ممبئی: بھارت کے شہر ممبئی میں موسلادھار بارش کے بعد پیدا ہونے والی سیلابی صورت حال میں پانی نکالنے کے لیے ’اسپائیڈر مین‘ کو سڑک پر آنا پڑ گیا۔
تفصیلات کے مطابق بھارت کے شہر ممبئی میں تیز بارش اور سیلاب کے بعد سڑکوں پر پانی جمع ہو گیا، جس کی نکاسی کے لیے ایک اسپائیڈر مین سڑک پر نکل آیا۔
اسپائیڈر مین کے کاسٹیوم میں ایک شخص کی سڑک پر جھاڑو اور وائپر کے ذریعے نکاسئ آب کی کوشش کی ویڈیو سوشل میڈیا پر وائرل ہو گئی ہے، لوگوں نے ویڈیو شیئر کرتے ہوئے مزاحیہ تبصرے کیے۔
اس ویڈیو کو 20 لاکھ سے زیادہ ویوز مل چکے ہیں، سوشل میڈیا صارفین نے اس شخص کو ’ممبئی کا اسپائیڈر مین‘ قرار دیا، اور بہت سے لوگوں نے متاثرہ علاقے میں نکاسی آب کو بہتر بنانے کی کوششوں پر ہلکے پھلکے تبصرے شیئر کیے۔
امریکی ریاست کیلی فورنیا کے ڈزنی لینڈ میں ایک شو کے دوران خوفناک حادثہ پیش آیا جس میں ایک روبوٹ عمارت سے ٹکرایا اور شیشے توڑتا ہوا نیچے آ گرا۔
کیلی فورنیا کے ڈزنی لینڈ میں نئے کھولے گئے اوینجرز کیمپس کو اس وقت عارضی طور پر بند کرنا پڑا جب وہاں ایک ناخوشگوار واقعہ پیش آیا۔
کیمپس میں ایک شو پیش کیا جارہا تھا جس میں اوینجرز ایکشن میں دکھائی دینے والے تھے، اس کے لیے قد آدم روبوٹ تیار کیے گئے تھے۔
شو میں اسپائیڈر مین کی انٹری ہوا میں قلابازیاں لگاتے ہوئے ہوئی جس میں اسے اپنے جال کے ذریعے چھلانگیں لگاتے ہوئے عمارت کی چھت پر لینڈ کرنا تھا۔
لیکن کسی خرابی کی وجہ سے روبوٹک اسپائیڈر مین ہوا میں اڑتا ہوا آیا اور چھت پر لینڈ کرنے کے بجائے عمارت سے ٹکرا کر شیشے توڑتا ہوا نیچے گرا، اس کے ساتھ ہی وہاں موجود لوگوں کی چیخیں نکل گئیں۔
لاس اینجلس : ہالی ووڈ مووی ’’اسپائیڈر مین نووے ہوم‘‘ کا ٹریلر جاری ہونے کے بعد ایک تصویر نے شائقین کو حیرت زدہ کردیا، فلم سترہ دسمبر کو سینما گھروں کو رونق بخشے گی۔
مذکورہ فلم رواں برس ریلیز کے لیے تیار ہے ” اسپائیڈر مین نو وے ہوم” کی منظرعام پر آنے والی تصویر نے شائقین کی دلچسپی میں مزید اضافہ کردیا۔
اس مرتبہ ٹام ہالینڈ اپنی اداکاری کے جوہر دکھاتے ہوئے سپر نیچرل ہیرو کا کردار ادا کریں گے اور دنیا کو برائی سے بچانے کے لیے اپنی طاقت بروئے کار لائیں گے۔
تاہم اسپائیڈر مین فلم سیریز کے چاہنے والوں کو حال ہی میں مبینہ طور پر لیک ہونے والی ایک تصویر نے چونکا دیا۔ سوشل میڈیا پر زیرگردش اس تصویر میں ایک نہیں بلکہ تینوں اسپائیڈر مینز کو دیکھا جاسکتا ہے۔
اسپائیڈر مین-1، اسپائیڈر مین-2 اور اسپائیڈر مین-3 میں جلوہ گر ہونے والے ٹوبی میگوائر کے ساتھ ساتھ دی امیزنگ اسپائیڈر مین-1 اور دی امیزنگ اسپائیڈر مین-2 میں مرکزی کردار نبھانے والے اینڈریو گارفیلڈ کو بھی تصویر میں دیکھا جاسکتا ہے۔
تصویر کے مطابق تینوں اسپائیڈر مین ایک ہی فریم میں دکھائی دے رہے ہیں اس میں تینوں ہیروز کسی کروز شپ پر ایکشن سین کے بعد دکھائی دے رہے ہیں۔
اس تصویر میں غور کیا جاسکتا ہے کہ ٹوبی میگوائر کے بال گزشتہ فلموں کے مقابلے میں چھوٹے ہیں اور اسی کو مدِنظر رکھتے ہوئے یہ امکان ظاہر کیا جارہا ہے کہ یہ تصویر حقیقی ہے۔
واضح رہے کہ فلم اسپائیڈر مین نو وے ہوم رواں برس دسمبر کے مہینے میں سنیما گھروں میں نمائش کیلئے پیش کی جائے گی۔
کامک بک کردار اسپائیڈر مین کی نئی فلم اسپائیڈر مین: نو وے ہوم کے ٹریلر نے 24 گھنٹوں میں 35 کروڑ 55 لاکھ ویوز لے کر نیا ریکارڈ قائم کر لیا اور ایونجرز کے تمام ہیروز کو شکست دے دی۔
اس سے قبل یہ ریکارڈ سنہ 2018 میں سائنس فکشن فلم اوینجرز: اینڈ گیم کے ٹریلر کے پاس تھا، جسے ایک دن میں 29 کروڑ 90 لاکھ بار دیکھا گیا تھا۔
اسپائیڈر مین کی نئی فلم کی جھلکیاں کافی عرصہ قبل ہی جاری کر دی گئی تھیں مگر 24 اگست کو اس کا پہلا ٹریلر جاری کیا گیا ہے، جو مداحوں کو اپنی طرف کھینچنے میں کامیاب ہوگیا۔
اسپائیڈر مین: نو وے ہوم کے ٹریلر کی جانب سے ایونجرز اینڈ گیم کے ٹریلر کا ریکارڈ توڑنے کے بعد خیال کیا جا رہا ہے کہ ممکنہ طور پر مذکورہ فلم کمائی کا بھی نیا ریکارڈ بنائے گی۔
ایکشن اور تھرل سے بھرپور فلم کو دسمبر میں کرسمس کے موقع پر ریلیز کیا جائے گا۔
اسپائیڈر مین سیریز کی پہلی فلم اسپائیڈر مین: ہوم کمنگ سنہ 2017 میں ریلیز کی گی تھی، جس کے بعد اس کے سیکوئل اسپائیڈر مین: فار فرام ہوم کو 2019 میں اور اب سیریز کی تیسری فلم اسپائیڈر مین: نو وے ہوم کو دسمبر 2021 میں ریلیز کیا جائے گا۔
لندن: برطانوی دارالحکومت لندن کی ایک سپر مارکیٹ میں اسپائیڈر مین کا لباس پہنے ایک شخص نے بلاوجہ لوگوں کو تشدد کا نشانہ بنانا شروع کردیا، پولیس نے 5 مشتبہ افراد کو گرفتار کیا ہے۔
بین الاقوامی میڈیا رپورٹ کے مطابق لندن کی سپر مارکیٹ میں پیش آنے والے اس واقعے میں 6 افراد زخمی ہوئے ہیں۔ واقعے کی ویڈیو بھی بنالی گئی جو سوشل میڈیا پر وائرل ہوگئی اور لوگ اس پر غم و غصے کا اظہار کر رہے ہیں۔
ویڈیو میں دیکھا جاسکتا ہے کہ اسپائیڈر مین کے کاسٹیوم میں ملبوس ایک شخص اندر داخل ہوتا ہے اور عملے کی خاتون رکن کے چہرے پر مکا مارتا ہے۔
The new Spider-Man film looks mad, didn’t think they’d have ASDA down as a filming location for one of the fight scenes though pic.twitter.com/ZbMgoK9MSv
ہم میں سے اکثر افراد کسی نہ کسی شے کے خوف کا شکار ہوتے ہیں جو اکثر اوقات ہمیں پریشانی میں بھی مبتلا کرسکتا ہے، ایسا ہی ایک خوف مکڑیوں کا بھی ہے جسے اریکنو فوبیا کہا جاتا ہے۔
8 ٹانگوں والی یہ مخلوق چاہے جسامت میں چھوٹی ہو یا بڑی اکثر افراد کا دل دہلا دیتی ہے۔ مکڑی کا کاٹا بھی بہت خطرناک ہوتا ہے اور حساس جلد والے افراد اس کے کاٹنے کے بعد الرجی کا شکار بھی ہوسکتے ہیں۔
تاہم کچھ افراد ایسے بھی ہوتے ہیں جو اسے دیکھتے ہی بے تحاشہ خوف کا شکار ہوجاتے ہیں، ماہرین نے ایسے ہی افراد کے لیے خوشخبری دی ہے کہ ایسے افراد صرف 7 سیکنڈ میں اپنے خوف پر قابو پاسکتے ہیں۔
اس طرح کے خوف کو دور کرنے کے لیے ماہرین نفسیات کے پاس جانا اور ان کا علاج خاصا مہنگا پڑ سکتا ہے تاہم اسرائیلی ماہرین نے اس کا نہایت سستا طریقہ دریافت کرلیا ہے اور وہ کچھ اور نہیں بلکہ فلم ’اسپائیڈر مین‘ دیکھنا ہے۔
اسپائیڈر مین جو مکڑی کی طرح بلند و بالا عمارات پر چڑھتا اترتا دکھائی دیتا ہے، اپنے اندر ایک اور خصوصیت رکھتا ہے اور وہ ہے مکڑی کا شکار افراد کو اس خوف سے نجات دلانا۔
اس تجربے کے لیے ماہرین نے اریکنو فوبیا کا شکار دو گروپس کا انتخاب کیا، ایک گروپ کو مارول کی عام فلم دکھائی گئی جبکہ دوسرے گروپ کو اسپائیڈر مین فلم کا 7 سیکنڈ کا ایک منظر دکھایا گیا۔
اس سین میں ایک دفتر کا منظر دکھایا گیا ہے، چند سیکنڈ کے بعد کیمرے کا فوکس بدلتا ہے تو چھت پر بنا ہوا مکڑی کا جالا دکھائی دینے لگتا ہے۔
ماہرین کا کہنا ہے کہ صرف یہ سین دیکھنے کے بعد مکڑی کے خوف کا شکار افراد نے اپنے خوف میں 20 فیصد کمی محسوس کی، اس کے برعکس مارول کی دوسری فلم دیکھنے والے افراد کا خوف جوں کا توں رہا۔
ماہرین کا کہنا ہے کہ یہ طریقہ کار ایک اور خوف مرمکوفوبیا میں بھی کمی کرسکتا ہے جو چونٹیوں کا خوف ہے۔ اس مقصد کے لیے فلم ’آنٹ مین‘ کا ایک منظر دکھایا جاتا ہے، اس تجربے کے نتائج بھی یکساں موصول ہوئے۔
ماہرین کے مطابق یہ طریقہ کار ایکسپوژر تھراپی جیسا ہے، جس میں لوگوں سے کہا جاتا ہے کہ انہیں جس چیز کا خوف ہے وہ اس شے کا زیادہ سے زیادہ سامنا کریں۔ مثال کے طور پر فضائی سفر سے خوفزدہ افراد کو زیادہ سے زیادہ فضائی سفر کرنے کا مشورہ دیا جاتا ہے۔
ماہرین کا کہنا ہے کہ فی الحال یہ تعین کرنا باقی ہے کہ آیا یہ طریقہ طویل المدتی اثرات مرتب کرسکتا ہے یا نہیں، اور کیا اسپائیڈر مین کی پوری فلم دیکھنے والے افراد پر بھی یکساں اثرات مرتب ہوں گے یا صرف مذکورہ بالا 7 سیکنڈ کا سین دیکھنے والے ہی اس سے فائدہ اٹھا سکتے ہیں۔
کیا آپ کو اسپائیڈرمین پسند ہے ؟، اگر ہاں تو اس کا یہ نیا ٹریلر آپ کے لیے ہی تیار کیا گیا ہے، یہ حالیہ سیریز کی دوسری فلم ہے جو رواں سال ریلیز ہوگی۔
سونی پکچرز اور مارول کامکس کے اشتراک سے بننے والی اسپائیڈر مین سیریز کی دوسری فلم ’اسپائیڈر مین – فار فرام ہوم‘ کا پہلا ٹریلر گزشتہ روز جاری کیا گیا تو اسے ناظرین کے ملے جلے تاثرات کا سامنا کرنا پڑا ہے۔
سپر ہیرو فلموں کے شائقین جانتے ہیں کہ اسپائیڈر مین نیویار ک کا ہیرو ہے اور آج تک وہ اپنے شہر سے باہر کبھی نہیں گیا تھا لیکن اب کی بار وہ اپنے گھر سے دور ، یعنی یورپ کے اسکول ٹرپ پر ہے۔
فلم کے ٹریلر میں دیکھا جاسکتا ہے کہ کس طرح اسپائیڈر مین اپنے دوستوں کے ساتھ چھٹیاں منانے یورپ آتا ہے ، جہاں ا س کے خیال میں اسپائیڈر مین کی کوئی ضرورت نہیں ہے ، یہاں اس کی ملاقات نک فیوری سے ہوتی ہے جو کہ ایک امریکی ملٹری اسٹریٹجسٹ ہے اور مارول کامکس میں یہ سپر ہیروز کو دنیا کے تحفظ کے لیے منظم انداز میں استمعال کرتا نظر آتا ہے۔
یہی سے شروع ہوتا ہے فلم میں دھماکے دار ایکشن، ایک جانب تو اسپائیڈر مین یعنی ٹام ہالینڈ اپنی اسکول کی چھٹیاں خراب ہونے پر غمگین ہے تو دوسری جانب اسے کندھوں پر یورپ کو بچانے کی ذمہ داری بھی آن پڑی ہے ۔
فلم میں کچھ بنیادی تبدیلیاں کی گئی ہیں جو کہ ماضی میں اسپائیڈر مین سیریز کا خاصا رہی ہیں۔ سب سے پہلی تو یہی ہے کہ اسپائیڈر مین اپنےگھر بلکہ اپنے ملک سے بھی دور ہے ، دوئم اس فلم میں آنٹ مے کو ایک جواں سال عورت کے روپ میں دکھایا گیا ہے جو کہ جانتی ہے کہ اسپائیڈر مین کون ہے ، ماضی میں ایسا کبھی نہیں ہوا۔
ٹریلر میں اسپائیڈر مین اینی میٹڈ سیریز کا سگنیچر میوزک بھی سنا جاسکتا ہے جو کہ بلاشبہ اسپائیڈر مین کے چاہنے والوں کی دیرینہ خواہش رہا ہے کہ فلم میں شامل ہو۔
اسپائیڈر مین فار فرام ہوم درحقیقت تین فلموں پر مبنی سیریز کا حصہ ہے، اس کاپہلا پارٹ اسپائیڈر مین – ہوم کمنگ تھا۔ فلم میں ون کا کردار ’مسٹیریو ‘ادا کر رہا ہے جو کہ اسپائیڈر مین کا ایک پرانا ولن ہے۔
یاد رہے کہ اسپائیڈر مین کی پہلی فلم سنہ 2002 میں ریلیز ہوئی تھی جس میں اسپائیڈمیں کردار ٹوبی میگوائر نے ادا کیا تھا ، وہ سیریز بھی تین فلموں پر مشتمل تھی اور اسے اب تک کی سب سے کامیاب اسپائیڈر مین سیریز تصور کیا جاتا ہے۔ اس کے بعد رواں دہائی کے آغاز میں انڈریو گارفیلڈ کو ’امیزنگ اسپائیڈر مین‘ بنائی گئی تھی، جسےناظرین کی پسندیدگی کے باوجود آگے نہیں بڑھایا گیا اورامیزنگ اسپائیڈر مین ٹو کے بعد اس پر مزید فلمیں نہیں بنائی گئیں۔
یہ فلم پانچ جولائی کو شائقین کے لیے دنیا بھر میں ریلیز کی جائے گی اور یقیناً اپنا بچپن اسپائیڈر مین اینی میٹڈ سیریز دیکھتے ہوئے گزارنے والے اس کا بے صبری سے انتظار کریں گے۔
ہالی وڈ:2016 کی سب سے بڑی فلم ’’ڈان آف جسٹس‘ خطرے میں پڑگئی، جی ہاں کیوں کہ اُسی دوران سینما کی اسکرین پرمارول کامکس کا سب سے مشہورہیرو ’اسپائیڈرمین‘ بھی موجود ہوگا۔
تفصیلات کے مطابق ڈی سی کامکس اپنی پہلی متعدد سپرہیرو والی فلم ڈان آگ جسٹس 2016 میں ریلیز کرنے جارہی تھی جس کے مرکزی کردار بچوں کے ہردلعزیزسپرمین اوربیٹ مین تھے اوران کے مقابلے پرتھی ان کی رقیب کمپنی مارول کامکس کی دوفلمیں، ’ایونجرز:دی ایج آف الٹران‘ اور ’کیپٹن امریکہ: سول وار‘۔
مارول کامکس اپنا سب سے زیادہ پسند کیا جانے والا کردار اسپائیڈرمین سونی پکچرزنامی پروڈکشن ہاؤس کے سپرد کرچکا تھا اوراسی وجہ سے ایونجر کے پہلے پارٹ میں اسپائیڈرمین نہیں تھا جس کی کمی شدت سے محسوس کی گئی تھی۔
ڈی سی کامکس کے لئے بری خبریہ ہے کہ سونی پکچرزاورمارول کامکس کے درمیان معاملات طے پا گئے ہیں اور اب مارول کامکس کی آئندہ ریلیز ہونے والے سپر ہیروفلموں میں ’اسپائیڈرمین‘ موجود ہوگا اور امید ظاہر کی جارہی ہے کہ کیپٹن امریکہ میں اسپائیڈر مین مرکزی کردار ادا کرے۔
تبصرہ نگاروں کا کہنا ہے ہے کہ مارول کامکس نے فلمی صنعت میں سے اپنی بہترمنصوبہ بندی کے ذریعے ڈی سی کامکس کی اب تک کی سب سے زیادہ انتظار کی جانے والی فلم کو مکڑی کے جالے میں لپیٹ کررکھ دیا ہے۔
سونی پکچرز اور مارول کامکس نے 2017 کے وسط میں نئی اسپائیڈرمین سیریز شروع کرنے کا بھی اعلان کردیا ہے
