Tag: Spanish Minister

اسپین کی سماجی انصاف کی وزیر ایونی بلارا نے فلسطینیوں پر ہونے والی بربریت پر اسرائیل پر پابندیوں اور سفارتی تعلقات ختم کرنے کا مطالبہ کردیا۔

ہسپانوی وزیر ایونی بلارا نے اپنے ایک بیان میں کہا ہے کہ اسرائیل پر فلسطینی عوام کی نسل کشی کرنے پر اقتصادی پابندیاں لگائی جانی چاہئیں۔

انہوں نے کہا کہ اسرائیل کیلئے اسلحے پر فوری پابندی لگا دینی چاہیے، اس کی جانب سے کی جانے والی بے گناہ فلسطینیوں کی نسل کشی کو سنجیدگی سے دیکھنا ہوگا۔

We need exemplary economic sanctions on Netanyahu and all those responsible for the genocide of the Palestinian people in the Gaza Strip. We also need an immediate arms embargo. Europe can and must act with autonomy and seek peace. pic.twitter.com/asNERZwVuF

— Ione Belarra (@ionebelarra) October 18, 2023

ایونی بلارا نے کہا کہ اسرائیل منصوبہ بندی کے تحت فلسطینیوں کی نسل کشی کررہا ہے، اس لیے اسپین کو اسرائیل سے سفارتی تعلقات فوری ختم کرنے چاہئیں اور جو سیاسی طور پر بھی فلسطینیوں کی نسل کشی میں ملوث ہیں ان پر بھی پابندی لگنی چاہیے۔

انہوں نے کہا کہ روس پر اقتصادی پابندیاں لگی ہیں تو اسرائیل پر بھی عمل درآمد کیا جاسکتا ہے،
نیتن یاہو، اسرائیلی وزیردفاع اور دیگر ذمہ داروں پر مثالی پابندیاں لگائیں۔

ایونی بلارا کا کہنا تھا کہ پورے فلسطین کو سزا دینے کی منصوبہ بندی کی گئی ہے، اسرائیل نے شہری آبادیوں پر شدید بمباری کی، پانی، بجلی کی سہولتیں منقطع کرکے عالمی قوانین کی خلاف ورزی کی گئی۔

غزہ میں ہونے والی اسرائیلی بربریت پر اسپین نے بھی آواز حق بلند کردی، صہیونی کارروائیوں کو جنگی جرائم اور فلسطینیوں کی نسل کشی قرار دے دیا۔

غیر ملکی خبر رساں ادارے کی رپورٹ کے مطابق اسپین کی وزیر برائے سماجی انصاف ایون بلیرا نے کہا ہے کہ اسرائیل منصوبہ بندی کے تحت مظلوم فلسطینی عوام نسل کشی کا مرتکب ہو رہا ہے۔

ہسپانوی نائب وزیر سماجی حقوق ایون بلیرا کا کہنا ہے کہ اسرائیل کی شہریوں پر بمباری اور انہیں اجتماعی طور پر سزا دینا بین الاقوامی قانون کی سنگین خلاف ورزی ہے اور یہ ایک "جنگی جرم” ہے

ہسپانوی نائب وزیر برائے سماجی حقوق ایون بلیرا نے کہا ہے کہ اسرائیل غزہ میں "منصوبہ بند نسل کشی” کر رہا ہے اور کہا کہ وزیر اعظم بینجمن نیتن یاہو کے خلاف بین الاقوامی فوجداری عدالت میں اس بنیاد پر مقدمہ چلایا جانا چاہیے کہ انہوں نے "جنگی جرائم” کا ارتکاب کیا ہے۔

We ask our partner that, as the Government of Spain, we bring Netanyahu before the International Criminal Court for war crimes. Here is my official statement pic.twitter.com/Wuu8nnKfVp

— Ione Belarra (@ionebelarra) October 16, 2023

اپنے سوشل میڈیا اکاؤنٹ پر جاری کیے گئے ویڈیو پیغام میں بیلرا نے اس بات پر زور دیا کہ فلسطینیوں کے المناک مناظر نے مجھے سخت دھچکہ لگایا ہے "ریاست اسرائیل غزہ میں ایک منصوبہ بند نسل کشی کر رہی ہے۔”

ایون بلیرا نے کہا کہ اسرائیل کی شہریوں پر بمباری اور انہیں اجتماعی طور پر سزا دینا بین الاقوامی قانون کی خلاف ورزی ہے اور یہ ایک "جنگی جرم” ہے۔

ان کا کہنا تھا کہ امریکہ اور یورپی یونین نہ صرف اس سے آنکھیں بند کرلیتے ہیں بلکہ اسرائیل کی نسل پرستانہ پالیسی اور انسانی حقوق کی خلاف ورزی کرنے والے قبضے میں ریاست کی حمایت کرتے ہیں۔

اس بات کی طرف اشارہ کرتے ہوئے کہ اسرائیلی شہریوں پر حماس کے حملے اسرائیل کی طرف سے کیے جانے والے "جرائم” کا عذر نہیں ہو سکتے، بیلارا نے اسپین اور پورے یورپ دونوں کے لوگوں سے مطالبہ کیا کہ وہ اسرائیل کے خلاف سڑکوں پر نکل آئیں۔

ایون بلیرا نےحکومت قائم کرنے کی ذمہ داری سونپ گئی سوشلسٹ ورکرز پارٹی سے اپیل کی ہے ، وہ نیتن یاہو کے جنگی جرائم کی "تحقیقات” کے لیے آئی سی سی کو درخواست دینے پر مل کر کام کریں۔