لاہور: پاکستان میں سیلاب سے تقریباً 2 لاکھ چھوٹے بڑے کاروباری یونٹس کو نقصان پہنچا۔
تفصیلات کے مطابق وزارت صنعت کے ادارے سمیڈا نے سیلاب سے ہونے والے کاروباری نقصانات سے متعلق رپورٹ جاری کر دی، جس میں کہا گیا ہے کہ ملک میں 2 لاکھ کے قریب چھوٹے اور درمیانے کاروباری یونٹس کو نقصان پہنچا۔
چیف ایگزیکٹو سمیڈا راؤ ہاشم رضا کے مطابق سیلاب سے فیکٹریوں اور یونٹس کو ایک کھرب روپے سے زائد کا نقصان ہوا، جب کہ ہر ادارے کا اوسطاً 60 لاکھ روپے کا نقصان ہوا۔
رپورٹ کے مطابق سیلاب سے ملک کے 1 لاکھ 97 ہزار 658 کاروباری ادارے متاثر ہوئے، پنجاب میں زراعت سے منسلک کاروبار زیادہ متاثر ہوئے، خیبر پختون خوا میں سیاحت کے شعبے کو بہت نقصان پہنچا، سندھ میں زراعت اور گلہ بانی متاثر ہوئی، جب کہ بلوچستان میں پھلوں کے باغات کے علاوہ معدنیات کا شعبہ زیادہ متاثر ہوا۔
2023 کی عام تعطیلات اور اختیاری چھٹیوں کا اعلان
سیلاب سے 5 ارب 30 کروڑ ڈالر کا اقتصادی نقصان ہوا، راؤ ہاشم نے مطالبہ کیا کہ حکومت سیلاب سے تباہ شدہ اداروں کی بحالی کے لیے اقدامات کرے، اور اس سلسلے میں قرضوں اور بجلی کے بلوں میں چھوٹ دی جائے۔
