ARYNews.tv | Urdu – Har Lamha Bakhabar

Tag: Smoke Bomb

  • اسموک بم پھٹنے کے بعد فلسطینی کے جسم کے اندر سے دھواں نکلنے کی ہولناک ویڈیو

    اسموک بم پھٹنے کے بعد فلسطینی کے جسم کے اندر سے دھواں نکلنے کی ہولناک ویڈیو

    غزہ میں اسرائیلی فورسز کی بربریت کی نئی مثالیں قائم ہو رہی ہیں، دنیا جنھیں دیکھ کر ششدر ہے، لیکن عالمی طاقتیں اسرائیل کے سامنے بے بس نظر آ رہی ہیں۔

    سوشل میڈیا پر شمالی غزہ کے علاقے بیت لاھیا کی ایک ویڈیو وائرل ہوئی ہے، جو ایک ایسے ہولناک منظر پر مبنی ہے جس میں ایک نوجوان زمین پر پڑا ہے اور اس کے بدن کے دو حصوں سے بہت تیزی کے ساتھ دھواں خارج ہو رہا ہے۔

    اسموک بم کی اس ویڈیو نے آن لائن غم و غصے کو جنم دیا ہے، اس کی تصدیق الجزیرہ کے سند نے کی ہے اور معلوم ہوا ہے کہ یہ ایک فلسطینی فوٹوگرافر نے پوسٹ کی تھی۔

    حماس نے یرغمالی کی ویڈیو جاری کر کے امریکا کو ہلا کر رکھ دیا، وائٹ ہاؤس کا اہم بیان

    کئی فلسطینی خبر رساں اداروں کا کہنا ہے کہ فوٹیج میں ایک نوجوان فلسطینی شخص کے جسم کے اندر ’’دھوئیں کے بم‘‘ کے پھٹنے کے نتیجے میں دھواں نکلتا دکھائی دے رہا ہے۔

    بتایا جا رہا ہے کہ اسموک بم نوجوان کے جسم کے اندر جا کر پھٹ گیا تھا، جس کی وجہ سے اس کی جان چلی گئی، یہ بم صہیونی فورسز کا نیا ہتھیار ہے جسے وہ فلسطینیوں پر آزما رہی ہیں۔

  • البانوی پارلیمنٹ میں اجلاس کے دوران اسموک بم چل گیا

    البانوی پارلیمنٹ میں اجلاس کے دوران اسموک بم چل گیا

    ترانہ: البانیہ کے پارلیمنٹ میں اجلاس کے دوران اسموک بم چل گیا، جس سے ایوان میں افراتفری مچ گئی۔

    غیر ملکی میڈیا رپورٹس کے مطابق البانیہ کی پارلیمنٹ میں حکومتی ارکان اور اپوزیشن کے درمیان دو ماہ سے کشیدگی جاری ہے، تاہم اپوزیشن ارکان نے اس وقت تو حد کر دی جب انھوں نے ایوان میں اسموک بم چلا دیا۔

    جیسے ہی مکمل اجلاس شروع ہوا، سابق وزیر اعظم سلیجا بریشا کے گروپ سے تعلق رکھنے والے ڈیموکریٹس نے احتجاج شروع کر دیا، اور اسمبلی کے داخلی دروازے پر ریپبلکن گارڈ سے ہاتھا پائی کی۔

    اپوزیشن اراکین کا احتجاج اسمبلی ہال میں بھرپور تصادم کی شکل اختیار کر گیا، اور انھوں نے کاغذوں اور کرسیوں کو آگ لگا دی، اور اسموک بم پھاڑ دیا جس سے ایوان میں زبردست ہلچل مچ گئی، اور پارلیمنٹ کا مکمل اجلاس شور شرابے کی نذر ہو کر ختم ہو گیا۔

    اپوزیشن کا کہنا تھا کہ پارلیمنٹ میں انھیں بولنے نہیں دیا جا رہا ہے، جب کہ حکومت کی جانب سے کہا گیا کہ پارلیمنٹ میں کشیدگی کرنے والوں سے سختی سے نمٹا جائے گا، پارلیمنٹ کی خاتون صدر لِنڈیتا نکولا نے اسمبلی میں آگ لگانے پر رکن پارلیمنٹ فلجامور نوکا کو اجلاس سے باہر نکال دیا۔