واشنگٹن : امریکا نے کہا ہے کہ ممبئی حملے کے مرکزی ملزم ذکی الرحمان لکھوی کی ضمانت پررہائی کے حکم کا جائزہ لے رہے ہیں۔
واشنگٹن میں ہفتہ وارمیڈیا بریفنگ میں امریکی محکمہ خارجہ کی ترجمان جین ساکی نے کہا کہ اسلام آباد ہائی کورٹ کی جانب سے ممبئی حملے کے مرکزی ملزم ذکی الرحمن لکھوی کی رہائی کے حکم کا جائزہ لے رہے ہیں۔
انکا کہنا تھا کہ پاکستان پر زور دیا ہے کہ وہ ممبئی حملے کے ملزمان، ان کومالی مدد فراہم کرنے والوں اورضمانت دینے والوں کوانصاف کے کٹہرے میں لانے میں تعاون کرے۔
جین ساکی نے کہا کہ ذکی الرحمن کیخلاف جاری قانونی کارروائی کے نتائج کے بارے میں کچھ نہیں کہا جاسکتا۔
