاؤ۔

    اداکار نے بتایا کہ میں جیسے ہی مڑا سجل نے مجھے زوردار تھپڑ مار دیا، وہ تھپڑ ایسا تھا جس نے مجھے پورا ہلا دیا، سیٹ پر بیٹھے یاسر نواز قہقہہ لگا کر ہنس پڑے، انہوں نے مجھے بلایا اور کہا لو دیکھو یہ سین، میں یہ کیسے لگاؤں کہ اتنی چھوٹی سی لڑکی تمہیں مار رہی ہے، تم اپنی جگہ پر قائم تو رہو؟

    جبران کا کہنا تھا کہ میں نے سین دیکھا کہ سجل اتنی چھوٹی سی اور میں اتنا لمبا، اس نے مجھے جیسے ہی تھپڑ مارا میں بچوں کی طرح پورا ہل گیا، میں نے کہا یاسر بھائی اس کا ہاتھ بہت زور سے لگا ہے۔

    اداکار نے بتایا کہ بعد میں یاسر نے کہا کہ اب پتا چل گیا نہ کہ اس کا ہاتھ بھاری ہے، جاؤ اور اب تیار رہنا۔

    ساتھ ہی جبران نے مداحوں کو وارننگ دی کہ سجل کا تھپڑ کبھی نہ کھایئے گا، وہ جتنی چھوٹی لگتی ہے اس کا ہاتھ اتنا ہی بھاری ہے۔

    جبران نے اسی شو کے دوران اس بات کا اعتراف بھی کیا کہ سجل علی اور صبا قمر ان کی پسندیدہ اداکارائیں ہیں۔

  • آسکر ایوارڈز 2022: تھپڑ کھانے والے کرس راک کی والدہ نے کیا کہا؟

    آسکر ایوارڈز 2022: تھپڑ کھانے والے کرس راک کی والدہ نے کیا کہا؟

    آسکر ایوارڈز 2022 کی تقریب کے دوران اسٹیج پر امریکی اداکار ول اسمتھ کا مکا کھانے والے کرس راک کی والدہ کا کہنا ہے کہ انہیں ول اسمتھ کے معافی نہ مانگنے پر افسوس ہے۔

    بین الاقوامی میڈیا کے مطابق کرس راک کی والدہ روز راک نے ول اسمتھ کے اپنے بیٹے کو تھپڑ مارنے پر ردعمل دیتے ہوئے کہا ہے کہ مجھے بہت برا لگتا ہے کہ ول اسمتھ نے اپنی غیر اخلاقی حرکت پر معافی نہیں مانگی۔

    روز راک نے کہا کہ جب ول نے کرس کو تھپڑ مارا تو اس نے ہم سب کو تھپڑ مارا اور اس نے واقعی مجھے تھپڑ مارا، جب آپ نے میرے بچے کو نقصان پہنچایا تو آپ نے مجھے تکلیف دی۔

    انہوں نے یہ بھی کہا کہ ان کا بیٹا کرس راک اچھا کام کر رہا ہے اور اس واقعے پر کارروائی کر رہا ہے۔

    خیال رہے کہ آسکر ایوارڈز کی تقریب کے دوران اداکار کرس راک ایوارڈ دینے اسٹیج پر آئے تھے اور اس دوران بات کرتے ہوئے انہوں نے ول اسمتھ کی بیوی جاڈا پنکٹ اسمتھ کے سر کے بال جھڑ جانے پر مذاق اڑایا تھا۔

    کرس کے مذاق پر اسمتھ اسٹیج پر آئے اورکرس راک کے منہ پر زور دار مکا مارا تھا۔

    بعد ازاں انہوں نے اس عمل کی معافی بھی مانگی تھی جبکہ کرس راک کو بھی تنقید کا نشانہ بنایا گیا کہ وہ کسی کی بیماری کو مذاق کا نشانہ بنا رہے تھے۔

    رپورٹس کے مطابق واقعے کے بعد پولیس بھی وہاں پہنچ گئی تھی لیکن کرس راک نے انہیں کسی قسم کی کارروائی کرنے یا ول اسمتھ کو گرفتار کرنے سے روک دیا تھا۔

  • ول اسمتھ سے تھپڑ کھا کر کرس راک آبدیدہ ہوگئے

    ول اسمتھ سے تھپڑ کھا کر کرس راک آبدیدہ ہوگئے

    آسکر ایوارڈ یافتہ امریکی اداکار ول اسمتھ کے ہاتھوں تھپڑ کھانے والے کامیڈین کرس راک ناخوشگوار واقعے سے متعلق دوبارہ بات کرتے ہوئے آبدیدہ ہوگئے۔

    بین الاقوامی میڈیا کے مطابق امریکی کامیڈین ول اسمتھ کے ہاتھوں آسکرز کی براہ راست نشریات کے دوران تھپڑ کھانے والے کامیڈین کرس راک واقعے سے متعلق بات کرتے ہوئے رو پڑے۔

    کامیڈین کرس راک امریکی شہر بوسٹن میں تھپڑ والے واقعے کے بعد اپنا پہلا شو کرنے کے لیے پہنچے تو ان کا زبردست انداز میں استقبال کیا گیا۔

    تاہم معاملہ ابھی گرم ہے اس لیے کرس نے شو شروع ہوتے ہی کہہ دیا کہ وہ اس واقعے پر بات نہیں کریں گے کیونکہ وہ ابھی اس واقعے سے پوری طرح باہر نہیں نکل سکے۔

    انہوں نے سامعین سے سوال کیا کہ آپ کا ویک اینڈ کیسا تھا؟ انہوں نے سامعین سے کہا کہ میں اپنے اس شو کے دوران اس پر بات کروں گا، یہ سنجیدہ ہوگا، لیکن یہ بہت دلچسپ ہوگا، لیکن اس وقت تو میں آپ کو صرف لطیفے سناؤں گا۔

    میڈیا رپورٹس کے مطابق کرس راک مذکورہ شو کے دوران اس معاملے کے بارے میں بات کرتے ہوئے آبدیدہ بھی ہوگئے تھے۔

  • بدبخت بیٹے کا ماں کو طمانچہ، ماں چل بسی

    بدبخت بیٹے کا ماں کو طمانچہ، ماں چل بسی

    نئی دہلی: بھارت میں بدبخت بیٹے کے ماں کے ساتھ انسانیت سوز سلوک پر پورا ملک غم و غصے کی کیفیت میں آگیا، ناہنجار بیٹے نے ماں کو اتنی زور سے طمانچہ مارا کہ وہ چل بسی۔

    بھارتی میڈیا کے مطابق واقعہ دارالحکومت نئی دہلی میں پیش آیا جو سی سی ٹی وی کیمرا میں ریکارڈ ہوگیا۔

    پولیس کے مطابق جھگڑا 76 سالہ خاتون اور ان کے پڑوسی کے درمیان موٹر سائیکل کی پارکنگ کے معاملے پر ہوا جو اتنا بڑھا کہ پولیس کو بلانا پڑا۔ تاہم پولیس کے پہنچنے پر بتایا گیا کہ دونوں پڑوسیوں نے آپس میں معاملہ رفع دفع کرلیا ہے۔

    بعد ازاں 76 سالہ بزرگ خاتون کا بے روزگار بیٹا باہر آیا اور اس بات پر ماں سے جرح کرنے لگا کہ اس نے پڑوسی سے جھگڑا کیوں کیا۔ خاتون کی بہو بھی باہر نکل آئیں اور دونوں میاں بیوی بزرگ خاتون سے بحث و تکرار کرنے لگے۔

    اس دوران اچانک ناعاقبت اندیش بیٹے نے غصے میں بے قابو ہو کر ماں کے چہرے پر زوردار طمانچہ مار دیا جس کے بعد خاتون زمین پر گر گئیں۔

    خاتون کو بے ہوش دیکھ کر انہیں قریبی اسپتال لے جایا گیا جہاں ڈاکٹرز نے بتایا کہ اسپتال پہنچنے سے قبل ہی ان کی موت ہوچکی تھی۔

    واقعے کی سی سی ٹی وی فوٹیج سوشل میڈیا پر وائرل ہوگئی، نیشنل کمیشن فار ویمن کی سربراہ ریکھا شرما نے ویڈیو پر نوٹس لیتے ہوئے اسے شرمناک قرار دیا اور کہا کہ وہ دہلی پولیس کو کارروائی کی ہدایت کر رہی ہیں۔

    دہلی پولیس نے بیٹے کے خلاف مقدمہ درج کرلیا ہے۔

    سوشل میڈیا پر لوگ اس ویڈیو پر سخت غم و غصے کا اظہار کر رہے ہیں اور مطالبہ کر رہے ہیں ماں کو ہلاک کرنے والے بیٹے کو سخت سے سخت سزا دی جائے۔

    یاد رہے کہ بھارت میں بزرگوں پر جسمانی و نفسیاتی تشدد بے حد عام ہوتا جارہا ہے، بھارت کی 8 فیصد سے زائد آبادی 60 سال سے زائد عمر کے افراد پر مشتمل ہے جو سنہ 2050 تک 20 فیصد ہوجائے گی۔

  • نعیم الحق تھپڑ مارنے پر مجھ سے معافی مانگیں، دانیال عزیز

    نعیم الحق تھپڑ مارنے پر مجھ سے معافی مانگیں، دانیال عزیز

    اسلام آباد : مسلم لیگ ن کے رہنما اور وفاقی وزیرنجکاری دانیال عزیز نے تھپڑ مارنے پر نعیم الحق سے معافی کا مطالبہ کرتے ہوئے کہا کہ عمران خان اور جہانگیر ترین سرٹیفائیڈ چور ہیں عمران خان نے ایمنسٹی اسکیم سے فائدہ اٹھایا،ٹیکس ایمنسٹی اسکیم چوری کے زمرےمیں آتی ہے حکومت کی مہربانی ہے جو ایکشن نہیں لیا۔

    تفصیلات کے مطابق مسلم لیگ ن کے رہنما دانیال عزیز کا کہنا ہے کہ نعیم الحق تھپڑمارنے پرمجھ سےمعافی مانگیں، میں نے کہا تھا پی ٹی آئی کی لیڈر شپ چور ہے، میں آج بھی اپنے بیان پر قائم ہوں۔

    دانیال عزیز کا کہنا تھا کہ عمران خان اور جہانگیرترین نے لکھ کر دیا انہوں نے ٹیکس چوری کیا، عمران خان نے ایمنسٹی سکیم سے فائدہ اٹھایا، ٹیکس ایمنسٹی اسکیم چوری کے زمرے میں آتی ہے، حکومت کی مہربانی ہے اس پر کوئی ایکشن نہیں لیا۔

    رہنما مسلم لیگ ن نے کہا کہ جہانگیرترین نے مالی اورباورچی کے نام آف شورکمپنیاں بنائیں، عمران خان اور جہانگیر ترین سرٹیفائیڈ چورہیں، نعیم الحق ثابت کریں کہ عمران خان اور جہانگیر ترین چور نہیں۔

    گذشتہ روز وفاقی وزیرنجکاری دانیال عزیز نے احتساب عدالت کے باہر میڈیا سے گفتگو میں کہا تھا کہ پی ٹی آئی کے 100 دن کےایجنڈے میں ایک خفیہ راز ہے، 100دن کا پلان پاکستان کو تباہی کی طرف لے جانے کا ہے، جب میں نشاندہی کرتا ہوں تو یہ بوکھلا جاتے ہیں۔

    دانیال عزیز کا کہنا تھا کہ افسوس کی بات ہے جوٹی وی پرچلاوہ پورا کلپ نہیں تھا، تھپڑ سے پہلے اور بعد کی گفتگو نہیں دکھائی گئی، صاف نظرآرہا ہے کہ یہ ایک طے شدہ منصوبے کے تحت کیا گیا۔

    ان کا کہنا تھا کہ یہ کبھی خواجہ آصف پرسیاہی پھینکتے ہیں، کبھی جاویدہاشمی پر، کبھی وزیراعظم کوجوتا مارتے ہیں، کبھی اس طرح کے تھپڑ، یہ ایک سوچ ہے، جس کے پیچھے ان کی ناکامیوں کی بوکھلاہٹ ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سنی لیون نے غیر اخلاقی سوال پوچھنے پر صحافی کی پٹائی کردی

    سنی لیون نے غیر اخلاقی سوال پوچھنے پر صحافی کی پٹائی کردی

    ممبئی: بالی ووڈاداکارہ سنی لیون نے گجرات میں صورت کے علاقے میں ایک ٹی وی چینل کے رپورٹرکی طرف سے غیرمناسب سوال پوچھے جانے پر اداکارہ نے رپورٹرکوتھپڑ ماردیا۔

    بھارتی میڈیا رپورٹس کے مطابق سنی لیون بھارتی ریاست گجرات کے شہر سورت میں ہولی کے حوالے سے ایک تقریب ’ہولی ود سنی لیون‘ کے سلسلے میں موجود تھیں، اپنی پرفارمنس کے بعد ہوٹل کی لابی میں انٹرویوز دے رہی تھیں کہ ایک صحافی کے غیر اخلاقی سوال پوچھنے پر سنی لیون غصے میں آ گئیں اور اس صحافی کے منہ پر تھپڑ رسید کردیا۔

    بعدازاں سنی لیون نے پروگرام انتظامیہ سے کہا کہ وہ اسی صورت میں پرفارم کریں گی جب اس میں صحافی شریک نہ ہوں، مطالبہ پورا ہونے کے بعد اداکارہ نے کچھ دیر تک اسٹیج پر پرفارم کیا۔

    دوسری جانب سنی لیون کے شوہر کا کہنا تھا کہ رپورٹر کے سوال پر سنی لیون نے فوری طور پر جواب دیا اس لئے ہم پولیس کے پاس مقدمہ درج نہیں کرا رہے، جب کہ ایونٹ منعقد کرانے والے طالبعلم تھے اس لئے ہم نہیں چاہتے کہ ان کا کیرئیر تباہ ہو۔