برطانیہ میں مقیم تھنک ٹینک ’ایمبر گروپ‘ کی ایک رپورٹ میں انکشاف ہوا ہے کہ شمسی توانائی یورپ میں بجلی فراہم کرنے کا بہترین ذریعہ بن گئی ہے۔
غیر ملکی ذرائع ابلاغ کے مطابق رپورٹ کے مطابق رپورٹ میں انکشاف ہوا ہے کہ رواں سال جون میں یورپ میں بجلی پیدا کرنے کے کسی بھی دوسرے ذریعے کے مقابلے میں سولر پینلز کے ذریعے سب سے زیادہ بجلی پیدا کی گئی ہے جو بجلی کے کل پیداوار کا 22.1 فیصد بنتی ہے۔
رپورٹ کے مطابق یورپ میں اس دوران جوہری توانائی سے 21.8 فیصد، ہوا سے 15.8 فیصد، کوئلے سے 14.4 فیصد جبکہ پانی سے 12.8 فیصد بجلی کی پیداوار کی گئی۔
رپورٹس کے مطابق کم از کم 13 ممالک نے شمسی توانائی سے بجلی کی پیداوار کا اپنا قومی ریکارڈ توڑ دیا۔
رپورٹ میں یہ بھی انکشاف ہوا ہے کہ بجلی کی پیداوار کا بھی نیا ریکارڈ بنا جبکہ کوئلے سے بجلی کی پیداوار میں کمی آئی۔
اسلام آباد کے اسپتالوں کو شمسی توانائی پر منتقل کرنے کا فیصلہ
رپورٹ کے مطابق پورے براعظم میں کوئلے سے پیدا ہونے والی بجلی کا تخمینہ6.1 فیصد لگایا ہے جو کہ 2024ء میں 8.8 فیصد تھا لیکن بجلی کی طلب میں اضافے کی وجہ سے 2025ء کی پہلی ششماہی میں کوئلے کا استعمال 2024ء کے اسی عرصے کے مقابلے میں اب بھی زیادہ تھا۔
رپورٹ کے مطابق یورپ میں رواں سال پہلے 6 ماہ میں بجلی کی طلب گزشتہ سال کے مقابلے 2 فیصد زیادہ رہی۔