ARYNews.tv | Urdu – Har Lamha Bakhabar

Tag: South Korea

  • جنوبی کوریا کے اسپتال میں آتشزدگی‘ 41 افراد ہلاک

    جنوبی کوریا کے اسپتال میں آتشزدگی‘ 41 افراد ہلاک

    سیول: جنوبی کوریا کے اسپتال میں آگ لگنے سے کم از کم 413 افراد جھلس کر ہلاک جبکہ درجنوں افراد زخمی ہوگئے۔

    تفصیلات کے مطابق جنوبی کوریا کے جنوب میں واقع شہرمریانگ میں واقع اسپتال میں آگ لگنے کے باعث 41 افراد جان کی بازی ہار گئے۔

    مقامی میڈیا کے مطابق سیجونگ اسپتال میں آگ ایمرجنسی روم میں لگی جہاں پرزیادہ ترعمررسیدہ افراد کی دیکھ بھال کی جاتی ہے۔

    ریسکیو حکام کے مطابق اسپتال کی عمارت میں 200 افراد موجود ہیں جن میں سے 93 افراد کو بحفاظت عمارت سے نکال لیا گیا ہے جبکہ دیگرافراد کوعمارت سے نکالنے کے لیے ریسکیو آپریشن جاری ہے۔

    پولیس حکام کے مطابق اسپتال میں لگنے والی آگ کے نتیجے میں 70 افراد زخمی ہوئے ہیں جن میں سے 11 افراد کی حالت تشویش ناک ہے۔

    دوسری جانب جنوبی کوریا کے صدرمون جے ان نےایمرجنسی کا اعلان کرتے ہوئے حادثے میں ہلاک ہونے والے افراد کے اہلِ خانہ سے تعزیت جبکہ زخمیوں کو طبی سہولیات فراہم کرنے کی ہدایت کی ہے۔

    یاد رہے کہ گزشتہ ماہ 21 دسمبر کو جنوبی کوریا کے شہرجیکیون میں واقع ایک 8 منزلہ عمارت میں آگ لگنے سے 29 افراد ہلاک جبکہ متعدد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • کم جونگ کی شان میں گستاخی‘ امریکی صدر ٹرمپ کو سزائے موت

    کم جونگ کی شان میں گستاخی‘ امریکی صدر ٹرمپ کو سزائے موت

    پیانگ یانگ: شمالی کوریا کے سربراہ’ کم جونگ ان‘ کی شان میں گستاخی کرنے پر امریکی صدر ڈونلڈ ٹرمپ کے لیے موت کی سزا تجویز کردی گئی۔

    تفصیلات کےمطابق شمالی کوریا کے سرکاری میڈیا نے آج امریکی صدر ڈونلڈ ٹرمپ کو شدید تنقید کا نچانہ بنایا اور کہا کہ کم جونگ ان کی شان میں گستاخی پر انہیں کم از کم موت کی سزا ہونی چاہیے۔

    ذرائع کا کہنا ہے کہ سرکاری میڈیا کی جانب سے انہیں بزدل بھی قراردیا کہ انہوں نے ایشیا کے دورے کے دوران اپنا بین الکوریا ئی سرحدی دورہ بھی منسوخ کردیا۔

    حکمران پارٹی کے زیراشاعت اخبار کے اداریے میں امریکی صدر کے گزشتہ ہفتے جنوبی کوریا کے دورے کے دوران پارلیمنٹ میں کی جانے والی تقریر میں شمالی کوریا کی آمریت پر کی گئی تنقید پر شدید غم و غصے کا اظہار کیا ہے۔

    اداریے میں کہا گیا ہے کہ ’’سپریم لیڈر شپ کی شان میں گستاخی کرکے امریکی صدر نے ایسا جرم کیا ہے جس کی معافی کسی صورت ممکن نہیں ہے‘۔ یہ بھی لکھا گیا کہ ’ اس (امریکی صدر) نے ظاہر کردیا کہ وہ محض ایک مجرم ہے جسے کورین عوام نے موت کی سزا سنائی ہے‘‘۔

    کیا میں نے کم جانگ ان کو ’چھوٹا اور موٹا‘ کہا؟*

    یاد رہے کہ امریکی صدر ڈونلڈ ٹرمپ اور شمالی کوریا کے سربراہ کم جانگ کے درمیان زبانی جنگ جاری ہے‘ ڈونلڈٹرمپ کا کہنا ہے کہ میں نے انہیں کبھی ’چھوٹا اور موٹا‘ نہیں کہا۔

    امریکی صدر نے اپنے ٹویٹر پیغام میں کہا کہ’ کم جانگ مجھے ’بوڑھا ‘کہہ کر کیسے میری بے عزتی کرسکتے ہیں ،کیا میں نے کبھی انہیں چھوٹا اور موٹا کہا ہے‘۔

    اس سے چار روز قبل شمالی کوریا کے سربراہ نے امریکی صدر ڈونلڈ ٹر مپ کو ’پاگل بوڑھا‘قرار دیا تھا، شمالی کوریا نے امریکا کو دھمکی دیتے ہوئے کہا تھا کہ’پاگل بوڑھے شخص‘کو صدارت سے ہٹایا جائے ورنہ واشنگٹن تباہی کے لیے تیار ہو جائے‘‘۔

    کم جانگ ان نے یہ بھی کہا تھا کہ’’ ڈونلڈ ٹرمپ کی وجہ سے دنیا ایک عجیب و غریب صورت حال سے گزر رہی ہے، امریکہ ڈونلڈ ٹرمپ کو فوری طور پر برطرف کر کے شمالی کوریا کے خلاف پالیسی ترک کرے اور تباہی کی دلدل میں پھنسنے سے بچے‘‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • شمالی کوریا کا ایک اوربیلسٹک میزائل کا تجربہ

    شمالی کوریا کا ایک اوربیلسٹک میزائل کا تجربہ

    سیئول : شمالی کوریا نےبیلسٹک میزائل کا تجربہ کیا ہے جو جاپان کی فضائی حدود سے گزرتے ہوئے سمندر میں گر کر تباہ ہوگیا۔

    تفصیلات کے مطابق شمالی کوریا نے آج صبح بیلسٹک میزائل کا تجربہ کیا جو جاپان کے مشرقی علاقے سے گزرتے ہوئے میں جا گرا۔ شمالی کوریا کا میزائل پہلی مرتبہ جاپانی فضائی حدود سے گزرا۔

    جاپان کی فضائی حدود سے شمالی کوریا کا میزائل گزرنے کی وجہ سے سائیرن بجنے لگے اور لوگوں سے کہا گیا کہ وہ تہہ خانوں میں چلے جائیں۔

    شمالی کوریا کے میزائل تجربے کے بعد جاپانی وزیراعظم شینزو ابے نے کہا کہ ان کا ملک اپنی عوام کی زندگیوں کو محفوظ بنانے کے لیے ہرممکن اقدامات کررہا ہے۔

    دوسری جانب امریکی محکمہ دفاع کا کہنا ہے کہ شمالی کوریا کا یہ بیلسٹک میزائل امریکہ کے لیے خطرہ نہیں ہے۔

    شمالی کوریا کا تین بیلسٹک میزائلوں کا تجربہ

    یاد رہے کہ دو روز قبل شمالی کوریا نےامریکہ اور جنوبی کوریا کی فوجی مشقوں کے جواب میں کم فاصلے تک مارکرنے والے تین بلیسٹک میزائل کا تجربہ کیا تھا۔

    امریکا کو اپنے کیے کی قیمت چکانی پڑے گی، شمالی کوریا

    واضح رہےکہ رواں ماہ شمالی کوریا کے وزیرِ خارجہ کا کہنا تھا کہ امریکہ کو اپنے کیے کی قیمت چکانی پڑے گی اور اقوام متحدہ کی پابندیاں شمالی کوریا کو جوہری ہتھیاروں کی تیاری سے نہیں روک سکتیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ناخنوں کو ایل ای ڈی لائیٹس سے روشن کرنے کا فیشن

    ناخنوں کو ایل ای ڈی لائیٹس سے روشن کرنے کا فیشن

    سیول : لڑکیاں نئے فیشن کے لئے تیار ہوجائیں ، جنوبی کوریا کی مارکیٹ میں ایل ای ڈی لائیٹ ناخن آگئے۔

    تفصیلات کے مطابق ایل ای ڈی والی نقلی پلکوں کے بعد اب کوریا میں ناخنوں کو بھی ایل ای ڈی سے روشن کرنے کا رحجان بڑھ گیا ہے اور جنوبی کوریا میں خواتین کی بڑی تعداد ناخنوں کو رنگ برنگی ایل ای ڈی روشنیاں سے سجارہی ہیں۔

    ایل ای ڈی ناخنوں کو نظر نہ آنے والے تاروں سے لائٹس کو جوڑا گیا ہے، ایئرنگ جیسے ڈیزائن والی لائٹس، ناخنوں میں ایک سوراخ کرتی ہیں اور اس پر ایک جگمگاتے ہیرے جیسی نظر آتی ایل ای ڈی لگا کر ناخن کے پیچھے چھوٹی بیٹریاں فٹ کردی جاتی ہے۔

    ناخنوں کی آرائش کے ماہر پارک یونک یونگ نے اس فن کو متعارف کرایا ہے، سوشل میڈیا پر ایل ای ڈی ناخن بہت مقبول ہورہے ہیں۔

    اس سے قبل کوریائی خاتون ڈیزائنر نے ایل ای ڈی پلکیں متعارف کرائی تھی ، ایل ای ڈی ائٹس سے مزین پلکوں کے ذریعے آنکھوں کو بڑا بنایا جاسکتا ہے، یہ پلکیں سر کی ذرا سی حرکت سے پلکیں جھلملانے لگتی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کافی کے کپ میں وین گوف کا شاہکار

    کافی کے کپ میں وین گوف کا شاہکار

    آپ نے کافی آرٹ کی بے شمار اقسام دیکھی ہوں گی جو پاکستان سمیت مختلف ممالک میں کی جاتی ہیں، تاہم جنوبی کوریا کے اس فنکار کا کافی آرٹ دیکھ کر آپ حیران رہ جائیں گے جو بے حد انوکھا ہے۔

    جنوبی کوریا کے دارالحکومت سیئول کا رہائشی فنکار لی کنگ بن کافی کے کپ میں معروف مصوروں کے منی ایچر شاہکاروں کی نقل تخلیق کر رہا ہے جو دیکھنے والوں کو دنگ کردیتا ہے۔

    نیدر لینڈز کے معروف مصور وین گوف کی شہرہ آفاق پینٹنگ ’ستاروں بھری رات‘ اور ناروے کے مصور ایڈورڈ منچ کی پینٹنگ ’چیخ‘ کو کافی کے کپ میں اپنی تمام تر جزئیات کے ساتھ دیکھنا ایک نہایت ہی شاندار اور منفرد تجربہ ہوسکتا ہے۔

    مصوری کے ان شاہکاروں کو تخلیق کرنے کے لیے لی کنگ برش اور چمچوں سے فوڈ کلرز کے مختلف اسٹروکس استعمال کرتا ہے۔

    صرف 15 منٹ میں تیار کیے جانے والے ایک کافی کے کپ کی قیمت 10 ہزار ون (کورین سکہ) ہے جسے خریدنے کے لیے شائقین کی ایک لمبی قطار موجود ہے۔

    لی کنگ کا کہنا ہے کہ ابتدا میں وہ شوقیہ طور پر اپنی کافی میں کریم اور جھاگ کو مختلف انداز سے ترتیب دیا کرتا تھا۔ بعد ازاں اسے یہ کام اتنا پسند آیا کہ وہ ایک کافی مشین خرید کر گھر لے آیا اور تجارتی بنیادوں پر یہ کام شروع کردیا۔

    مزید پڑھیں: آپ کی پسندیدہ کافی آپ کے بارے میں کیا بتاتی ہے؟

    آرٹ کا شاہکار یہ کافی خریدنے والے افراد لی سے اپنی پسند کے مصوروں کی پینٹنگ بنانے کی بھی فرمائش کرتے ہیں۔

    پینٹنگ کے ساتھ ساتھ لی مختلف کارٹون کرداروں اور مناظر کو بھی کافی پر تخلیق کرتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہاتھیوں کا جوڑا بچے کو بچانے کے لیے جان پر کھیل گیا

    ہاتھیوں کا جوڑا بچے کو بچانے کے لیے جان پر کھیل گیا

    والدین اور بچوں کا رشتہ نہایت انوکھا اور بے لوث ہوتا ہے۔ جب بچوں پر کوئی مصیبت آتی ہے تو والدین اسے اس مصیبت سے بچانے کے لیے سر توڑ کوشش کرتے ہیں حتیٰ کہ اپنی جان پر کھیلنے سے بھی گریز نہیں کرتے۔

    یہ خصوصیت صرف انسانوں ہی نہیں بلکہ ہر جاندار میں پائی جاتی ہے چاہے وہ کوئی جنگلی جانور ہی کیوں نہ ہو۔

    اپنے بچے کو مشکل سے بچانے کے لیے ہر ذی روح بلا خوف و خطر اپنی جان داؤ پر لگا دیتا ہے اور ایسا کام کر جاتا ہے جس کا عام حالات مین تصور بھی نا ممکن ہے۔

    والدین کی محبت پر مبنی ایسی ہی ایک اور ویڈیو آج کل انٹرنیٹ پر بہت مقبول ہورہی ہے جس میں ہاتھیوں کا ایک جوڑا اپنے ڈوبتے ہوئے بچے کو بچانے کے لیے سخت جدوجہد کر رہا ہے۔

    جنوبی کوریا کے شہر سیئول میں واقع ایک گرینڈ پارک کی اس ویڈیو میں دیکھا جاسکتا ہے کہ ہاتھی کا ایک بچہ سوئمنگ پول کے قریب اپنی ماں کے ساتھ کھڑا ہے۔

    اچانک ہی اس کا پاؤں پھسلتا ہے اور وہ پانی میں جا گرتا ہے۔

    بچے کے پانی میں گرتے ہی قریب کھڑا ایک اور ہاتھی بھاگتا ہوا وہاں آتا ہے اور دونوں ہاتھی مل کر بچے کو بچانے کی بھرپور کوشش کرتے ہیں۔

    جب وہ کسی طرح ان کے ہاتھ نہیں آتا تو بالآخر دونوں پانی میں کود جاتے ہیں اور بچے کو گھسیٹ کر دوسرے کنارے پر لے آتے ہیں۔

    ویڈیو میں پس منظر میں ایک اور ہاتھی بھی دکھائی دے رہا ہے جو اس پورے واقعہ کے دوران نہایت بے چین نظر آرہا ہے اور اس کا بس نہیں چل رہا کہ کسی طرح وہ بھی وہاں پہنچ جائے۔ لیکن اس کے راستے میں حد بندی موجود ہے جن کے باعث وہ اپنی جگہ سے باہر نہیں نکل پارہا۔

    انٹرنیٹ پر اس مقبول ویڈیو کو اب تک 2 لاکھ سے زائد افراد دیکھ چکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جنوبی کوریامیں صدارتی انتخاب کےلیےووٹنگ جاری

    جنوبی کوریامیں صدارتی انتخاب کےلیےووٹنگ جاری

    سیول: جنوبی کوریا میں صدارتی انتخاب کے لیے پولنگ جاری ہے۔اعتدال پسند رہنما مون جے اِن کی کامیابی کا امکان ہے۔

    تفصیلات کےمطابق جنوبی کوریا میں نئے صدر کے انتخاب کے لیے پولنگ کےآغاز ہوچکاہے جوپاکستانی وقت کےمطابق شام4بجے تک جاری رہے گی۔

    خیال رہےکہ کرپشن اسیکنڈل میں سابق صدر پارک گن کو رواں سال مارچ میں عہدے سے دستبردار ہونا پڑاتھا اور اب انہیں مقدمات کا سامنا ہے۔

    جنوبی کوریا کی سابق صدرپارک گن گرفتار

    بعدازاں پارک گن کو صدارت کے عہدے سے مستعفیٰ ہونے کے بعد گرفتار کرلیاگیاتھا۔

    کرپشن کےالزامات‘جنوبی کوریا کی سابق صد پرفرد جرم عائد

    دوسری جانب پارک گن کی سہیلی چوئی سن سل پر الزام ہے کہ انہوں نے صدر سے اپنے تعلقات کا فائدہ اٹھاتے ہوئے مختلف کمپنیوں پر دباؤ ڈالا تھا کہ وہ لاکھوں ڈالرز کے عطیات ان اداروں کو دیں جن کا انتظام چوئی سون سل کے پاس تھا۔

    ان کمپنیوں میں جنوبی کوریا کی سب سے بڑی کمپنی سام سنگ بھی شامل ہے اور اس کے عبوری سربراہ لی جائے یونگ بھی زیر حراست ہیں۔

    واضح رہےکہ گزشتہ دنوں ملک کےالیکشن کمیشن نے آزاد وشفاف انتخابات کےانعقاد کااعلان کیاتھا۔جس کےلیے ووٹنگ آج ہورہی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • جنوبی کوریا کی سابق صدرپارک گن گرفتار

    جنوبی کوریا کی سابق صدرپارک گن گرفتار

    سیول : جنوبی کوریا کی سابق صدر پارک گن کو اختیارات کےناجائز استعمال کےالزام میں گرفتار کرلیاگیاہے۔

    تفصیلات کےمطابق جنوبی کوریا کی برطرف صدر پارک گن کو کرپشن اور اختیارات کےناجائز استعمال پررواں ماہ کے دوسرے ہفتے میں عہدے سے ہٹادیاگیاتھا۔

    عدالتی ترجمان کے مطابق برطرف صدر کو کرپشن اوراور اختیارات کے ناجائز استعمال کے الزامات کے تحت گرفتار کیاگیا ہے۔جس کےلیےسیول کی سینٹرل ڈسٹرکٹ کورٹ نےوارنٹ جاری کیے۔

    خیال رہےکہ گزشتہ دنوں چیف جسٹس لی جنگ می نے اپنے فیصلے میں کہا تھاکہ پارک گن کے اس اقدام نےجمہوریت کی روح اور قانون کی حکمرانی کو سنگین طور پر طور پر چوٹ پہنچائی ہے اس لیے انہیں عہدے سے برطرف کیاجاتاہے۔

    مزید پڑھیں:جنوبی کوریا کی صدر عہدے سے برطرف

    جنوبی کوریا کی صدر پارک گن کی برطرفی کے عدالتی فیصلے کے بعد عوام کی جانب سے ان کی گرفتاری کےلیے مظاہرے کیےگئے تھے۔

    پارک گن جنوبی کوریا کی جمہوری طور پر منتخب پہلی رہنما ہیں جنہیں ان کے عہدے سے برطرف کیاگیا۔

    مزید پڑھیں:جنوبی کوریا:عوام کابرطرف صدر کی گرفتاری کےلیےاحتجاج

    یاد رہےکہ پارک گن کی سہیلی چوئی سون سل دھوکہ دہی اور طاقت کے ناجائز استعمال کےالزامات میں زیر حراست ہیں۔ان پر جنوبی کوریا کی کمپنیوں سے بھی بھاری رقم بٹورنے کے الزامات ہیں۔

    واضح رہےکہ گزشتہ دنوں ملک کےالیکشن کمیشن نے آزاد وشفاف انتخابات کےانعقاد کااعلان کیاتھا۔جس کےلیے ووٹنگ رواں سال نو مئی کوہوگی۔

  • شمالی کوریا کے سربراہ کا سوتیلا بھائی ملائیشیا میں پراسرارطورپرہلاک

    شمالی کوریا کے سربراہ کا سوتیلا بھائی ملائیشیا میں پراسرارطورپرہلاک

    کوالالمپور : شمالی کوریا کے سربراہ کم جونگ ان کے سوتیلے بھائی ملائیشیا کے شہر کوالالمپورمیں ہلاک ہوگئے، خدشہ ہے کہ انہیں زہر دے کر ہلاک کیا گیا ہے۔

     تفصیلات کے مطابق شمالی کوریا کے سابق سربراہ کم جونگ ال کے سب سے بڑے صاحبزادے اور شمالی کوریا کے موجودہ سربراہ کم جونگ ان کے سوتیلے بھائی پینتالیس سالہ کم جونگ نام ملائیشیائی دارالحکومت کے ہوائی اڈے سے اسپتال جاتے ہوئے راستے میں ہلاک ہوگئے۔

    south-post-01

    جنوبی کوریا اور ملائیشیا کے ذرائع کے مطابق کم جونگ نام کو دو خواتین نے ہوائی اڈے پر زہر دیا۔ تاہم یہ واضح نہیں کہ ان خواتین کا تعلق کہاں سے ہے۔

    ذرائع کے مطابق ملائیشیا کے اسپتال میں کم جونگ نام کی لاش کا پوسٹ مارٹم کیا جا رہا ہے۔ برطانوی نشریاتی ادارے بی بی سی کا کہنا ہے کہ کم خاندان کے ایک قریبی ذریعے نے بھی اس بات کی تصدیق کی ہے کہ کم نام کی ہلاکت کا تعلق زہرخورانی سے ہے۔

    یاد رہے کہ 2001 میں کم جونگ نام جعلی پاسپورٹ پر جاپان میں داخل ہونے کی کوشش کے دوران گرفتار کیے گئے تھے۔ انہوں نے جاپانی پولیس کو بتایا تھا کہ وہ ٹوکیو کا ڈزنی لینڈ دیکھنا چاہتے تھے۔

    کہا جاتا ہے کہ اس واقعے کے بعد ان کے والد کی نظروں میں ان کی وقعت کم ہوگئی تھی۔ 2011 میں والد کی وفات اور اپنے چھوٹے بھائی کے اقتدار سنبھالنے کے بعد کم جونگ نام نے اپنا زیادہ وقت مکاؤ، سنگاپور اور چین میں گزارا۔

  • شمالی کوریا اورجنوبی کوریا کے درمیان قیامِ امن کی بڑی کاوش

    شمالی کوریا اورجنوبی کوریا کے درمیان قیامِ امن کی بڑی کاوش

    شمالی کوریا کی خواتین جنوبی کوریا کے ساتھ بہترتعلقات کیلئے دو روزہ امن مارچ کا انعقاد کررہی ہیں، امن مارچ کے ذریعے اورماضی کی تلخیوں کو بھلا کرجنوبی کوریا سے دوستانہ تعلقات اوراتحاد کا رشتہ استوار کرنے کا پیغام دیاگیا ہے۔

    شمالی کوریا میں خواتین کی ایک تنظیم نےحریف ملک جنوبی کوریا سے تعلقات کوبہتر بنانےکے لیےدو روزہ تقریب اورامن مارچ کاانعقادکیا۔

    مارچ میں دونوں ممالک میں جاری کشیدگی کو ختم کرنے، دوستانہ تعلقات اوراتحادِنو کاپیغام دیا گیا، جبکہ شمالی اورجنوبی کوریا کی حکومت کی جانب سے خواتین کو آج امن مارچ کی اجازت دی گئی ہےجس میں خواتین کی بڑی تعدادشرکت کرے گی۔

    دونوں ممالک کے درمیان سن 1953 میں علیحدگی کے بعد سےکشیدگی پائی جاتی ہے۔