واشنگٹن : وائٹ ہاؤس کے ترجمان جوش ارنسٹ کا کہنا ہے کہ امریکی صدر براک اوباما جلد ہی وینزویلا پر مزید پابندیاں عائد کرنے کے بل پر دستخط کرینگے۔
واشنگٹن میں میڈیا بریفنگ کے دوران جوش ارنسٹ نے بتایا کہ امریکی حکومت وینزویلا میں ہونے والے انسانی حقوق کی پامالی پر خاموش نہیں بیٹھ سکتی، حکومتی ترجمان کا کہنا تھا کہ وینزویلا میں اپوزیشن مخالف اقدامات پر خاموش رہنا جمہوری اقدار کے منافی ہے ۔
رواں سال فروری میں وینزویلا میں حکومت مخالف مظاہرین کے خلاف طاقت کا بے دریغ استعمال کرنے پر امریکی سینٹ اور ایوان نمائندگان پہلے ہی وینزویلا کی حکومت کے خلاف قانون سازی کی منظوری دے چکے ہیں۔
