لاہور: پاکستان کرکٹ بورڈ نے پی ایس ایل 7 کے لیےکمنٹری پینل کے کہکشاؤں کا اعلان کردیا ہے۔
تفصیلات کے مطابق نک نائٹ اور مائیک ہیزمین پہلی بار پی ایس ایل میں کمنٹری کی ذمےداریاں سرانجام دینگے، مائیک ہیزمین حال ہی میں جنوبی افریقا کرکٹ ٹیم کے دورۂ پاکستان اور نیشنل ٹی ٹوئنٹی کپ میں بھی کمنٹری کرنے پاکستان آچکے ہیں۔
انگلینڈ کے سابق کپتان اور موجودہ کمنٹیٹر ڈیوڈ گاور پی ایس ایل میں دوسری مرتبہ کمنٹری کرنے آرہے ہیں، وہ کراچی میں کھیلے جانے والے لیگ کے پہلے مرحلے میں کمنٹری کریں گے۔
نیوزی لینڈ کے سابق فاسٹ باؤلر ڈینی موریسن قذافی اسٹیڈیم کے کمنٹری باکس میں موجود ہوں گے جبکہ زمبابوے کی معروف آواز پومی ایمبینگوا بھی لیگ کے پہلے مرحلے کے لیے دستیاب ہوں گے۔
اس کے علاوہ پاکستان کےسابق کرکٹرز اور ممتاز کمنٹیٹرز بھی کمنٹری باکس کاحصہ ہونگے، سابق کھلاڑیوں وقار یونس،بازید خان، ثناء میر، عروج ممتاز، مرینہ اقبال کے علاوہ اردو کمنٹری میں پاکستان کی موجودہ پہچان طارق سعید بھی لیگ میں کمنٹری کے فرائض انجام دیں گے۔
پی ایس ایل 7 میں ایرن ہالینڈ کی بحیثیت پریزنٹر لیگ میں واپسی ہوئی ہےجبکہ زینب عباس اور سکندر بخت کی جوڑی پری میچ اور پوسٹ میچ شوز کی میزبانی کرے گی۔
ایونٹ کی کوریج کے دوران 30 ایچ ڈی کیمروں کا استعمال کیا جائے گا، اس دوران دنیا بھر موجود ناظرین کے لیے بگی اور ڈرون کیمرے کےذریعے کرکٹ کے خوبصورت اور دلکش مناظربھی عکس بند کیے جائیں گے۔
ٹیموں کو دو گروپوں میں تقسیم کیا گیا ہے، پاکستان سپر 12 کے لئے کوالیفائی کرچکا ہے اور وہ گروپ 2 میں شامل ہے، اسی گروپ میں روایتی حریف بھارت بھی شامل ہے، دیگر ٹیموں میں بنگلہ دیش، جنوبی افریقہ موجود ہیں، گروپ ون میں آسٹریلیا، نیوزی لینڈ، انگلینڈ اور افغانستان شامل ہیں۔
قومی کرکٹ ٹیم کے کپتان بابر اعظم کی شاندار کارکردگی کے سبب آئی سی سی نے اپنی ون ڈے اور ٹی ٹوئنٹی فارمیٹ کی ٹیم کا کپتان مقرر کیا، سال بھر اپنی بلے بازی سے جادو جگانے کے سبب بابر اعظم نے یہ اعزاز اپنے نام کیا۔
