ARYNews.tv | Urdu – Har Lamha Bakhabar

Tag: snapchat

  • اسنیپ چیٹ کا نیا فیچر متعارف، صارفین کیلئے بڑی خبر

    اسنیپ چیٹ کا نیا فیچر متعارف، صارفین کیلئے بڑی خبر

    اسنیپ چیٹ نے شیئرڈ اسٹوریز کے نام سے ایک نیا فیچر متعارف کرادیا ہے۔ یہ اسنیپ چیٹ صارفین کے لیے نئے گروپس بنانے کا ایک نیا طریقہ ہے جس سے صارفین لطف اندوز ہوسکتے ہیں۔

    شیئرڈ اسٹوریز کو اس لیے ڈیزائن کیا گیا ہے کہ ایپ پر موجود صارفین کے لیے باہمی تعاون اور اپنی خوشگوار یادوں کو ایک دوسرے سے شیئر کرنا آسان ہو۔

    اس حوالے سے کمپنی انتظامیہ کا کہنا ہے کہ شیئرڈ اسٹوریز اپنی مرضی کی کہانیوں کا ایک نیا ورژن ہے، ایک ایسی مصنوعات جس نے پہلے اسنیپ چیٹ کو کہانیاں بنانے اور دوستوں کو دیکھنے اور شیئر کرنے کی اجازت دی۔

    Snapchat introduces the new Shared Stories feature, here's how to use it

    غیر ملکی خبر رساں ادارے کی رپورٹ کے مطابق کمپنی نے اپنی ایک بلاگ پوسٹ میں کہا ہے کہ اب ہماری نئی اور بہتر شیئرڈ اسٹوریز کے ساتھ اسنیپ صارفین جنہیں ایک گروپ میں شامل کیا گیا ہے، اپنے مزید دوستوں کو بھی شامل کرسکتے ہیں۔

    اسنیپ چیٹ شیئرڈ اسٹوریز فیچر کا استعمال کیسے کریں :۔
    اسنیپ چیٹ کھولیں اور اوپر بائیں جانب پروفائل آئیکن پر کلک کریں۔
    My Stories ہیڈر کے آگے "+New Story” آپشن پر کلک کریں۔
    اختیارات کی فہرست سے شیئرڈ اسٹوریز منتخب کریں۔

    Snapchat Update: App Introduces New Shared Stories Feature, Check How It Works | India.com

    اس نئے فیچر کے بارے میں کہا جاتا ہے کہ حال ہی میں اسنیپ کی جانب سے صارفین کے لیے متعارف کرائے گئے ایک فیچر کا فالو اپ ہے جسے ڈائریکٹر موڈ کہتے ہیں، اس فیچر کو اسنیپ چیٹ کے پلیٹ فارم پر ویڈیو شائع کرنے کے لیے اس کے مقامی تخلیقی ٹولز تک آسان رسائی فراہم کرنے کے مقصد سے ڈیزائن کیا گیا ہے۔

  • کیا بچے بھی اسنیپ چیٹ استعمال کر سکتے ہیں؟

    کیا بچے بھی اسنیپ چیٹ استعمال کر سکتے ہیں؟

    یہ سوال بچوں کے مستقبل کے بارے میں فکر مند والدین کے لیے بلاشبہ اہم ہو سکتا ہے، کہ کیا ان کے بچے اسنیپ چیٹ بھی استعمال کر سکتے ہیں؟ اگر ہاں تو کب، کیسے؟

    سوشل میڈیا ماہرین کا اس سلسلے میں کہنا ہے کہ مندرجہ ذیل اہم باتوں کو ذہن نشین کر لیں، سب سے پہلے تو یہ جان لیں کہ 13 سال سے کم عمر بچوں کو اسنیپ چیٹ کے استعمال سے منع کیا گیا ہے۔

    اسنیپ چیٹ کے استعمال کے لیے قانونی شرط کے طور پر امریکا میں چلڈرن آن لائن پرائیویسی پروٹیکشن ایکٹ کی تعمیل کے لیے اس عمر کا انتخاب کیا گیا تھا، اس عمر کی شرط دیگر سوشل میڈیا ایپلی کیشنز کے لیے بھی ہے۔

    دوسری اہم بات

    یہ ایپلی کیشن بچوں کو مکمل رازداری فراہم نہیں کرتا، دراصل کسی بھی سوشل میڈیا پلیٹ فارم پر مکمل رازداری ممکن نہیں، کیوں کہ اسنیپ شاٹس کو ڈیلیٹ کرنے کے بعد بھی فون سے میٹا ڈیٹا نکالا جا سکتا ہے اور اس میں اہم معلومات بھی ہو سکتی ہیں۔

    تیسری اہم بات

    یہ سوال کہ اسنیپ چیٹ بچوں کے لیے کیا مہیا کرتی ہے؟ دراصل اسنیپ چیٹ سے بچوں کو تصاویر، ویڈیوز، لکھے پیغامات اور ڈرائنگ کے اسنیپ شاٹس شیئر کرنے، اور اپنے فون سے لوگوں کی ایک مخصوص فہرست میں بھیجنے کی سہولت ملتی ہے۔

    چوتھی اہم بات

    جب بچہ کوئی اسکرین شاٹ بھیجتا ہے، تو دوسرے لوگ انھیں ڈاؤن لوڈ نہیں کر سکتے، لیکن وہ اس کا ’اسکرین شاٹ‘ لے کر دوسروں کو بھیج سکتے ہیں، اس لیے والدین کو چاہیے کہ بچوں کو سمجھائیں کہ کوئی نامناسب تصویر ہرگز شیئر نہ کریں۔

    پانچویں اہم بات

    بھیجی گئیں تصاویر اور ویڈیوز ہمیشہ ہی چند گھنٹوں بعد خود بخود ڈیلیٹ نہیں ہوتے، یا ہو سکتا ہے کہ انھیں اسکرین شاٹس کے طور پر محفوظ کر لیا گیا ہو، تو بچوں کو بلیک میل کیا جا سکتا ہے۔

    چھٹی اہم بات

    اگر اسنیپ میپ فعال ہے تو دوسرے صارف معلوم کر سکیں گے کہ اسنیپ چیٹ استعمال کرنے والا بچہ کہاں بیٹھا ہے۔

  • سعودی عرب: اسنیپ چیٹ پر فعال ایکٹوسٹ کے خلاف کارروائی

    سعودی عرب: اسنیپ چیٹ پر فعال ایکٹوسٹ کے خلاف کارروائی

    ریاض: سعودی عرب میں میسجنگ ایپ اسنیپ چیٹ پر فعال ایک ایکٹوسٹ کے خلاف کارروائی کی گئی ہے، مذکورہ ایکٹوسٹ نے ویوز کے لیے ایک بچے سے الٹے سیدھے سوالات کیے۔

    سعودی ویب سائٹ کے مطابق وزارت افرادی قوت اور سماجی فروغ کے تحت کام کرنے والے ادارہ انسداد خاندانی تشدد نے ایک اسنیپ چیٹ ایکٹوسٹ کے خلاف کارروائی کی ہے۔

    مذکورہ اسنیپ چیٹ ایکٹویسٹ نے ویوز بڑھانے کے لیے ایک بچی کو استعمال کیا ہے۔ ادارے کا کہنا ہے کہ ایکٹوسٹ نے ایک بچے سے الٹے سیدھے سوالات کر کے اس کی معصومیت کا ناجائز فائدہ اٹھایا۔

    مذکورہ بچے کی ویڈیو شیئر ہوتے ہی سوشل میڈیا صارفین نے کڑی تنقید کرتے ہوئے کہا کہ ویوز اور ٹریفک بڑھانے کے لیے انتہائی بھونڈا طریقہ اختیار کیا گیا ہے، صارفین نے متعلقہ اداروں سے کارروائی کا مطالبہ بھی کیا تھا۔

  • وائرل ویڈیو پر اب لاکھوں ڈالرز ملیں گے

    وائرل ویڈیو پر اب لاکھوں ڈالرز ملیں گے

    سان فرانسسکو: سماجی رابطے کی مقبول موبائل ایپلکیشن اسنیپ چیٹ کی جانب سے اعلان کیا گیا ہے کہ دل چسپ ترین اور وائرل ہونے والی ویڈیوز بنانے پر اب صارفین میں روزانہ 1 ملین ڈالرز کی رقم تقسیم کی جائے گی۔

    تفصیلات کے مطابق اسنیپ چیٹ نے اپنے اپلیکیشن میں اب اسپاٹ لائٹ کا اضافہ کر دیا ہے، یہ نیا فیچر ایک الگورتھم کی مدد سے صارفین کو ’سب سے دل چسپ‘ پوسٹ دیکھنے کا مشورہ دے گا۔

    انٹرنیٹ پر وائرل ویڈیوز کی دوڑ میں ٹِک ٹاک کا مقابلہ کرنا کمپنیوں کے لیے مشکل ہوتا جا رہا ہے، اس حقیقت کو مد نظر رکھ کر میسجنگ اسنیپ چیٹ نے اعلان کا ہے کہ جن صارفین کا مواد وائرل ہوگا ان میں ہر روز دس لاکھ ڈالر تقسیم ہوں گے۔

    انعامی رقم کی یہ اسکیم رواں برس کے اختتام تک جاری رہے گی، منصوبہ کامیاب رہا تو اسکیم کو 2021 میں بھی جاری رکھا جا سکتا ہے۔

    طریقہ کار

    ایک ملین ڈالر حاصل کرنے کا طریقہ کار یہ ہے کہ اپنی ویڈیوز اسنیپ چیٹ کی اسکیم کے تحت جمع کرانی ہوں گی، کسی ویڈیو کو کتنی رقم ملے گی، اس کا تعین ویڈیو کی ویوز سے کیا جائے گا۔ شرط یہ ہے کہ اسکیم میں حصہ لینے کے لیے صارفین کی عمر 16 برس یا اس سے اوپر ہونی چاہیے۔

    یاد رہے کہ کمپنی کی جانب سے کاپی رائٹ، اسپانسر شپ، منشیات اور شراب جیسے موضوعات کے حوالے سے اصولوں کی کڑی نگرانی کی جائے گی۔ اس بات کو بھی یقینی بنایا جائے گا کہ ویڈیو کو کوئی یوزر ہی دیکھ رہا ہے نہ کہ کوئی ’بوٹ اکاؤنٹ‘۔

    اسنیپ چیٹ اور ٹِک ٹاک مقابلہ

    وائرل ویڈیوز کے سلسلے میں صارفین میں مقابلہ زور پکڑتا جا رہا ہے، اسنیپ چیٹ کی جانب سے انعامی رقم کا فیصلہ اسی مقابلے کے پس منظر میں کیا گیا ہے، موبائل اور وائرلیس تکنیک کے ماہر بین وُڈ کا کہنا ہے کہ ٹک ٹاک جیسے پلیٹ فارمز کے مقابلے کے لیے یہ قدم دانش مندانہ ہے۔

    واضح رہے کہ سخت مقابلے کے باوجود اسنیپ چیٹ نے گزشتہ دنوں اعلان کیا کہ کرونا وائرس کی وبا کے دوران اس کے صارفین میں 25 کروڑ کا اضافہ ہوا ہے۔

    دوسری جانب ٹِک ٹاک کو دنیا بھر سے ملنے والی مقبولیت کے باوجود اس برس مختلف قسم کی دشواریوں کا سامنا بھی رہا جس میں امریکی صدر ڈونلڈ ٹرمپ کی جانب سے پابندی کی مسلسل دھمکی شامل رہی۔

  • نوجوانوں کے نزدیک فیس بک قابل بھروسہ نہیں رہا، رپورٹ

    نوجوانوں کے نزدیک فیس بک قابل بھروسہ نہیں رہا، رپورٹ

    سانسس فرانسسکو: امریکی تحقیقاتی ادارے نے انکشاف کیا ہے کہ نوجوانوں کی بڑی تعداد سماجی رابطے کی سب سے بڑی ویب سائٹ فیس بک سے اکتا گئی  جس کی وجہ سے وہ اب دیگر سوشل سائٹس استعمال کررہے ہیں۔

    تفصیلات کے مطابق امریکا میں کی گئی حالیہ تحقیق میں حیران کُن انکشاف اُس وقت سامنے آیا کہ جب سوشل میڈیا استعمال کرنے کے حوالے سے اعداد و شمار کی رپورٹ مرتب کی گئی۔

    تحقیق میں انکشاف ہوا کہ سن 2015 کے مقابلے میں نوجوان فیس بک استعمال کرنے میں عدم دلچپسی ظاہر کررہے ہیں یہی وجہ ہے کہ اب اُن کی تعداد میں 20 فیصد نمایاں کمی واقع ہوئی۔

    نجی تحقیقاتی ادارے پیو ریسرچ سینٹر کی جانب سے جاری کردہ سروے رپورٹ کے مطابق تین سال کے تقابلی جائزے کے دوران یہ بات سامنے آئی کہ فیس بک پر نوجوان صارفین کی تعداد 71 فیصد سے کم ہوکر 51 فیصد تک پہنچ گئی جبکہ سوشل میڈیا کی دیگر ایپس انسٹاگرام اور اسنیپ چیٹ کی مقبولیت میں بالترتیب 72 اور 69 فیصد اضافہ ہوا۔

    مزید پڑھیں: فیس بک اور واٹس ایپ کے استعمال پر ٹیکس عائد

    رپورٹ کے مطابق 12 سال سے 17 برس کی عمر کے صارفین جن میں لڑکے اور لڑکیاں شامل ہیں انہوں نے فیس بک کا استعمال ڈیٹا لیک ہونے اور دیگر وجوہات کی بنا پر چھوڑا جبکہ یوٹیوب پر ویڈیوز دیکھنے میں اُن کی دلچسپی خاصی حد تک بڑھ گئی۔

    تحقیقاتی ادارے نے دعویٰ کیا ہے کہ اگر نوجوانوں کی بڑی تعداد اتنی ہی تیزی کے ساتھ فیس بک کو خیرباد کہتی رہی تو ایک برس بعد سوشل میڈیا کی سب سے بڑی ویب سائٹ کے 20 لاکھ سے زائد صارفین کم ہونے کا خدشہ ہے۔

    واضح رہے کہ تحقیقاتی رپورٹ صرف امریکا کے نوجوانوں کو مدنظر رکھتے ہوئے مرتب کی گئی ہے، ماہرین نے انکشاف کیا ہے کہ 2016 میں ہونے والے امریکی صدارتی انتخابات کے بعد فیس بک کو جن الزامات کا سامنا کرنا پڑا اور اُس کے بانی نے خود بھی صارفین کے ڈیٹا کے استعمال کا انکشاف کی اُس کے بعد لوگوں نے اس فارم پر اعتبار کرنا چھوڑ دیا ہے۔

    یہ بھی پڑھیں: فیس بک نے ٹرینڈنگ فیچر ختم کرنے کا اعلان کردیا

    دوسری جانب حیران کُن طور پر ان دو سالوں کے درمیان یوٹیوب، انسٹاگرام، اسنیپ چیٹ اور ٹویٹر کے صارفین کی تعداد میں اضافہ دیکھنے میں آیا جس کی بنیاد پر ماہرین کہتے ہیں کہ اب صارف فیس بک کے علاوہ دوسرے پلیٹ فارم کے استعمال کو فوقیت دیتا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اسنیپ چیٹ کا نیا گروپ ویڈیو کالنگ فیچر متعارف

    اسنیپ چیٹ کا نیا گروپ ویڈیو کالنگ فیچر متعارف

    سانس فرانسسکو: سماجی رابطے کی ویب سائٹ اسنیپ چیٹ نے اپنی اپیلیکشن میں نئے فیچر کا اضافہ کردیا جس کے بعد تمام صارفین کو گروپ ویڈیو چیٹ کی سہولت فراہم کردی گئی۔

    تفصیلات کے مطابق فیس بک اور واٹس ایپ کے مد مقابل سماجی رابطے کی معروف موبائل ایپلیکشن اسنیپ چیٹ نے گذشتہ برس دسمبر میں متعارف کرائے جانے والے گروپ چیٹ کے کامیاب تجربے اور صارفین کی خواہش کے مطابق نئے فیچر کو اپنی ایپ میں شامل کیا ۔

    اسنیپ چیٹ کی جانب سے گذشتہ برس دسمبر میں جس کے تحت 16 صارفین بیک وقت ایک دوسرے سے بات چیت کرسکتے تھے تاہم گذشتہ روز انتظامیہ نے آزمائشی سروس کامیاب ہونے کے بعد گروپ ویڈیو چیٹنگ کی سہولت بھی اپنے صارفین کو فراہم کردی۔

    مزید پڑھیں: اسنیپ چیٹ ایپ کے ذریعے نوجوانوں کو گمراہ کرنے کا انکشاف

    انتظامیہ کی جانب سے نئے فیچر متعارف کرانے کا مقصد صارفین کی توجہ کو ایک بار پھر سے حاصل کرنا ہے کیونکہ گذشتہ دنوں ایپ میں ایسی تبدیلیاں کی گئیں تھیں جس کے بعد دنیا بھر کے ہزاروں صارفین نے اسنیب چیٹ کا استعمال ترک کردیا تھا۔

    متنظمین کے مطابق دنیا کے کسی بھی ملک میں بسنے والا صارف کوئی بھی اسمارٹ فون استعمال کرتا ہو اُسے گروپ چیٹ کی سہولت میسر ہوگی اور اپنے 16دوستوں سے  وہ بیک وقت گروپ چیٹ کرسکے گا۔ قبل ازیں اسنیپ چیٹ صارف کو ویڈیو چیٹ کی سہولت میسر تو تھی تاہم ایک وقت میں ایک ہی شخص نے ویڈیو کالنگ ممکن تھی۔

    گذشتہ برس دسمبر میں اسنیپ چیٹ نے صارفین کو ہر شخص سے علیحدہ چیٹ کے لیے علیحدہ سے آپشن بھی فراہم کیا تھا جس کی خصوصیت یہ تھی کہ ممبران کی جانب سے گروپ میں بھیجی جانے والی تصاویر اور ویڈیوز 24 گھنٹے بعد خود بہ خود ڈیلیٹ ہوجاتی ہیں۔

    یہ بھی پڑھیں: اسنیپ چیٹ کا نیا فیچر‘ واٹس ایپ کے لیے خطرہ

    انتظامیہ کی جانب سے فیچر میں خصوصیت شامل کی گئی تھی کہ اگر کوئی صارف چوبیس گھنٹوں کے دوران پیغام نہیں دیکھ سکے گا تو مذکورہ چیٹ یا میسج پالیسی کے تحت خود غائب ہوجائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اب اسنیپ چیٹ کے ذریعے نوکری حاصل کریں

    اب اسنیپ چیٹ کے ذریعے نوکری حاصل کریں

    سڈنی : بے روزگار افراد کے لئے خوشخبری ہے اب وہ اسنیپ چیٹ کے ذریعے معروف فاسٹ فوڈ چین میکڈونلڈ میں نوکری حاصل کرسکتے ہیں۔

    اگر آپ معروف فاسٹ فوڈ چین میکڈونلڈ میں نوکری کے خواہشمند ہے تو اپنے اسمارٹ فون سے صرف 10 سکینڈ میں نوکری کیلئے اپلائی کر سکتے ہیں ، آسڑیلیا میں معروف فوڈ چین میکڈونلڈ نے مقبول سوشل میڈیا ایپ کا استعمال کرتے ہوئے نوجوان لوگوں کو بھرتی کرنے کا ایک نیا طریقہ اختیار کیا۔

    سنیپلی کیشن نامی ایپ متعارف

    فوڈ چین نے سنیپلی کیشن نامی خصوصی ایپ متعارف کرائی ہے، جس کا مقصد زیادہ سے زیادہ بے روزگار نوجوانوں کو روز گار فراہم کرنا ہے۔

    سنیپلی کیشن ایپ دراصل اسنیپ چیٹ پر بنائی گئی ہے اور یہ صرف اسنیپ چیٹ پر ہی چلائی جاسکتی ہے، وہ نوجوان جو نوکری کے خواہشمند ہو تو وہ اس ایپ کے زریعے ایک مجازی میکڈونلڈ کی وردی میں اپنے مختصر تعارف کی ویڈیو  اور تصاویر بھیج سکتے ہیں۔

    جس کے بعد مکڈونلڈ ان تصاویر اور ویڈیوز کو دیکھنے کے بعد ہی نوکری کی خواہشمند نوجوانوں کو انٹرویوز کے لیے بلائے گا۔

    آسٹریلیا میں میکڈونلڈ کے چیف آپریٹنگ آفیسر کا کہنا تھا کہ مجھے لگتا یہ دنیا میں پہلی بار ہے، ہمارے ملک میں نوجوان ملازمین کی بڑی تعداد موجود ہے لیکن ہم لوگوں کو بھرتی کرنے کیلئے نئے اور انوکھے طریقے تلاش کرنے کوشش کر رہے ہیں۔

    انھوں نے مزید کہا کہ اسنیپ چیٹ ویڈیو مکمل طور پر میکڈونلڈز کے روایتی بھرتی کے عمل کو تبدیل نہیں کرے گا، لیکن  یہ ایک نئی تبدیلی ضرور لائے گی۔

    رپورٹ کے مطابق مکڈونلڈ آسٹریلیا میں ایک لاکھ 6 ہزار ملازمین ہیں، جس میں 65 فیصد ملازمین 18 سال سے کم عمر ہیں۔

  • فیس بک کا’اسنیپ چیٹ ‘کے لیے میدان سخت کرنے کا فیصلہ

    فیس بک کا’اسنیپ چیٹ ‘کے لیے میدان سخت کرنے کا فیصلہ

    سان فرانسسکو: سماجی رابطے کی ویب سائٹ فیس بک نے اپنے حریف اسنیپ چیٹ کے ساتھ مقابلہ سخت کرنے کے لیے ’فیسیومیٹرکس‘ نامی ٹیکنالوجی خرید لی ہے۔

    فیس بک کے ترجمان نے فرانسیسی خبر رساں ادارے سے گفتگو کرتے ہوئے کہا کہ ’وقت کے ساتھ لوگوں کا اپنے جذبات کے اظہار کا طریقہ بھی بدل رہا ہے اور اب یہ اہم ہے کہ آپ اپنے جذبات کا اظہار کس قدر مزاحیہ اور دلچسپ انداز میں کرپاتے ہیں‘۔

    ان کا کہنا تھا کہ ہم فیس بک کی ٹیم میں فیسیو میٹرکس کی ٹیم کو خوش آمدید کہتے ہیں جس کی مدد سے ہمارے صارفین اب اپنی تصاویر اور ویڈیوز کو دلچسپ شکل دے سکتے ہیں اور فیس بک پر شیئر کرنے کے ایک بالکل نئے تجربے سے روشنا س ہوسکتے ہیں۔

    فیسیو میٹرکس 2015 میں پنسلوانیا میں بنایا گیا تھا اور اس میں استعمال کی گئی مصنوعی ذہانت کے ذریعے صارفین اپنی تصاویر کو نیا اور اچھوتا تاثر دے سکتے ہیں۔ فیس بک نے تاحال آشکار نہیں کیا کہ اس نے یہ پراڈکٹ کتنی رقم کے عوض خریدی ہے۔

    فیسو میٹرکس کے چیف ایگزیکٹو ’فرنانڈو ٹورے ‘کے مطابق فیس بک کے ساتھ ہونے والے معاہدے سے ہم اس قابل ہوجائیں گے کہ ایک ناقابل یقین پیمانے پر پہنچ کر کام کرسکیں اور ہماری چیز ساری دنیا تک پہنچ جائے گی۔

    واضح رہے کہ فیس بک نے اپنی حریف کمپنی اسنیپ چیٹ کو خریدنے کی کئی بار ناکام کوشش کرنے کے بعد اسی نوعیت کا فیچر بنانے کا فیصلہ کیا ہے اور اب دیکھنا یہ ہے کہ فیس بک کا یہ نیا فیچر کارآمد ثابت ہوگا یا اس میدان میں اسنیپ چیٹ کی اجارہ داری برقرار رہے گی جہاں ایک اندازے کے مطابق روزانہ کے حاب سے ویڈیوز دیکھنے والوں کی تعداد دس ارب سے زائد ہے۔