ARYNews.tv | Urdu – Har Lamha Bakhabar

Tag: special allowance

  • اہم خبر ، ‘بجٹ سے قبل ہی سرکاری ملازمین کو 25 فیصد اسپیشل الاؤنس ملے گا’

    اہم خبر ، ‘بجٹ سے قبل ہی سرکاری ملازمین کو 25 فیصد اسپیشل الاؤنس ملے گا’

    لاہور : وزیراعلیٰ پنجاب عثمان بزدار نے سرکاری ملازمین کےلئےاسپیشل الاؤنس کی منظوری دے دی، ملازمین کویکم جون سے  25فیصد خصوصی الاؤنس ملے گا۔

    تفصیلات کے مطابق وزیراعلیٰ پنجاب عثمان بزدار کی زیرصدارت پنجاب کابینہ کا اجلاس ہوا، اجلاس میں سرکاری ملازمین کےلئےاسپیشل الاؤنس کی منظوری دے دی گئی ، گریڈایک سے19 تک 25 فیصداسپیشل الاؤنس کی منظوری دی۔

    یہ الاؤنس پہلے سےاضافی تنخواہ لینےوالےملازم کونہیں ملے گا ، فیصلے سے7لاکھ 21ہزار سےزائد سرکاری ملازمین مستفید ہوں گے۔

    اجلاس کے بعد معاون خصوصی فردوس عاشق اعوان نے میڈیا سے گفتگو کرتے ہوئے کہاپنجاب کابینہ کا اجلاس 4گھنٹےسےزائد جاری رہا،  کابینہ اجلاس میں 21نکاتی ایجنڈا زیرغورآیا، گریڈ ایک سے 19تک کےملازمین کے خصوصی الاؤنس کی منظوری دی گئی۔

    فردوس عاشق اعوان کا کہنا تھا کہ ملازمین کو2021سے 25فیصد خصوصی الاؤنس دیاجارہاہے ، پنجاب کابینہ نے آج تاریخی قدم اٹھایا ہے، 60 لاکھ 21ہزار ملازمین کو یکم جون سے خصوصی الاؤنس ملے گا۔

    انھوں نے مزید کہا پنجاب حکومت نےاس سلسلےمیں سالانہ4ارب روپےمختص کیےہیں اور احتجاجی سرکاری ملازمین کے دکھوں کاوزیراعلیٰ پنجاب نےامداواکیاہے۔

  • کورونا مریضوں کا علاج کرنیوالے ہیلتھ پروفیشنلز کیلیے بڑی خبر

    کورونا مریضوں کا علاج کرنیوالے ہیلتھ پروفیشنلز کیلیے بڑی خبر

    اسلام آباد : کورونا مریضوں کا علاج کرنیوالے ہیلتھ پروفیشنلز کیلئے اسپیشل الاؤنس کا اعلان کردیا گیا، اطلاق آئسولیشن وارڈز،رومز،میتیں رکھنے کی جگہ اور قرنطینہ میں کام کرنیوالوں پر ہوگا۔

    تفصیلات کے مطابق حکومت نے جانب سے کورونا مریضوں کےعلاج کرنیوالے ہیلتھ پروفیشنلز کیلئے اسپیشل الاؤنس دینے کا اعلان کردیا ، محکمہ صحت نے ہیلتھ پروفیشنلزکواسپیشل الاؤنس دینے کا مراسلہ جاری کر دیا ہے۔

    مراسلے میں کہا گیا کہ کورونامریضوں کا براہ راست علاج کرنیوالے کیلئے ایک ماہ کی بنیادی تنخواہ کا فیصلہ کیا ہے، یکم اپریل سے کام کرنیوالے ہیلتھ پروفیشنل کواسپیشل الاؤنس دیا جائے گا۔

    مراسلے کے مطابق اطلاق آئسولیشن وارڈز،رومز،میتیں رکھنے کی جگہ اور قرنطینہ میں کام کرنیوالوں پر ہوگا۔

    مزید پڑھیں : ملک میں 700سےزائد ہیلتھ پروفیشنلز کورونا سے متاثر

    خیال رہے عالمگیر وبا کورونا سے اب تک 700 سے زائد ہیلتھ کیئر ورکرز اور ڈاکٹرز متاثر ہوچکے ہیں، ڈاکٹر اسفند یار کا اپنے ایک ویڈیو پیغام میں بتایا تھا کہ کورونا سے متاثر ہونے والے ہیلتھ کیئر ورکرز اور ڈاکٹرز وہ ہیں جوآئسولیشن وارڈ کے باہر ڈیوٹی کر رہے ہیں۔

    انہوں نے حکومت سے حفاظتی کٹس کی فراہمی کا مطالبہ کرتے ہوئے کہا تھا کہ حکومت اپنے فرنٹ لائن سولجرز کی حفاظت کے لیے اقدامات کرے اور ڈاکٹرز اور پیرا میڈیکل اسٹاف کو این 95 ماسک، فیس شیٹ، گلوز اور کٹس فراہم کی جائیں۔

  • سندھ حکومت کی محکمہ صحت کے عملے کو اسپیشل الاؤنس دینے کی تیاری

    سندھ حکومت کی محکمہ صحت کے عملے کو اسپیشل الاؤنس دینے کی تیاری

    کراچی : سندھ حکومت نے محکمہ صحت کے عملے کو اسپیشل الاؤنس دینے کی تیاری کرلی ، وزیراعلیٰ سندھ کا کہنا ہے کہ میڈیکل عملے کو کورونا سے لڑنے پر زبردست الاؤنس دیا جائے گا، صوبےکےڈاکٹرفرنٹ لائن کےسولجرہیں۔

    کراچی: سندھ حکومت نے صوبائی محکمہ صحت کے عملے کو اسپیشل الاوَنس دینے کی تیاری کرلی ہے،ہیلتھ ملازمین کواضافی بنیادی تنخواہ دینےکی سمری وزیراعلیٰ سندھ کو ارسال کردی گئی ہے، سیکریٹری صحت نے سمری مرادعلی شاہ کو ارسال کی۔

    محکمہ صحت سندھ کے مطابق کورونا کی وبائی صورتحال میں ڈاکٹرزکی خدمات قابل تعریف ہیں، تمام پیرامیڈیکل اسٹاف کی خدمات خراج تحسین کے مستحق ہیں۔

    محکمہ صحت نے سفارش کی ہے کہ ڈاکٹرز کو اضافی الاؤنس دینے کی منظوری دی جائے، وزیراعلیٰ سندھ کا کہنا ہے کہ میڈیکل عملے کو کورونا سے لڑنے پر زبردست الاؤنس دیا جائے گا، صوبے کے ڈاکٹر فرنٹ لائن کے سولجر ہیں۔

    یاد رہے کوروناڈیوٹی پرمامور ہیلتھ پروفیشنلز کی رپورٹ وزارت صحت کو ارسال ک گئی تھی، جس میں بتایا گیا کہ ملک میں کورونا کا شکار ہیلتھ پروفیشنلزکی تعداد 345 ہو گئی، اب تک 165 ڈاکٹروں، 49 نرسیں اور 131 دیگر اسپتال ملازمین میں کورونا وائرس کی تصدیق ہو چکی ہے۔

    رپورٹ میں کہا گیا کہ پنجاب 55ڈاکٹر، 16نرسیں ،22 ہیلتھ اسٹاف، کے پی 35 ڈاکٹر، 6 نرسوں، 31ہیلتھ اسٹاف ، سندھ کے 28 ڈاکٹروں ، 17 نرسوں ، 27 ہیلتھ اسٹاف کورونا کا شکار ہوئے۔

    رپورٹ کے مطابق کہ ملک میں کورونا سے تاحال 3ہیلتھ پروفیشنلز جاں بحق ہوچکےہیں اور 82 ہیلتھ پروفیشنلزصحتیاب ہوچکےہیں۔