اداکارہ سونیا حسین کا کہنا ہے کہ حمیرا اصغر کے والدین نہیں آتے تو کل تک انتظار کریں پھر مجھے ذمہ داری دیں میں ان کی آخری رسومات ادا کروں گی۔
فوٹو اور ویڈیو شیئرنگ ایپ انسٹاگرام پر ویڈیو پیغام میں اداکارہ سونیا حسین نے کہا کہ حمیرا اصغر کے انتقال کی خبر مجھے ملی اور یہ پتا لگا کہ اہلخانہ ان کی میت لینے نہیں آرہے اور نہ ان کی تدفین کی جارہی ہے۔
انہوں نے کہا کہ میں حیران ہوں اور مجھے سمجھ نہیں آرہا کہ اس پر کیسے ردعمل دوں، مجھے پتا چلا ہے کہ ان کی میت چھیپا میں رکھی ہے۔
سونیا حسین نے کہا کہ میں بطور انسان پوچھنا چاہتی ہوں کہ حمیرا سے اس کیا حق تلفی ہوئی ہے کہ آپ ان کی آخری رسومات ادا کرنے کے لیے تیار نہیں، اللہ کسی کو بے اولاد اور یتیم نہ کرے یا کسی کے پیچھے وارث نہ ہوں۔
اداکارہ نے کہا کہ ماں باپ کے ہوتے ہوئے میت کی تدفین نہیں کی جارہی میری سمجھ سے باہر ہے، بہرحال میرا ویڈیو بنانے کا مقصد کسی کو لیکچر دینا نہیں بس اتنا کہنا چاہتی ہوں کہ اگر کل تک کوئی ان کے گھر کا فرد نہیں آتا تو میں بطور مسلمان اور انسان، وہ میری بہن ہے مجھے یہ ذمہ داری دیں کہ میں ان کی تدفین کرواسکوں۔
حمیرا اصغر کیس سے متعلق تمام خبریں
واضح رہے کہ گزشتہ روز جب عدالتی حکم پر ٹیم حمیرا اصغر سے گھر خالی کروانے پہنچی تو دروازہ نہ کھولنے پر توڑا گیا اور اندر سے لاش برآمد ہوئی تھی۔
حمیرا اصغر کی لاش ملنے کا واقعہ عدالت چا پہنچا
