وفاقی وزیراطلاعات ونشریات سینیٹرپرویز رشید نے کہا ہے کہ بندوق کے ذریعے کسی ایجنڈےکانفاذہرگزقبول نہیں ہے۔
ان کا کہنا تھا کہ جمہوریت اور دہشت گردی دو متضاد چیزیں ہیں ، عدالتیں جمہوریت بچانے اور دہشت گردی کے خاتمے کے لئے کام کررہی ہیں۔
افغانستان سے متعلقہ امور کے حوالے سے گفتگو کرتے ہوئے ان کا کہنا تھا کہ ہمیں کابل کا امن بھی اتنا عزیز ہے جتنا اسلام آباد کا امن عزیز ہے۔
انہوں نے کہا کہ پاکستان اور افغانستان دہشت گردی کی جنگ مل کر لڑیں گے کیونکہ امن اس خطے کا مشترکہ اثاثہ ہے۔
پرویز رشید کا کہنا تھا کہ ہمارا واسطہ بندوق کے زور پر اپنا ایجنڈا نافذ کروانے والے عفریت سے پڑا ہے لیکن ہم کسی کو زور زبردستی کا نظام مسلط نہیں کرنے دیں گے۔
انہوں نے یہ بھی کہا کہ ماضی میں فوجی عدالتیں سیاسی انتقام لینے کے لئے بنائی گئیں تھیں۔
