ٹی ٹوئنٹی ورلڈ کپ میں فتح حاصل کرنے کے بعد بھارتی ٹیم بارباڈوس سے خصوصی طیارے کے ذریعے اپنے ملک روانہ ہوگی۔
بھارتی میڈیا کا اس حوالے سے کہنا ہے کہ بھارتی بورڈ نے خصوصی طیارے کا انتظام کر لیا ہے، بھارتی ٹیم مقامی وقت کے مطابق منگل کی شام 6 بجے روانہ ہو گی۔
بھارتی ٹیم آج بدھ کی رات پونے 8 بجے دہلی ایئرپورٹ پر لینڈ کرے گی۔
واضح رہے کہ بھارتی ٹیم بارباڈوس میں سمندری طوفان کے باعث پھنسی ہوئی ہے، بارباڈوس سے سمندری طوفان گزر گیا ہے اور خوش قسمتی سے یہ بڑی تباہی سے محفوظ رہا۔
بھارتی میڈیا کے مطابق صورتحال جلد معمول پر آنے کی امید ہے، بجلی اور انٹرنیٹ سروس آہستہ آہستہ بحال ہو رہی ہے جبکہ ائیر پورٹ بھی اگلے چند گھنٹوں میں کھلنے کی امید ہے۔
دوسری جانب بھارتی کپتان روہت شرما کی ورلڈکپ میں کپتانی کی ہر طرف واہ واہ ہورہی ہے، اب ان کی والدہ نے بھی بیٹے کے لیے نہایت جذباتی پوسٹ شیئر کی ہے۔
جنوبی افریقہ کے خلاف آئی سی سی ٹی ٹوئنٹی ورلڈکپ کا فائنل جیتنے کے بعد ویرات کوہلی اور روہت شرما نے ریٹائرمنٹ کا اعلان کیا تھا، اس افسانوی ریٹائرمنٹ کے بعد بھارتی کپتان روہت کی والدہ نے بیٹے اور کوہلی کے لیے پیغام شیئر کرتے ہوئے دونوں کی تصوری بھی پوسٹ کی ہے۔
روہت کی والدہ پورنیما شرما نے اپنے بیٹے کی ٹی ٹوئنٹی انٹرنیشنل کرکٹ کے حوالے سے ایک تصویر پوسٹ کی۔
انسٹاگرام پر شیئر کی گئی پوسٹ میں سب سے اوپر کیپشن درج تھا ’ٹی ٹوئنٹی کرکٹ میں عظیم پلیئرز کی جوڑی‘، ساتھ ہی خصوصی پیغام میں تصوری کی مناسبت سے پورنیما شرما نے لکھا کہ ’بیٹی روہت شرما کے کندھوں پر ہے، قوم اس کے پیچھے ہے جبکہ بھائی اس کے ساتھ کھڑا ہے‘۔
سوریا کمار نے اپنے متنازع کیچ پر بالآخر خاموشی توڑ دی!
ٹی 20 ورلڈ کپ جیتنے کے بعد جہاں ہر بھارتی کھلاڑی خوشی سے مسکرا رہا تھا وہیں ان کے آنکھیں مسکراتے چہروں کے ساتھ خوشی کے آنسوؤں سے نم بھی تھیں جبکہ روہت اور کوہلی کو بھی روتے ہوئے دیکھا گیا تھا۔
