ریاض : سعودی عرب کے ولی عہد اور وزیر دفاع شہزادہ محمد بن سلمان کا لباس دیکھ کر سعودی نوجوان بھی ان کے دیوانے ہوگئے، دکانوں میں موجود سارا مال فروخت ہوگیا۔
سعودی ولی عہد شہزادہ محمد بن سلمان نے گزشتہ روز پبلک انویسٹمنٹ فنڈ کی مجلس انتظامیہ کی سربراہی کے دوران جو جیکٹ اور غترہ پہنے رکھا وہ سوشل میڈیا صارفین کی توجہ کا مرکز بن گیا ہے۔
Wish we had a leader like Mohammed bin Salman in Kuwait 🇰🇼 🇸🇦❤️#ولي_العهد pic.twitter.com/2UTKM93hxS
— بو خالد (@bokhalid_kuwait) January 24, 2021
ان کا لباس دیکھنے کے بعد ٹوئٹر صارفین نے سب سے پہلے یہ سوال اٹھایا کہ ولی عہد نے جو جیکٹ اور غترہ پہنے رکھا ہے وہ کس برانڈ کا ہے اور کہاں فروخت ہوتا ہے؟۔
بعد ازاں متعدد صارفین نے کئی آن لائن شاپس اور ملک کی معروف دکانوں کے نام بتائے جہاں دونوں چیزیں دستیاب ہیں۔ بس پھر کیا تھا، سعودی نوجوان آن لائن شاپس اور مذکورہ دکانوں پر ٹوٹ پڑے اور کچھ ہی دیر میں مارکیٹ سے دونوں چیزیں فروخت ہوگئیں۔
دوسری جانب بعض ٹوئٹر صارفین کا کہنا ہے کہ نوجوانوں کو ولی عہد کے لباس پر توجہ دینے سے زیادہ بہتر یہ ہے کہ ان کی سوچ و فکر کو اختیار کیا جائے۔
