بہاولپور: وزیراعظم نواز شریف نے چولستان بہاولپورمیں قائد اعظم سولر پارک کا افتتاح کردیا، وزیراعظم نواز شریف کا کہنا ہے کہ سب سے پہلے توانائی بحران کا خاتمی اولین ترجیح ہیں، پاکستان سے اندھیروں کو دور کرکے روشنیوں کو واپس لائینگے۔
وزیراعظم نواز شریف نے بہاولپور میں پاکستان کے پہلے شمسی توانائی کے منصوبے کی افتتاحی تقریب سے خطاب کرتے ہوئے کہا کہ آج ملکی تاریخ کاعظیم دن ہے۔
وزیرِاعظم کا کہنا تھا کہ دنیا پاکستان کی معاشی ترقی کا اعتراف کررہی ہے، اچھے کام ہورہے ہیں، جن کی تعریف ہونی چائیے، چینی کمپنی سے 2 کڑور ڈالر کی رعایت لینا شہباز شریف کا کمال ہے۔
پاک فوج کو خراج تحسین پیش کرتے ہوئے وزیرِاعظم نے کراچی کو دوبارہ روشنیوں کا شہر بنانے کے عزم کا اظہارکیا۔
وزیراعظم نے امید ظاہرکی کہ پاکستان سے بہت جلد بجلی،گیس کی قلت کا خاتمہ ہوجائیگا، امید ہے 2017 سے 2018 تک لوڈشیڈنگ کا خاتمہ ہوجائے گا۔
وزیرِ اعظم نے تقریب سے خطاب میں کہا کہ شہباز شریف کی تقریر بہت اچھی تھی، وزیرِاعلی پنجاب نے منصوبے سے متعلق تفصیلی بات کی، ہم جب سے حکومت میں آئے، ہمارا ایک ہی ارادہ تھا کہ پاکستان سے اندھیروں کو دور کرنا ہے، پاکستان کو غربت اورجہالت سے دور کرنا ہے۔
انھوں نے کہا کہ دہشت گردی کے خاتمے اور کراچی کے حالات کو ٹھیک کرنا ترجیح ہیں، امید ہے 2017 سے 2018 تک لوڈشیڈنگ کا خاتمہ ہوجائے گا۔
وزیرِ اعظم نے کہا کہ پاکستان کی تاریخ میں پہلی بار 46ارب ڈالر کی سرمایہ کاری کی گئی ہےجبکہ چین اور پاکستان کی ایک مشترکہ کمیٹی بنانے پر بھی غور کیا جارہا ہے۔ سب سے پہلے توانائی بحران کا خاتمہ اولین ترجیح ہیں، دہشت گردی کے خاتمے کیلئے حکومت نے اہم اقدامات کیے۔
نواز شریف نے بہاولپور میں سولر پاور منصوبے سے متعلق بات کرتے ہوئے کہا کہ ایک سال پہلے یہاں صرف مٹی اور ریت کے ٹیلے تھے لیکن ہم نے شمسی توانائی منصوبے کا سنگ بنیاد رکھا اور آج یہاں سولر پینلز کا سمندر نظر آرہا ہے۔
انھوں نے بتایا کہ پورٹ قاسم اور تھر میں مقامی کوئلے سے بجلی پیدا ہوگی جبکہ بلوچستان میں 660 میگا واٹ کا منصوبہ شروع ہوچکا ہے، منصوبوں سے 10400 میگا واٹ بجلی پیدا ہوگی، منصوبوں کو مقررہ مدت میں مکمل کولیا جائے گا
نواز شریف نے کراچی کے حالات سے متعلق بات کرتے ہوئے کہا کہ کراچی کے حالات بہتر ہوچکے ہیں، کراچی میں بھتہ خوری اور ٹارگٹ کلنگ تقریبا ختم ہوگئیں ہیں، کراچی میں سیاسی حالات کو بہتر باننے کی ضرورت ہیں۔
انھوں نے بتایا کہ ملک میں بجلی کی قیمت میں بھی 5 روپے 79 پیسے کمی کی گئی ہے۔
وزیراعظم نوازشریف نے اس موقع پر سولر پاور پارک کے منصوبے کے ملازمین کے لیے 2 کروڑ روپے انعام کا بھی اعلان کیا جبکہ اس منصوبے میں 3000 ملازمین نے کام کیا، جس میں سے 800 کو مستقل کردیا گیا ہے۔
