ARYNews.tv | Urdu – Har Lamha Bakhabar

Tag: speech

  • امریکی صدر کو کانگریس میں خطاب کی دعوت

    امریکی صدر کو کانگریس میں خطاب کی دعوت

    واشنگٹن: امریکا میں حکومتی شٹ ڈاؤن کے خاتمے کے بعد سیاسی ماحول خوشگوار ہونا شروع ہوگیا، امریکی صدر ڈونلڈ ٹرمپ کو کانگریس میں خطاب کا دعوت نامہ ارسال کیا گیا۔

    تفصیلات کے مطابق امریکی صدر ٹرمپ کو ہاؤس اسپیکر نینسی پلوسی کا خط موصول ہوا جس میں ٹرمپ کو 5فروری کو کانگریس سے خطاب کی باضابطہ دعوت دی گئی۔

    غیر ملکی خبر رساں ادارے کے مطابق خط میں کہا گیا ہے کہ ٹرمپ حکومتی شٹ ڈاؤن کے خاتمے کے بعد اپنے خیالات کا اظہار کریں اور مستقبل کا لائحہ عمل بھی واضح کریں۔

    خط میں کہا گیا ہے کہ یہ ہمارے لیے اعزاز کی بات ہوگی کہ ٹرمپ خط کو قبول کریں اور امریکی کانگریس سے خطاب کریں۔

    خط کے متن کے مطابق امریکی صدر کو مخاطب کرکے کہا گیا ابھی بہت سے مقاصد ہیں جو ہمیں حاصل کرنے ہیں۔

    امریکا میں شٹ ڈاؤن ختم، صدر ٹرمپ اور کانگریس کے درمیان معاہدہ طے پاگیا

    خیال رہے کہ امریکی صدر ڈونلڈ ٹرمپ نے 26 جنوری کو عارضی طور پر 15 فروری تک سرکاری اداروں میں شٹ ڈاؤن ختم کردیا، امریکا میں کئی ہفتوں کے شٹ ڈاؤن کے بعد سرکاری اداروں میں کام شروع ہوگیا۔

    بعد ازاں وائٹ ہاؤس میں میڈیا سے گفتگو کرتے ہوئے امریکی صدر ڈونلڈ ٹرمپ نے کہا تھا کہ مجھے خوشی ہے ہمارے درمیان معاہدہ طے پاگیا اور شٹ ڈاؤن کا خاتمہ ہوا۔

    واضح رہے کہ امریکی صدر نے دیوار کی تعمیر کے لیے 5.7 بلین ڈالرز منظور کرنے کا مطالبہ کر رکھا ہے تاہم کانگریس میں ڈیموکریٹس دیوار کی فنڈنگ کی منظوری سے مسلسل انکاری رہے۔

  • ای سی ایل میں نام ہونے کی نہ پہلے پرواہ تھی اور نہ ہی اب ہے: وزیراعلیٰ سندھ

    ای سی ایل میں نام ہونے کی نہ پہلے پرواہ تھی اور نہ ہی اب ہے: وزیراعلیٰ سندھ

    کراچی: وزیراعلیٰ سندھ سید مرادعلی شاہ کا کہنا ہے کہ ای سی ایل میں نام ہونے کی نہ پہلے پرواہ تھی اور نہ ہی اب ہے، پرائیویٹ دورے نہیں کیے، صرف حج کے لیے اور کربلا گیا ہوں۔

    ان خیالات کا اظہار انہوں نے میڈیا سے گفتگو کرتے ہوئے کیا، وزیراعلیٰ سندھ کا کہنا تھا کہ وفاقی کابینہ ای سی ایل میں نام نکالنے کا کیا کرتی ہے اس کا علم مجھے نہیں ہے۔

    انہوں نے کہا کہ وفاقی حکومت کو چاہیئے کہ وہ معیشت اور وصولی بہتری پر توجہ دے، فنڈز نہیں ہوں گے تو ڈولپمنٹ کا کام کیسے ہوگا؟

    مراد علی شاہ کا کہنا تھا کہ سندھ اسمبلی میں پی ٹی آئی کی عددی اکثریت کم ہے، وفاقی حکومت کو اپنے بنیادی کاموں پر توجہ دینے کی ضرورت ہے۔

    ان کا کہنا تھا کہ ای سی ایل میں نام ڈال کر چاہتے ہیں ترقیاتی کام نہ ہوں، ہماری حکومت کوئی نہیں گراسکتا، 49 کیا ہمارا ایک بندہ بھی نہیں جائے گا۔

    وزیراعلیٰ سندھ نے یہ بھی کہا کہ کچھ پارٹی کے اراکین اپنے رہنماؤں کی ناپختگی سے نالاں ہیں، پی پی نے ہمیشہ حالات کا مقابلہ کیا ہے۔

    یاد رہے کہ جعلی اکاؤنٹس کے ذریعے میگا منی لانڈرنگ کیس کی جے آئی ٹی میں بلاول بھٹو، آصف علی زرداری اور ان کی ہمشیرہ فریال تالپور کا نام بھی شامل ہے اور ان سمیت 172 افراد کے نام آج ایگزٹ کنٹرول لسٹ میں ڈال دیے گئے ہیں۔

  • تجاوزات آپریشن کے متاثرین کو حکومت سہولت فراہم کرے گی: وزیر بلدیات سندھ

    تجاوزات آپریشن کے متاثرین کو حکومت سہولت فراہم کرے گی: وزیر بلدیات سندھ

    کراچی: وزیر بلدیات سندھ سعید غنی کا کہنا ہے کہ تجاوزات آپریشن کے متاثرین کو حکومت سہولت فراہم کرے گی، ہمیں اس شہر اور ملک کی ترقی میں مل کر کام کرنا ہے۔

    ان خیالات کا اظہار انہوں نے ایک تقریب سے خطاب کرتے ہوئے کیا، وزیر بلدیات کا کہنا تھا کہ ملیر ایکسپریس وے بنا رہے ہیں جو سپرہائی وے سے ملے گی، ایم ٹی خان روڈ پر ایلیویڈیٹ روڈ بھی بنارہے ہیں۔

    انہوں نے کہا کہ قائدآباد سے ایک اور شاہراہ بنائیں گے، ہاکس بے پر بھی ترقیاتی کام ہوگا تاکہ وہاں ٹریفک جام نہ ہو، ترقی کے لیے مل کام کریں گے۔

    سعید غنی کا مزید کہنا تھا کہ شہر میں ڈرائیونگ لائسنس برانچز بہت کم ہیں، اضافے پر غور کیا جارہا ہے، تاکہ کسی قسم کے مسائل کے بچا جاسکے۔

    انسداد تجاوزات آپریشن : بلاول ہاؤس کی دیواریں کب گرائی جائیں گی؟ خرم شیر زمان

    خیال رہے کہ گذشتہ روز مشیراطلاعات سندھ مرتضیٰ وہاب نے کہا تھا کہ ہم شہر قائد کے حقوق پر ڈاکہ برداشت نہیں کریں گے،متاثرہ دکانداروں کو متبادل جگہ دیں گے۔

    واضح رہے کہ گذشتہ روز ہی تحریک انصاف کراچی ڈویژن کے صدر اور رکن سندھ اسمبلی خرم شیر زمان نے کہا تھا کہ انسداد تجاوزات آپریشن منصفانہ بنیادوں پر نہیں ہورہا، بلاول ہاؤس کی دیواریں فٹ پاتھ پر قائم ہیں ان کے خلاف کب ایکشن ہوگا؟

  • ماحولیات کے لیے بہتر پالیسی اپنانا ہوگی: شہریار آفریدی

    ماحولیات کے لیے بہتر پالیسی اپنانا ہوگی: شہریار آفریدی

    اسلام آباد: وزیر مملکت برائے داخلہ شہریار آفریدی کا کہنا ہے کہ انسانی زندگی کا اللہ کے بعد ماحول پر انحصار ہے۔ انسانوں کا سوچا جائے گا تو سب بہتر ہوگا، ماحولیات کے لیے بہتر پالیسی اپنانا ہوگی۔

    تفصیلات کے مطابق وزیر مملکت برائے داخلہ شہریار آفریدی نے تقریب سے خطاب کرتے ہوئے کہا کہ آج عالمی سطح پر گو گرین کی بات کی جارہی ہے، عالمی اسٹیک ہولڈرز بنیادی انسانی ہمدری کو بھول گئے۔

    وزیر مملکت کا کہنا تھا کہ مشینوں کے ذریعے دنیا پر کنٹرول کے لیے زور دیا گیا۔ انسانی زندگی کا انحصار اللہ کے بعد ماحول پر ہے۔ انسانوں پر پیسہ لگے، انسانوں کا سوچا جائے گا تو سب بہتر ہوگا۔

    انہوں نے کہا کہ ماحولیات کے لیے بہتر پالیسی اپنانا ہوگی، سب کو پانی کی کمی کے مسئلے پر توجہ دینا ہوگی۔ خوشحالی اور آزمائش میں ہم نے ذمے دار شہری بننا ہے۔

    شہریار آفریدی کا مزید کہنا تھا کہ نیا پاکستان کا وژن سب کے لیے ہے، شراکت داروں کو عزت دینی ہے۔ مدرسے میں تمام سہولتیں دینا ریاست کی ذمے داری ہے۔

  • اوبامہ کے دور میں کوئی مثبت پالیسی رائج نہیں تھی، ٹرمپ

    اوبامہ کے دور میں کوئی مثبت پالیسی رائج نہیں تھی، ٹرمپ

    واشنگٹن : امریکی صدر ٹرمپ نے ریلی میں خطاب کے دوران بارک اوباما کو تنقید نشانہ بناتے ہوئے کہا وسط مدتی انتخابات میں ڈیموکریٹ کی فتح ملکی معیشت کےلئے تباہ کن ہوگی۔

    تفصیلات کے مطابق صدر ڈونلڈ ٹرمپ نے امریکی ریاست انڈیانا پولس میں وسط مدتی الیکشن کے سلسلے نکالی گئی انتخابی ریلی کے دوران جارحانہ انداز میں خطاب کرتے ہوئے سابق صدر باراک اوبامہ اور ڈیموکریٹ جماعت پر برس پڑے۔

    مقامی خبر رساں ادارے کا کہنا تھا کہ ڈونلڈ ٹرمپ نے ریلی سے خطاب کرتے ہوئے کہا کہ باراک اوبامہ کے دور صدارت میں امریکا میں مہنگائی میں بے تحاشا اضافہ ہوا، ہم وہ دن کبھی نہیں چاہیں گے جب ملازمین کی تنخوہوں قلیل ہوا کرتی تھیں۔

    امریکی صدر نے انتخابی ریلی خطاب کرتے ہوئے کہا کہ امریکی عوام کو وہ دن نہیں چاہیے جب بے روزگاری عروج پر تھی، سرحدوں پر کوئی روک ٹوک نہیں تھی اور جرائم کی شرح میں بے پناہ ہورہا تھا۔

    غیر ملکی خبر رساں ادارے کے مطابق ٹرمپ نے اپنے خطاب میں کہا کہ ڈیموکریٹ جماعت نے کوئی مثبت پالیسی رائج نہیں کی تھی، آئندہ ہفتے امریکا میں ہونے والے وسط مدتی انتخابات میرے لیے کسی ریفرنڈم سے کم نہیں ہیں۔

    ڈونلڈ ٹرمپ نے کہا کہ اس انتخابات میں امریکی عوام نے فیصلہ دینا ہے کہ وہ موجودہ حکومت کے ساتھ ہیں یا ایسی جماعت کی حمایت کریں گی جو امریکی معیشت کےلیے انتہائی نقصان دہ ہے۔

    انڈیانا پولس میں ریلی سے خطاب کرتے ہوئے امریکی صدر نے کہا کہ وسط مدتی انتخابات ثابت کردے گا کہ امریکی عوام ’میک امریکا گریٹ اگین‘ کے نعرے کے ساتھ ہیں۔

  • اوورسیز پاکستانیوں کو خود سے زیادہ پاکستانی سمجھتے ہیں: گورنر سندھ

    اوورسیز پاکستانیوں کو خود سے زیادہ پاکستانی سمجھتے ہیں: گورنر سندھ

    لندن: گورنر سندھ عمران اسماعیل نے کہا ہے کہ اوورسیز پاکستانیوں کو خود سے زیادہ پاکستانی سمجھتے ہیں، ملکی ترقی میں اہم کردار ادا کریں گے۔

    ان خیالات کا اظہار انہوں نے اپنے اعزاز میں پی ٹی آئی برطانیہ کی جانب سے منعقد ایک تقریب سے خطاب کرتے ہوئے کیا۔

    گورنر سندھ کا کہنا تھا کہ 70 کی دہائی میں پاکستان ترقی کر رہا تھا، ستر کی دہائی کے بعد ڈکٹیٹر شپ اور 2 جماعتوں نے ملک کا نقصان کیا۔

    انہوں نے کہا کہ کرپشن کےخلاف زیرو ٹالرنس کا ایجنڈا نافذ کریں گے، صبررکھیں، 50 سال کا حساب 50 دن میں نہ مانگیں۔

    عمران اسماعیل کا کہنا تھا کہ آج پاکستان میں سرمایہ کاری کے لیے لندن میں 18 ملاقاتیں کیں، پچھلے دور میں قرضوں سے ایسے منصوبے بنائے گئے جن کی عوام کو ضرورت نہیں تھی۔

    کراچی میں جدید سہولیات کی فراہمی حکومت کی اولین ترجیح ہے، عمران اسماعیل

    خیال رہے کہ گذشتہ ماہ کراچی میں میڈیا سے گفتگو کرتے ہوئے گورنرسندھ عمران اسماعیل نے کہا تھا کہ کراچی میں جدید سہولتوں کی فراہمی حکومت کی اولین ترجیح ہے۔

    انہوں نے یہ بھی کہا تھا کہ کراچی کی ترقی وخوشحالی کیلئے کاوشیں کرنا ہم سب کی ذمہ داری ہے، کراچی میں جدید سہولتوں کی فراہمی حکومت کی اولین ترجیح ہے، وزیر اعظم عمران خان کراچی کی ترقی وخوشحالی کیلئے دلچسپی رکھتے ہیں۔

  • عالمی طاقتیں بھارت پر دباؤ ڈالیں تاکہ کشمیر میں قتل عام ختم ہو: صدر آزادکشمیر

    عالمی طاقتیں بھارت پر دباؤ ڈالیں تاکہ کشمیر میں قتل عام ختم ہو: صدر آزادکشمیر

    لندن: صدر آزاد کشمیر مسعود خان کا کہنا ہے کہ بھارت کبھی بھی کشمیریوں کے دل نہیں جیت سکتا، عالمی طاقتیں بھارت پر دباؤ ڈالیں تاکہ کشمیر میں قتل عام ختم ہو۔

    ان خیالات کا اظہار انہوں نے پاکستان ہائی کمیشن لندن میں اوورسیز کمیونٹی سے خطاب کرتے ہوئے کیا، مسعود خان کا کہنا تھا کہ بھارتی فوج کی مقبوضہ کشمیر میں جارحیت جاری ہے۔

    انہوں نے کہا کہ بھارتی آرمی چیف اعتراف کرچکے کہ کشمیر پر جبری قبضہ برقرار رکھیں گے، تارکین وطن ہمارے لیے اثاثہ ہیں، کشمیر کے لیے کردار ادا کریں۔

    کشمیریوں پر مظالم کا مقصد تحریک آزادی کو دبانا ہے، صدر آزاد کشمیر

    ان کا مزید کہنا تھا کہ ہر جگہ کشمیر کے لیے آواز بلند کرنے پر اوورسیز کشمیریوں اور پاکستانیوں کا شکریہ ادا کرتا ہوں۔

    خیال رہے کہ گذشتہ ماہ صدر آزاد کشمیر مسعود خان نے کہا تھا کہ بھارت کشمیریوں کو آزادی مانگنے پر مظالم کا نشانہ بنا رہا ہے، کشمیریوں پر مظالم کا مقصد تحریک آزادی کو دبانا ہے۔

    انہوں نے یہ بھی کہا تھا کہ کشمیریوں پر مظالم کا مقصد تحریک آزادی کو دبانا ہے، بھارتی فوج مقبوضہ کشمیر میں جنگی جرائم میں ملوث ہے، بھارتی فوج پیلٹ گنز کا اندھا دھند استعمال کررہی ہے، پیلٹ گنز سے ہزاروں کشمیریوں کی بینائی متاثر ہوئی ہے۔

  • ڈی ایٹ ممالک کا اقتصادی مستقبل انتہائی روشن ہے: ایف پی سی سی آئی

    ڈی ایٹ ممالک کا اقتصادی مستقبل انتہائی روشن ہے: ایف پی سی سی آئی

    اسلام آباد: فیڈریشن آف پاکستان چیمبرز آف کامرس اینڈ انڈ سٹر ی(ایف پی سی سی آئی) کے صدر غضنفر بلور نے کہا ہے کہ وسائل سے مالا مال ڈی ایٹ ممالک کا مستقبل انتہائی روشن ہے، اور یہ گروپ جلد ایک بڑی اقتصادی وقت بن سکتا ہے۔

    ان خیالات کا اظہار انہوں نے ڈی ایٹ کے سیکرٹری جنرل داتوکوجعفر کے وفاقی چیمبر کے دورے کے موقع پر کاروباری برادری سے خطاب کرتے ہوئے کیا۔

    انہوں نے کہا کہ ڈی ایٹ کو 1997 ء میں بنایا گیا تھا تاکہ اس کے ممبر ممالک باہمی تعاون کے ذریعے تیز رفتار ترقی کو یقینی بنائیں تاہم ایسا نہ ہو سکا اور اب بھی اس گروپ کے مابین تجارت چار فیصد تک محدود ہے۔

    ان کا کہنا تھا کہ ڈی ایٹ کے مقاصد کے حصول کے لیے تمام ممالک اور ان کے نجی شعبہ کو مل کر کام کرنا ہوگا جبکہ سیاسی معاملات کو اقتصادی معاملات سے الگ کرنا ہو۔

    غضنفر بلور کا کہنا تھا کہ ایف پی سی سی آئی کا وفد یکم نومبر سے ترکی میں ہونے والے ڈی ایٹ کے اجلاس میں شرکت کرے گا۔

    اس موقع پر اپنے خطاب میں ڈی ایٹ کے سیکرٹری جنرل داتوکو جعفر نے کہا کہ وہ ڈی ایٹ کو فعال بنانا چاہتے ہیں جبکہ رکن ممالک کا نجی شعبہ ایک ارب سے زیادہ نفوس پر مشتمل اس گروپ کے پوٹینشل سے فائدہ اٹھائے۔

    ان کاکہنا تھا کہ وہ ڈی ایٹ کے تمام ممالک کو قریب لانے اور انکے تنازعات حل کرنے کی کوشش کر رہے ہیں تاکہ یہ گروپ رکن ممالک کی ترقی میں اپنا کردار ادا کر سکے۔

  • عالمی معاشی حالات ایجنڈا 2030 کے حصول میں رکاوٹ ہیں: ملیحہ لودھی

    عالمی معاشی حالات ایجنڈا 2030 کے حصول میں رکاوٹ ہیں: ملیحہ لودھی

    نیویارک: اقوام متحدہ میں پاکستان کی مستقل مندوب ملیحہ لودھی نےکہا ہے کہ عالمی معاشی اور مالیاتی حالات موثر ترقیاتی ایجنڈا 2030 کے اہداف کے حصول میں رکاوٹ ہیں۔

    اقوام متحدہ کی سیکنڈ کمیٹی کے اجلاس سے خطاب میں ملیحہ لودھی نے کہا کہ گلوبل ایجنڈا 2030 میں نو آبادیاتی اور محکوم ممالک کے عوام کے حقوق کا خیال رکھنا ہوگا۔

    ان کا کہنا تھا کہ ایجنڈا دو ہزارتیس کے اہداف پاکستان کی نئی حکومت کی ترجیحات میں شامل ہیں، عالمی ترقیاتی ایجنڈے کے اغراض و مقاصد پر عمل کے لیے بین الاقوامی سطح پر کیے گئے وعدوں کے اعادے کی ضرورت ہے۔

    خطے میں قیام امن کیلئے پاکستان کلیدی کردار ادا کررہا ہے: ملیحہ لودھی

    ملیحہ لودھی کا کہنا تھا کہ وزیراعظم پاکستان کی پالیسیوں کا مقصد معیشت میں نئی جان ڈالنا ہے، پاکستان اپنی پانی کی ضروریات اور مسائل سے واقف۔

    ان کا مزید کہنا تھا کہ ہم نے حال ہی میں نیشنل واٹر پالیسی تشکیل دی ہے، جس سے پانی کو محفوظ کرنے کے لیے وسیع پیمانے پر منصوبوں کے حوالے سے کام جاری ہے۔

    خیال رہے کہ گذشتہ ماہ اقوام متحدہ میں پاکستان کی سفیر ملیحہ لودھی نے کہا تھا کہ خطے میں قیام امن کے لیے پاکستان کلیدی کردار ادا کر رہا ہے۔

  • یہی حکومت رہی تو ملک میں بدترین معاشی حالات اور مہنگائی ہوگی: شاہدخاقان

    یہی حکومت رہی تو ملک میں بدترین معاشی حالات اور مہنگائی ہوگی: شاہدخاقان

    لاہور: سابق وزیر اعظم شاہد خاقان عباسی نے کہا ہے کہ یہی حکومت رہی تو ملک میں بدترین معاشی حالات اور مہنگائی ہوگی، یہ موجودہ حکومت کی نااہلی ہے۔

    ان خیالات کا اظہار انہوں نے لاہور میں ایک تقریب سے خطاب کرتے ہوئے کیا، شاہد خاقان عباسی کا کہنا تھا کہ نااہل حکومت کی وجہ سے ایک ماہ میں مہنگائی کا سیلاب آگیا۔

    ان کا کہنا تھا کہ عمران خان کی حکومت میں نہ اہلیت ہے اور نہ ہی جذبہ ہے۔

    ڈیمز چندے کے پیسوں سے نہیں بنتے، شاہد خاقان عباسی

    اس سے قبل شاہد خاقان عباسی نے ڈیمز کی تعمیر کے لیے زور و شور سے جاری فنڈ ریزنگ مہم کے حوالے سے میڈیا سے گفتگو کرتے ہوئے کہا تھا کہ ڈیمز چندے کے پیسوں سے نہیں بنتے۔

    انہوں نے یہ بھی کہا تھا کہ بیانات اور باتیں کرنے سے بھی ڈیم نہیں بنتے، ملکی مسائل کا تعلق پیسے سے نہیں بلکہ نظام ٹھیک کرنے میں ہے، ہم عدالتوں کا احترام کرتے ہیں۔

    خیال رہے کہ گذشتہ ہفتے شاہد خاقان نے کہا تھا کہ بلدیاتی نظام تبدیلی آتی رہتی ہے، نئی حکومت اگر تبدیلی کرے گی، تو دیکھیں گے، نوازشریف اب بھی عوام کے دلوں میں بستے ہیں۔